السلام عليكم
جيت نحكي ونفرغ قلبي حاسة روحي راح نطرطق حابة نعيط غير نبكي والسبب ببساطة لاني عندي عام واشهر زواج ومقدرتش نوالف خلاص
المشكل اني كنت نقرا ونخدم ونهار كامل وانا نجري ومنقعدش خلاص قضيات تاع الدار لكل انا نديرهم وقرايتي متفوقة فيها تخرجت وعملت عدة دبلومات كنت نقرا 2دبلومات مع لجامعة وكل منكمل ندير حاجة جديدة
وناس لكل تحبني وتحكي عليا بالخير ووين نروح عندي صحابات اجتماعية بزاف
وكلش تاعي حاطة وتوندونس وانا عطاني الزين ولعين حمدولله هادي باختصارحياتي لي كنت عاشتها
نهار تزوجت كان كل شي تمام
ومن بعد ولا راجلي يغير بزاف بزاف حرملي اللبسة وبدى يقدم بالشوية ويجيبها غير بلحنانة ماشي بسيف يعني يخليني نديرلو وش يحب وحدي ومن ارادتي
كنت نخدم في متوسطة بلكونطرا حبست على خاطرو
وقعدت في الدار هو الحق موفرلي كل شيء
وعايشة مع لافامي يماه كانت تموت عليا اما زوجات خاوتو اكتشفت انهم يكرهوني من قلوبهم وكنعودو قاعدين يخزرو مع بعضاهم ويعملو عليا دي جاست ومرة حكيت بنيتي مع وحدة فيهم راحت عاودت لهدرة وزادتلها من عندها اكاديب حتى جابلي راجلي لخبر وصدقهم غاضتني روحي حاصول من هاداك النهار قفلت بابي ومبقيت نهدر مع حتى واحدة منروحلهم ميجيوني
نبقى وحدي في الدار حتى يروح على 17h غير مع النت وخلاص كرهت كلش حاسة روحي مسجونة بين ربعة حيوط كرهت والله ميعدي نهار منبكيش فيه توحشت ماما وبابا وخاوتي وصحاباتي توحشت سهراتنا في دارنا وتركيبات مع خويا
حتى دارنا كينروح نحس كلش تبدل ومنرتاحش كيما بكري
كنشوف نهار مشمس نقول كون عطا ربي اني نحوس مانيش مدفونة لهنا هو يخدم وانا نستنى فيه اووووف كرهت ودار لعايشة فيها متتصوروش شحال كرهتها مانيش حاستها خلاص داري
