من جربت حقنة الايبيدورال للولادة؟

[Mme Nour]

صباح الخير أخواتي
تقبلوني عضوة جديدة بينكم
اردت أن أعرف رأي كل من استعملت حقنة الايبيدورال لأجل الولادة بدون ألم ,على حسب تجربتها
أرجوا افادتي بتجاربكم ، لأني قرأت الكثير عنها لكني أريد التأكد من تطبيقها في الجزائر

 

[شجـ الروح ـون]

رد: من جربت حقنة الايبيدورال للولادة؟

السلام عليكم ورحمة الله تعالى وبركاته
اول شيء مبروك حملك حبيبة
وربي يعطيك وقفة ساهلة ان شاء الله
اليبيدورال انتشرت بزاف مؤخرا
وتقريبا يخدموا بيها من حوالي ثمانية سنوات فالجزائر
يعني مكانش خوف من طريقة تطبيقها
اذا كان الطبيب متمرس
لكن نصيحتي ليك اختي انك تتجنبيها
وتخلي ولادتك طبيعية
أول شيء تحافظي على صحتك من المضاعفات وكذلك صحة وليدك
لانو استعمال الحقنة راح يخلي الولادة كاملة بيد الطبيب
واخراج الجنين لازملو يدخل وسائل وأدوات خارجية
ومايسلمش الامر من حوادث غير مرغوب فيها
وثاني شيء اجر الولادة العظيم
علاه عليك تفوتيه
وهي حكايتها ساعة او اثنين
ربي يسهلك اختي
ويرزقك الذرية الصالحة
​

 

[Mme Nour]

رد: من جربت حقنة الايبيدورال للولادة؟

شكرا أختي على النصيحة
الله يقدر اللي فيه الخير انشاءالله

 

[السلطانة]

رد: من جربت حقنة الايبيدورال للولادة؟

اهلا اختي


ان شا اءلله يعاونوك لبنات


ينقل للركن المناسب

 

[ام الحلوين]

رد: من جربت حقنة الايبيدورال للولادة؟

اختي الكريمة ربي يكمل حملك و يعطيك وقفة ساهلة
انا جربت الابرة بصح ماشي في الجزائر و ياريتني ماجربتها
زادتلي الالم و جاتني الولادة اصعب و الالام بعد الولادة اكثر من لي قبل
من رايي ماتعمليهاش و ربي يسهلك من عندو
سلامي اختي

 

[lina-67]

رد: من جربت حقنة الايبيدورال للولادة؟

يا اختي واش انقولك حسب تجربتي حتى انا سقسيت عليها بزاف قبل ولادتي و كامل قالولي الولادة الطبيعية خير و اصبري وووو قلت خلاص مانديرهاش و كي جا وقت الصح عييت صبرت مي ما قدرتش شوفي انت قدرة التحمل نتاعك انا من 3تاع الصباح و انا بالوجع كي لحقت الواحدة تاع النهار خلاص وليت كاو ماقدرتش قلتلهم داروهالي واش نقولك وحد الراحة رحمة ربي حتى ل6تاع لعشية باش ولدت ما حسيت والو استمتعت بالولادة تشوفي وليدك ولا بنتك تخرج قدامك و انت تضحكي ماشي كي تكوني بالوجع تولي تسناي غير يخرج و تتهناي المهم انا درتها و نعاودها ان شاء الله وندمت لي ما درتهاش من اللول و ربي يسهلك ان شاء الله و يعطيك وقفة سهلة (للعلم انا درتها في الخارج مش في الجزائر) و اذا عندك سؤال راني هنا نجاوبك

 

[Mme Nour]

رد: من جربت حقنة الايبيدورال للولادة؟

مشكورة أختي ام الحلوين على صراحتك
أنا ماخممتش فيها الا لأني عانيت بزاااااااااف في ولادتي السابقة
والأخت لينا 67 ، شكرا على اهتمامك ،حبيت برك نسقسيك وقت خروج البيبي اذا قدرتي تدفعي ولا الطبيب خدم كل شيء

 

[lina-67]

رد: من جربت حقنة الايبيدورال للولادة؟

لالا اختي تدفعي نورمال كي تجي الزحمة تقولي ساج فام ادفعي و كي تروح تقولي خلاص هوما يشوفوها في لاباراي كي تجي الزحمة وولدت عادي مادارولي حتى حدايد ومادارولي والو

 

[Mme Nour]

رد: من جربت حقنة الايبيدورال للولادة؟

يعطيك الصحة اختي على الاجابة وربي يباركلك في اولادك

 

[ام الحلوين]

رد: من جربت حقنة الايبيدورال للولادة؟

مشكورة أختي ام الحلوين على صراحتك
أنا ماخممتش فيها الا لأني عانيت بزاااااااااف في ولادتي السابقة
والأخت لينا 67 ، شكرا على اهتمامك ،حبيت برك نسقسيك وقت خروج البيبي اذا قدرتي تدفعي ولا الطبيب خدم كل شيء

