المتنافسة الأولى.........றĭṩṤ❤Ṡoşσ

[شجـ الروح ـون]

عن طريق القرعة يتم اختيار الاعضاء كثنائيات

كل ثنائي يستضاف على كرسي الاعتراف لمدة 3 أيام
واكيد كل عضو على حدا ويخضعون لاسئلة الكرسي الرسمية
وكذا استفسارات الأعضاء
ويتم التصويت على واحد منهم في موضوع منفصل
.
.
..



اذن ولمدة 3 ثلاث ايام ان شاء الله
نستضيف المتنافسة

http://4algeria.com/forum/members/146213/
.


سيجيب على 10 اسئلة اختبارية من منافسة مميزون + اسئلة الاعضاء .
والتصويت عليه يكون في الموضوع المثبت

​

دعونا اولا نتعرف على المتنافس ....

- المستوى الدراسي او طبيعة العمل .

- الهوايات والاهتمامات الخاصة .

- مستوى التواجد والحضور في اللمة .

--------------


- اذا تم تخييرك بين هاته الالقاب في اللمة فماذا تختار

مشرف ::=:: نجم اللمة ::=:: من كبار الشخصيات

- ماهو اهتمامك الاساسي اثناء التواجد في اللمة وماهي الاولويات فيها ؟.

- طلبنا منك ان تبتكر اسم جديد وايضا شعار مكتوب لمنتدى اللمة يعبر عنه فماهو الاسم و شعارك المقترح ؟.

- حدثنا قليلا عن مسيرتك في منتدى اللمة كيف تلخصها وماذا تقول .

- نريد منك بيت من الشعر يتحدث عن منتدى اللمة من ارتجالك وابتكارك .

- ادرج لنا هنا تصميم او توقيع او صورة تجده يعبر عن شخصيتك .

- اذا وضعت في وسط مجموعة من المتميزين في منتدى اللمة فبماذا ستتميز عنهم ؟.

- اذا طلبك صديق عزيز عليك في منتدى اللمة في منحه جميع مشاركاتك لترجع عضو جديد بدون مشاركات فهل توافق ام تتردد ام ترفظ ؟.

- ماذا تقول للاعضاء و لمنافسك تثبت به جدارتك واستحقاقك للتاهل ؟.

- كلمة مميزة موجهه الى الاعضاء المصوتين تكسب بها مساندتهم واصواتهم .


في انتظار أسئلة الأعضاء
بالتوفيق أختي​

​

 

[amel al3lm]

رد: المتنافسة الأولى.........றĭṩṤ❤Ṡoşσ

السلام عليكم

1- ماهو هدفك في الحياة
2- كيف كانت طفولتك قاسية ام جميلة
3- من هم اعز الاعضاء عندك
4- اما موضوع قاسك بزاف فاللمة
5- علاش اخترتي منتدى اللمة بالضبط
6- كيفاش حسيتي كي عينوك مشرفة في منتدى راقي كيما هادا
7- كيفاش شفتي حياتك في منتدانا من خلال الفترة الي قضيتها هنا

بالتوفيق​

 

[حكايا الورد]

رد: المتنافسة الأولى.........றĭṩṤ❤Ṡoşσ

السلام عليكم
:-o سوسو اليوم معانا.......:d

طبيزة الّمّة فــي ضيافتنا...:yahoo01:

1* واش الاسم اللي تحبي ينادوك بيه هنا فالّمّة؟
2* واش تحبي أكثر التصميم ولاّ الأكل :p؟
3* كيفاش تعرفت أول مرة على المنتدى؟
4* أشخاص هنا فالمنتدى تعزّيهم بزّاف ....علابالي تقولي الكلّ بصّح أنا حابّة أشخاص..؟
5* لو تنوضي الصباح تلقاي نفسك مكان الأخ فتحي واش هي أول حاجة تعدليها فالمنتدى؟


جاوبي عليهم الكلّ........
​

 

[أمــ وليــد الجزائرية]

رد: المتنافسة الأولى.........றĭṩṤ❤Ṡoşσ

يا سوسو 3 أيام و انا وراااك

روعة وجدي روحك رح نرجعلك هك شويا

:yahoo01::p:yahoo01:
​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

السلام عليكم

صباحكم خير وبركه

سأسطر دكرى لأتدكرها مع الزمن

في صبيحة ممطره فتحت المنتدى وادا بي جالسة على كرسي الإعتراف هدآ
وعلى الساعدة التاسعة بدأت أجاوب على الأسئلة ^^

أتشكر الأخت شجون على هذه النافسة الحلوة والقيمة ^_^

- المستوى الدراسي او طبيعة العمل .

