لي تحب تتعلم تخدم رشتة تتفضل

[prncess fifi]

يصبحكم بلخير ونهاركم مبروك
مقادير
3 كيلات سميد رقيق(كيما لي نعملو بيه لمسمن) وكيلة فرينة -ملح- والماء باش نشمخو لعجينة

هنا تخلطيهم وتطمي بالماء مي مانكتروش لازم لعجينة تكون يابسة باش من بعد تخدميها فاسيلمو

هنا طميتها وخليتها يابسة شوفي كاش عاملة لعجينة تغطيها وتخليها ترتاح شوية قيس ساعة هكداك



تقسميها كرات صغار وتخدميها بيدك حتان تعود رطبة هكدا

احكمي كرة ورشي الطابلة ديالك بالمايزينة (من الاحسن تخدميها بالمايزينة ماشي فرينة)وتفتحيها رقيقة مليح بالغولو

هنا قطعيها هكدا وكل قطعة عاودي فتحيها وجوزيها في الماشينة انا جوزتها في رقم6 وعودتلها في رقم 9 اللخراني كامل هاد المرحلة نسي نصورها اعتدر

حطيها تنشف شوية ماشي بزاف باخسكو كي تنشف بزاف كي تجي تقطعيها ماتجوزش في الماشينة

هنا امسحيها مليح بالزيت وجوزيها في لي تقطع الرشتة

و من بعد فوريها ومرة على مرة حاولي تفتحيها بالفرشيطة هكدا كيما في الصورة
وكملي هكدا مع باقي الكرات

وهنا

وهنا خبيتها لليوم الموعود:d

وهنا نهار اليم الموعود بصح ماصورتهاش كاملة ناقص الجاج ديالها حمرتو والمرقة تانيت حشمت نصور قدام خوخة تدحك عليا

 

[omarwa]

رد: لي تحب تتعلم تخدم رشتة تتفضل

الله يبارك فيفي جاتك فور بصحتهم ضيافك وبصحتها خوخة هههههههه

 

[ام رستم]

رد: لي تحب تتعلم تخدم رشتة تتفضل

بصحتك فيفي ماشاء الله ربي يحفضك و تكون لك صدقة جارية جميع واحدة راح تتعلم راح تدعيلك ان شاء الله بالستر و الفتح

 

[SAMIRA25]

رد: لي تحب تتعلم تخدم رشتة تتفضل

اممممم تشهي فيفي
يعطيك الصحة ما زاتلي شوي مجمدة كي تخلصلي نجرب طريقتكي
لاني متعودة نشريها
جزاك الله خيرا​

 

[يعقوب 1967]

رد: لي تحب تتعلم تخدم رشتة تتفضل

عندى اشحال وانا نحوس نتعلم كيفاش نصنع الرشتة دائما كينحب انوجدها نشريها برك جامى سييت نعجنها لخطر مانعرفش شكرا شششششششششششششششششكرا

 

[إلياس]

رد: لي تحب تتعلم تخدم رشتة تتفضل

بارك الله فيك اختى

 

[السلطانة]

رد: لي تحب تتعلم تخدم رشتة تتفضل

يعطيك الصحة فيفي رشتا تاع حرة
​

 

[الحلم الوردي]

رد: لي تحب تتعلم تخدم رشتة تتفضل

يعطيك الصحة
على الطريقة
سلمت يمانك
​

 

[FATIMA 19]

رد: لي تحب تتعلم تخدم رشتة تتفضل

والله روووووووووعة مت يداك

 

[oumniati]

رد: لي تحب تتعلم تخدم رشتة تتفضل

ايييييه يا خوخة راكي في حطة وتزيدي تضحكي، كون جيت في بلاصتها نقولك صوري وزيدي يافيفي هههههه، يعطيك الصحة خرجتلك تهبببببل

 

[mounia hse]

رد: لي تحب تتعلم تخدم رشتة تتفضل

بارك الله فيك
اختي حابة نسقسيك اذا حابة نخبيها بالا مانكونجليها نيبسها بلا مانفورها ولا كيفاه

 

[prncess fifi]

رد: لي تحب تتعلم تخدم رشتة تتفضل

وفيك بارك الله اختي
اختي انا ديما كي نخدمها نفورها مرة وحدة برك و نخليها تبرد ونكونجليها
ولا تقدري تانيت تفوريها خطرة وتحطيها في التلاجة ماشي كونجيلاتور مي ماشي اكتر من 10 ايام
مي هادي تاع تيبسيها مانعرفهاش ختي جامي سييتها


شكرا لكل من مرا على صفحتي ​

 

[هــــيلدا]

رد: لي تحب تتعلم تخدم رشتة تتفضل

مممم، يعطيك الصحة الحرة، جاتك هايلة

 

[Teacher Sweet]

رد: لي تحب تتعلم تخدم رشتة تتفضل

ما شاء الله يعطيك الصحة ختي والله كنت شاتية نتعلم كيفاش نخدم العجينة، مشكورة حبيبتي
الله يبارك في هاذوك ليدين

 

[ام خديجة1]

رد: لي تحب تتعلم تخدم رشتة تتفضل

الله يبارك يالحرة ما شاء الله خرجتلك روعة ان شاء الله نسييها
بصحتكم وبارك الله فيك على الطريقة والشرح الوافي

 

[shahrazad]

رد: لي تحب تتعلم تخدم رشتة تتفضل

الله يبارك فيفي خرجتلك فووور كنت معولة نحط موضوع عليها
ماشاء الله تشهي يعطيك الصحة الحرة
​

 

[ام سيف]

رد: لي تحب تتعلم تخدم رشتة تتفضل

يعطيك الصحة فيفي جاتك روعة
مادابيك تزيدي تقوليلي كيفاه نخدموها كي نجبدوها من الكنجلي
حنا صحاب الشرق ماهيش ماشية عندنا بزاف على بيها ما نعرفوش نخدموها
وشكرا مسبقا​

 

[جمال التلمساني]

رد: لي تحب تتعلم تخدم رشتة تتفضل

طبق يبدو انه لذيذة جدا
مع أنه غير معروف عندنا هنا في تلمسان
تقبلي مروري وإعجابي أميرة فيفي
طبق من بلد الثلج والجليد أكيد أنه ينفع لمثل هاته الأحوال

 

[nada242008]

رد: لي تحب تتعلم تخدم رشتة تتفضل

ايه يا خوخة تقلشي وزيدي تقلشي
هااااااااااايلة يا بررنسيسة نجربها بحول الله

 

[oumsif]

رد: لي تحب تتعلم تخدم رشتة تتفضل

الله يبارك فيفي خرجتلك روعة تسلم ايدك