ارواحو تشوفو واش صرا في كواليس المسابقة بلطورطة عيد اللمة

[أمــ وليــد الجزائرية]

السلام عليكم و رحمة الله و بركاته

اللمة لمتنا و حنا هنا ليوم غير على جالك ياللمة

قبل مانبدى نقول للمتي

كل عام وانت بخير

كل عام وانت جمعتنا كاملين

كل عام و انت خير لينا يارب


:yahoo01::yahoo01::yahoo01:

راكو تعرفو mlina4algeria متراتيش هذو لحوايج :d

حكمت الكاميرا ديالي:-h

ورحت نقرعج شويا :down:

عن الطبخات دياولنا :-r

دخلنا شويا شويا حتى وصلنا للكوزينة

و ين شفنا لمويات دياولنا مش لاحقين يعني و كل وحدة وين تلقايها تدور


ايا طيشوني مخلاونيش نقرعج

:d:d

قلت نبقى نستنى عند الباب بلاك نغيضهم و يخلوني نفوت


ستنيت باطل

عاودت رجعت :-r


ايا بعدا ولاو قالولي رح نحكيولك برك واش صرا معانا

قلتلهم معليش المهم مجيتش باطل

و لازم نرجع للمة نديلهم حاجة معايا :-r

ايا فرحت و بديت نسجل في هدرتهم جبتهالكم بلحرف الواحد

ايهي بديت

بختيتي


nassima 87


الي صح قتلتني بالضحك و عجبتني حكاية التيليفون لجديد



:d:down::d

السلام اختي ايه انا شاركت بتارتتي المتواضعة المهم نهار 12/12/2013 نضت الصباح المسيو كان قالي ميجيش يفطر تسما قلت نغتنم الفرصة او ندير التارت تع اللمة المهم بديت نخدم الجينواز عادي او قلت نصور الخطوات باش منبعد نديرها موصوع كي جيت نفرغ الجينواز في المول انا وين رحت نصور طاحلي التيليفون في الجينواز واش نقلك خرج قع كحلوش او هو في الاصل بيض ههههه المهم جبتو او مسحتو بصح للدوك مازالو عند الريباراتور :cray02::cray02::cray02::cray02::cray02::cray02:
المهم كملت الجينواز حطيتها تبرد خدمت لكريمة او زوقتها رحت على سعدي جبت لاباراي افوتو باش صورتها او بعتها للمشرفة منبعد جا لعشية المسيو كلاها والله كلانصها في القهوة تع لعشية او النصف الاخر غدوة الصباح قالي والله بنينة كليناها على ظهر اللمة قتلو وانا مديت للمة كادو هايل هو التيليفون ديالي ماولاش x peria ههههه بدلتلو اسمو ولا x genoise الريباراتور قالي وين راه حقي تع القاطو هههههههه
لكن والله الحاجة الاهم انا كنت حابة نديرها كبيرة هكاك نقدر نروقها بصح الله غالب مكاش شكون ياكلها تسما درتها صغيورة مقدرتش نزوقها مليح بصح والله خدمتها بلخف اة راكرام كيفاه خرجت جامي خرجتلي خفيفة كيما هداك النهار حتى المسيو قالي والله خفيفة بزاف وانا والله مادرتها على اساس مسابقة حبيت نشارك بتارت في خاطر اللمة
اسمحيلي ختيتي راني هدرت بزاف هههههههه :$:$:$
نتمنى التوفيق لكل المشاركات او ربي يعاونكم في الموضوع السري للغاية هههههههههههه

هك كانت حكاية ختيتي نسيمة الي المسكينة قريب طارت فيها



بعدها رحت لسدتي

oumniati


بعد ماقعدت نسمع فيها قعد غير نتخايل هذيك لاطارت

كما ايماجينيتها مكانش :d

شوفي انا ما حبيتش ندير طارطة ، تضرب سمانة ما تخلاصش، امالا قررت ما نشاركش، ونهار الثلاثاء صبحت نزنق، كي دخلت ضربت طلة على اللمة لقيتكم دايرين حالة على ليتارت، جاتني الدودة كيفاه كامل شاركو وانا لالا، شفت الساعة كانت عندي الزوج
البيض عندي غير 4، ماكان فاكية، ماكان شيكولة، باه نزوق جدها
ايا درت بسكوي رولي بزوووووووج بيضات ، وكريمة الليمون بحبة بيض،وبديت نخدم
قطعت 3 طبقات تاع بسكوي وحطيتهم فةق بعض باه نقطع رقم 4، وهو سخون، كي جيت نفصلهم لقيتهم لصقو ،ويلي ويلي راحت في كيلة زيت
سايستها وسلكتهم، درت كريمة الليمون وفوقها شونتيي، وكي فاق بيا زكزوك وليدي كلالي نصها مابقاليش باه ندير وردات من فوق، ايا واش يسلكني خربطتها بسكر ملون، والقلب مقسوم على زوج ماكفانيش باه نديرو بياسة وحدة ههههههه
المهم خدمتها بسرعة البرق وزربت صورتها خطراش غير كملتها دخلو بناتي واتخيلي مصيرها مسكينة