أعمل في مقهى النت

- الهوايات والاهتمامات الخاصة .

أهوى عمل الفيديوهات ، تصاميم ، كتابة الخواطر ، أهتم بالصيد البحري ^^

- مستوى التواجد والحضور في اللمة .

عندي 11 ساعة في النهار من 9 الى 5 ومن 7 الى 9 أو 10 ليلا وأحيانا اكثر

--------------


- اذا تم تخييرك بين هاته الالقاب في اللمة فماذا تختار


مشرف ::=:: نجم اللمة ::=:: من كبار الشخصيات

طبعا مثل السنة الماضية أحب أن اكون نجمة اللمة ^_^

- ماهو اهتمامك الاساسي اثناء التواجد في اللمة وماهي الاولويات فيها ؟.

ماتحلاش اللمة إلا بناسها لقيت احلى الاخوات والإخوان هنآ وبفظلهم ولأجلهم أصبح هدفي تقديم ماهو جديد وحصري

- طلبنا منك ان تبتكر اسم جديد وايضا شعار مكتوب لمنتدى اللمة يعبر عنه فماهو الاسم و شعارك المقترح ؟.

بالنسبة لإسم مبتكر مافي أحلى من اللمة

والشعار : ما دام هناك لمة فهناك انتماء ونورها ضياء في كل عتمة وخفاء

- حدثنا قليلا عن مسيرتك في منتدى اللمة كيف تلخصها وماذا تقول .

كما قلت مسبقا منتدى اللمة كنت اعرفه من سنوات عديدة حتى أني سجلت وشاركت قليلا لاكن لكم أكم مغرمة فيه أبحرت وأبحرت وعدت إليه وتدكرت أنه كان لي حساب فيه لكن مع الأسف نسيته وسجلت من جديد وهآ انا بينكم من جديد كم أنت جميل يا منتدياي الغالي ..

- نريد منك بيت من الشعر يتحدث عن منتدى اللمة من ارتجالك وابتكارك .

ليس بشعر ^^

على مثني سفينة أبحرنا ... في وسط اللمة توقفنا
كل إختار ركنا وإستوطنا ....وعلى البعض تعرفنا وتحاببنا
الله يديم لمتنا.... و إن شاء الله في الجنّة يجمعنا

- ادرج لنا هنا تصميم او توقيع او صورة تجده يعبر عن شخصيتك .

- اذا وضعت في وسط مجموعة من المتميزين في منتدى اللمة فبماذا ستتميز عنهم ؟.

بتقديم شيء حصري ملموس ^_^

- اذا طلبك صديق عزيز عليك في منتدى اللمة في منحه جميع مشاركاتك لترجع عضو جديد بدون مشاركات فهل توافق ام تتردد ام ترفظ ؟.

نـعم أوافق بكل سرور فالمشاركات لا تسمن ولا تغني من جوع

- ماذا تقول للاعضاء و لمنافسك تثبت به جدارتك واستحقاقك للتاهل ؟.

أقول هآذ مجرد كرسي للجلوس نتنآفس في المرحلة النهائية وموفقين جميعآ

- كلمة مميزة موجهه الى الاعضاء المصوتين تكسب بها مساندتهم واصواتهم .

