محتاجة رايكم

[مشكلتي]

السلام عليكم
عندي مشكلة كبيرة عقدتني في حياتي وعييت منها وملقيتش حل
يمكن انا برك معقدة منها
انا طفلة راني درك 23 سنة
عندي مرض او عيب خلقي
من الي زدت وانا هك
من فبل كان ميهمنيش مي درك وصل وقت الصح وملقيتش حل
راح يخطبني واحد ومعلبليش كيفاش اندير
نقول ولا منقولش
وكي نجي نقول كيفاه نقولو هدا شئ
مرضي هو
الحلمات المقلوبة للداخل ويطلق على الحلمات الغائرة تحت سطح الجلد الحلمات المقلوبة إلى الداخل.
ولي عرفتو انو هدا الشئ ميا ثرش على صحتي
الشئ الي مقلقني كيفاه نقولهم حتى يما مش قادرة نحكي معاها في موضوع كيما هك ولا نسقسيها
يا ريت تعاونوني مناه لازم نرد على دارنا ليمات هادو يعيشكم عاونوني

 

[روز]

رد: محتاجة رايكم

تمت الموافقة

،،
من رأيي أنه يجب أن يطلع من سيخطبك على الأمر
ولستِ ملزمة بأن تخبريه أنتِ ..قولي لوالدتك أن تخبر والدة خطيبك
وهي بدورها تتكلم مع إبنها وترى رأيه في الموضوع..

لا يجب أن تتكلمي أنتِ في موضوع مثل هذا لأنه يحتاج لشرح
وهذا فيه احراج نوعا مآ لكِ
ربي يوفقك ويسرك أمورك ان شاءلله ..

الكلمة الطيبة صدقة
​

 

[علي الفاضلي]

رد: محتاجة رايكم

وجهة نظري اختي ..لازمك تطرحي الموضوع مع الوالدة .

والصراحة راحة ..

والبيوت تبنى على الحقيقة ..

وبطريق او ااخر سيعلم الخطيب حينما يصبح زوجا ..

الله يصلح الحال.

 

[aljentel]

رد: محتاجة رايكم

مش عارف ليه المشاكل اللي تطرح كلها من البنات فقط ,,, أما الاولاد وان كان اعور واصور يتقدم لخطبة ملكة جمال وكأنه بلا عيوب بعضهم برطمه مثل برطم البقره وخشمه اطول من حنكه وشوفته مقززه ويتمخطر ويخطب ست ستهم وكأنه شاب وسيم ياساتر يارب من هذا الزمن الاغبر .... على كل وجهة نظري اذا كان العيب اللي فيك مقزز يعني يصعب النظر له وتجفاه العين ولا تستسيغه فعليك الاتصال بالخطيب دون ان يعلم احد واعلامه بستر ومصونه فهو ان كان لم يقبل وكان محترما سيستر الامر ولن يتحدث به وسيروح لحال سبيله وهو يكن لك الاحترام على صدقك وامانتك ,,, اما ان كانت الحلمات تحت الجلد لكن الوضع العام عادي فلا تخبري احدا لانه امر لايستاهل الاعلام عنه ,, والله يوفقك ويسترك ...

 

[!≈[سُِـِيٌــِـِفّ اٌڷِخً‘يٌـرُ]≈!]

رد: محتاجة رايكم

السلام عليكم ورحمة الله

كل ما يجب عليك فعله هو اخبارهم

أحسن ما إيجي نهار و ين يعرفو هم و هنا تكون المشكلة

حاليا ما في حتي مشكلة

ربي يقدرلك الخير

سلام
​

 

[*Mayss*]

رد: محتاجة رايكم

حنونة لازم تصارحيه ولاعمال على ربي اذا كان ربي كتبهولك راح يديك ويقبل عادي نتي كوني قوية ولي جابها ربي فيها خير

كاين وحدة راجلها لقاها رجلها محروقة شوية برك صرا ما صرا وطلقها وممرمدها وناس لكل سمعت وكاين لمتربيين ويخافو ربي ويسترو لمرا مهما تكون حاصول نتي متخدعيهش صارحيه وشوفي خير من تولي في مشاكل من بعد وانا ندعيلك ربي يفرج عليك حبوبة

 

[شجـ الروح ـون]

