- إنضم
- 17 سبتمبر 2013
- المشاركات
- 2,066
- نقاط التفاعل
- 5,022
- النقاط
- 111
- الجنس
- أنثى
السلام عليكم ورحمة الله وبركاته
كي مسيتو ولا كي صبحتو بخير؟
ان شاء الله تكونوا بيان، مع شفت المسابقة قلت نجري نشارك فيها، وننقلكم بعض التبهديلاسيون لي صرالي
نسيت ياسر مواقف، ولي تفكرتها رايحة نكتبها، وان شاء الله تعجبكم وما يفشلكمش التبهليل لي نكتبو
الموقف لول:
مرة جارتنا حفافة في الصيف قاتلي مادامك راكي قاعدة ارواحي شديلي الصالون في الصباح، قلتلها جامي شديت صالون راني نعرف نجبد الشعر برك "بغوشينg " قاتلي نورمال، ايا سميت باسم الله وبديت نحل الصالون الصبيحة وحدي
ويجو لي كليونت ونجبدلهم الشعر ونقولهم مانعرفش الصبغة و الذي منو
، حتى واحد النهار جاتني واحد المدام وقاتلي عندي لعشية عرس وشعري ولى طويل ولازم تنقصيلي منو، فهمتها في لافير وبلي راني شادة الصالون برك ونعرف لبروشينg وخلاص قاتلي نورمال نقصيلي برك منو وكيما عييت نفهمها والو
ايا شديت المقص وبديت
وكل مانقصص نوريلها وهي تقولي زيدي شوية منا، نروح نقص لجيهة لخرى وهي كل مرة تقولي زيدي، وكي بديت في السيشوار حصلت، ومع المخلوقة شعرها كشرووووووووووووووووووودة
يبعد عليكم، بشق الانفس باه جبدتو ومع هو ولا قصير ومكشرد طلع للعلالي
وانا قلبي ولا يخبط بسرعة البرق
وكانت المفاجأة وشافت الأميرة روحها في لمرايا
وتخيلوا نتوما الموقف وبدات تبهديل ثمة درتلها pause
فلتلها مدام ياك انا فهمتك وانتي قلتيلي روحي برك انا نقولك كيفاه، دونك ماهيش غلطتي، يمالا قاتلي والله ماتديها دورو
، وكون ما كالميتهاش بالهدرة كانت رايحة ديرلي هاك
وراحت الأميرة ساندريلا...
وكي حكيتها لمولات الصالون قاتلي هنيتيني منها هاذيك راها موخذتني بالكريدي
وااااااااااااااو شحال بردتلي قلبي
في لافان درت فايدة ياك؟
الموقف الثاني:
مرة كنت مع ماما جايين من دار بنت عمتي، هبطنا من البيس وما أحلانا
ونمشو ونحكوا، حتى كي وصلنا لواحد الزقاق طوييييييييييييييييييييييل وكان شوية فارغ معانا زوج بنات برك يمشوا قدامنا حتى سمعنا واحد المهبول مسكين
يزقي "يصرخ" وبدا بالمصارعة، وهاذوك لبنات ابداو يضحكوا وراحوا يجروا، انا قلت راني مع ماما نكورج شوية
، بصح المفاجأة وين في رايكم؟
ماما شدت حجابها وخلاتني وراحت تجري ههههههه وكون شفتوها وهي تجري حااااااااالة
أول مرة نشوفها تجري تقول راها في الماراطون، وأنا مخلوعة ونقولها: استنايني
وهي حنونتي، تجري وتقولي الحقيني اجري اجري قدام لا يوصل، والله ماحبست هههههههه ايه يا ماما
ولمزية كنا قريب من الدار كي دخلنا ماسكتناش من الضحك وحكمنا الفو غيغ، ثمة تفكرتني قاتلي: واش لاباس؟ طقتي تجري؟
هاذي هي بعض تبهدايلي وجياحة لي مرات تجيني، ان شاء الله ما نكونش طولت عليكم وما سمطتش، واذا لقيتوا التبهليل ياسر مقيبو برك. جا في بالي موقف واحداخر بصح يقولك: "لا تكثر على الملوك لا يملوك"
سلام لحباب
ان شاء الله تكونوا بيان، مع شفت المسابقة قلت نجري نشارك فيها، وننقلكم بعض التبهديلاسيون لي صرالي
نسيت ياسر مواقف، ولي تفكرتها رايحة نكتبها، وان شاء الله تعجبكم وما يفشلكمش التبهليل لي نكتبو
الموقف لول:
مرة جارتنا حفافة في الصيف قاتلي مادامك راكي قاعدة ارواحي شديلي الصالون في الصباح، قلتلها جامي شديت صالون راني نعرف نجبد الشعر برك "بغوشينg " قاتلي نورمال، ايا سميت باسم الله وبديت نحل الصالون الصبيحة وحدي
وكانت المفاجأة وشافت الأميرة روحها في لمرايا
وراحت الأميرة ساندريلا...
وكي حكيتها لمولات الصالون قاتلي هنيتيني منها هاذيك راها موخذتني بالكريدي
وااااااااااااااو شحال بردتلي قلبي
في لافان درت فايدة ياك؟
الموقف الثاني:
مرة كنت مع ماما جايين من دار بنت عمتي، هبطنا من البيس وما أحلانا
ماما شدت حجابها وخلاتني وراحت تجري ههههههه وكون شفتوها وهي تجري حااااااااالة
وهي حنونتي، تجري وتقولي الحقيني اجري اجري قدام لا يوصل، والله ماحبست هههههههه ايه يا ماما
ولمزية كنا قريب من الدار كي دخلنا ماسكتناش من الضحك وحكمنا الفو غيغ، ثمة تفكرتني قاتلي: واش لاباس؟ طقتي تجري؟
هاذي هي بعض تبهدايلي وجياحة لي مرات تجيني، ان شاء الله ما نكونش طولت عليكم وما سمطتش، واذا لقيتوا التبهليل ياسر مقيبو برك. جا في بالي موقف واحداخر بصح يقولك: "لا تكثر على الملوك لا يملوك"
سلام لحباب
