مشكلة الوحم جننتني ساعدوني

[مشكلتي]

صباح الخير

علابالي رح تضحكو بزاف بزاف كي تقراو مشكلتي ،، لي يسمعها يموت بالضحك وأنا كي يضحكو مرات نبكي نحس بلي مشكل ماعندوش حل

وحمي غريب ، 50 % منكم علابالو وشنو هو الوحم ، أنا حامل وعندي شهرين حمل وتمر عليا حالات غريبة
راجلي غاضني مسكين كل مرة يخرج معايا يندم
المشكل أني نتوحم على أكل الطلالبة *المتسولين* كلما نفوتو على طلابة أو طلاب ويكون ياكل نقولو قولو ربي يعيشك يمدلي شوية سخفت على وش راه ياكل
وراجلي يخاف الجراثيم وموسوس بزاف وطيحو ربي في مرة تتوحم على ماكلة الطلالبة ههههههه
ربي يخليكم قولولي كيفاش ندير
راني نورمال ولا لازمني نعالج ولا كيفاه ، عجوزتي وماما قالولي راكي نورمال بصح انا ماظنيتش بلي حاجة عادية
سامحوني طولت في مشكلتي
لكن مني أجمل تحية
:regards01:

 

[حكيك]

رد: مشكلة الوحم جننتني ساعدوني

تم الاعتماد

 

[Ma$Ter]

رد: مشكلة الوحم جننتني ساعدوني

السلام عليكم ورحمة الله
اختى هى صح ما تصلحش انك تاكلى من اكل تاع المتسولين
ليس تكبر او احتقار لتلك الفئة هنا اتكلم على النضافة والوقاية
لازم تتحكمى فى روحك او ما تزيديش تخرجى
//

واقرى هذا الكلام
احس انو قاسى شوى عليكم بصح تامليه
//


هل الوحم عند النساء حقيقة ام مجرد خيال ووهم ؟

الجواب :
الوحم معروف في اللغة وهو ما تشتهيه المرأة الحامل كما ذكره صاحب " الصحاح" صاحب "" النهاية"" و صاحب " مقاييس اللغة " وغيرهم .

لكن المعنى الذي يصوره الناس لنا اليوم ان المرأة الحامل المشتهية لشيء اذا لم يلب طلبها وتسد شهوتها فان المولود يخرج من جسده صورة الشيء المشتهى ؛


ولا اعلم في الشرع شيئا عن حقيقة هذه الصورة المعطاة ؛ او في مدى صحته بخبر منقول ؛ وانما هو معروف على السنة النساء ؛


واذا سلمنا جدلا فلا يخفى انه اذا ترتب من عدم إرضاء ما تشتهيه المرأة مفسدة لزم دفعها بتحقيق رغبتها فيما تشتهيه عملا بقاعدة :" درء المفاسد اولى من جلب المصإلح " ؛


اما اذا لم ينتج عن ذلك اي مفسدة فلا يسع تقرير حكم الوجوب على تلبية ما تشتهيه الا على وجه التحابب ؛


اذا لو كان واجبا لكان وجوبه معلوما في الدين و لبينه النبي صلى الله عليه وسلم بيانا عاما شافيا يقطعه مع العذر ؛


لان الحاجة تدعو اليه وتعم به البلوى ؛ و كل ماكان فيه مفسدة على العباد فالنبي صلى الله عليه وسلم قد حذرنا منه وبين ذلك تمام البيان ؛


فقد بلغ الرسالة وادى الامانة ؛ وقد قال تعالى"" اليوم اكملت لكم دينكم و اتممت عليكم نعمتي ورضيت لكم الاسلام دينا ""

وقد شهدت له الامة على انه بلغ الرسالة وادى الامانة على اتم وجه لما قال"" الا هل بلغت

قالوا : نعم ؛ قال اللهم فاشهد ؛ فليبلغ الشاهد منكم الغائب""

المصدر
كتاب : 40 سؤال في احكام المولود
فضيلة الشيخ الدكتور : محمد علي فركوس


​

 

[YAHIA S]

رد: مشكلة الوحم جننتني ساعدوني

السلام عليكم ورحمة الله وبركاته
كاين الى تتوحم على اكل كاين حتى تتوحم على راجلها
اتقولوا ريختك في دار مش حابتها
تلحق حتى اخرج راجلها من غرفته بسبب ريحته تتظايق منها
عادي اختي الوحم لكن يجب برك تتفكري روحك و اشدي روحك
ليس اي حاجة اتشوفيها تتسخفي عليها لانها سوف تخرج في
اين الذي في بطنك عندما يولد​

 

[hasnaaa]