ولانها كانت ضخخخخخخمة حبو يزيدو مالقاوش خخخخخخخخخخ، قلتلهم نعاودهالكم ب 5 بيضات ههههه

حرت مكتاه نشوف لطارت ديالك يا ختيتي

حرت حرت حرت:d


بعدها رحت لختيتي

SAMIRA25

الي غير شافتني خافت

عرفتو علاه خافت تفكرت المسكينة رمضان :d


بعد ما حكاتلي

قعد نتخال تكون لطارت ديالها انوشة كحلوشة

:d

شوفي انا ما صراتلي حتى حكاية عادي
عندي مشكل فقط اني وحدي لي ناكل الحلويات في الدار ما يحبوش الحلو يحبو المالح برك
كنت معولة نخليها للنهار الاخر باه نديرها كي قالك كاينة مهلة محددة
طيبت الغداء و نضت نخلط في البيض و السكر ......
طيبتها و بقيت نخمللها في الديكور ما عنديش افكار بزاف لانها اصلا صغيرة يا ربي نخلصها وحدي
المهم زينتها هكاك برك بشوي كريم شانتي و حطيتها في الثلاج العشية تاع البارح قضيت على نصها و الصباح كملت النص الاخير و السلام عليكم في طورطة جديدة و حفلة جديدة ان شاء الله

بعدها درت للامورة


ملكًة الاحسآس

الي حكاتلي كامل حكايتها :d بالتفصيل الممل

أهلآآ بميلي حآكمة شويآ ، منين شفت رسآلتكـ قولت سير آي مبروقرآميآ حآجة ومآغلطتش
هههه مآتفكرتيش في هدآكـ النهآر ديجآ كآنت عندي سوآبق من قبل
بعدمآ قريت بلي كآين مسآبقة وقررت نشآركـ هبطت كي الفحلة شريت وآش يخصني وركزت على حوآيج تآع التزيين
بالجمعة درت طآغث مورآ الظهر وبين مآحطيتهآ فالفوغ رحت عند جآرتنآ تآع 2 دقآيق ووصيت مآمآ عليهآ
انآ طولت شويآ تم ، ومآمآ مآقصرتش بسلآمتهآ جيت لقيتهآ خرجتهآ من الفوور وتفننت فيهآ مآخلآتلي وآلو تآع التزيين هدوكـ
وزمعه أنآ الي شريت بالألوآن هدآ أحمر هدآ أخضر بآش تجي الطورطة بألوآن اللمة طفرت فيآ .
عآودت درتهآ على بختي بالأحد وخليت مآمآ حتى رآحت للخدمة بآش ماتتلعبليش مرة أخرى خخخ ، والحمد لله درتهآ
بعدمآ طيبتهآ جيت للتزيين درت حآجة خفيفة، كي جيت نغسل الكيس الحلوآني قالهآ المصري كآن مآزآل فيهآ شونتيي بالغوز منين كتبت وأنآ مآتولهتش منين حطيت المآ وعبزت طلعلي المآء بلي فيه لفوووق لpــلآفوو ، والشوفو هدآكـ رجع غووز
والله لومآ الحشمة نصورو ونقولكم شوفو الشوفو تآعنآ مآشكيتش وآحد عنده كيفنآ بالغووز خخ ، المزية تنحى فيسآع ومآبهدلنيش قبل لتجي مآمآ .
هيآ كملت الطورطة كمآ كآن الحآل ولحقت العشية جيت نحط لي فوطو ، منين ندخل لكآرث ميموآر يخرجلي كآين بروبلآم ومآنقدرش نقرآهآ ، نعآود ندلخهآ فاللآب توب نفس الحكآية ، مآلقيتش كفآه ندير تفكرت جآرنآ السلفي يفهملهم شويآ بصح رآسه مآيهزوش فالطريق ويآربي السلآم عليكم تخرج من فمه بالسيف كي نتلقآه ، قلت معليش نحط سآشي كحلة على وجهي ونروح مش درتهآ وفينآلمون مآنشاركش ، المزية مآطولش ومنين خلصهآلي جيت نجري دخلت الفوطو وبعتهآ لأم ندووش
هدي هي حكآيتي مع الطورطة ، درتلكـ موضوع آ ميلي خخخخ لخصيه على طريقتكـ آو بآش حكيت بركـ ونبينلكـ العرآقيل الي وآجهتني بالتفصيل هيهيهيهيهي

