زواج المغتربين المغشوش

[مشكلتي]

الموضوع الاصلي


زواج المغتربين المغشوش
​

السلام عليكم حبيت نوضح برك انا زوجي تزوجتو زواج تقليدي نعتوني و سقسينا عليهم قالونا ملاح و كي تخطبنا كان يقولي انا صلاتي ما نراطيهاش و نوعدك كي نتزوجو ف الشهر الاول نديك نجيبو عمرة و حتى يماه ما قاتليش الصح كي جات خطبتني قاتلي ولدي راح تعيشي معه ما يخصك حتى خير و هدا هو الشي اللي قاهرني اما لوكان كنت عارفة و قبلت ما يغيضنيش الحال على خاطر انا المسؤولة و نتحمل مسؤولية قراري بصح انا تخدعت يا خاوتي حسبت راني راح نتهنا بصح انا زدت غرقت
يعطيكم الصحة وراني نسنا ردودكم

 

[zagane]

رد: زواج المغتربين المغشوش

السلام عليكم

استعيني بالصبر والصلاة

ادا رايتي ان هدا الزوج مفقود الامل في ان يعود الى الصواب وما زال يخدعك ويخونك ويهينك وكان عقد قرانكم في الجزائر فارفعي عليه قضية خلع مادام عندك معه بنت فسيضمن لك كراء سكن والنفقة وهدا ابغض الحلال واخر حل رغم اني لا اتمناه لان عواقبه وخيمة والله اعلم

 

[aljentel]

رد: زواج المغتربين المغشوش

مافهمت سبب المشكله واس الخديعه التي تتحدث عنها ...
ثم من قال انك وحدك مخدوعه يا بنتي عدي وخربطي كلنا مخدوعون !

 

[ام خديجة1]

رد: زواج المغتربين المغشوش

ربي يصلح اموركم اختي ويفك عليك الازمة اللي راكي فيها
يا اختي النوع هذا عمرو لايتبدل خصوصا اذا راه كبر وترعرع في فرنسا
ربي يهديه ويصلحو والخيرة فيما اختار الله استخيري الله فيه وصلي وادعي ربي ان شاء الله تجدي مخرجا
اصبري شوية بلاك يهديه الله​

 

[روز]

رد: زواج المغتربين المغشوش

السلام عليكم

اختي إن أبغض الحلال عند الله الطلاق ونتي مادام جبتي بنت اصبري ماتخليهاش تعيش بلا اب
الصبر هذا ستأجرين عليه
اذا كانت مشكلة دراهم اعرضي عليه فكرة انك تخدمي
حاولي تخدمي وتلبي طلباتك وخبي دايما شوي دراهم في البنك تحسبا لاي طارىء
قلو راني حابة نخدم ونصرف على روحي ونتا اعمل لي تحبو

حاولي تقعدي معاه قعدة هادئة لما تشفيه مرتاح نفسيا
صارحيه بكل شي وبكل ظنونك بطريقة هادئة فكريه بالخوف من الله
ومن أن اهماله هذا رايح يتحاسب عليه خوفيه من العقاب يلزم تحسسيه بتقصيرو
وبأنك ماعندكش ذنب انو يعاملك هكذا
واعطيه فكرة انك تخدمي تم وشوفي

اما على الولادة اشرحيلو كل ظروفك قلو اني مانقدرش نروح بيت أهلي حاليا ظروفهم ماتسمحش
وانك خايفة تولدي وحدك المفروض يكون معاك في الولادة

هو طلب منك تولدي في الجزائر لان الولادة يلزمها مصاريف وهو الدراهم يحب يصرفهم في بلايص اخرى قنعيه وقلو انك انت الان المسؤول علينا مش أهلي
لان أهلك كملت مهمتهم لم زوجوك ليه وفكريه بوعوده ولي قالولك قبل الزواج
حاولي باي طريقة ترجعيه لطريق الصواب

ماتنسايش اختي تقومي الليل وتصلي الفجر وارفعي يديك للسماء وادعلو بالهداية والصلاح
كثري من الدعاء ولا تيأسي وان شاءلله ماكون غير الخير

 

[ام سحر و لؤي]

رد: زواج المغتربين المغشوش

ما علي الا ان ارفع يدي للسماء داعية المولى عز وجل ان يزيح همك و يفرج كربك و يهدي زوجك

 

[imy_amani]

رد: زواج المغتربين المغشوش

ربي يفرج عليك ويهدي زوجك
ويصرف عنك كل سوء
ويحفظ لك بنتك
وان شاء الله يرجع انسان مليح
ربي يهديه
انتي لازم ما تدعميهش خلااااص في الصوالح اللي ماهمش ملاح
ماتعطيلوش الدراهم وانتي علابالكي وين رايح يصرفهم
راكي تنعدي معاه

في امان الله
​

 

[أم أمين23]

رد: زواج المغتربين المغشوش

لا حول ولا قوة الا بالله في مواقف كيما هكا ما نقدر وما نلقاو ما نقولو بالزاف بنات للاسف غرر بيهم وراحو على عماهم والامر ماشي مربوط بالغربة برك كاين حتى الي تزوجو في البلاد على اساس انو راجل طيب وبالاخير لقاو العكس تماما
انا من رأي تقولي لاهلك كل شيء وشوفي رايهم وادا كان بالامكان انك تخدمي اخدمي وفي فرانسا كاين السوسيال اعاونوك وهديه انك تشكي بيه واهدري مع ماليه وما تخبيش عليه والا ما هداهش ربي ما عليك غير اخر حل انا من رايي الا ما رجعش للطريق الفراق افضل حل حتى لو كان ابغض الحلال ولكنه الحل الاخير ادا لم تنفع باقي الحلول

 

[أم نورس]

رد: زواج المغتربين المغشوش

Rabna ikoun m3aki ya khti hassbouna allah wa ni3ma alouakil 3la koul dalim

 

[Hiba allah]

رد: زواج المغتربين المغشوش

الرجل يحب أن يصرف على إمراته، { هنا يحس برجولته }.
ولو هي اعطته في حين لا يستحق
يستغلها وينقق دلك المال على امراه تستحقه .
هدا ما يحدث معك .

لما تساعدنة ادا كان فالس،
خبي مالك هو من حقك وأولادك
انتي قلت أنك تخبي على اهلو
ادا كان يخاف منهم إستغل هده النقطة لصالحك هدده، بانك ستفضحنة.
سبحان الله في نش تخاف من الناس وماتخافش من ربي سبحانو
لن يهديه إلى من خلقة، قومي الليل ، وادعي ربي يصلح

 

[عفيفة الحبوبة]

رد: زواج المغتربين المغشوش

ربي يهديه و يفرج عليك يا رب
​

 

[YAHIA S]

رد: زواج المغتربين المغشوش

السلام عليكم ورحمة الله وبركاته
ربي اهني سعيد بالسعيدة

 

[full of hope]

رد: زواج المغتربين المغشوش

ana hba ntzawj fi franca wach tanshini