فقط اكتب نعم او لا .

[ليلى الشاوية]

سمعت ان المراة الحامل التي جاءها المخاض وهي على طاولة الولادة تلد ادا طلبت من الله شيئ يتحقق اي ان دعاءها مستجاب.فهل هدا صحيح لانه ادا كان صحيحا اريد ان اطلب من الله الكريم ان يرزق عمي بولد لان عنده 17 سنة لم يلد.

 

[الزهرة الحمراء]

رد: فقط اكتب نعم او لا .

السلام عليكم اختي
والله لا استطيع افادتك نتمنى انك تلقاي لي يفيدك
ويارب يسلكك على خير على طاولة الولادة
ويارب يرزق عمك بالذرية الصالحة يارب

 

[Ŝĥåĥĭйëž Ïķřăмơǖ]

رد: فقط اكتب نعم او لا .

نعم انا سمعت بيها هادي
واختي ثاتي قعدت غير تدعي كي كانت تولد
مخلات تا واحد وسيرتو دوك الفراملة و قاع لي زكرو فيها ​

 

[ليلى الشاوية]

رد: فقط اكتب نعم او لا .

السلام عليكم اختي
والله لا استطيع افادتك نتمنى انك تلقاي لي يفيدك
ويارب يسلكك على خير على طاولة الولادة
ويارب يرزق عمك بالذرية الصالحة يارب

ادعيلي راني خايفة ولدي جاي بالرجلين يعني الزيادة واعرة ما نكدبش عليك راني خايفة

 

[الزهرة الحمراء]

رد: فقط اكتب نعم او لا .

ادعيلي راني خايفة ولدي جاي بالرجلين يعني الزيادة واعرة ما نكدبش عليك راني خايفة

ماتخافيش اختي والله كل ماجاتني فرصة ندعيلك وروحي ربي يسلك على خير ويسهلك امورك ويخرجك منها كي الشعرة من العجين
وربي يجييك طفل بصحتو ان شاء الله ياربي

 

[ليلى الشاوية]

رد: فقط اكتب نعم او لا .

نعم انا سمعت بيها هادي
واختي ثاتي قعدت غير تدعي كي كانت تولد
مخلات تا واحد وسيرتو دوك الفراملة و قاع لي زكرو فيها ​

اييييه عندك حق كي ولدت ولدي الاول الفرملية غير تقول ادعيلي ربي يحفدلي بابا .والله نسيتها كامل.امالا صح لحكاية في بالك:-o

 

[Ŝĥåĥĭйëž Ïķřăмơǖ]

رد: فقط اكتب نعم او لا .

اييييه عندك حق كي ولدت ولدي الاول الفرملية غير تقول ادعيلي ربي يحفدلي بابا .والله نسيتها كامل.امالا صح لحكاية في بالك:-o

كاينة منها واه
انا اختي دعات عليهم بالشر خطرش زكرو فيها بهدلوها منقولك والو منخوفك كي تولدي فكريني نحكيلك
انت ربي يسهلك انشاء الله وتجيك ساهلة ماهلة الزيادة بربي انشاءا لله ​

 

[ليلى الشاوية]

رد: فقط اكتب نعم او لا .

كاينة منها واه
انا اختي دعات عليهم بالشر خطرش زكرو فيها بهدلوها منقولك والو منخوفك كي تولدي فكريني نحكيلك
انت ربي يسهلك انشاء الله وتجيك ساهلة ماهلة الزيادة بربي انشاءا لله ​

لالا الزيادة اتاعي الفايتة جات ساهلة شوية لا ولدت فالدار شربت الزيت من الشهر الثامن عاونتني +الدعاء و قراءة القرآن .امبصح درك شويا راني مقلقة

 

[ام سحر و لؤي]

رد: فقط اكتب نعم او لا .

ايه كاينة منها انا تاني اللي تكون ماشية تولد نقولها تدعيلي باش ربي يرزقني
بالمناسبة دعيلي كي تدعي ل عمك هههه يلا تفكرتي
ربي يسهلك و يجيبلك وقفة ساهلة

 

[نور الحبوبة]

رد: فقط اكتب نعم او لا .