رد: مشكلة الوحم جننتني ساعدوني

سلام اختي و ربي يتمم حملك على خير
حبيت نقولك حاجة هي انو مكانش منها اللي يقولك اذا توحمت امراة على حاجة و ما كلاتهاش تخرج في البيبي درت بحث شامل في الانترنت ما لقيت حتى معلومة مثبتة علميا لاني انا تاني كنت نتوحم و كنت كي نخرج برا و نشوف ناس ولا لي جون ياكلو سندويشات نسخف بصح مانقدرش نقولهم اعطوني خفت على البيبي على بيها حوست في الانترنت و كي ما لقيت حتى معلومة تثبت وليت نعفس على قلبي حتى ننساها هي سي نورمال اي امراة حامل تولي تسخف على حوايج و لا تكره حوايج و الله اعلم

 

[JAWHARA25]

رد: مشكلة الوحم جننتني ساعدوني

SALEM OKHTI MASALAT ALWAH 3IND ALMARA ALHAMIL 3ADIYA JIDAN TKOUN BISABAB TAGAYR ALHARMOUNAT . KADRA TKOUN MAKLA ZOUJEK ..... LKIN LA Y3NI ENEK LAZEM TAKLIHA WLA TEKHREJ FI BNEK LALA ... GIR LA HATITIHA FI GELBAK ANA SKHEFT 3LA BOUZELOUF W MA KLITOUCH . DORK BNI RAW NORMAL ... S3IBA BAH TAKLI MAKLA TA3 ATALABA MSAKEN .(rabi y"inhom) gadra tkoun machi mdifa W TEMRDI TANI TWALI FI MECHKEL WAHD AKHER ... HAWLI MATEKHRJICH HATA T3ADI HAD ALMARHALA / RABI YTAMEM 3LA KHIR

 

[عاشقة رضا الله]

رد: مشكلة الوحم جننتني ساعدوني

الله يجيب البيبي على خير اختي و تولدي بالسلامة

 

[ليليا مرام]

رد: مشكلة الوحم جننتني ساعدوني

السلام عليكم اختي
الف مبروك حقيقة والله تبسمت مش ضحكت غاضني راجلك مسكين
هي فالحق نورمالو يقولو الوحدم يخرج فالطفل لكن أختي إنت خمي من باب النظافة يعني المتسول وأغلبهم يرقدو برا وما عندهمش بيوت وأكثرهم يكونو موسخين يعني اختي خمي كيفاه تاكلي ماكلة يمسها بيدو وواش عارفة بلاك عندو مرض او بكتيريا خطيرة خمي فوليدك لما تاكلها واش راح يكون مصيرو وإنت
من رأي شوفي لما وصلت لهذي ما تخرجيش من الدار حتى يمر الوحم وما تفكريش فيهم ولما تتفكري ديري في بالك اكلة أخرى كعوض ونوضي كوليها مهما كانت حامضة حلوة مهما كانت المهم ديري في بالك حاجة تعوضي بيها والأحسن زوجك ما يخرجكش للشارع فعلا وحكمك غريب
ربي يقدرك

 

[ماكانش]

رد: مشكلة الوحم جننتني ساعدوني

روحي بالجمعة للمقبرة تلقاي ماكلات بزاف وتكون نضيفة يجيبوهم للمتسولين لثم
هزي مغرف تكون تاعك وبردي قلبك هههه

 

[lemia23]

رد: مشكلة الوحم جننتني ساعدوني

السلام عليكم
ربي معاك برك اختي وحاولي تحافظي على روحك ميش اي حاجة ديراها
ايه صح لوحم صعيب كيما يقولو هههه​

 

[وجع الظلم]

رد: مشكلة الوحم جننتني ساعدوني

والله ضحكتيني
اتخيلت زوجك وخاصة انه موسوس نضافة:d
الله غالب والله الوحم امره غريب
انا قريت مرة على امور الوحم اخطر منك بكثير
تخيلي امرة تتوحم على الاوحال يعني ماء الزيقووات:$ا
اما انت حلك بسيط كما قال الاخ ماستر لا تخرجي من البيت
لان هناك امراض متنقلة وهذا طبعا لا يجوز لانك مسؤولة على كائن حي لآخر
وهو امانة في رقبتك
والله المستعان
تخيلي لو رزقك الله "و ان شاء الله يعطيك وقفة ساهلة على حساب نيتك الطيبة"
تخيلي مولودك يخرج موسوس نضافة مثل والده
وتخبرينه انك توحمتي على اكل الطلالبة
اتخيل موقفه
لان انا كذلك عندي ابن موسوس نضافة
والثاني كيما جات اكلات والله اتمنى ان يكون مولودك مثل الثاني
لان الاول مشكلة وربي معاك
مشكورة على الثقة في منتدانا وهذا التواضع في الحياة
تحياتي​

 

[ahlam02]

رد: مشكلة الوحم جننتني ساعدوني

هههههههههههههههههههههههههههههههههههههههههههههههههههههه والله عندي واش ضحكت الحل تاعك ماتزيديش تخرجي حتى تفوت فترة الحمل ههههههههههههههههههههههههههههه

 

[سلفي والحمد لله]

رد: مشكلة الوحم جننتني ساعدوني

هههههههههه وتبقى المراة كائن غريب يصعب فهمه هههه

 

[!≈[سُِـِيٌــِـِفّ اٌڷِخً‘يٌـرُ]≈!]

