مشكلتي مع أبي

[مشكلتي]

السلام عليكم
مشكلتي الكبيرة في دارنا وهي بابا منقدرش نتفاهم معاه في أي نقاش والوا وراي ميعجبوش على طول العام دايرني انا الغالطة والناس كامل خير مني مع اني نقرا ونخدم والحمد الله وعاقلة
معلاباليش نحسو يكرهني وانا تاني معندي فيه حاجة جا ولا راح عندي كيف كيف ومدا بيا كان يروح وهادا ماشي غير كلامي كلام كامل خاوتي
انا ميحبنيش على خاطر مخرجتلوش كيما كان حاب هو ومدرتش الاختصاص لي هو حبو
ابي عندو مشكل ميعرفش يهدر معانا كلام مليح يعرف غير يسب ويشتم حتى ولينا نكرهو ندخل لدار مدا بينا وكان ميجيش حتى ماما قاتلو لراك حاب تتزوج روح وخليني مع ولادي مي هو قاعد ومغزلنا مشربنا المرار
وصلت وين نكونو نضحكو مع ماما صواتنا تنسمع م الزنقة وغير نشوفه نسكتو وكل واحد يروح وتتفركت الجماعة
بابا ميحبش يصرف ميحبش الضياف مع انو ربي رازقنا من بابو الواسع والحمد الله ميحبش الهدرة ف الدار مدا بيه كي يدخل درا الدبانة يسمعها
انا وخويا ولينا منهدروش معاه باش نيفيتيو المشاكل والعياط ف الدار ولا يدير فينا السكارة كي نقولولو على حاجة وهو عارف بلي نحبوها يجوبنا بكل برودة لالا
حنا نولو ناكلو في روحنا قاتلنا غير بالبارد ميحبش كي يشوفنا نظحكو يقولنا واشن هادا التمسخير ايا اسكتو عليا
هو رامينا معلابالوش بينا يعرف يوكلنا ويشربنا حاجة اخرى متهموش والباقي كلو على امي ربي يحفظها ويخليها تاج على روسنا
هي لي تقري هي لي تدي لطبيب هي لي تخرج الورق صراتلي مشكلة رحت معاها لمركز الشرطة وابي ولا على بالو
كي شافنا لازين لماما بزاف ولا يغير منها ويقولها ولادك وولادك ولادك دارولك الشنا ولادك داوك للحج ولادك داواوك للخارج ...........
مع العلم انا عمري ولا نشفى رحت لبابا وقتلو اعطيني دراهم ولا خرجني ولا ديني والوا كلش ماما
دوك عندي 25 سنة وكل عام تزيد المشكلة مع ابي
بابا عندو عقلية تاع لارمي وحنا مقدرنالوش عينا واحد من خاوتي ماهو صحيح كامل مراض بسسب الضغط النفسي لي نواجهوه ف الدار
صدقوني كي راني حكيت المشكلة تاعي حسيت بالإرتياح


اسفة الموضوع طويل
ممكن تساعدوني وتنصحوني
شكرا لكم مسبقااااا


​

 

[حكيك]

رد: مشكلتي مع أبي

تم الاعتماد
الله يهدينا

 

[rami82]

رد: مشكلتي مع أبي

شوفي لاحكيلك ما بعرف اديه عمرك بس انا من عمر 15 لعمر ل22 وكنت فكر انه بابا بيكرهني هاد انت بنعمه انا البابا كان بيطردني بره البيت واكن اكتر من مره سبب انه كون بالحبس وعكل معي اشيا ما ممكن تتصوريها لحتى اني صرت فتش وقول ما ممكن يكون ابويا وصرت فتش على هل الشي مع الزمن القيت انه كل شي عملو معي كان لصالحي هلا اكيد عمل اشيا غلط ما هو كمان انسان وكل انسان بيغلط
انا ما بدي احكي مشكلتي انا بمشكلتك ومشكلتك انه ما في اب بيكره اولادو ابدا وما ممكن ابدا يكون هيك انا متأكد انه من غير ما تعرفي بيقول عنك احلى كلام بس بدك تراعي شي نحنا الشباب للأسف ما ننتبه الو انه ابائنا تفكيرهم وطريقه حياتهم غير تفكرينا وحياتنا ولهيك قله التفاهم بينا ازا بدك نصيحتي تقربي من ابوكي شوفي شو بيكره فيكي ومن شو مزعوج منك حاولي تفهميه انت ازا هو مش فاهمك واهما شي اطلعي فكره انه بيكرهك لانه ما دام هل الفكره براسك وانت عايشه بجحيم
ممكن بيغلط بتصرفاته بس يمكن بيشوف انها صح ولمصلحتك خدي الايجابي انه بدو مصلحتك حتى لو كانت بطريقه غلط
والله يوافقك

 

[ضيوف وسـنغادر]

رد: مشكلتي مع أبي

ان الاب نعمة ولا اظن ان اي اب يكره او يريد الشر لاولاده
لكن ربما هي حياته جعلته هكذا
تمسكوا بامكم فالام هي اغلى ما وجد

 

[aljentel]

رد: مشكلتي مع أبي

الوالد مهما كان قاسيا الا انه لايمكن ان يكون عدوا لابنائه لكن ضغوط الحياه واحساسه بالمسئوليه قد تزيد في اضطراب نفسيته وتزيد معها عصبيته فالحياه ليست سهله وتحمل مسئولية عائله ليست سهله ,, ومن خلال طرحك ارى ان المشكله تكمن في امك وليست في ابوك فهي من يستطيع موازنة الامور وتحبيب ابوكم بكم وتحبيبكم به ,, لاننكر ان هناك اباء لايستحقوا الابوه لكن والدك ليس منهم فهو لم يكن من ذوي المخدرات ولا من ذوي الخمور ولا من المتسكعين على ارصفة الدعاره ,, وطالما هو سليما مما ذكر في العيب يكمن بكم وليس به , ابحثي جيدا بمشكلتك وبروية واتزان وستجدي انكم مزودينها حبتين ,, والله يهدي سركم ويستركم .