ميرسي على الفكرة الهآيلة

ايا هكا كانت حكايتها

و بعدها روحت لعمتي
:down:


றĭṩṤ❤Ṡoşσ

ايه سوسو مسكينة حتى نهار الي دارت فيه لاطارت
وين كتاشفت جارتها لحنينة

றĭṩṤ❤Ṡoşσ]
السلام عليكم

اهلين بختيتي فلفولة ^_^

للحظة دكرتيني بلخرايب الي كنتي ديريهم في رمضان هههه

ايه الصراحة الطورطة مسكينة عانيت معاها باش طلعت طورطة

يوم اعلنوا عن المسابقة ياك انتي قلتيلي ماتشاركيش قتلك نشارك المهم عطلت باش رديت على الموضوع ولكن المهم كنت راح نشارك

بعد ثلاث ايام رحت شريت لحوايج اللازمة ايه وجدت طورطة وقت جيت نزينها دق الجرس من ؟؟ ضيوف ياسلام طفرت فيا امي قاتلي هاتيها ومن بعد نديرو وحدخرة وكي ماكانش ماشي الحال قلتلها اوكي كملنالها زواق عادي وتقهواو بيها

من بعد فاتت ايام جات الجمعة باش نخدمها قاتلك ماما نروحو لدار جدي قلتلها نووووووووو مانمشيوش عاود قلت هادي شحال مامشيتش نروح ومزال الحال كي نجيو نخدمها هههه رحت ورجعنا السبت قلت غدوة نخدمها ماكانش هادي
من بعد جا الاحد خدمت نص نهار ومع 4 جيت نخدمها ولا ما باتور يخسر زهري معوج صح رحت عند الجارة وياريتني مارحتش ماسلفتليش هي ملات الدار قالت بنتها راها مخبياته وماراهاش تما بنتها ييييي ندمت والله رحت على همي عند صحبتي جبتو وجيت طلعت البيض وبديت نخدم الحمد لله جات مليحة بصح ولا هي بغات طيب من الداخل المهم طابت وتالمو مقلقة دخلتها فثلاجة تبرج باش نقصها على زوج وندير لاكرام فلوسط اه يامامي كي جات لتزيين ارواحي طلي عليا قريب طيح من بوطاجي للارض وكي جات للكتبة تالمو خايفة يدي بدات ترجف ولاكرام ماطلعتليش كيما يلزم المهم هاكك وكملتها على خير وهاذي هي حكايتي مع الطارطة الامورة ^_^

رحت لسيدتنا ام ايناس

الي قعدت تزور في لطارت ديالها

قصع من و قصع من

:-r

ام ايناس

هههه انا نهار كنت معولة ندير التارت كنت صايمة نظت على 2 ونص تاع العشية ورحت نطيب فيها راكم عارفين الوحدة كي تكون صايمة قاع تلبزها ايا بديت نورمال جبتهم وخلطتهم وموسيو بلال حكملي الفرينة دوش لروحو بيها منبعدخليتو هاكاك شعلت الفور منبعد كملت خلطتها نورمال ودرتها في مول صغير وانا الفور تاعي لازم المول يكون كبير قلت خلي نشوف بالاك جي شابة ههههه خليتها طيب ورحت لبلال بدلتلو ونظفتو وهي طيب وانا ندير في فطوري طليت عليها من الباب تاع الفور نلقاها طلعت غير من الطرف بديت نغلي بالشوية وسنيت شوية منبعد نشم في الريحة بدات تتحرق من الطروف والوسط قاعدة هاكاك لزيتها على جيه وخليتها منبعد كي طابت تاع الوسط طلعت بزاف يعني انتفخت كتر من الطرف هههه طيبتها من الفوق وكي طابت خرجتها قاعدة نقول هادي تتكل ولالا دورتها نحيت التحتاني المحروق ورجعت دورتها ونحيت تاني هاديك لي نتفخت في الوسط ودوبت الشوكولا وفرغتها عليها وغطيتها منبعد دوبت الشوكولا البيضا وايناس وبلال يتعايطو ههه وكتبت بالشوكولا البيضا وهوما في زوج سخونين كي البيضا كي اللولة قريب تخلطو في بعظاعم ههههمنبعد زينتها وصورتها ديجا حطيت معاها شوكولا للتزين انا رحت نجيب في البورطابل ونلقاهم كلاوها قريب قتلتهم صورتها بالزربة ورجعت نحط في البورطابل لقيتهم تقبوها من الوسط وكلاو الشوكولا كيما الفيران ههه بالصح في البنة جات هايلة انا كنت حابة تزيين اخر بالصح الوقت مكانش مع الدراري

