ورطة كبيرة بزااااف اجريو يابنات

[anissa 13]

بسم الله الرحمن الرحيم
السلام عليكم ورحمة الله وبركاته

اللي خلعها العنوان تسمحلي هههه

حبيت نستفسر على عجينة السكر كيما طرحتها الاخت ام ندى وانا صراحة من مدة وانا نشوف وصفات متنوعة لعجينة السكر فالنت بصح ماحبيتش نجربها حتى طرحتها اختنا ام ندى:regards01: خاطرش وصفاتها ناجحة ومضمونة هنا حبيت نجربها
المشكل عندي فشراب الغلوكوز رحت لبارح نحوس عليه لقيت هاد المودال ماحبيتش نشريه

sirop de glucose arome miel

حوست فالنت لقيتو بصح مانقدرش نشريه هو غالي وزيد تكاليف النقل تاع اللي يوصلوهلي للدار تسوى ضعف سعر المنتوج
المهم سؤالي هو
اسكو نقدر نستبدل الغلوكوز بالعسل؟
من مدة لقيت وصفة لعجينة السكر في منتدى آخر مقاديرها 3 كوب سكر ناعم+نصف كوب نشاء+نصف كوب عسل+2م ص ماء (يمكن اكثر)
صاحبة الوصفة قالت انها وصفة ناجحة
ولبارح في منتدى فرنسي وحدة قالت بلي انها جربت عجينة السكر بالغلوكوز وبالعسل وخرجتلها نفس النتيجة المهم يكون العسل نوعيه مليحة
ياريت اللي جربتها بلعسل تقولي راني مصرة نجربها بصح ماعنديش هاد الغلوكوز
ياعفاف ومادرتي فيا فكرتيني باخصائية التغدية اللي رحت عندها دخلتها عليا غلوكوز لاكتوز سكاروز .... وانا ماحاكمة والو هههه :p
عندي دمية فالدار تاع بنت لوستي نساتها وليوم راني معروضة عندهم للعشا قلت نديلها دميتها بلاغوب برانساس تاع السكر هههه :-r شوفو شحال راها الساعة نضت على 7h00 باه ندير عجينة السكر باه نخليها تريح شوية فالثلاجة هه
هدرت بزاف علابالي عييتو هههه سمحولي استحملوني
انشاءالله كي نهبط للبلاد نجيب معايا شي 2 ولا 3 كغ غلوكوز هههه
جاوبوني ماتقراوش وتهربو حتى اللي ماتعرفش تخليلي كلمة في حق اللي نضت بكري ههههه :d
​

 

[ام ريهام]

رد: ورطة كبيرة بزااااف اجريو يابنات

ما عنديش فكرة عليها وان شاء الله لبنات يفيدوك لو طرحتي طلبك على كان احسن

 

[anissa 13]

رد: ورطة كبيرة بزااااف اجريو يابنات

مشكورة ام رهام بصح مافهمتش ماهو اللي كان احسن ؟
​

 

[SAMIRA25]

رد: ورطة كبيرة بزااااف اجريو يابنات

خلعتينا انيسة حطيتك تحرقتلك البرمة وتحوسي على الحل هههه
ما عنديش فكرة ان شاء الله يفيدوك لبنات
سلامي

 

[روز]

رد: ورطة كبيرة بزااااف اجريو يابنات

ماعنديش فكرة
ولكن اخدميلها تارت الباغبي لي خدمتها المميزة دوما أم ندى في عيد ميلاد ندى
حتى هاديك لاتارت مليحة

 

[nada242008]

رد: ورطة كبيرة بزااااف اجريو يابنات

انوسة خلعتيني والله شفت كلمة ورطة دخلت نجري هههههه ومن بعد شفت حذاها استفسارات مطبخية برد قلبي شوي
شوفي تقدري تبدلي الجلوكوز بشراب الذرة نورمالمون يتباع عندكم
وحنا عندنا الجلوكوز بسعر بسيط 25 الف برك
وشفت وصفات في النات بالعسل وكاين وصفات اخرى بالمارشاميلو ..جربي كمية قليلة
اذا راكي مزوروبة اشري عجينة اللوز ماتغامريش سيرتو رايحة تديها معاك ههههه يعني تتعبي وتتحصلي على نتيجة مايعلم بيها غير ربي ههههه وخلي حقل التجارب للنهار اللي تعودي مرتاحة تخدمي بقوسطوك
واذا ما صلحتش زيني بالشونتيي كيما قالت روزيتا
ترقبي الكثير من الوصفات بالسكروز والفريكتوز والريبوز والجلاكتوز هههههههههههههههههه

 

[oumsif]

رد: ورطة كبيرة بزااااف اجريو يابنات

ههههههههههه انيسة عنوان يخلع دخلتينا تجروا المهم الكلكوز تقدري تبدلو بالعسل انا درتها نفس طريقة ام ندوش وكان معنديش الكلوكوز بدلتوا بالعسل وجاتني طرية تهبل ديرها وما تخافش

