شوفو خبز الدار نتاع الفرينة

[ام سراج وملاك]

السلام عليكم اخواتي اليوم حبيت نقدملكم خبز نتاع الفرينة اذا عجبكم نحطلكم المقادير

شوفوه من الداخل واش طري ومفشفش

نتمنى يعجبكم في انتظار الردود نتاعكم

مقادير نتاعو هي اول حاجة ديري 2كاس حليب دافئ مع 2مغارف كبار خميرة الكسرة + 2فنجال نتاع قهوة زيت + 2 مغارف كبار سكر عادي + كاس فرينة تخلي لعجين يريح 5 دقائق قيس ماتخمر الخميرة مبعد زيدي حبة بيض وبياض بيضة مع الفرينة حتى تتحصلي على عجين طري ادهني لعجينة بالزيت وديريها في صاشي نتاع نيلو نظيفة وخليها تطلع حوالي ساعة مبعد قرصيها انا درتها في بلا نتاع كوشة قرصة كبيرة اذا درتيها في بلا نتاع الفور اقسميها على زوج الطلية من فوق صفار حبة بيض + 2 مغارف قهوة طايبة وذري السينوج من فوق وخليها تريح حوالي نصف ساعة او اكثر تزيد تخمر نتي تعرفيها كي تزيد تخمر في البلا وطيبيها اذا مفهمتيش اختي انا في الخدمة
​

 

[ام@الاء]

رد: شوفو خبز الدار نتاع الفرينة

ممممم يشهي
يعطيك الصحة اختي
​

 

[ام سراج وملاك]

رد: شوفو خبز الدار نتاع الفرينة

شكرا لك

 

[ملكًة الاحسآس]

رد: شوفو خبز الدار نتاع الفرينة

وعليكم السلآآم
اممم نديروه فالدآر ويجي هآيل
حتى التعب ومآفيهش ، منعرف الآ بنفس الطريقة ولآ طريقتك مختلفة
على العموم في كل الحآلتين بحآجة تفيدينآ بالوصفة
يعطيكـ الصحة
​

 

[الحلم الوردي]

رد: شوفو خبز الدار نتاع الفرينة

اممم
نديروه فالدآر ويجي هآيل
باسكو
حتى التعب ومآكاش
ومام يجي خفيف
جاك روووووووعة
بصحتك

​

 

[ام سراج وملاك]

رد: شوفو خبز الدار نتاع الفرينة

وعليكم السلآآم
اممم نديروه فالدآر ويجي هآيل
حتى التعب ومآفيهش ، منعرف الآ بنفس الطريقة ولآ طريقتك مختلفة
على العموم في كل الحآلتين بحآجة تفيدينآ بالوصفة
يعطيكـ الصحة
​

شكرا لك على المرور اختي مقادير نتاعو هي اول حاجة ديري 2كاس حليب دافئ مع 2مغارف كبار خميرة الكسرة + 2فنجال نتاع قهوة زيت + 2 مغارف كبار سكر عادي + كاس فرينة تخلي لعجين يريح 5 دقائق قيس ماتخمر الخميرة مبعد زيدي حبة بيض وبياض بيضة مع الفرينة حتى تتحصلي على عجين طري ادهني لعجينة بالزيت وديريها في صاشي نتاع نيلو نظيفة وخليها تطلع حوالي ساعة مبعد قرصيها انا درتها في بلا نتاع كوشة قرصة كبيرة اذا درتيها في بلا نتاع الفور اقسميها على زوج الطلية من فوق صفار حبة بيض + 2 مغارف قهوة طايبة وذري السينوج من فوق وخليها تريح حوالي نصف ساعة او اكثر تزيد تخمر نتي تعرفيها كي تزيد تخمر في البلا وطيبيها اذا مفهمتيش اختي انا في الخدمة

 

[ام سراج وملاك]

رد: شوفو خبز الدار نتاع الفرينة

اممم
نديروه فالدآر ويجي هآيل
باسكو
حتى التعب ومآكاش
ومام يجي خفيف
جاك روووووووعة
بصحتك

​

شكرا لك اختي ربي يعيشك

 

[crazy of mydz]

رد: شوفو خبز الدار نتاع الفرينة

يعطيك الصحة اختي
راهو رائع ياريت تقولي لنا على الوصفة
​

 

[ام سراج وملاك]

رد: شوفو خبز الدار نتاع الفرينة

اختي الوصفة راني كتبتها للاخت لي قبلك شكرا على المرور

 

[حاتم خليفة]

رد: شوفو خبز الدار نتاع الفرينة

هذا وين كنت ناكل فيه مع القهوة

 

[حكيك]

رد: شوفو خبز الدار نتاع الفرينة

جاك هايل
تم نقل الموضوع وصفات السندويشات والمعجنات والمخبوزات الحصرية والمجربة
وضع الوصفة

 

[ام سراج وملاك]

رد: شوفو خبز الدار نتاع الفرينة

بصحتكم