وليت لطاطا

anissa 13


الي طيبتلنا لطارت بتخبية على راجلها :d

السلام عليكم ورحمة الله وبركاته

انا الطارطة وجدتها كان قريب المغرب بقيت نجري قبل مايجي راجلي خاطرش ولدي صعيب يظل يبكي وراجلي كي يشوفني ندير شي طارطة يقولي يامخلوقة لتهاي في ولدك كي يكبر عملي اللي تحبي بصح انا على خاطر اللمة نضحي ههه بقيت نخدم بيديا ورجلي مبرونشيا مع البوسات نهز فولدي
وجدت المقادير ضربت البيض حتى يديا طارو الحس تاع الباتور مع البكا تاع ولدي راسي حب يطرطق ههه
وجدت الخليط عملتو يطيب وانا نعس فيه ينتفخ بصح مانتفخش ديما الجنواز ماتنجحليش كي خرجتها وشفتها فشلت قلت مكلاه نشارك عاود ربي هداني قلت نزوقها وكيما جات جات
فتحتها فالوسط وعمرتها نوتيلا ومن الفوق شونتيي وفالجوانب كاكاو وزينت بحبات قرقاع يعني خالوطة والسلام والكتبة الشكلاط غبنتني ماعرفتش حتى واسم نكتب
والكوزينة تقلبت فوقاني تحتاني قاع لماعن جبدتهم باه نربح الوقت ونكمل قبل مايجي راجلي ههه
هادي هي قصتي مافيهاش بزاف تشويق ههههه عادية

​

نولو درك لــــ
[/CENTER]

samah06
​

الي خلطت لطارت مع الشخشوخة

ربي و ستر:d

نينا السلام عليكم ورحمة الله وبركاته
منتذكرش هذاك اليوم غير التعب الكبير جدا اللي عقب عليا
هذاك اليوم كنت محضرا نديرلوبيا للغداء ومعلبليش بلي الماسون راح يلوح الدالة في بيتي وهكا رجع لغدا شخشوخة بعثت غير لاختي هنا قدامي باه تجيني تعاوني لقيتها غايبة
ايا امالا درت وحدي كل شيء من 9 والنصف غديتهم على 12.30درت 5 مجامع شخشوخة وسلاطة وديسار وقازوز وكملت لماعن علمك سقسيت على ماشين لافي سال ومشريتهاش راح نموت عليها سيرتو راني راح نولد ومنعرف كيفاه اندير راجلي قالي لقيتهم كبار ومعندناش بلاصة في الكوزينة نحطوها حتان نقل لبيتي الجديد وندير وحدة
نرجعو للتارت
المهم درتها وجدت القاطو ومعنديش باه نديكوريها المهم من لاشيء درت تارت وشاركت والمهم المشاركة
ربي يوفق كل المشاركات

و كي وصلت لخالتي

ام خديجة1

سمحولي محكتش روحي

لكم التعليق

حتى بوشلغمات و شاركها

:d:d

وعليكم السلام ورحمة الله وبركاته
كيف يالغالية ان شاء الله تكوني بخير
واش نحكي وواش نخلي كيما سمعت كاينة مسابقة زعما قلت نوجد كيكة الله الله وشريت وبديت نوجد وكي جيت نخدمها تلفتلي واش رايحة ندير واي نوع اه والله احترت ولما جاتني الفكرة اول حاجة عملتها قفلت الباب بالمفتاح ( هكا نلبز وحدي ) وبوشليغمات رايح جاي افتحي الباب وانا ولا خبر الدنيا راحت ولا زلزلت ولا .....ماني سامعة حتى بواحد
هنا لحقنا للمفيد طيبت الكيكة وبردت وجيت نزينها حرن وليدي وقالي ماني ساكت حتى تفتحي الباب وفتحتها وجات الكارثة
ام خديجة حوالو عينيها وعادت ماتشوف والو وهو يلبز في الكريمة وباغي يخربش ويزين معايا وانا نقولو ياولدي هاك الحلوة وهو يقولي لا هاك ............وهو لا وعييت معاه حتى رقد
فرحت زعما زعما وقلت الحمد لله وبديت نزين انا نحط الكريما وفرحانة ووبقات اللمسات الاخيرة جيت نحط الفاكهة لقيتها وااااااااااااااااااااع كلاوها وما قالولي ياربي واش هذا نهار كامل وانا نجبد معاها وفي الاخير واع واع واع
قالي بوشليغمات زينيها بالشيكولاطة قلتلو وعلاه ماخبرتونيش كون درت حسابي (ضحك وقال لقيتها مزوقة وشابة اتفتحتلي الشهية) رفدت الشيكولاطة وذوبتها ودق الباب الاولاد خرجو من القرايا ياربي واش هذا النهار صيام وزيد العياء صليت وجيت نكمل اه ياربي وينها الشيكولاطة واععععععععععععع البنات وعمايلهم والكيكة كبيرة بزاف زما تجيش في الفريجيدار والكريما اه اه اه بدات تسيح هيا حالتي ما نغيظكمش شوفو كيفاه ولات