إن رأيتموني يا أحبآبي أستحق أن أكون في المرحلة النهائية فصوتولي فأنا محتاجة لكم ^_^
وإن شاء الله لن أخدلكم وشكرآ لكم جميعا
​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

السلام عليكم
وعليكم السلام اختي
1- ماهو هدفك في الحياة
أن أأسس عائلة بسيطة
2- كيف كانت طفولتك قاسية ام جميلة
ماهي بقاسية وماهي بجميلة
3- من هم اعز الاعضاء عندك
تقريبا مجموعة كبيرة عزاز عليا لو سألتني من الاقرب كنت حددت لكِ
4- اما موضوع قاسك بزاف فاللمة
واش معنتها قاسك ؟
5- علاش اخترتي منتدى اللمة بالضبط
ببساطة لقيت راحتي فيه
6- كيفاش حسيتي كي عينوك مشرفة في منتدى راقي كيما هادا
أحسست أني إنسانة مثاق فيها
7- كيفاش شفتي حياتك في منتدانا من خلال الفترة الي قضيتها هنا
تعلمت بزاف حوايج وطبعا للاحسن
بالتوفيق
وياكم يارب
​

شكرا لكِ أختاه نورتي
​

 

[أم عبد الله]

رد: المتنافسة الأولى.........றĭṩṤ❤Ṡoşσ

اهآآه شكون راهي قاعدة
مممم نورتي الكرسي سوسو واش راكي صافا
مازال ماقريتش اسئلة لي قبلي وماقريتش الاجوبة ديالك
اتسمى من بعد راني نولي خخخخخخخخخخخ ( ياك نولي ؟؟؟)
( نروح نكمل شغلي ونرجعلك عندكي تهربي هههههههههههههه)

سلامي​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

السلام عليكم
وعليكم السلآم ^^
:-o سوسو اليوم معانا.......:d
:d:d
طبيزة الّمّة فــي ضيافتنا...:yahoo01:
ههه ذكرتيني بطبيزة
1* واش الاسم اللي تحبي ينادوك بيه هنا فالّمّة؟
نحب سمسومة بصح ماينادوليش بيه كامل
2* واش تحبي أكثر التصميم ولاّ الأكل :p؟
هههه وقت نكون حابة نوصل لحاجة ننسى بطني ولكن كي ماتكونش عندي رغبة الاكل اولى ههه
3* كيفاش تعرفت أول مرة على المنتدى؟
كنت قلتها العام الي فات ههه كنت نبحث على بحث وهذاك البحث لقيتو هنا ايا من داك الوقت وانا مسجلة معاكم ^^
4* أشخاص هنا فالمنتدى تعزّيهم بزّاف ....علابالي تقولي الكلّ بصّح أنا حابّة أشخاص..؟
الكل عزاز عليا :dأما أقرب الناس ليا ويفهموني
أم منصف ، فلفولتي (ميلنا) ، معتز اللمة، حكيم،
5* لو تنوضي الصباح تلقاي نفسك مكان الأخ فتحي واش هي أول حاجة تعدليها فالمنتدى؟
هههههههههه هادي كامل مانتخيلهاش والا تخيلتها يكون غلاط برك وأول حاجة نديرها نزيد أيقونات ونزيد خاصية وضع تصاميم فلاشية ^^

جاوبي عليهم الكلّ........
راني جاوبت :p
​

نورتي يالغلا :$
​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

يا سوسو 3 أيام و انا وراااك

هههههههههه بدا بدي تسألي يالفاهمة :p:p

روعة وجدي روحك رح نرجعلك هك شويا

:yahoo01::p:yahoo01:
راني موجدة خفي قبل ماسبقوك ههه:d
​

نورتي فلفولتي
​

 

[Ma$Ter]

رد: المتنافسة الأولى.........றĭṩṤ❤Ṡoşσ

السلام عليكم
ماستر مر من هنا ليقرعج حول اوتا فقط ^^
ربى يهنيك
​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

اهآآه شكون راهي قاعدة
ياه نخلعتي

مممم نورتي الكرسي سوسو واش راكي صافا

الله يسلمك حبيبة النور نوركم لاباس الحمد لله يسال عليك الخير ^^

مازال ماقريتش اسئلة لي قبلي وماقريتش الاجوبة ديالك
اتسمى من بعد راني نولي خخخخخخخخخخخ ( ياك نولي ؟؟؟)

قراي على راحتك ولي طبعا برك حاولي عليا أنا ختك :d

( نروح نكمل شغلي ونرجعلك عندكي تهربي هههههههههههههه)
نجي نعاونك راني هنا

سلامي
وعليكم السلام
​

نورتي يالغالية ورجعة سليمة ان شاء الله
​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

