كاميرا كاشي mlina4algeria تمنحكم حلقة خاصة {خاصة بمسابقة مميزون}

[أمــ وليــد الجزائرية]

​

أحبائي أعضاء منتدى اللمة الحبيبة

نلتقي اليوم مع أقوى مسابقات اللمة

إن شاء الله تكونو كامل بخير



الجميع بات يعرف mlina4algeria
صاحبة كميرا كاشي الخطيرة

و اليوم جمعتنا المسابقة من جديد
وقلت لازم نروح نرفد كاميرتي

بيناتنا خفت عليها تتخسرلي
بزاف من رمضان لرمضان
لازم نمشيها شويا :d



درك تقولو شكون هذي الضحكية الي مزال معرفتهاش و طاحت في الشبكة ثانيك

حسنا انا رح نقوللكم
.
.
.
.

مدام رنا في مسابقة مميزون
جاتني غير




═♥° شجـ الروح ـون °♥═




رحت راسلتها بعد ما كمل التصويت بيني وبين سيرين
كانت عندها شويا مشاكل مخلاواهش تدخل
و انا جاتني سواسوا

بديت معاها بهذا المساج

:down::down::down:

​

[FONT=&quot]
[/FONT]

اختي مساء الخير
علبالك حبيت نقولك حاجة منقدرش نخليها تفوت
لانو صح وجعتيلي قلبي
معليش نهدر ​

[FONT=&quot]
[/FONT]جبتهالها من البداية
المخلوقة حنينة بزاف
و مقدرتش على وجع قلبي
رجعتلي مباشرتا [FONT=&quot]
[/FONT]

وعليكم السلام
مساء الخيرات
اتفضلي
اختي
الا وجع قلبك مانرضاوهش ^^

[FONT=&quot]


[/FONT]و هنا يتفتح لي المجال باه نعبر [FONT=&quot]

:-r:-r
[/FONT]

علاه تحقري الناس
درتونا مسابقة بعد مقيمتوناش اصلا
رني شفت الي قبلي و حنا حتى متفضلتيش تشوفي المواضيع قصدي ديالي و تاع سيرين
كنتي متخيروناش من الاول ولا كي مكانش بزاف اعضاء خيرتونا يا الله ​

[FONT=&quot]

[/FONT]بداتلي بنقاطي
وحدة مور اخرى
حسيتها تغلي وهي تكتب
و نسيت نقوللكم هذاك نهار كان المولد النبوي الشريف
مسكينة بيتتها بلا عشا
[FONT=&quot]

[/FONT]
[FONT=&quot]
[/FONT]

هذا اللي موجع قلبك؟
ياختي لباس عليك
المواضيع تابعتها رد برد
وتابعت اجاباتكم سواء انت ولا سيرين
خلقلي برك مشكل مع لاكوناكسيون نهار تالي
خلاني نتصل بالرقابة ونطلب اغلاق المواضيع
بلا مانختمها او نكتب رد
باش مانتعداوش المدة ااالرسمية
ثاني نقطة وهي الاهم
انا مانيش اللمة بكل
الاعضاء اللي داروا بيكم كفاو ووفاو
يعطيهم الصحة
ثالث نقطة لاكانك تشوفي فالمسابقة طيحت من قيمتك
نستنى انسحابك فالرد التالي
وباقي الاعضاء المشاركين فيهم بركة
رابع نقطة
صحا مولودكم
خليني نقولك بعد
اسقاز امقاز..

[FONT=&quot]
[/FONT]هنا كانت حابة تقولي اخطيني و عافيني كما دارت ساندي
فكرتني فيها والله
اه يا سجون قصدي ياشجون
كيفاه ننسحب وانا بديت معاك المسابقة

[FONT=&quot]
[/FONT]

درك خلقتي عذر تاع النات
يعني فقتي لروحك انو حتى مرديتيش علينا قبل غلق الموضوع
اكيد رح ننسحب حتى تقوليلي
و باه نزيدلك حاجة برك نأكدلك انك ضلمتيني
درت موضوع تعبت عليه باه نقدمو باجمل وجه و اكل قالو استاهل تثبيت
انت ولا علبالك كان جا من عضوة تعرفيها كنتي ثبتيه مباشرتا
معروفين تخدمو بلوجوه و مع الاسف جيتي متعرفيتيش
زيدي قوليلي راني غالطة هنا ؟​

