حساء السمك من مطبخي مممممممممم

[ام ريهام]

درت 1كلغ سمك منقي متنوع راسكاس دوراد الروجي راية اسبادو.....انا هاذو لي كانو متواجدين عندي نقدرو ندير اي نوع مقطع طراف كبار
حبة جزر حبة بسباس حبة بصل راس بورو 3سنات ثوم حبة طماطم باقة عطريةفيه قصبر معدنوس رند
شوية زعفران ملح فلفل اسود زعيترة وزعتر شوية كمون زيت زيتون

نقو الخضرة ونقطعوها مكعبات جزر بصل بسباس بورو ونديروهم يتقلاو مع الزيت نقلوهم مليح ونزيدو الحوت ونقلو كلشي 5دقايق

نقطعو الطماطم والثوم ونزيدو الزعفران والفلفل عكري وربطة حشاوش لي عندنا ونظيفوهم للقدرة من بعد نمرقو بالماء الساخن

بعد ما يطيب كلشي نحو الحوت وحدو ونحولو الشوك ونحي شوية طراف حوت للتقديم والباقي نرجعوه للقدرةونطحن كلشي

ونحطو الزعتر والزعيترة بين يدينا ونحكوها شوية برك باش ما يمدوش ذوق مر مع رشة فلفل اسود ونرجعو القدرة للنار حتى تعقد ونقدموها

ونقدمها مرفوقة باطراف الحوت وبعصير الليمون والهريسة يممممممممم

شهية طيبة

 

[نور الحبوبة]

رد: حساء السمك من مطبخي مممممممممم

يعطيك الصحة صغرونتي راكي خبيرة في الاسماك قتلك انجي ندير عندك الستاج انا عمري ولا درت لاسوب انتاع السمك
مي ان شاء الله نجرب وين اجبهولي على فكرة هو انوعلي فيهم وانا نعرف الوح غير في المقلاة ولا الفور
بصحتك نعيمة راهو ابان اشهي قوليلي البورو هذا نوع من الاسماك ولالا
​

 

[السلطانة]

رد: حساء السمك من مطبخي مممممممممم

يمممميييي يعطيك الصحة


كون جيت نتوحم تحصلي في جرتي هههه


تسلم الأيادي

 

[ام@الاء]

رد: حساء السمك من مطبخي مممممممممم

يعطيك الصحة
تسلم ايدك
​

 

[ام ريهام]

رد: حساء السمك من مطبخي مممممممممم

ختيتو البورو نوع من الخضر يجي كي الثوم الاخضر ولا البصل بصح عندو رائحة قوية
ساندي ايا مزية لي مراكيش تتوحمي سينو يخرج وليدك ولا بنتك كي الحوتة هههه
شكرا على المرور العطر

 

[om mimi.mili]

رد: حساء السمك من مطبخي مممممممممم

يعطيك الصحة يا لالة راكي بروفسيونال في الحوت يبان يشهي بصحتكم:up::up:

 

[ام الحلوين]

رد: حساء السمك من مطبخي مممممممممم

ممممممممممم تبان تشهي
مشكورة اختي

 

[هِدايات]

رد: حساء السمك من مطبخي مممممممممم

rani sayma w nti zdti 3liya.rah nebki

 

[ام ريهام]

رد: حساء السمك من مطبخي مممممممممم

تقبل الله صيامك اختي

 

[lina-67]

رد: حساء السمك من مطبخي مممممممممم

امممم هايل نجربها ان شاء الله
بصح شفتك تطيبي بزاف الحوت باين تسكني في منطقة بحرية