السلام عليكم
وعليكم السلام والرحمة والبركة

ماستر مر من هنا ليقرعج حول اوتا فقط ^^

أهلا وسهلا بخيو حكيم وبتقرعيجه :d أقصد أوتو :p
ربى يهنيك

ويهنيك بعد
​

شكرا ليك خيو حكوم
​

 

[أمــ وليــد الجزائرية]

رد: المتنافسة الأولى.........றĭṩṤ❤Ṡoşσ

متخافيش عليا ميسبقونيش :p



رح نبدالك في اخر زوار صفحتك الخاصة :-h واحد واحد :-r

كل واحد قوليلي اسكو تعرفيه ؟ و واش في بالك دخل يدير في صفحتك ؟

و كلمة او جملة او فقكرة تقوليهالكم لهذو 20 واحد

ملاحظة :
اكتبي تحت كل اسم :p

راني نرجعلك كي تجاوبيني:d

اخر زوار الصفحة 20:

1. ÀmìR@RøRø
2. ═♥° شجـ الروح ـون °♥═
3. meriam tlm
4. mlina4algeria
5. siimo
6. ¬Đỉaмơŋđ ✿
7. °NeSriNe°
8. °Nina Dz°
9. ابن المليون
10. بسمة مهدي
11. زهور الشوق+
12. ساندريلا زماني
13. صحْوَةُ أَمَة
14. عاشق اللمة الجزائرية
15. ماكانش
16. مروة 95
17. معتــــــز اللمـــــة
18. ملاك25+
19. نور الرحمان
20. يونس الصديق

​

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

متخافيش عليا ميسبقونيش :p

مين ماخفتش الضو راح وجا والي كتبتو تمحا من زهري

رح نبدالك في اخر زوار صفحتك الخاصة :-h واحد واحد :-r

ههههههههههه بعدا انتي الأولى دخلتي تتحشري ههه :d

كل واحد قوليلي اسكو تعرفيه ؟ و واش في بالك دخل يدير في صفحتك ؟

حسن على حسب توقعاتي فقط

و كلمة او جملة او فقكرة تقوليهالكم لهذو 20 واحد
أولا فكرة أو فقرة :p تقوليهالهم أو تقوليهالكم :p أنا أيضا شريرة مثلكِ لا تخافِ

ملاحظة :
اكتبي تحت كل اسم :p

علاش علاش تكشفيني مشي حرام عليك

راني نرجعلك كي تجاوبيني:d

بعد أكل البيض :p

اخر زوار الصفحة 20:

1. ÀmìR@RøRø

طفلونة الصغيرة دخلت باش تراسلني

1. ═♥° شجـ الروح ـون °♥═

دخلت باش تبعتلي رابط هدى الي راني نجاوبك فيه :p

1. meriam tlm

مانعرفهاش مسكينة بلاك دخلت تشوف مواضيعي

1. mlina4algeria

هادي بالدات دخلت تطل على مواضيعي القديمة كموضوع رضاكِ أمي ودخلت باش تقتابس اخر الزوار :d

1. siimo

نعرفها بصح والله ماعلابالي واش كانت دير :$

1. ¬Đỉaмơŋđ ✿

بلاك من اخر تصميم درته دخلت لبروفايلي

1. °NeSriNe°

نعرف اسمها برك :$

1. °Nina Dz°

دخلت باش تبعتلي رسالة كنت انا راسلتها من قبل ^^

1. ابن المليون

مانعرفهش مسكين كامل

1. بسمة مهدي

هادي كيف كيف

1. زهور الشوق+

هادي دكرتيني بيها ييي نظن قلب القران كان اسمها من قبل شتي شتي ستوته دخلت بروفايلي ومارسلتنيش نساتني باينة