رد: مشكلة الوحم جننتني ساعدوني

السلام عليكم

ربي يكون معاكم جميعا يا معشر النساء

اما لمشكلة انتاعك نقلك بلي راكي خير من الف

سمعت من القصص ما يجعلك تحمدين الله على انها جات هكذا

راكي طبيعية 100/100 هذي على طريقة طبق بلفواكه

ههه

المهم ربي معاك

و ربي يرزقك اولاد صالحين

سلام
​

 

[أمــ وليــد الجزائرية]

رد: مشكلة الوحم جننتني ساعدوني

خايفة وليدك يخرج متسول :d


هادي حاجة عادية


متتقلقيش على روحك



ربي يسلكك من هذا الوحم على خير​

 

[hadda0425]

رد: مشكلة الوحم جننتني ساعدوني

اختي الكريمة الوحم ما تقدريش تتحكمي فيه
هذا خارج عن السيطرة قالك سال المجرب لكن مش انك تاكلي من اكل المتسولين لان اكلهم مش نضيف
انت حاولي انك ما تخرجيش برا حتى تكملي وحمك هي مجرد بضع شهور لاغير ويتنحى عليك وتولي عادي
كان نقولك على واه توحمت بولدي لخر كرهت ملعقة تع لينوكس ههههه كي ناكل بيها جيني في ريحة معفنة اعزكم الله
رحت عند ختي لقيت ملعقة تم النيكال تع بكري جبتها ناكل بيها ههههه
​

 

[رحاب ملاك]

رد: مشكلة الوحم جننتني ساعدوني

حبيبتي شوفي رغم اني صغيرة ومش متزوجة إلا انو عندي المام بالموضوع

بالنسبة للوحم امر طبيعي سببه حرارة تصدر من البطن اي من عند الجنين الى الدماغ فيترجمها بإحساس
يعني اما شم او اكل او حتى منظر وغيرها

ممثلا كاين نسا ما يحبوش ريحة الماكلة وكاين نسا يحبوها ونتي جاك الوحم على ماكلة الطلابين وهذا عادي

وما يخفيكش انو الطلاب في وقتنا راه خير مني ومنك خخخخخخ

المهم هذا طبيعي وله اشهر الأولى وبعدها يزول وكاين اللي يبقى معاها حتى تولد
اما بالنسبة اذا ما توفرش علاش تتوحم المرا تخرج فالطفل هذي مكاش منها خلاص
لأنو الأمور ذيك تصرا بعوامل وراثية وماشي غير ما تتشهى وا تجيهاش تخرج فالبيبي
لوكان هاذ الهدرة صح علاش النسا ما يتوحموش على القراية يخرجو ولادهم قاريين

ههههه تقبلي وجهة نظري وما تتقلقيش وما توسوسيش روحك ويماك وعجوزك اولى بالمعرفة لأنهم فاتو بالمرحلة ذي
المهم ربي يتمملك على خير ويرزقك الذرية الصالحة

 

[zagane]

رد: مشكلة الوحم جننتني ساعدوني

صباح الخير

علابالي رح تضحكو بزاف بزاف كي تقراو مشكلتي ،، لي يسمعها يموت بالضحك وأنا كي يضحكو مرات نبكي نحس بلي مشكل ماعندوش حل

وحمي غريب ، 50 % منكم علابالو وشنو هو الوحم ، أنا حامل وعندي شهرين حمل وتمر عليا حالات غريبة
راجلي غاضني مسكين كل مرة يخرج معايا يندم
المشكل أني نتوحم على أكل الطلالبة *المتسولين* كلما نفوتو على طلابة أو طلاب ويكون ياكل نقولو قولو ربي يعيشك يمدلي شوية سخفت على وش راه ياكل
وراجلي يخاف الجراثيم وموسوس بزاف وطيحو ربي في مرة تتوحم على ماكلة الطلالبة ههههههه
ربي يخليكم قولولي كيفاش ندير
راني نورمال ولا لازمني نعالج ولا كيفاه ، عجوزتي وماما قالولي راكي نورمال بصح انا ماظنيتش بلي حاجة عادية
سامحوني طولت في مشكلتي
لكن مني أجمل تحية
:regards01:

السلام عليكم
لازم يشوفليك متسولة مودارن والا الطفل يولد متسول ادا ما كليتيش اكلهم ههههههههههههههههههههههههه

 

[دعاء19]

رد: مشكلة الوحم جننتني ساعدوني

لي ضحكني هي كنتخيل ردة فعل زوجك ههههه
هي فترة عادية المراة حامل كتوحم باشياء بعض المرات غريبة لدرجة لايتقبلها العقل في مرة شفت امراءة تاكل الفحم تصوري
يعني بلا متقلقي حاجة عادية جدا

 

[رهف سعد]

رد: مشكلة الوحم جننتني ساعدوني

ههههههههههههههه ضحكتيني جابلي ربي راكي تبعي في روحك بزاف