 

[anissa 13]

رد: ورطة كبيرة بزااااف اجريو يابنات

​

السلام عليكم ورحمة الله وبركاته
لبنات حبيت نقولكم جربتها والطريقة كانت سيئة للغاية
الغلوكوز افضل
جاتني غي ريحة لعسل وزيد ماشي بيضا بزاف خاطرش العسل بني خرجتلي بلونكاسي ولصقتلي بزاف مالغري كنت نرش كمية وفيرة من السكر بصح تلصق وتتقطع بسهوووولة خاجاتنيش تتعلك :cray02:
خليتها ترتاح لبارح ماعملتش الدمية ولدي ماخلانيش ديرونجاني خبيت الطارط حتى ليوم صباح وزينتها بصح الطريقة فااااشلة حتى نروح للبلاد ونجيب الغلوكوز معايا ونجربها :bye01:

 

[anissa 13]

رد: ورطة كبيرة بزااااف اجريو يابنات

ههههههههههه انيسة عنوان يخلع دخلتينا تجروا المهم الكلكوز تقدري تبدلو بالعسل انا درتها نفس طريقة ام ندوش وكان معنديش الكلوكوز بدلتوا بالعسل وجاتني طرية تهبل ديرها وما تخافش

قوليلي سمورة درتي الجيلاتين ؟ خاطرش انا ماعملتهاش وخرجتلي 00000
مرسي ام سيفو
​

انوسة خلعتيني والله شفت كلمة ورطة دخلت نجري هههههه ومن بعد شفت حذاها استفسارات مطبخية برد قلبي شوي
شوفي تقدري تبدلي الجلوكوز بشراب الذرة نورمالمون يتباع عندكم
وحنا عندنا الجلوكوز بسعر بسيط 25 الف برك
وشفت وصفات في النات بالعسل وكاين وصفات اخرى بالمارشاميلو ..جربي كمية قليلة
اذا راكي مزوروبة اشري عجينة اللوز ماتغامريش سيرتو رايحة تديها معاك ههههه يعني تتعبي وتتحصلي على نتيجة مايعلم بيها غير ربي ههههه وخلي حقل التجارب للنهار اللي تعودي مرتاحة تخدمي بقوسطوك
واذا ما صلحتش زيني بالشونتيي كيما قالت روزيتا
ترقبي الكثير من الوصفات بالسكروز والفريكتوز والريبوز والجلاكتوز هههههههههههههههههه

دوك نشوف هدا شراب الدرى والمارشمالو ماقدرتش نشريه كي قريت المكونات فيه الجيلاتين وهنا نتجنبو اي حاجة فيها الجيلاتين خاطرش تاع الخنزير
الدمية غي على قد الحال شعرها مخربش غي حبيت نتعلم فيها هههههه بصح فالاخير ماخدمتهاش
يعطيك الصحة ام ندوش

ماعنديش فكرة
ولكن اخدميلها تارت الباغبي لي خدمتها المميزة دوما أم ندى في عيد ميلاد ندى
حتى هاديك لاتارت مليحة

حتى انا رايحة نخدم هاديك بصح التزيين قلت نزين بعجينة السكر شفت موديلات شابين فالنت حتى ولو مانجحتش معليش انا ديما كي نجرب وصفة اول مرة ماتنجحليش بصح ثاني مرة تخرجلي مليحة
قلت ندرب سيرتو على عجينة السكر باه نخدم لولدي سبونج بوب فعيد ميلادو

مرسي يا ام احلى امورة

 

[anissa 13]

رد: ورطة كبيرة بزااااف اجريو يابنات

هاهي الطارت فالاول فرحت خاطرش الجينواز اول مرة تنجحلي
التزيين غي خلطت كنت قانطة كي مانجحتليش العجينة
عملت بيها شوية قلوب فالجوانب ورميت الباقي




​

 

[oumsif]

رد: ورطة كبيرة بزااااف اجريو يابنات

مساء الخير انيسة ايه انا درت الجيلاتين في العجينة السكر

 

[nassima 87]

رد: ورطة كبيرة بزااااف اجريو يابنات

انا ندير المارشمالاو في الميكرو اوند مع شوية ماء او كي يدوبو نحيهم نزيد السكر الرطب حتى تتلم او تجي بنينة فيها البنة تع الشمالاوز
او نخدم عجينة اللوز باللوز مرحي رقيق او نلمو بشربات تقيلة​

 

[رونق الزهور]

رد: ورطة كبيرة بزااااف اجريو يابنات

هههههههههههههه انا تاني ماجربتهاش ومحوستش على الغلوكوز كي تجربيها بالعسل قوليلي باش نجربها تاني ههههههههه ماعليش ختك تحب الواجد