و انا نقول في قلبي مزية كي معرفتيش بخرايبي
سينو تروحلي اليوم معاك
[FONT=&quot]

[/FONT]

كتبتي موضوع وانت مازال ماربحتي التصويت؟
وقالولك يستاهل التثبيت؟
طيب انسحابك مقبول
حتى سيرين مواضيعها ماعندنا مانقولو فيها
وتستاهل التثبيت
ربي يوفقك

هنا كانت تخربط كامل
المسكينة مخليتلهاش عقل
واشمن موضوع الي درتو انا قبل التصويت
حتى شكيت في روحي
لقيتها فرصة باه نزيد عليها شويا لادوز

مباشرة قبلتي الانسحاب ديالي الناس تربح الاعضاء ونتو تحاوزوهم
سمحيلي مش عقلية كامل وانت كنتي تبانيلي حاجة اخرى
على كل واش نقول ربي يهدينا انت ضلمتيني و مش رح نسكت عليها
و بزيادة نزيدهالك برك درتي مسابقة 100/100 تاع العام الي فات حتى مقدرتيش تبدلي الاسئلة
مقدرتيش على القسم كنتي تمديه للي يقدرلو
متحبوش واحد يحكي سيريو
تحبو غير الي يجاملكم

ترد بوحد الهدوء
والي في القلب غير ربي الي علبالو
السهرة راحت معايا
[FONT=&quot]:-r:-r
[/FONT]

الهدرة مرة ماش عشرين
قلتي ننسحب قتلك اللي يريح اختي يندار
والصعيب عليك ساهال علينا....
مايهمنيش كيفاش نبانلك انا
اهم حاجة كيفاش تباني لروحك
وماتسكتيش خيتي علاه تسكتي سمعينا صوتك الباهي
واحكي واش في خاطرك
مي ماتجامليني مانجاملك
هدرتك ماعندها ماراح تزيد فيا
وكل واحد في عين روحو غزال ^^
ايه نسيت
ماعادش تحكي بصيغة الجمع
ماعجبتكش انا علاش تجمعي باقي الغاشي
وماتنسايش انك محسوبة على الجماعة اللي تحكي عليها[FONT=&quot]
[/FONT]
ربي يسهلك ختيتي

[FONT=&quot]
[/FONT]ختيتي قالتلك انا منهدرش بزاااف
واش جاب ناكسيبتي هذي المخلوقة في المسابقة
واش درت ياربي باه تبعثلي ناس كما هذو
قلت درك نبعثلها واحد المساج متفهم فيها والو

صح صح هاو لكلام الزين عجبتيني هنا
اسمعي تقدري تديري حاجة يعني
روحي للموضوع الي غلقتيه و عاودي ردي عليه كي حنا كي الناس
قصدي انا و سيرين
هك تكوني صح خدمتي بشفافية

انت تقوليلي واش ندير و الله ماينة عليك
يا ملينة لقبايلية
اسوقاس امقاز
[FONT=&quot]

[/FONT]
[FONT=&quot]
[/FONT]

سامحيني
مانيش تحت امرك
وقلتهالك قبل
الاعضاء اللي ردوا كفاو ووفاو
ورد واحد من ردودهم بعشر ردود من عندي
و يا اختي بلادنا خاطيها الشفافية.....
اتهلاي في روحك

[FONT=&quot]
[/FONT]ايه فهمت واش قصدتي
وعلبالي بواش حسيتي
و كي ختمتهالي بتهلاي في روحك
عرفت انو المخلوقة مرضت مني خلاص
زعمة ختمتها هنا
نونونو مزال

:d:d

علاه تقوليلي اتهلاي في روحك
واش جاب الروح هنا
انت مالا رح تسمحي فيا خلاص
قابلة بالانسحاب ديالي
راكي سووور منك

لعبتهالها انا شويا مهبولة
وهي كرهتني في هذيك دقيقة
بصح محبتش تبين
لعبتها هادئة جدا
[FONT=&quot]
[/FONT]
[FONT=&quot]

[/FONT]

[FONT=&quot]
[/FONT]قلت لاختي اللي يريحك ه>اك هو
قلتي ننسحب قلت طيب
شوفي يا خيتي
مانحب نهدر بزاف
مانحب كثرة الهدرة
كلمة وحدة تكفي
وزيد انت ولا سيرين كيف كيف
اتهلاي في روحك