1. ساندريلا زماني

هدي رفيقتي فالخدمة ودخلت باش تراسلني وتشوف جديد :p

1. صحْوَةُ أَمَة

ممم صحوة بلاك دخلت طل على بروفايلي برك

1. عاشق اللمة الجزائرية

ممم أمين دخل باش يراسلني :d

1. ماكانش

ايه خويا كاين بلاك حب يراسلني وقال فيبالو علاش مشي هيا تراسلني :d

1. مروة95

دخلت راسلتني على اسم الفيديو الي نخدم بيه فيديوهات

1. معتــــــز اللمـــــة

ايه معتز اللمة دخل باش يراسلني :d

1. ملاك25+

والله ماعلابالي سقسيها انتي واش دخلت دير في بروفايلي لووول

1. نور الرحمان

توحشتني بلاك كيما انا توحشتها

1. يونس الصديق

نطلب منه المساعدات علابيها تواجد في بروفايلي :$

​

ونقول لهاد الجماعة الي زارو بروفايلي أهلا وسهلا بكم فيه وفي كل وقت احبكم في الله

واش نقلك ياختي فلفولة الله يسامحك
​

 

[أمــ وليــد الجزائرية]

رد: المتنافسة الأولى.........றĭṩṤ❤Ṡoşσ

ونقول لهاد الجماعة الي زارو بروفايلي أهلا وسهلا بكم فيه وفي كل وقت احبكم في الله

واش نقلك ياختي فلفولة الله يسامحك
​

الله ابارك الرسائل غير هما مكيش لاحقة

عجبني هذا الفرماش

يا الاهي قتلني بالضحك :d

قوليلي كيفاه تعرفتي على mlina4algeria ؟

هل ركي متذكرة البداية معاها؟

واش الحاجة الي درتهالك و مقدرتيش تنسايها:d:p ؟

و هل تقبلي لو تخرج من اللمة نهائيا؟ واش رح يكون رايك في هذا الشيء:s؟

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

الله ابارك الرسائل غير هما مكيش لاحقة

اييييييه زيدي دخلي فالقائمة وراسليني ههههه

​

عجبني هذا الفرماش

يا الاهي قتلني بالضحك :d

يشبهلك هههههههههههههه
​

قوليلي كيفاه تعرفتي على mlina4algeria ؟

وين راني عاقلة يابنتي مخي شبن أسمها كان يبان من تحت بشويا بشويا بديت نشوفها انسانة فكاهية حتى وين خلعتنيييييييي
​

هل ركي متذكرة البداية معاها؟

أي مع كميرا كاشي الا مانيش غالطة

​

واش الحاجة الي درتهالك و مقدرتيش تنسايها:d:p ؟

المقلب الي دارتهولي جامي ننساه مع عمي بطوط
​

و هل تقبلي لو تخرج من اللمة نهائيا؟ واش رح يكون رايك في هذا الشيء:s؟

فلة حتى لو لم تكن صديقتي او مقربة الي لا أحبد خروجها لأنها عطر خاص بالمنتدى وإن غابت غابت الفكاهة عنآ ماعنديش رأي وإنما إعتراض عن هذآ
​

صاي كليت تشينة ودرت تعديل :d:d:d:d
​

تبالي انتي ماتشبعيييييش من الاسئلة

 

[أم عبد الله]

رد: المتنافسة الأولى.........றĭṩṤ❤Ṡoşσ

وليتـ:d
خسارة قريتـ ردكـ روطار ولا كنتـ نعيطلكـ تعاونيني دومــآج:-h

ممم قريتـ بلي تحبي ينادوكـ سمسومه ( فكرتيني في كانت هنا اسمها سمسم السمسومه:-r)
اتسمى اسمك الحقيقي سـٌميه:d
واش رايكـ ف الاسئلة ديال فيفي ( شغيغه لالا

منين جبتيه:up

تحبي التصميم بزاف ولا شوي برك خخخخخخ
وعلاش خيرتي اسم ( ميس سوسو ) للتعريف بكـ
من هو اقرب عضو ليك لهنا - واقرب عضوة


ايه تفكرتـ اهم سعال
كي نخدمو بالفوتوشوب كيفاش نحفظو الصورة المعدلة ومن بعد كيفاش نقدرو نحملوها للمة
لاني ماعرفتش خخخخخخخخخخخ شوفي واش يخرجلي:$الامتداد "psd" غير مسموح:down:
​

]

 

[مطبخ الأحلام]