اختي انا تاني عانيت في الولادة الاولى و ماعملتهاش و في الولادة الثانية وصلت للموحال و قالولي البيبي رايح يضيع منك و انا كنت في حالة لا يرثى لها و زوجي قبل نديرها ( يعني درتها متاخرة زادتلي الالام و الولادة صعيبة و خرجولي البيبي بالحدايد يعني عذااااااااب )و هاذ المرة كتب الله ولدت بدوووووووووون اي شيء توجعت في الدار و رحت للسبيطار بقيت 5 دقايق و زاد البيبي و الحمد لله على كل شيء
الله يسهلك اختي

 

[Mme Nour]

رد: من جربت حقنة الايبيدورال للولادة؟

بارك الله فيك أختي أم الحلوين ،ربي يخليلك الحلوين ديالك ويسهل لك تربيتهم.
صليت صلاة الاستخارة ووكلت أمري لربي سبحانه هو أعلم بالخير

 

[نبض الحياة]

رد: من جربت حقنة الايبيدورال للولادة؟

السلآم عليكم
شوفي حبوبتي، نقول الصح حآليا لا درآية لي بالاكتشافات الاخيرة عن هآته الابرة
هي صح في انها تخفي آلآم الولآدة
وفي الخآرج يعملوا بيها غير هي
لكن يقولوا ما في احسن من الولادة الطبيعية
سيرتوا انهم يعملوها ديرآكت في العمود الفقري او الحبل الشوكي
اي فيها خطر على الاعصاب مع الوقت
و ممكن نقولوا انها تشابه التخذير النصفي، اي بعد مرور الوقت ترجع ديك الآلآم
لكن الامر غير مؤكد مني، فقط تطلعآت، لاني مآزلت ما حضرت ولآدة وما سالت مجربيها
ان شاء الله ربي يجيبلك ولآدة سهلة و يبعثلك سآعة خير
وربي يرزقك ذرية صآلحة يا رب
​

 

[anissa 13]

رد: من جربت حقنة الايبيدورال للولادة؟

ياختي نصيحة لوجه الله ولدي طبيعي بدون ابرة علاش اللي ماداروهاش واش صرالهم ؟ الوجع تاع الزيادة صعيييب يقتل بصح كلش رانا ماجورين عليه عند ربي
انا عملتها فوق قلبي راجلي سيف عليا وفاميلتو الحق تاع ربي حسيت الوجع راح بصح جيت ندغع ماقدرتش لحمي مات بالابرة ماقدرتش ندفع والمفعول تاعها راح بلخف انا طولت فالولادة بسبتها وفالاخير حسيت بكامل الاوجاع شفت الموت قلبت البلوك بالتواغ وولدي قريب يموت حتى لي ساج فام خافو راحو يجرو يحوسو على الجينيكولوج، جات ولدتني بليvونتوس وولدي مسكين عوجولو راسو الحمد لله رجع كيما كان بصح قررت ابدا مانزيدش نعملها لوكان نكون نموت

مانيش نخوف فيك اختي كاين اللي عملوها ونفعتهم بصح انا قتلتني
هاهوما ليvونتوس هكدا جبدولي ولدي قعدو يجرو خاطرش كان قريب يموت وليدي
الحمد على كل شيء ونتي ربي يفرحك ويرزقك درية صالحة يارب

​

 

[AWDIESL]

رد: من جربت حقنة الايبيدورال للولادة؟

انا جربتها في ولادتي يعني هيا مليحة و ماشي مليحة
مليحة خاطر تنقص شوية الالم خاصة كي تتخيطي
وماشي مليحة خاطر ماتحسيش للالم بزاف يعني ماتقدريش tpoussi مليح باش تولدي لانك ماراكيش تحسي للوجع
........
بين قوسين كي يكون عليك هاداك الوجع تقوليلهم ديرولي كلش معليش المهم تولدي

ربي يسهلك و يعطيك وقفة ساهلة ان شاء الله

 

[Fifi london]

رد: من جربت حقنة الايبيدورال للولادة؟

سلام اختي, انا جربتها لكن بالخارج نصيحة اختي لوكان غير متستعمليهاش لان فيها اثار جانبية كالام الظهر فمن الاحسن تجنبها

 

[souso mano]

رد: من جربت حقنة الايبيدورال للولادة؟

واش نقولك يا أختي أنا قالولي عليها بزاف ونويت نديرها وليت بطلت مالقري زياتي الأولا وكنت خايفة بزاف وتكلت على ربي سبحانو ورحت زيدت والحمدلله سلكت على خير بلا أي حاجة لخاطر كون تخمي مليح ربي سبحانو يعطيني أجر على ألم الولادة وكل ما تألمتي ؟أكثر كل مازاد الأجر وأنت حابة تحرمي نفسك من هذا الأجر نصيحتي ليك خطيك وربي اسلك وحلك على خير انشاء الله تبشرينا انشاء الله كيهاذ الساعة انشاء الله