رد: محتاجة رايكم

السلام عليكم ورحمة الله تعالى وبركاته
اول شيء وصفك لحالتك انها مرض ظالمة
لانو الحلمة الغائرة او mamelon ombiliqué
نوع من انواع الحلمات على غرار المسطحة والعادية
وتقريبا نسبة 15 بالمئة من النساء يتصفون بها
وماهياش عيب ومانظنهاش تكون عائق في سيرورة حياتك الزوجية
على كل حجم الحلمة وصفتها ماوش ثابت
بل هي خاضعة لتاثيرات فيزيولوجية
ممكن زيارة طبيبة مختصة راح تفي بالغرض
في توضيح بعض النقاط لك
والا فحاولي قتلك خجلك واستشيري الوالدة فستوجهك
واخيرا العلم لم يترك مشكلة دون حل
وفقك الله اخيتي
ورزقك الزوج الصالح الذي يستحقك


​

 

[nada242008]

رد: محتاجة رايكم

وعليكم السلام
انا ثاني مانشوفها لا اعاقة ولا عيب خلقي
والله توقعت امور اكبر بكثير
هذي مشكلة بسيطة جدا وكاينة بنسبة كبيرة عندالنسا كيما وضحت شجون الروح
واحتمال كبير بعد الولادة والرضاعة ترجع الى طبيعتها
اذا حبيتي تريحي ضميرك وصليلو الخبرمع والدته ولي فيها الخير ربي يقدمها ليك ان شاءالله

 

[بنت لبحر]

رد: محتاجة رايكم

اتكلي على ربي و احكيلو قبل ما يوصل لدار يخطب رسمي

انا تاني مبنثليش عيب او اعاقة هدي حاجة عادي كيما اي واحد خلقو ربي لي عينيه كبار و لي فمو عريض .... فهمتيني انت خلقك ربي كيما هكا

متتقلقيش و ربي يقدم لي فيه الخير

 

[حفيد هواري بومدين]

رد: محتاجة رايكم

صارحيهم ولمان على الله لعلى الله يحدث بعد ذلك امرا
ان شاء الله

 

[aljentel]

رد: محتاجة رايكم

اوافق شجون بما ذهبت اليه لكن نصيحتي لاتوصلي الخبر لخطيبك عن طريق وسيط انتي خبريه والا فلا !

 

[soussou bel]

رد: محتاجة رايكم

هذا مشي عيب بما ناه ليس مرض و ليس عيب

هذا امر عادي

 

[¬Đỉaмơŋđ ✿]

رد: محتاجة رايكم

السَلآم علَيكمْ ورَحمَة اللهِ وبرَكآته


أختِي كآنْ لآزم عليكْ تخَبري أمك هآذي شحآل علآش تخَلي حتى لدُرك،أمُور مثلْ هَذه مآتتخبآش ومآفيهآشْ حشْمة لأنهآ أمكْ .. أقربْ النآسْ ليكْ وأكثرْ وحْدة تفْهمك ..

أنآ من رأيي أنو تفآتحي الوآلدَة الكَريمَة بالموضُوع وهيَ بدَورهآ تُخبرْ وآلدَة الخَطيب شرْط أنْ يبقَى الموْضوعْ بينكمْ ومآ يتوسعْ أكثرْ.. لأنه إن قدرَ الله لكِ الإرتبآط به سيَعلم بطَريقة أو بأخرَى يعْني من دُرك خيرْ ..
رَبي يسَهل أموركْ أختِي


​

 

[سجود 5]

رد: محتاجة رايكم

ربي يكون معاك اختى هذا ليس مرض ربي يعافيك من الامراض ان شاء الله ان نشوف انه فى الاول قولى لماماك وبعدين قوليلو هو

 

[هاجر K]

رد: محتاجة رايكم


السلام عليكم اختي
الان شفت هاد الفيديو يتكلم على مشكلك نتمنى نكون افدتك ولو بدرجة واحدة
الصراحة لا اعرف اذا كانت الروابط مسموحة بصح نتمنى تقدري تشوفيه
ربي يهنيك ان شاء الله
MBC.net - ط­ظ„ظ…ط© ط§ظ„ط«ط¯ظٹ ط§ظ„ظ…ظ‚ظ„ظˆط¨ط©: ظ…ط´ظƒظ„ط© ظ„ظ„ظ†ط³ط§ط،