ثقتي بنفسي انعدمت

[مشكلتي]

السلام عليكم
انا فتاة متحصلة على شهادات جامعية والحمد لله وعمري 23 سنة
مشكلتي اني اعاني من وزن زائد وهادي مشكلة صدقوني نغصت عليا حياتي وخلاتني معقدة
رغم اني جميلة والحمد لله ومارانيش سمينة بزاف بصح وليت نحس روحي جد بشعة ومانعجب حتى واحد
حتى كي يتكلمو على اللبسة والموضة انا ديما نحس روحي مراة كبيرة مانقدرش نلبس كيفهم ولا نكون جميلة
حاولت ندير حميات بزاف نشيان صح ونولي مليحة بصح شهيتي تزيد تردني لنقطة الصفر
صدقوني كرهت نفسي والله كرهت نفسي
ومؤخرا كاين ناس حابين يخطبوني هاد الانسان مانعرفو مايعرفني بصح يهدرو عليه كل خير وكل الناس تشكر فيه وفاخلاقو
درك راني بزاااف خايفة كي يشوفني نجيه سمينة ومايحبش يرتبط بيا والله هادا واش راني نخمم بيه
صباح عشية و راني نقول مستحيل نعجبو انا سمينة وبشعة رغم ان الناس كامل معجبة بيا وباني الحمد لله
جميلة بصح الان وممكن بفعل مكوثي تاني عامين فالدار مالقيش عمل ولات جيني روحي ........
ثقتي بنفسي 000 وراني نخمم نقولهم ماجيوش لاني علابالي ماش راح نعجبو ويقول سمينة

 

[حسان]

رد: ثقتي بنفسي انعدمت

الاخت الفاضلة

الأخت الفاضلة انت تقولي بانكي جميلة و الناس كلهم معجبين بك و حمد الله
إحساس بعدم الثقة في نفسك و احساس بلوزن زائد و احساس بالكبر هو واسواس لا غير

ان اخطر الامراض هي ان يحس الانسان انه مريض و انه كذا و كذا احساس فقط يزيد يمرض نفسه و يحس بالاحباط حتى ولو لم يكن كذالك سيصبه ما يعتقد

اتوكلي على الله وحده و حافظي على صحتك بالنسبة للرجيم و الرياضة اتحكمي في نفسك
و في مقابل متخميش عيشي حياتك مرفوعة راس مادم راكي جميلة و الناس معجبة بك


​

 

[Ma$Ter]

رد: ثقتي بنفسي انعدمت

السلام عليكم
اختى اولا لى راح يخطب اذا كتبلك ربى تكونى ليه راح تكونى ليه
هاذى حاجة مفروغ من امرها
اما بخصوص الوزن الزائد
تحتاجى ارادة كبيييييييييييرة جدا
والله نعرف واحد +120 كيلو
شفتو بعد سنة ما عرفتوش ممكن 70 او اكثر بقليل
واذا ما قدرتيش تقاومى كولى حوايج لايت مافيهمش سكريات
راه يلبو رغبات جسمك من دون التاثير على الوزن
ربى يوفقك وربى يعطيك ما تتمنى
فى امان الله
​

 

[أم نورس]

رد: ثقتي بنفسي انعدمت

Soubhan allah khti li d3ifa tabki walli smina tabki wali matouassta tal9a haja frouha ou tabki
Choufi khti ana na3raf wahda kanat tddal tdir f r alhimmiat bach tad3af ou hya massminach bazzaf kimma raki tahki 3la rouhak watt3a9datt ou mathabch takhraj khatarch t9oul annass iaddahko 3lya ounahlaflak ballah makanat ssmina bazzaf ou 3andha wahd azzin machalllllllllllllh wa annass ghir chafouha tachki zadou 3liha almouhim hadi attafla d3afat ou raj3at 3andha la taille li kanat habatha
Wallah ya khti ghir mardatch ou raj3at t9oul khsara d3aft ghir kont smina khir hakda manich mliha wannass zadou nadmouha ktar baklamhoum
Alkholasa khti raki mliha kimma rak ahamdi rabi kaian li ma3andhoum la iaddin la rajlin

 

[aljentel]

رد: ثقتي بنفسي انعدمت

الحقيقه انا لاالومك لان الوزن الزائد يعقد الشباب ويجعلهم حبيسي منازلهم كي يتقوا عيون الاخرين ونظراتهم فكيف بالبنات اكيد الوزن الزائد مزعج ومعقد ,, لكن لايجب ان نجعل حياتنا متوقفه لهذا السبب ابدا هذا حرام يجب ان تمارسي حياتك بشكل طبيعي فهناك من هم اكبر منك وزنا ونورمال ... نصيحتي خليكي طبيعيه وقابلي من يتقدم لك ان رغب اهلا به وان لم يرغب الله معه لن تتوقف الحياة عليه ,, والمقسوم سيحصل ..