اضطريت نعاود نذوب واحدة اخرى وبالخف وجدت الصوالح زينتها وصورتها وخليتهم يهجمو عليها وجات اكصر من رائعة لان فيها حشوات امممممممم
اما الكيكة الثانية جاتني ساهلة في كل شيئ الا حاجة واحدة خيبني البلاط موالفة ندير تشيز كيك العجين شاد روحو وفي هذه الفلو شوية جاري خرجلي على الحواشي واااااااااااع خرجو عينيكم

:p:p

ونقولك ياحبيبتي ربي يخليك يا ام الافكار الرائعة

ايا بعدها درت لختيتي


shahrazad

كي تشوفو الكيكة تاعي تع المسابقة تقولو ااااه هادي في ساعة دارتها مي وراء كل نجاح الكواليس الكارثية كاينة كاينة هههههههههه
اول حاجة كنا في اخر الشهر يعني مازال مقضيناش والفريجيدار فيه 9 بيضات لاغير خخخخخ وانا لقيت كيكة ب 9 بيضات !!وعجبتني بزاف هيهيهي
وقررت نديرها ونخلي الفريجيدار ههههه
خرجت قضيت شكولا وحتى هي وصارتلي معاها حكاية انا نسحق 3 شكولا نوار
رحت للحانوت الاول ماعندوش زدت الحانوت الثاني عندو 1 برك رحت للحانوت الثالث ومالقيتش...وكل حانوت وين جاي يعني حفيت ..رحت للرابع لقيت عندو 1 ياسبحان الله ! مافهمت والو...زدت حوست حانوت الخامس وشريت الثالثة
اتخيلو ههههههه
دخلت للكوزينة وكلي ثقة اني رايحة نخرج ابداع مابعده ابداع خرجت ال9 بيضات التوالااااا ههههه
وبديت وانا فرحاااااااااااااانة ونتخيل شكلها مصدرة بين كيكات اللمة
ضربت بالباتور المقادير قع وش كاين واحد نص ساعة ويدي معلقة وقلت ماعلييييش تعب اللمة راحة خخخخ ..بقيت حتى ال 2 ومافطرتش
فرغت العجينة فالمول هداك الي ينحل واووووب دخلتها للفور
قعدت باش نفطر في لامان
حتى نشوف فالكيكة تسيل من كل جهة اااااااااااااه!!!

فشلتتت فشلت فشلت رحت نجري خرجتها وعييت وانا نسقم فيها المهم راح نصها ...حبستلي اللقمة والله مافطرتها ...المهم الوصفة تقول الكيكة تقعد تبات ليلة كاملة فالفريجيدار ...ليل كامل وانا نوم فيها كيفاه رايحة تخرج وانا فرحااااااانااااااااا والاماجيناسيو ماحبستش
صبح الحال ورحت نجري للفريجيدار ديموليت الكيكة والكارثة انها تفرشت من كل جهة انهرت تماما خخخخ...رحت ديركت رقدت وبقيت مشنفة !
غدوة من داك راحلي الزعاف وقلت والله غير نعاود نسيي وحدوخرا
والحمدلله نجحتلي مالقري تعبتني شوية فالديكور بقيت حتى اليل معاها


مي حاجة ماترخس على لمتنا الحبيبة حتى ال 9 بيضات الي خسرتهم في وقت حرج جدااا من الشهر هههههههههه

هكا كانت حكايات الطبخات الفاحلات دياولنا

و قريب ننسى روحي:d

نحكيلكم واش درت انا

ايا انيا اول ما تنحط الموضوع ياع تاثرت بيك و قلت لازم نشارك

عزمت و بما انو نخدم قلت نخليها يوم الجمعة و نطيبها
جات الجمعة كنت قضيتلها كامل
رحت نقري وحدة و كي وليت يا يما الشعب ديالنا قضا على كلش
:-o:-o يااااااااااااع