شفتو هذيك روحك كيفاه زوماتها
حاب تقول ثماك
روحي اخطيني
و انا هنا قلت سيبو
درك نضرب القنبلة الاخيرة
غاضتني شوي بصح قلت تستاهل
رنا في مسابقة مميزون

علاه زوميتيلي روحك هذيك
لا انا ولا سيرين
انساينا في زوج فهمتي
روحي حوسي وين تلقاي اعضاء تخدعيهم بحيلتك
اعرفي انو البقية مش رح تلقايهم من غدوا يعني غير مكلاه تحطي مواضيعهم
هك اموا ماتتبهدليش
و حتى هذاك التوقيع ولا خذيتي رايي غير نحيه راه ميصلحش تحطيه في توقيعك خلاص
تقدري تكملي المرحلة الاخيرة من درك لانو اكل عرفوك و هدرت معاهم ديجا و قالولي مش رح نردو عليها
معنتها غير مكلاه تبهدلي روحك

شفتو حتا زوميتلها روحك قصدي رجعتهولها انكولور
هي خلاص ولات دورتها عملية جمع

و في الاخير
راحت تصلي زوج ركعات
قالت بلاك يبعدها ربي عليا :d
كي شفتها طولت زدتلها ميساج اخر

هي الهربة الي قدرتي عليها
ولا رحتي تحوسي اعضاء اخرى :d
على كل تصبحي بخير و ربي يوفقك في مسابقتك :-r

شوفو عملية الجمع معايا
[FONT=&quot]:down::down:

[/FONT]

قلت لاعودش عينيك تعبانين شوية
نكبرلك تشوفيها مليح
مايوليش عمى قلب وعينين ^^
+
فالعادة والعادي مانحوسش عالناس
هم اللي يحوسو عليا
+
نحط والا مانحطش هدا امر مايخصش اختي
مكان لاه تحيري روحك بيا
التهاي في امورك بزايد تعب عليك
+
التبهديل ماشي ليا يا الحبيبة
الحمد لله عارفة قدر روحي وعارفة وين نحط رجلي
ماتخافيش عليا يا لعميرة
+
ورااااس لعزاز عليك ماهربت
كنت نصلي في ركعتين
ماقعدتلكش برك
ولا نجاوب اختي
مانخليهاش تستنى باطل :*
تصبحي بخير يا القبايلية
ربي يهدينا ان شاء الله

[FONT=&quot]
[/FONT]اللهم امين اجمعين

هذا المساج وصلني صبح كي رجعت
مقدرتش نسهر طولت في الصلاة و الدعوات
انا نضت نضت معولة عليها

صباح الخير
حتى وليتي تدعي علينا
و جمعتي + مع + باه تختميها بالله يهدينا
فهمتك على كل
لهذي الدرجة
و استناي واش رح يستناك اليوم

لعبتها تقلقت

وهي جات توكلني محاجب
[FONT=&quot]:p:p

[/FONT]

هههههه وصباح الخير علاه
كنتي ماتقوليهاش
تعجبيني تفهميها طاااايرة الله يبارك عليك يا اختي
تعرفي راح ندير غدايا محاجب
تجي اختي تفطر عندي؟

[FONT=&quot]

[/FONT]نقوللكم حاجة سور مدارتش لمحاجب هذاك نهار

ياسبحان الله ركي تحوسي تشريني ضركا
بركا ماتداسري انا قلتلك روحي شوفي اعضاء جدد تغطي بيهم مسابقتك
و ربي يسهل عليك

تحوسي تشريني ياطاطا
هذي جديدة

[FONT=&quot]
[/FONT]نشريك؟

لكانك شايفة روحك تتباعي تبانلي مكاش مشكل ^^
هاذ الساعة خيتي هي اللي راهي تراسل فيا
وعيب يحكي معاك واحد وماترجعيلوش

[FONT=&quot]
[/FONT]قاعدة تتهربلي من الموضوع
وانا بقيت غير نحوس نجبدها

حنا نحكيو على موضوع وانت تحكيلي على لماكلة
كوني مسؤولة و احكي في الموضوع متخرجيش منو

المخلوقة تحوس تستفزني [FONT=&quot]

[/FONT]
[FONT=&quot]

[/FONT]