رد: المتنافسة الأولى.........றĭṩṤ❤Ṡoşσ

وليتـ:d
مرحبابيك ختيتي
خسارة قريتـ ردكـ روطار ولا كنتـ نعيطلكـ تعاونيني دومــآج:-h
هههه المرة الجاية ان شاء الله
ممم قريتـ بلي تحبي ينادوكـ سمسومه ( فكرتيني في كانت هنا اسمها سمسم السمسومه:-r)
دلع شباب وياكي ؟ ^_^
اتسمى اسمك الحقيقي سـٌميه:d
يس :$
واش رايكـ ف الاسئلة ديال فيفي ( شغيغه لالا

منين جبتيه:up
هههههههه شغيغة زيادة عن اللزوم هههه
تحبي التصميم بزاف ولا شوي برك خخخخخخ
60 بالمئة :d
وعلاش خيرتي اسم ( ميس سوسو ) للتعريف بكـ
ليس للتعريف لكن لأتجنب سؤال ماإسمكِ على العام ويكتفي الأعضاء بمناداتي ميس سوسو
من هو اقرب عضو ليك لهنا - واقرب عضوة
ايييه جاوبت من قبل

ايه تفكرتـ اهم سعال
؟؟؟؟ مافهمتش
كي نخدمو بالفوتوشوب كيفاش نحفظو الصورة المعدلة ومن بعد كيفاش نقدرو نحملوها للمة

فهاد الحالة راكي تستفسري على شيء وماراكيش تسألي باش نعتارف لول
علاش ماتستنيش حتى ندير دورة تعليم فوتوشوب شغيغة انتي الثانية

لاني ماعرفتش خخخخخخخخخخخ شوفي واش يخرجلي:$الامتداد "psd"
غير مسموح:down:

ظ…ط±ظƒط² طھط­ظ…ظٹظ„ ط§ظ„طµظˆط±, طھط­ظ…ظٹظ„ ط§ظ„طµظˆط±, ظ…ط±ظƒط² طھط­ظ…ظٹظ„ طµظˆط±, ظ…ط±ظƒط² طھط­ظ…ظٹظ„ ط§ظ„ط®ظ„ظٹط¬
هذا رابط تحميل أدخلي وإختاري الصورة وقمي برفع الملف أو الصورة ^^
وعند التحميل قمي بنسخ رابط الصورة وألصقيه في اطار الرد

إن شاء الله نكون فدتك ^^
​

]

شكرا لكِ أختآه
​

 

[أمــ وليــد الجزائرية]

رد: المتنافسة الأولى.........றĭṩṤ❤Ṡoşσ

نينااااااااااااااااا قتلتيني بالضحك

جبتينا الدروس لهنايا

ركي تبروفيتي يالمخلوقة:d

سوسو علاه تقوليلي شغيغة رني نشطلك في الموضوع

نتشوفي المحقق حمزة هنا تعودي تبوسي عيني باه نبقى معاك غير انا :d

قوليلي سوسو ؟

ماذا تعني الطفولة لك ؟

موقف صرالك في طفولتك مقدرتيش تنسايه يضحك بيانسور ؟

سوسو مع الثانوية احكيلنا بختصار ؟

واش من مرحلة تحبي تعاودي تعيشيها و علاش ؟

:-r:-r
​

 

[أم عبد الله]

رد: المتنافسة الأولى.........றĭṩṤ❤Ṡoşσ

علابالي بلي شغيغه ماشي حتان تقوليلي
الله غالب مي حبيت نفهم قبل الدورة مي شغيغة ماشي قلتيلي خلطيها تصفى:d
سمسومتي ايا قوليلي صح
تعريفك
للحب
للصداقة
وللاخوة
وهل حقا الالفة تغلق باب الصداقة لتفتح باب الحب
تعرفي تكتبي اشعار
البعض يسيء للاخر عن طريق تشويه السمعة مارايك في من يفعل هكذا تصرف
وهل يجب علينا ان نرضخ للامر الواقع ام يجب علينا التحايل لاثبات انفسنا
شيء تتمنين فعله وآخر تتمنين لو انك لم تفعليه
نينا العضوة كيفاش تبانلكـ مخلاف شغيغه
واش يعجبك فيها والحاجة لي ماتعجبكش
وفي الاخير لالا ماكاش في الاخير يلزم نسألوك ليوم مانخلوكش وحدك:p
هواياتكـ التصوير
الكمرا هي افضل صديقة ليك ولا تصوري بالبورطابل :-r

كي اتجاوبيني نولي:-h​