- إنضم
- 12 ديسمبر 2009
- المشاركات
- 3,482
- نقاط التفاعل
- 3,335
- النقاط
- 191
بسم الله الرحمن الرحيم
السلام عليكم ورحمة الله وبركاته
جبتلكم غراتاني المفضضضضضل غراتان دوفينوا طبعا بزاف اللي يعرفوه ماهوش وصفة جديدة بصح اللي مايعرفوش هاهي دي الوصفة
ادا جربتوه راح توليو مدمنيييين عليه لانو بنيين بزاف وزيد ساهل وحتى الاطفال راح يحبوه
نبذة صغيرة
غراتان دوفينوا gratin dauphinois هو غراتان بطاطا تم اعداده اول مرة في 12 جويلية 1788 بمناسبة عشاء اقيم لموظفي البلديات بمدينة GAP الفرنسية من قبل طباخ يدعى شارل هنري ومن ذلك اليوم اشتهر هذا الطبق للذته وبساطته
وهو غراتان معروف في امريكا الشمالية (au gratin style potatos )
مقاديرها بسيطة واجبارية ههه
بطاطا مقطعة دوائر رقيقة (اذا كنت راح تعملي بزاف طبقات قطعيها رقيقة على اللي قطعتها انا، انا غالبا نقطعها متوسطة ونعمل غي 3 طبقات )
كريمة سائلة (وليس الحليب بزاف اللي يستعملو الحليب السر في بنتها هي الكريمة والله فرق كبير بيناتهم )
فرماج محكوك
فلفل اسود
ملح
ثوم بودرة (اذا ماعندكش استبدليه بثوم محكوك بصح الافضل البودرة )
جوزة الطيب
ملاحظة: كل المقادير اجبارية الا الفرماج هو ايضا اجباري بصح تقدري تعملي اي نوع موزا شيدار فيتا ..... الخ
الطريقة
اولا ناخدو اي مول تحبوه انا استعملت هدا خاطرش حنا اسرة صغيرة ههه اللي هوما بزاف يكبرو المول
المول فالقاع تفرغي شوية كريم سائل حوالي نصف العلبة المصورة
فوق الكريمة ترشي شوية ف اسود وشوية ثوم وشوية جوزة
فوقهم تحطي كمية مليحة تاع الجبن
الصور توضح
فوق الجبن ستفي دوائر البطاطا طبقة واحدة فقط ماتعمليش دوائر فوق دوائر
فوق البطاطا نعاودو نفس الخطوة السابقة كريمة+ملح+ف اسود+جوزة+ثوم
ثم نضع بطاطا للمرة الثانية ونغطيها وهكدا حتى نكملو الطبقات تاوعنا
هاهما الطبقات تاوعنا كملو موالفة نعمل ثلاث طبقات هاد المرة عملت اربعة
ندخلها الى فرن ساخن انا نخليه 180 درجة شوفي نتي والفرن تاعك
شعلي غي من لتحت اختبري الطهي بسكين مرة على مرة دخلي سكين فالغراتان باه تعرفي يلا طابت البطاطا او لا
كي تعرفيها طابت شعلي من الفوق باه تحمار
راح تاخد من ساعة الى ساعة ونصف طياب
هاهي وجدت
انشاءالله تعجبكم
جربوها والله ساهلة وبنينة