 

[largo19]

رد: مشكلتي مع أبي

أصبري أختي و أدعي الله يهديه ,,,,, للأسف ما راكيش وحدك تعاني من هذا المشكل ,,,,, أصبري يعوضك الله عزّ و جل كل خير ,,, و كل هاذي التصرفات ما تخليكش تتهاوني في بر والدك و الإحسان إليه ,,, بئذن الله يجيك مكتوبك و تروحي لدارك و يعرف قيمتك الحقيقية ,,,,, ممكن عندو ضغوط نفسيّة في حياتو و صغرو ,,, و طبيعة تربيتو في الصغر ,,, الله يفرّج عليكم اختي

 

[علي الفاضلي]

رد: مشكلتي مع أبي

يبدو ان الوالد متاعك عاش حياة قاسية ..

يعيش كما ذكرتي حياة عسكرية ..

فيحتاج منكم ان تتفهموه ...ولا تعاندوه .. وان تلينوا معه ..

هو الان يشعر بغربة داخل بيته ..وقد صرح بذلك كما ذكرتي ..

لابد ان تبدوا له الاهتمام قدر المستطاع ..

ويبقى في النهاية والدا له حقوقه عليكم ..

والحمد لله راكي 25 سنة مراه ونص ...حكمي عقلك ودع عنك العواطف ..

ولربما هو في امس الحاجة لكم بسبب ظروفه القاسية التي مر بها فترة شبابه او حياته ..

اصلح الله لنا ولكم البال والحال..

 

[بنت لبحر]

رد: مشكلتي مع أبي

ربي يهديه هدا واش نقدر نقول

حاولو تتقربو منو احكيو معاه افتحو مواضيع اتناقشو

قلتي هو ميليثار و عقليتهم صعيبة يحب النضام و لا نقاش قي القرارات لي يحكم بيها ميحبش التمسخير هما كيما هكا

ربي يجيب الخير

 

[حفيد هواري بومدين]

رد: مشكلتي مع أبي

والله مشكلة سيرتو كي تجي في الاب العبد يسكت برك علابالي يجي نهار ويتفقل بصح يحاول يريقل الامور بالشي لي كان
كي تسمع الاية
وصاحبهما في الدنيا معروف يعني ماعندك ما حتزيدي فوق هدا وربي يقدرك ان شاء الله

 

[Amira28]

رد: مشكلتي مع أبي

السلام عليكم
واش رايحة نقولك أختي
ما لازمش تفكري في أخطاء أبوك برك لازم تشوفي لروحك ثاني
وتحاولي تعرفي واشنوا هي الطريقة للتخليك تقربي من باباك
وتخليه يتغير في تعامله معاكم
وتاني حاجة مكانش أب يكره أولاده
ربما ماقدرش يفهمكم برك وربما تاني هو تربى بهذه الطريقة
فحب أنوا يربيكم كيما تربى
ربي يعينك ويحلك جميع مشاكلك
دمتي بخير

 

[الساجدة لله وحده]

رد: مشكلتي مع أبي

سلام عليكم ،،،
يكفيكم اختي انه قاعد معاكم في البيت وماش مبين انه ناوي يهجركم ويأسس اسرة اخرى ،
وهنا نفهمو انه نفسيا الوالد تاعكم ممكن عارف روحه غلط كثيرا بتصرفاته لما حاول انه يكسب طاعتكم بالضغط عليكم والتشديد وهو اسلوب شفنا العديد من الاباء يتبعوه ، يقولك المجتمع صعيب ولازم نزير عليهم
حاولو تكونو اذكياء في التعامل معه ماش هو شديد وانتوما تتجاهلو وتعاملوه بجفاء وهذا التعامل تاكدي انه حتى هو يعذبه ليل نهار ، لانه اكيد يشوف برا ويسمع كيف الوالدين يعاملوهم ابناءهم بحنية ،،
بالمختصر نصيحتي ليكم جميعا انت واخوتك حاولو تكسبوه بالرغم من اخطائه، بالمعنى كما يقولك قتلوه بالمليح ، ونتوما فرضو تعاملكم معاه وتقربو منه ، اكيد في الاول راح تلقو ردود فعل شديدة منه الا انه مهما بقا يجافي الا انه يجي في يوم وين يفهم الطريقة المثلى للتعامل معكم ،
ربي يحنن القلوب ان شاء الله ،،
​

 

[ammmmoula]

رد: مشكلتي مع أبي

الله يهدييييييييييييك كاي اب يكره اولاده استعذ بالرحمان