قسوة امي تقودني للهلاك

[مشكلتي]

السلام عليكم جميعا

علابالي من عنوان مشكلتي رايحين الكل تتفاجؤوا من الموضوع

انا فتاة ابلغ من العمر 20 سنة مخطوبة ولله الحمد
كبرت مع اسرة محافظة الناس كامل يشهدو على حسن اخلاق عايلتي
وحسن اخلاقي لاني تربيت مع 7 رجال و انا طفلة وحيدة

الحمد لله كنا عائلة يضرب بها المثل في القراية والصلاة وتماسكها
المشكلة بدات من زواج اخوتي الاربعة
لسوء الحظ طاحو في بنات مايعرفوش الخير شربولنا الويل
واخوتي كامل ساكتين بكلمة اخرى طحاحنة وللاسف
خروج اخوتي الاربع اثر على امي بزاااف حتى ولات تشوف فينا كامل كيفكيف

عندنا 4 سنين وحنا نعانو مع امي الويلات
لما تخطبت من خطيبي الاول كان بضغط منها هي
وانا كنت احب شخص ثاني وامي محبتش تفهمني
من بعد انفصلت مع خطيبي الاول على جال الانسان لي كنت نحبو والحمد لله جا خطبني

مشكلتي الان تكمن في معاملة امي القاسية لي
بالرغم من اني احبها واحترمها
ولى كلامها جارح ليا وبعد رجوع اخوتي للبيت ولات تحب نساهم عليا انا
لدرجة انها تسبني قدامهم وهوما تهدر فيهم الخير
ومشاكلي مع امي اثرت على علاقتي بخطيبي
امي سمعت بلي كنت على علاقة معاه واني بطلت وتخطبت ليه
راحت قالت لدارنا و زادو المشاكل على راسي
حتى وليت نخمم نعقد قراني مع خطيبي باش نتهنى ونخرج من الدار
مع العلم اني طالبة جامعية والسنة العام التالي ليا
الله يستركم الله يستر عرضكم غير فهموني وش ندير معاها
راني نهار نبكي و ليل نبكي
حتى كي نروح نقول يا امي علاه قوليلي برك واش درت ليك
تقولي اخرجي عليا يا الكلبة
غير فهموني وعاونوني الله يستركم
وادعولي ربي يهديني
​

 

[حكيك]

رد: قسوة امي تقودني للهلاك

تم الاعتماد

 

[ماكانش]

رد: قسوة امي تقودني للهلاك

بزاف أمهات هك مع بناتهم
لا أدري حقيقة ولا البنات ألي يتحسسو بزاف
نتي اصبري وأصبري خير من لا اديري حاجة وتندمي عليها

 

[عفيفة الحبوبة]

رد: قسوة امي تقودني للهلاك

انا نقول بالاك مين نتي طفلة وحيدة بين خوتك تكون جاتها صعيبة تتخلى عليك و ماقدرتش تعبر على مشاعرها
و تاني كي عرفت علاقتك بيه اكيد تحس اللي كدبت عليها
اسمحيلي بصح نعطي لحق لامك
نصيحتي حسني علاقتك معاها قد ما تقدري و اصبري و ادعي ربي يفرج عليك
و قابلي السيئة بالحسنة
و ربي يكون معاك​

 

[راضية حامدة]

رد: قسوة امي تقودني للهلاك

نصيحتي ليك يا اختي انك تديري في بالك بلي ارحم خلق الله بيك هو امك
و اي شي تعملو هي بالنسبة ليها في مصلحتك
و ايضا التربية مش غير حب و حنان بل لازملها كل شيء
ما تتقلقيش من امك ابدا
حاولي تفهميها
و ايضا حنّي عليها
بالكلمة الطيبة و اللمسة و العناق
عبريلها على حبك لانها محتاجاتو
و قلقها هذا لانو راهي حاسة بلي حاجة راهي مقلقتها
حاولي تطمنيها و تراضيها و حذاااااااااااااااار تعاندي و لا تتمردي
راكي مخطوبة معناها مطولة مقصرة رايحة تخليها
خليها ذكريات مليحة ليك

 

[zagane]

رد: قسوة امي تقودني للهلاك

السلام عليكم

امك راهي مغبونة ولازم تفرغ وتفاجي على روحها ماتلقى غير انتي مغلولوبتي يا جارتي
ولازم تتقبلي باش امك ما تمرضش

 

[ام خديجة1]

رد: قسوة امي تقودني للهلاك

اختي الكريمة نصيحتي مهما تكون معاملة امك ليك فهي اللي رباتك وكبرتك زربي والنبي وصاو على بر الوالدين
اصبري على كل شيئ اختي بلاك راه تعاني وخصوصا كي راكي السنة الاخيرة ليك في الجامعة وربما تكون الاخيرة في دار باباكوتروجي لدارك الجديدة راعي شعورها وكبري عقلك وحاولي تتقربي ليها بالاشياء اللي هي تحبها وبالنسبة لي نساء اخواتك ربي يهديهم فهي تتقرب ليهم وعلابالها بلي رايحة تبقى معاهم حاولي تتقربي ليهم وحسني علاقتك معاهم وفي الاخير والله تلقايهم وخصوصا بعد الزواج

 

[رنيم الصمت]

رد: قسوة امي تقودني للهلاك

مسكينة ماماك ... كي شغل تشوكات
بالاك لأنها قلبها ابيض متقدرش تسكت مراوات خاوتك و ترد عليهم و خاوتك مش مبردينلها قلبها من جيهتهم تفرغ فيك انت ..
حاولي اكسبيها في صفك بشويش و قولها مديرش مراوات خاوتك في راسها و قولها بللي تبقاي معاها و في صفها ديما حتى و تتزوجي مش راح تبعدي عليها و ربي يفرج عليكم
اما الخطوبة نصيحتي مطولوش بيها .. مش مليحه مدة الخطبة اطول تصير فيها مشاكل ياسر
ربي يهنيكم

 

[روز]

رد: قسوة امي تقودني للهلاك

السلام عليكم

أنا حاسة أنها لما فارقوها أولادها وتألمت
خافت مرة أخرى تتزوجي وتخليلها فراغ كبير وتزيد تتألم خصوصا انك البنت الوحيدة

وراهي تعامل في نسا خاوتك بلطف لانها تشوف فيهم هوما لي رايحين يبقاو معاها لما تتزوجي وتخليها
يعني تصرفاتها ليست سوى ردة فعل على ماحصل معها

نتي ماتتقلقيش من الوالدة نتاعك حسي بيها واحسني عونها
ماتعمليش الامور لي تنرفزها وساعفيها قد ماتقدري قلها ايه نعم مع حق وخلاص
ماتدخليش في مصدامات معاها ومواجهات
كل ماتحسي انها منرفزة ولا ممكن تقلك اي شي اسكتي
كل لي تعمل فيه خوفا من كي تروحي عليها تحس بالوحدة
على ذيك لاشعوريا راهي تصرف هكذا
الوالدة نتاعك كبراتك ورباتك وصبرت عليك في صغرك وفي مرضك وو
وجا الوقت باش ترجعيلها خيرها غدوة تولي أم وتفهمي
وماتنسايش الجنة تحت أقدام الامهات
ربي يهدي سركم