على سعدي زعمة رحت نستسلم قلت نسقسي ام ندى مكتاه اخر يوم
رسلتها قالتلي مزال يوم اخر
نشعتني وانا في طريقي من الخدمة شريت مرة اخرى مي كنت مفلسة شريت نص سلعة :d
وصلت لدار صايمة ملقيتش وقت كامل غير في اليل و مدامني وعدت ام ندى كان لازم نطيبها
ايا ضربت وحدة هكا برك بالزرب غير بيضة وحدة ستعملت :d
بديت نطيب و كي وصلت باه نزوقها ملقيتش كيفاه نزوقها ياخرابي

ضربت للكونجيلاتور لقيت شكولا بيضاء قلت نكتب بيها لقيتها تبيريمات
انتهت الصلحية ديالها و ليت لقيت روحي مكاين والو
ايا ضربت برك بالجوز الهند كلما نحاول نكتب حاجة تتزروع كامل قريب تشوه المنضر ديالها

:d:d ولباقي رح تشوفوه امبعد



و تبقا ساندي و حاملة المسك طفرت فيكم غلقتو عليا الباب


نتمنى تكونو سمتعتو بالموضوع

رانا نستناو النتائج بفارغ الصبر

و كل سنة و لمتنا ديما بخير

نشكر كامل مشرفات القسم الي درولنا المسابقة الرائعة

:regards01::regards01::regards01::regards01:
سلام
​

 

[مطبخ الأحلام]

رد: ارواحو تشوفو واش صرا في كواليس المسابقة بلطورطة عيد اللمة

ههههههههههههههههههههههههههههههههه

ياعالم يا ناس الحقوني بطني مات

هههههههههههه والله يا حكاياتكم سما مشي غير وحدي عانيت سلامات سلامات
http://dc10.**********/i/01618/gg4svw1xx8mf.gif

عجبوني لي كومونتاغ نتاوعك فلة صح كتاشفت الجارة هههههه :d:d

فلة واش نقلك ياختي كيما رسمتي الضحة على وجوهنا ان شاء الله ربي يفيلكي ماراكي تتمناي

في الأخير شكرا يا لمة جوزنا اوقات معاه حلوة وان شاء الله ماتخلوص

ننتظر السهرة


​

 

[shahrazad]

رد: ارواحو تشوفو واش صرا في كواليس المسابقة بلطورطة عيد اللمة

هههههههههههههههههههههههه وانا حاسبة غير اناااا الي نديرالكوارث اتاريكو كنتو مخبيين نتوما خخخخخخ
والله ضحكت صح صححح سورتو ام خديجة مسكينة هههههههه
كلشي يهون في خاطر اللمة
فلة حبيبتي موضوع هااااايل هااايل وفكرة رائعة زدتي للمسابقة فكاهة وهكدا رانا متشوقين اكثر باش نشوفو الكيكات
ربي يفرحك فلفولة
​

 

[أمــ وليــد الجزائرية]

رد: ارواحو تشوفو واش صرا في كواليس المسابقة بلطورطة عيد اللمة

هههههههههههههههههههههههه وانا حاسبة غير اناااا الي نديرالكوارث اتاريكو كنتو مخبيين نتوما خخخخخخ
والله ضحكت صح صححح سورتو ام خديجة مسكينة هههههههه
كلشي يهون في خاطر اللمة
فلة حبيبتي موضوع هااااايل هااايل وفكرة رائعة زدتي للمسابقة فكاهة وهكدا رانا متشوقين اكثر باش نشوفو الكيكات
ربي يفرحك فلفولة
​

ايه يا ام خديجة و بوشوارب ديالها ههههههههه

كنت في الخدمة كي وصلتني السرالة ديالها قتلتي بالضحك و مقدرتش نحمل

و كي شفت لطارت مسكينة معوقة كليا


يا الاهي كم انتم رائعين

ايه انت لطارت ديالك تغيض

انا درت غير بيضة وحدة :p هكا ولا خسرت منضيعش هههههههه

و انا ملقيتش شيكولا نوار ايماجين واش درت درت تاع لابودر الي يديروها في القهوة ههههههههههه

خلط شحلط و جات بنينة والله

​

​

 

[Ma$Ter]

رد: ارواحو تشوفو واش صرا في كواليس المسابقة بلطورطة عيد اللمة

^^
Nice work milina
ركزى على واش عملت هاذ المخلوقة ‏றĭṩṤ❤Ṡoşσ
مع انى علابالى بيها شاطرة فى الطبخ
..
..