ههههه عندي خيال واسع
ماتلوميش اذا خرجت عالموضوع

[FONT=&quot]

[/FONT]
كنت لازم نرجعها للخط
:-r:-r

شوفي اناس مهيش تضحك
انا رني نهدر وانت ركي تقعدي و تستهزئي بيا
ربي يسامح
روحي روحي كملي مواضيعك كي ركي شايفة روحك سطار
الي يضحك الاول واش يسرالو امبعد
خلي نتفرجو حنى للنهاية السعيدة

رجعت تحاوزني ثانيك
عجبني طريقة غليانها
سكوتي سكوتي
[FONT=&quot] :p:p

[/FONT]

مول النية والقلب الصافي يضحك في لول وفي تالي ماتحيريش روحك
يكفي هدرة زايدة
ماذا بيها بنيتي تلم وراقيها وستيلواتها وتتصبح عليا
مانيش قاعدتلك والله
والا نلعب معاك شوية ^^
[/QUOTE[FONT=&quot]]
[/FONT]
هنا قلت لازم نختمها سينو لمحاجب يتحرقو
روحتلها المولد النبوي نزيد لمحاجب بزاف
خايفة تخلاص عليا مـــال

وش هذ الهدرة راكي ماتعرفيش تهدري خلاص زعمة مشرفة!
المرة اللولة تقوليلي راكي تتشراي وتتباعي ومانعرف وامبعد تتمسخري بيا ودركة تترفعي
راكي عارفة او يلزم على المشرفة يلزملها تكون حكيمة وقلبها كبير!
نتي زوج كلمات نضتي فيا اسمحيلي رايحة نعمل تبليغ على رسائلك
عيب كبير وش هدرتي وانا مش رايحة نسمح في حقي
يخي حالة يخي مشرفات اخر زمن
و غير هذاك القسم الي رح نحكمو و تشوفي بعدها كيفاه يكون الاشراف
هدرتي خلاصت معاك
و بصحتك لمحاجب

وديما يعجبك لحال ترد ببرودة
و تخبي النار الي جواتها [FONT=&quot]:d
[/FONT][FONT=&quot]
[/FONT]

[FONT=&quot]
[/FONT]واحد مايرضالك تسمحي في حقك بنيتي
يلزم تكوني فحلة وتمدي ذراعك على طولو وتدي حقك
واللي تصحلك نزيدك فوقها حبة حلوة ^^
الهدرة خلاصت عندها وقت
برك شيء ناس ضايق خاطرهم يلزم نساعفوهم
واش راح نديروا
والله يسلمك

[FONT=&quot]
[/FONT]و هنايا قلت رح تكون النهايا
عرفت انو رح تبقى سكوتي سكوتي
الور نخليها تكمل هنا
اصلا بزاف عليا كوبي كولي
وهذا الي صرا درك

اختي سجون الروح
انت علبالك اني ربحت التصويت ولا لالا؟
ولازم عليا نوجد موضوع فكاهي :d
و على هذي كنت نحوس ضحية كامرتي المشهورة :-h
كنت خايفة تفيقيلي من الاول لانو معضمهم طاحو في الشبكة:-r
روحتي في الخط وقدرت نستفزك :dمي ردودك كانت اكل باردة :-h
رح نقولك انك شاركتي في كاميرا كاشي سلامت راسك برك
و المراقبة كانت برك مساعدتي استنجدت بيها
كي شفناك قلقتي قلنا احسن نحبسوها هنا
ان شاء الله متكوني زعفتي زعفة كبيرة
و نمدلك موعد عن قريب انتضري الموضوع يخرج بيانسور
ولا انت قبلتي يتعرض​

وهنا رجعتلي بوجه الشر مع الصبح ربي
و حمد الله كي خرجت سلامات
بيناتنا
قالتلك شكيت
ياو الشك مش مليح لصحة


[FONT=&quot]

[/FONT]

واش نقولك
وجه الشر لوكان نحكمك يبانلك
شكيت شوية مع الاول
بعدها قلقوني الكلمات اللي كنتي تستعملي فيهم
لوكان جيتي قدامي نتشنشفك -_-
هههه نقلق صح مي لمزية مانخرجش العيب
مانعطيش للناس حاجة يحكموني بيها ^^
كيف مادرتي انت اليوم ياوحد الموفيصة
ومكاش تصويت قلتي ننسحب
هدرنا مرة ومانعاودوش خخخ
اتفرت فيك