 

[ماكانش]

رد: ثقتي بنفسي انعدمت

مادام قلتي ماكيش سمينة بزاف يعني الحمد لله
نتي ماعندكش الهمة والصبر برك
تبداي الريجيم ثم ترجعي تاكلي هنا عديمة الصبر والهمة
نعرفهم كانو سماان والله في ظرف 3 شهر 4 شهر نشوفهم شيانو حتى نشك بلي مراض
ديري الريجيم تاعك والتازمي بيه واصبري على الماكلة يكون واش يكون بربي تنقاصي
وديري فبالك بلي العربي يشتي السمينة ....
​

 

[وجع الظلم]

رد: ثقتي بنفسي انعدمت

والله تذكرت مثل جزائري مضحك
لاطاي حوتة والوجه يخلع الموتى
اذا انت تنظرين الى نفسك على انك بشعة فكيف تلومين الغير
الجمال ليس شكلا فقط بل ثقة بالنفس
احيانا ننظر الى فاكهة قشورها بشعة لكن ثمارها حلوة
الثقة بالنفس لا تبنى عن الجمال وحده
ومن يضمن لك ان هذا الشخص الخاطب سيعجبكي
ربما ستجدين فيه الف عيب وعيب
لا ادري جامعية وتفكيرك هكذا شيء غريب
لان من المفروض ان الجامعة لا تتعلمين العلم فقط
بل نتعلم معنى الانسانية معنى الحياة
وهل الزواج في نظرك يبنى على الجمال فقط؟
هل انت دمية سيلعب بها الرجل؟او قطعة اثاث ستوضع للتزيين
يا اختي اذا كانت هذه هي نظرتك لنفسك قبل الزواج
فانصحك ان تتثقفي جيدا في مفهوم الزواج
اما بالنسبة لزيادة الوزن فالحل في يدك والمشكلة فيك
اكثري من شرب الماء والرياضة
لا تجلسي كثيرا امام المسلسلات لان هؤلاء هم الذين يوسوسون لك
انت تحلمين يا ليتني كنت كفلانة وشعري كعلانة ووووو
لالالالالالالالالالالالالالالالالالالالالالالالالالا
انظري الى نفسك اذا كانت اخلاقك جميلة انت اجمل الجميلات
لان الرجل حقيقة يعشق الجمال لكنه لن يختار الا العفيفة
فشوارعنا مملوءة والحمد لله الا بالجاملات الفاتنات فلماذا لم تتزوجن في رايك؟
لانهن رخصنا جمالهن هذا برخص التراب
فالريش الجميل يا اخيتيي ليس كافيا ليصنع طائرا جميلا
والبيت لا يبنى بجمال المراة والا تهدمت كل بيوت العالم
تحياتي​

 

[رنيم الصمت]

رد: ثقتي بنفسي انعدمت

ياك قلتي مكيش سمينة ياسر انت برك معقدة روحك ...و راكي عارفة بللي المرا المليانة راها لامود؟؟؟
على كل حال كي عدتي حابة تنقصي ديري القلب و الارادة وان شالله تنقصي كيما تحبي
راني مواعدة وحدة في المنتدى باش نجيبلها نظام غذائي ينقص الوزن ناجح جدا و مجرب من طرف ناس نعرفهم و جاب نتيجه مليحه ان شالله كي نلقاه راني نحطو ​

 

[السلطانة]

رد: ثقتي بنفسي انعدمت

وعليكم السلام
جربي تبدلي حياتك
مثلا تبداي بروغرام
تنظمي ماكلتك مع ريجيم
ورياضة
كاين في النت بزاف حاجات تقدري تستفادي منهم حوسي برك
ديفوا الروتين يزلزل ثقة الانسان بروحو
مالازم عليه غير يعاود يبروغرامي حياتو من جديد
وربي يوفقك
​

 

[راضية حامدة]

رد: ثقتي بنفسي انعدمت

السلام عليكم و رحمة الله
بالعقل على نفسك يا اختي
تقولي الناس تشوفك جميلة و انت تشوفي في روحك بشعة
نقولك حاجة وحدة
الاحساس لي تحسي بيه انت هو لي يخلي الناس تحس بيه
و انت في قرارة نفسك عارفة نفسك جميلة
اما عن الكيلوات الزائدة مش نهاية العالم اذا حاولتي شوي تخفضيهم اذا صح كانو منقصين من جمالك رغم اني لا اظن ذلك
مازلت صغيرة الدنيا قدامك ابتسمي لها باش تتبسملك
ماكانش حاجة في الدنيا تخلي الواحد يحزن كل شي بيد ربي
شوفي روحك في المرايا و شوفي الامور الجميلة فيك ابتسامتك , ضحكتك , حاولي تكوني ديما الاجمل هكا كيما راكي شوفي نفسك بعيون الجمال تلقايه فيك صدقيني
خممي في المستقبل في العمل و الزواج و النجاح و حاولي ديما تكوني الاحسن
اتقبلي حالك و في نفس الوقت اعملي باش تحسنيه و انت متاكدة بلي راح تنجحي و تقضي على هذه الكيلوات الزائدة

