عقدتي من النظارات

[مشكلتي]

الموضوع الاصلي
عقدتي من النظارات

لسلام عليكم ورحمة الله تعالى وبركاته
بغيت نقولكم صحيتو على الردود وبارك الله فيكم ..
انا مانيش حابة تروحلي العقدة على الصحاب لالا بالعكس انا قصدت صحاباتي على الاقل كانو يسمعو كلام شباب عكس ماكنت نسمع انا
انا بغيت تروحلي على خاطرش كرهت تع الصح بغيت نخرج كيفي كي لبنات نشري ندور ونشوف مش على جال حاجة مش مليحة والله
بغيت نحس روحي كيما لبنات مش حتا يخرجوني دارنا ولا مانخرش نروح عند صحاباتي كيما يجو عندي ونشري وحدي وش يخصني
هاد العقدة متعبتني بزاف معنديش ثقة في نفسي مالقري مايخصني والو حتى شكلي راه مقبول درك والحمد لله على جال هادي قلتلكم كيفاه نرد ثقتي في نفسي
ومارسي ليكم​

 

[حكيك]

رد: عقدتي من النظارات

تم الاعتماد

 

[YAHIA S]

رد: عقدتي من النظارات

السلام عليكم

اختي ناس كامل تمشي بنظارات

انا و نمشي بنظارات مساعدة و نرومال

و اذا كان مرض راه يتعالج

كاين بزاف كانوا عينيهم 4 و 3 و عندهم الحول من هم 3 سنين

كي وصلوا لل22 سنة و لا 23 سنة اجروا عملية على عينيهم و نزعوا نواظر نهائيا

و عايشين بلا بيه

المهم مش في نواظر ولا في شكل المهم في شخصية

ساعات اتكون فتاة فاتنة و جميلة جدا لكن اول ما تتكلم اتقول اتولي قنفود قدامك حشا خليقة ربي

لانها اخلاق و مبادئ و القيم و دين و فضيلة و حكمة قبل الشكل

فالموضوع و مضمون يهرم الشكل​

 

[حكاية قمر]

رد: عقدتي من النظارات

هدا راجع ليك لازم تتقتني بلي من حقك تعيشي وحتى واحد ماعندو الحق باه يحرمك من حريتك لا بنظراتهم ولا بهدرتهم ادا درتي على ناس راه ما يعجبهومش العجب ولا صيام في رجب
لذلك ديري حاجة وحدة في بالك الحياة مرة وحدا عيشها كما تحبي وكا ترضي ربي
تحيلتي ليك
​

 

[zagane]

رد: عقدتي من النظارات

السلام عليكم
انا حاب نسقسيك كي تشوفي روحك في المرايا
تشوفي روحك دايرا نواضر ولا لا
ادا هاديك هي انت راكي بلا نواضر
اخرجي وديري في بالك الصورة لي شفتيها في المرايا تتنحا ليك هاديك العقدة بركي ما تهبلي فينا هههههههههههههههه بسيف دايرا نواضر ولا كيفاش

 

[روز]

رد: عقدتي من النظارات

السلام عليكم

المشكلة نتاعك مش النظارات
المشكلة الإنطواء لي صرالك من ورا السنوات لي كنتي فيها بالنظارة
يظهرلي انك انسانة حساسة جدا وتأثر فيك انطباعات لي حولك
المفروض هنا العائلة نتاعك توقف معاك ودعمك نفسيا وتقويلك ثقتك بنفسك
ويحاولو معاك بالشوي بالشوي حتى تولي تخرجي وحدك بلا ضعف وخوف
أنا شخصيا نفضل لو توجهت لاي طببة نفسية هي لي رايحة تقنعك وتفهمك
لان نتي الآن محتاجة لي يعمل معاك جلسات تنحلك هذ الخوف وهذ الانطواء وعدم الثقة

وإذا لا حاولي مع نفسك ابداي اخرجي لأماكن قريبة من البيت وحدك وارجعي وحدك
وامبعد حاولي تخرجي تشتري اي شي وتتواصلي مع البائعين بطريقة عادية
ونتي برا حاولي تنساي فكرة النظارة والخجل تفكري اي ش دراستك صديقاتك
أوحوايج صرات أو أمور راكي حابة تعمليها أو تشريها
حاولي تفكري دايما في امور تشوفها مهمة
وكل ماجات فكرة النظارة وعقدة النظارات
اطردي الفكرة من راسك وفكري بسرعة في شيء مهم عندك وركزي فيه
حاولي تتجملي في البيت غيري قصة شعرك اهتمي ببشرتك
وأمور مثل هادي رايحة تخليك تشوف روحك أجمل في المرآة وتبداي تنساي النظارة

يلزم تصبري على نفسك وديري في بالك انك تقدري وهاذا شيء انتي اكبر منو ماتخليهش يتغلب عليك
نتي قوية ومادام قدرتي تكتبي الموضوع وعاودتي عملتي توضيح
يعني انك مصرة باش تتغلبي على حالتك وهذا شيء جميل جدا ويبين انك قوية:up:

 

[أم نيفين]

رد: عقدتي من النظارات

السلام عليكم و رحمة الله و بركاته
نفس المشكلة كانت عندي كي درت النظارات اول مرة ...نشفى درتهم ف السنة ثانية ثانوي يعني مرحلة شوية صعيبة ...
بصح كيما قال الاخ ...كي نشوف روحي فالمرايا نشوف روحي بلا بيهم هههه لازم تقنعي روحك ...حاجة نفسية ...و الحمد تغلبت على المشكل و انا والفتهم و زملائي ثائي و حتى برا ...و ديت الباك تاعي و دخلت الجامعة و نخرج بيهم نورمال.. و نهار جاو شافوني الخطابة مانحيتهمش ...على خاطر قلت لاحبو يديوني بالنواظر اللهم بارك ...و لاكان ماحبوش و تعقدو منهم يروحو ربي يسهل ...ياخي كتب ربي و جا راجلي شافني معاهم و عجبتو و ضرك الحمد لله متزوجة عندي 5 سنين الله يبارك و عندي 2 ذراري و في هاذ المدة كااامل مانحيتهمش دقيقة من عينيا ...لازم نتي تقتنعي اولا باش تخلي الناس لي دايرين بيك يوالفوهم بلا ماتحسي ...
ان شاء الله نكون افدتك اختي ...و اي استفسار و لا سؤال راني خنا حنونة