كانت حابة تخرجني من المسابقة
هههه خافت مسكينة
ومحملتتش واش فات عليها
سلامتك يا
شجون الروح

هك كانت حلقتنا
مع صاحبة الروح
قدرنا نعرفو عقلية جديدة
وكل مرة كامرتنا تكشفلنا وجوه في لمتنا
شجون المعروفة انها تدور في اللمة بصمت
حتى كامرتي ستقبلتها بصمت
وردودها كانو بصمت
حاولت قد ماتقدر تخبي
بصح في الاخير قرت انها
كان لقاتني حذاها تشنشفني


نتلاقاو ياجماعة الخير
قريبا جداا
علبالي طولت بصح واش ندير هي الي بغااااات


دمتم بخير
و السلام عليكم
سهرة ممتعة
​

​

 

[شجـ الروح ـون]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

يا ناااس قلتلكم نقتلها نهنيكم من شرها هههه
وين تروحي مني ويين ههه
مصيبة
​

 

[مطبخ الأحلام]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

هههههههههههههههههههههه

شغيغة والله

بصح ماقربتنيش لانها كانت عارفة راح نكشفها هههههههههه

سلامات سلامات

ياااااااااااااااااااهووو كي غاية راني فرحانة غي كي ماقربتينيش هههه

موفقة غاليتي

موضوع طريف مميز ^^
​

 

[!≈[سُِـِيٌــِـِفّ اٌڷِخً‘يٌـرُ]≈!]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

امليح تفكرنا رمضان مع لكاميرا كاشي

أختي شجون الروح راهي حكماتك فلة بصحتها

يعطيك صحة فلة موفقة ان شاء الله
​

 

[شجـ الروح ـون]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

فلة ابدا ماكنتش نمثل فالبرووود
اعصابي باااردة من عندهم خخخ
​

 

[أمــ وليــد الجزائرية]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

يا ناااس قلتلكم نقتلها نهنيكم من شرها هههه
وين تروحي مني ويين ههه
مصيبة
​

يالله سور دعيتي عليا

هذا الموضوع مجا يتنحط حت شبت

زوج مرات و نص و انا نعاود فيه ياااااااااع

و اخيرا خرج لساحة الفنية
​

 

[أمــ وليــد الجزائرية]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

هههههههههههههههههههههه

شغيغة والله

بصح ماقربتنيش لانها كانت عارفة راح نكشفها هههههههههه

سلامات سلامات

ياااااااااااااااااااهووو كي غاية راني فرحانة غي كي ماقربتينيش هههه

موفقة غاليتي

موضوع طريف مميز ^^
​

ههههههههه

نشوفو واش درتي انت

ههههه منيش طول نركز

واخيرا حطيت الموضوع لازملي رقدة طويلة هههههه

سلامتك سوسو كنت حابة نخليكم تتفكرو يامات رمضان
​

 

[شجـ الروح ـون]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

يالله سور دعيتي عليا

هذا الموضوع مجا يتنحط حت شبت

زوج مرات و نص و انا نعاود فيه ياااااااااع

و اخيرا خرج لساحة الفنية
​

ماشفتيش روحك يومين وانت تهرجي فيا بميساجاتك
في حقك تهلوسي وانت ترتبي فيهم ههه
يعطيك الصحة فلة
وماندعيش على اختي كونك هانية
​

 

[أمــ وليــد الجزائرية]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

امليح تفكرنا رمضان مع لكاميرا كاشي

أختي شجون الروح راهي حكماتك فلة بصحتها

يعطيك صحة فلة موفقة ان شاء الله
​

لازم مكان في بالي غير مولات المسابقة

رنا نستناو مواضيعك موفقك نت ثانيك

خلي المنافسة تكون ساخنة سيفوو نستناوك
​

 

[أمــ وليــد الجزائرية]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

فلة ابدا ماكنتش نمثل فالبرووود
اعصابي باااردة من عندهم خخخ
​

مالا لازمك مدفأة باه تديري تعديل للاعصاب :d
​

 

[السلطانة]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

وعليكم السلام
آه يافلة وخرايبك تبا لكي
ههههه لي مطاحش في يدك يكدّب الشعور لي تعيشيه فيه تبا لكي يجي نهارك كاش نهار خخخ
عيشتي شجون في دمار وعشية المولد هههه حلقة هايلة
يعطيك الصحة