‏Ma$Ter, ‏றĭṩṤ❤Ṡoşσ+, ‏ملكًة الاحسآس, ‏lina-67, ‏mlina4algeria, ‏serinee+
ربى يوفقكم
​

 

[ملكًة الاحسآس]

رد: ارواحو تشوفو واش صرا في كواليس المسابقة بلطورطة عيد اللمة

وعليكم السلآآآم
ههههه قولي حكآيآت مش غير حكآية
كنت حآسبة روحي غير أنآ طلعوو تآعهم أنيل ههه
سوغثو أم خديجة وشهرة كون مآتربحش وحده فيهم يغيضني الحآل هيهيهي
موفقآت ، وميرسي ميلي مش غريب عليك موآضيع كمآ هدي
يعطيكـ الف صحة
​

 

[SAMIRA25]

رد: ارواحو تشوفو واش صرا في كواليس المسابقة بلطورطة عيد اللمة

هههه كواليس الطارطات
الغاشي كامل يخاف ياكلها وحدو ما شي غير انا
بصح كلو يهون في خاطر اللمة
حقا واين راحو مشرفات المطبخ بانتلي كلاوهم و رقدو​

ايهه نسيت نشكرك فلة يعطيك الصحة اختي على افكارك ​

 

[إلياس]

رد: ارواحو تشوفو واش صرا في كواليس المسابقة بلطورطة عيد اللمة

هههههههههههه

 

[مطبخ الأحلام]

رد: ارواحو تشوفو واش صرا في كواليس المسابقة بلطورطة عيد اللمة

^^
Nice work milina
ركزى على واش عملت هاذ المخلوقة ‏றĭṩṤ❤Ṡoşσ
مع انى علابالى بيها شاطرة فى الطبخ
..
..

‏Ma$Ter, ‏றĭṩṤ❤Ṡoşσ+, ‏ملكًة الاحسآس, ‏lina-67, ‏mlina4algeria, ‏serinee+
ربى يوفقكم
​

ههههههههههههههههههههههههه والله يا خويا حكيم سوفرونس باش طلعتها طورطة هههه

انتظر النتيجة برك ونشوفو طورطيلات نتاع الغاشي يا ونتاعي راها حشمانة سور ماتطلعش فوق الميدة راها من الاثنين مخبية تحت الطابلة هههه


سور روزولتا خرجت راني رودوبليت هههه

​

 

[tistissa dj-tissou]

رد: ارواحو تشوفو واش صرا في كواليس المسابقة بلطورطة عيد اللمة

وحدك فلة وهاد المواااضيع روعة فكرتيني بنهار رمضان وحدهم يعطيك الصحة ديما اللمة زاهية بيك والآنسات على الطورطات فحلات الله يبارك على بالك انا حاكمتني القراية مادرت والو
​

 

[serinee]

رد: ارواحو تشوفو واش صرا في كواليس المسابقة بلطورطة عيد اللمة

ههههههههههههههه
ربي يخليكم يا اصحاب الكوارث
مشكووووووووووور فلة على النقل المباشر
ربي يحفظك
ممممممممممممممممم و انا حابة من كل تارت ندوق
​

 

[Ma$Ter]

رد: ارواحو تشوفو واش صرا في كواليس المسابقة بلطورطة عيد اللمة

ههههههههههههههههههههههههه والله يا خويا حكيم سوفرونس باش طلعتها طورطة هههه

انتظر النتيجة برك ونشوفو طورطيلات نتاع الغاشي يا ونتاعي راها حشمانة سور ماتطلعش فوق الميدة راها من الاثنين مخبية تحت الطابلة هههه


سور روزولتا خرجت راني رودوبليت هههه

​

:d
..وى منافسة شديدة بزاف شاطرات فى اللمة ربى يبارك
لازم يختاروها على الشكل والذوق :-o
ونكون انا لى نتذوقهم :$
المهم كى تخرج الريزيلتا
اعطيني الرابط :-r
ربى يوفقك oTa
:d

​

 

[مطبخ الأحلام]

رد: ارواحو تشوفو واش صرا في كواليس المسابقة بلطورطة عيد اللمة

:d
..وى منافسة شديدة بزاف شاطرات فى اللمة ربى يبارك
لازم يختاروها على الشكل والذوق :-o
ونكون انا لى نتذوقهم :$
المهم كى تخرج الريزيلتا
اعطيني الرابط :-r
ربى يوفقك oTa
:d