منقدرش نفيدك مي ربي اسلكك على خير متخافيش كتري الحبو السجود اية الكرسي والقران عموما والدعاء بطبعة الحال انا هاك صراتلي مي الحمد لله كثرت السجود اتجيب نتيجة ربي اجيبلك وقفة ساهلة

 

[ЯǾᵯẫḭṧşẰ]

رد: فقط اكتب نعم او لا .

السلام عليكم
ربي يطلعك على خير اختي ويرزقك بالدرية الصالحة والخليقة التامة
على حساب معلوماتي كاين منها
وربي يرزق كل واحد قلبو ف الدراري

​

 

[نبض الحياة]

رد: فقط اكتب نعم او لا .

السلآم عليكم
ربي يجيبلك ساعة خير حبيبة
وربي يتقبل دعاءك ان شاء الله
ويرزقك ذرية صالحة يا رب
​

 

[ليلى الشاوية]

رد: فقط اكتب نعم او لا .

شكررررررررررررررررررررا’’’’

 

[ليلى الشاوية]

رد: فقط اكتب نعم او لا .

ايه كاينة منها انا تاني اللي تكون ماشية تولد نقولها تدعيلي باش ربي يرزقني
بالمناسبة دعيلي كي تدعي ل عمك هههه يلا تفكرتي
ربي يسهلك و يجيبلك وقفة ساهلة

ايييه ايلا تفكرت ندعيلك امبصح اسمك شويا صعيب باه نقولو مع لوجاع:-o:-o:-o هههههههههها

 

[ام خديجة1]

رد: فقط اكتب نعم او لا .

الصلام عليكم ورحمة الله وبركاته اختي ليلى ربي يسهلك ويعطيك وقفة ساهلة حبيبتي وما تتقلقيش واذا الصغير نتاعك برجليه حاولي الاكثار من المشي والحركة باذن الله يدور ويرجع للوضعية طبيعية نتاعو واذكري الله واكثري من الدعاء ربي يوفقك
والشيئ اللي نعرفو ان دعاء المريض مستجاب

 

[ضحکَة خچڸ ღღ]

رد: فقط اكتب نعم او لا .

سلالام
ختي صح هوما يقولو هكداك
ما تخافيش ختي
ان شاء الله ربي يسهلك
وتسلكي بخير
وتجيبينا الطمينة
نوصيك عليك وعلى سورة مريم

ربي يسلكك ختي
وان شاء الله يتربى في عزك
بالبركة عليك
​

 

[ام سحر و لؤي]

رد: فقط اكتب نعم او لا .

ختي ليلى خلاص ماكانش مشكل انا نسهلك الاسم اسمي ياسمينة هه امالا ما عندكش عذر ما تنشكسايش
ربي يجيبلك وقفة ساهلة

 

[ام العرائس]

رد: فقط اكتب نعم او لا .

اختي اولادتها صعيبة مالا كي جيت انزيد وكانت هي تاني قربت. ادعيتلها ربي ايسهللها. كي راحت تزيد جات الطبيبة تشوفها جابت اللبيبي في يدها بلا جهد بصح دعيت لصحيبتي وماتحققتش الدعوه ربي يرزق الجميع وربي ايسهلك

 

[رهف سعد]

رد: فقط اكتب نعم او لا .

كاين منها

 

[anissa 13]

رد: فقط اكتب نعم او لا .

السلام عليكم ورحمة الله وبركاته

انتي قلتي جاوبو بنعم او لا بصح حنا نحبو نفلسفو مانتهناوش حتى نكتبو جرنان هههههه
يقولو مستجابة خاطرش المراة تكون بين الحياة والموت والله اعلم
صراحة انا كي جيت نولد من كثرة لوجع ماتفكرت حتى مادعبتش حتى لنفسي عقلي كان غي فالزيادة والبيبي
ونتي ماتخافيش كاين بعض الاجنة يدورو حتى لآخر لحظة انشاءالله ابنك او بنتك يدور وتولدي عادي يارب
ربي يفرح كل متمنية يارب
​