​

 

[أمــ وليــد الجزائرية]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

ماشفتيش روحك يومين وانت تهرجي فيا بميساجاتك
في حقك تهلوسي وانت ترتبي فيهم ههه
يعطيك الصحة فلة
وماندعيش على اختي كونك هانية
​

هههههه مزية كي كملتو بخير وعلى خير
:-r:-r
بلامزية فرصة نبدلو شويا الاجواء في لمتنا
​

 

[أمــ وليــد الجزائرية]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

وعليكم السلام
آه يافلة وخرايبك تبا لكي
ههههه لي مطاحش في يدك يكدّب الشعور لي تعيشيه فيه تبا لكي يجي نهارك كاش نهار خخخ
عيشتي شجون في دمار وعشية المولد هههه حلقة هايلة
يعطيك الصحة

​

خيرت نهاري ياسندي
مناسبة مناسبتين :d
قلت غير هنا وين نقدر نحكمها
متحلفيش عليا رني مور مسابقة مميزون
نروح للحج و منرجعش حتى مور العيد :p
منحضرش معاكم رمضان :d:d
​

 

[!≈[سُِـِيٌــِـِفّ اٌڷِخً‘يٌـرُ]≈!]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

لازم مكان في بالي غير مولات المسابقة

رنا نستناو مواضيعك موفقك نت ثانيك

خلي المنافسة تكون ساخنة سيفوو نستناوك
​

أمليح عرفتي تخيري

يعطيك الصحة

اواه انا ما نبانش معاكم هذي حقيقة

مي رايح نحاول برك
​

 

[أم عبد الله]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

يا ناااس قلتلكم نقتلها نهنيكم من شرها هههه
وين تروحي مني ويين ههه
مصيبة
​

ههههههههههه سمسومتي راكي فور لوكـآن جيتـ ف بلاصتكـ نخرجلها م ليكرو ناكلها بسناني ههههههههههههههههههه
راكي :up::up::up::up: الله يبقيكـ بعقلكـ بركـ تعودي تهبلي ثان :p


شغيغتي والله ماتحشمي قتلتي المخلوقة بهبالكـ مزيـآ لي جـآتـ رزينة
مي ردودهـآ عجبوني خليتـ كلش وبقيتـ نقرى ف الحكاية ومابغاتش تخلاص طولتيهـآ علاش عليكـ
خخخخخخخخخخ وليتـ نخاف منكـ مانزيدش نرد ع رسايلكـ راهم ملغمين ياجدكـ هههههههههههههههههههههههههههههههههه


سلامي​

 

[aljentel]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

هههههههههههههههههههه

اختيار موفق وذكي مالينا كونك اخترتي شجون بكامرتك وتصوير الموضوع كما لو كان يتحدث عن موضوع لازال مدار البحث حقا امر مربك لشجون لأنه يبدو بعيد كل البعد عن الكاميرا الخفيه او كاميرا كاشي ..لكن والحق يقال نجحت شجون نجاحا باهرا بالإمتحان لانكِ لم تستطيعي استفزازها وخروجها عن طورها بل سيطرت على اعصابها بكل هدؤ واتزان ... شكرا ملينا وشكرا شجون .....

 

[Pyar]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

وعليكم السلام :d
هههههههه وقعت في شبكتك يالشريرة
على الأقل تعرفت على طاطا سامية أكتر :d
من قبيل و أنــآا ميتة من الضحك
يعطيييييك الصحة فلفولة
بالتوفييق
​

 

[ام منصف]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

ياو قلتلك يا فلة راكي مشاغبة بالفطرة هههههههههه
حلقة هايلة مع الرزينة سمسومة اللي هي سجون الروح هههههه باش ما تغلطيش
يعطيك الصحة يا مولات الافكار الجهنمية
وبالتوفيق في المسابقة
​

 

[حكيك]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

يعطيك صحة فلة سامية تقيلة ورزينة :d
موفقة ان شاء الله

 

[يونس الصديق]

رد: كاميرا كاشي mlina4algeria تمنحكم حلقة خاصة {خاصة بمسابقة مميزون}

السلام عليكم
صراع
ثرثرة واضحة ^^ ومازاد الطين بلة محاجب الحارين
جميل الموضوع
تحيتي