اما الخاطب لي راه جاي اذا استقبلتيه بابتسامة مشرقة و ثقة بالنفس و خفة ظل رح ما يشوفش وش راكي تشوفي انت

بالتوفيق حبيبتي ربي يسهل

 

[ROUAKIMOURAD]

رد: ثقتي بنفسي انعدمت

السلام عليكم
انا فتاة متحصلة على شهادات جامعية والحمد لله وعمري 23 سنة
مشكلتي اني اعاني من وزن زائد وهادي مشكلة صدقوني نغصت عليا حياتي وخلاتني معقدة
رغم اني جميلة والحمد لله ومارانيش سمينة بزاف بصح وليت نحس روحي جد بشعة ومانعجب حتى واحد
حتى كي يتكلمو على اللبسة والموضة انا ديما نحس روحي مراة كبيرة مانقدرش نلبس كيفهم ولا نكون جميلة
حاولت ندير حميات بزاف نشيان صح ونولي مليحة بصح شهيتي تزيد تردني لنقطة الصفر
صدقوني كرهت نفسي والله كرهت نفسي
ومؤخرا كاين ناس حابين يخطبوني هاد الانسان مانعرفو مايعرفني بصح يهدرو عليه كل خير وكل الناس تشكر فيه وفاخلاقو
درك راني بزاااف خايفة كي يشوفني نجيه سمينة ومايحبش يرتبط بيا والله هادا واش راني نخمم بيه
صباح عشية و راني نقول مستحيل نعجبو انا سمينة وبشعة رغم ان الناس كامل معجبة بيا وباني الحمد لله
جميلة بصح الان وممكن بفعل مكوثي تاني عامين فالدار مالقيش عمل ولات جيني روحي ........
ثقتي بنفسي 000 وراني نخمم نقولهم ماجيوش لاني علابالي ماش راح نعجبو ويقول سمينة

وعليكم السلام ورحمة الله
اختى والسمنة مشاء الله عليك رغما انك منشغلة فى التفكير والتخمم الا ان وزنك يزيد نعمة من عند الله
انت مشكتلك الات كما راكى تقولى خايفة انو يخطبك و ممكن يهرب
لا بالعكس ربما هو شفك من قبل ويحب المراءة تكون كما انت ماهى سمينة الى درجة فوق 80 ما تكون وزن الذبابة تحت 50
المهم اختى ثقى فى نفسك وتوكلى على الله

 

[soussou bel]

رد: ثقتي بنفسي انعدمت

السلام عليكم اختي

كاين في الفايسبوك دكتور اسمه الدكتور سعيد حساسين هو تلقي عندو وصفات تخلي الشهية تاعك اقل مما عي عليه الان و عندو

و بما انه عندك ارادة قادرة تنجحي حبيبتي

 

[عفيفة الحبوبة]

رد: ثقتي بنفسي انعدمت

اختي اني نحس انك تخلقي في مشكلة ماكايناش فيك اصلا
و بالاك هاد الحالة النفسية لي راهي عندك هي لي راهي تأثر على صحتك
برأي شوفي في الجوانب الجيدة فيك و ركزي عليها و ارفعي ثقتك بنفسك
و نقولك كلمة مني ليك
شكل الجسم ماهوش كلشي في الزواج
اضربي على اخلاقك و شطارتك
و خليهم يجو يخطبوك و اتوكلي على ربي سبحانه​

 

[YAHIA S]

رد: ثقتي بنفسي انعدمت

السلام عليكم
المهم جمال الروح قبل الجسد
اما عن الزيادة الوزن يوجد من
يفضل ذات اوزان ثقيلة خخخخخ
و كيما اقول لمثل الى احبني يقبلني بخنونتي
كل واحد و ذوقه المهم التربية و اخلاق
موفقة باذن الله
​

 

[علي الفاضلي]

رد: ثقتي بنفسي انعدمت

ما خسرتي والو .......خلي الخاطب يشوفك ..

لربما حتى هو يعاني مثل مشكلتك ...ويقول ياربي اتكون سمينة شوي ...:d

ربي يصلح الاحوال.

الحقيقة ما عندكش مشكل السمنة ... عندك مشكل الثقة والروتين..

ذاك هو المشكل الحقيقي. انتبهي.