​

ههههههههههههههه إن شاء الله يا أوتآ هههه

دوق نتاعي الاولى باش الا ماعجباتكش ماتبقاش البنة في فمك بعد ماتدوق الاخريات هههه
​

 

[أمــ وليــد الجزائرية]

رد: ارواحو تشوفو واش صرا في كواليس المسابقة بلطورطة عيد اللمة

ههههههههههههههههههههههههههههههههه

ياعالم يا ناس الحقوني بطني مات

هههههههههههه والله يا حكاياتكم سما مشي غير وحدي عانيت سلامات سلامات
http://dc10.**********/i/01618/gg4svw1xx8mf.gif

عجبوني لي كومونتاغ نتاوعك فلة صح كتاشفت الجارة هههههه :d:d

فلة واش نقلك ياختي كيما رسمتي الضحة على وجوهنا ان شاء الله ربي يفيلكي ماراكي تتمناي

في الأخير شكرا يا لمة جوزنا اوقات معاه حلوة وان شاء الله ماتخلوص

ننتظر السهرة


​

ربي يقبل دعوتك

و ربي يخلينا ديما مع بعض

رانا نستناو ليطارت راهم طولوووووووووووووووو​

​

 

[أمــ وليــد الجزائرية]

رد: ارواحو تشوفو واش صرا في كواليس المسابقة بلطورطة عيد اللمة

وعليكم السلآآآم
ههههه قولي حكآيآت مش غير حكآية
كنت حآسبة روحي غير أنآ طلعوو تآعهم أنيل ههه
سوغثو أم خديجة وشهرة كون مآتربحش وحده فيهم يغيضني الحآل هيهيهي
موفقآت ، وميرسي ميلي مش غريب عليك موآضيع كمآ هدي
يعطيكـ الف صحة
​

ايه ولله غاضوني

ايه شهرة قاعدة ليل ونهار معاها المسكينة

يادرا مكتاه يخرجو النتائج رهم المشرفات ضاربين النح

خايفة ليعودو يتقابضو في بعضاهم​

​

 

[Ma$Ter]

رد: ارواحو تشوفو واش صرا في كواليس المسابقة بلطورطة عيد اللمة

ههههههههههههههه إن شاء الله يا أوتآ هههه

دوق نتاعي الاولى باش الا ماعجباتكش ماتبقاش البنة في فمك بعد ماتدوق الاخريات هههه
​

:d
ايه تاعك الاولى بصح علابالى راح تعجبني نعرف شطارتك :$
ربى يهنيكم وربى يوفقكم كامل
ثانكس الحاجة


​

 

[Pyar]

رد: ارواحو تشوفو واش صرا في كواليس المسابقة بلطورطة عيد اللمة

هههههههه سلام عليكم
قتلتيني دحك آ فلة هههههههههه
كــآآمل جاهدتو في سبيل اللمة :d
موضووع هـــايل + تقييــم
يعطيكم الصحة كااامل
في أمـان الله
​

 

[ام خديجة1]

رد: ارواحو تشوفو واش صرا في كواليس المسابقة بلطورطة عيد اللمة

بارك الله فيك اختي فلة موضوع رائع كروعتك خليتينا نعيشو اجواء رائعة لكل المشتركات الله يبارك ويحفظكم

 

[أمــ وليــد الجزائرية]

رد: ارواحو تشوفو واش صرا في كواليس المسابقة بلطورطة عيد اللمة

هههه كواليس الطارطات
الغاشي كامل يخاف ياكلها وحدو ما شي غير انا
بصح كلو يهون في خاطر اللمة
حقا واين راحو مشرفات المطبخ بانتلي كلاوهم و رقدو​

ايهه نسيت نشكرك فلة يعطيك الصحة اختي على افكارك ​

ايه سور طارو بيهم

انا قلتلكم اصابتهم نوبة من زيادة السكر :d دوخناهم مساكن

مكلاه تشكريني بلامزية رانا في خدمت اضحاككم دائما :d​

​

 

[أمــ وليــد الجزائرية]

رد: ارواحو تشوفو واش صرا في كواليس المسابقة بلطورطة عيد اللمة

وحدك فلة وهاد المواااضيع روعة فكرتيني بنهار رمضان وحدهم يعطيك الصحة ديما اللمة زاهية بيك والآنسات على الطورطات فحلات الله يبارك على بالك انا حاكمتني القراية مادرت والو
​

معليش يازينة اتهلاي برك في قرايتك و زيري شويا روحك و ان شاء الله نفرحو بيك و نديرولك احلى طورطااااا


​