ماذا ستطبخين اليوم سيدتي انستي الجزء45 الكل راهو معروض عندي

[انريس]

السلام عليكم حبيباتي

اليوم جيت وجبتلكم الجديد نتاعي اللي هو عيد ميلاد بنتي ريناد البارح قفلت عام حبوبتي الصغيرونة وحبيت نفتح الكوزينة بمناسبة سعيدة

فرحنا البارح بزاف و حبيتكم تشاركوني الفرحة لانكم خواتاتي في الله و احبكم في الله وربي شاهد بلي حبيت نحظركم يالوحدة و كل وحدة باسمها دووووووووون استثناء

منطولش عليكم ندخلكم في الاجواء مع انو الصور شويا ماكان ماكان راه غير محمد اللي صور
انا كنت شويا مشغولة راكم تعرفو حالت الوحداني و الضياف

نبداو بالتارتا نورمالمن نديرلها تارتة نتاع اولاد صغار مي محمد اسر اسرار على الاوبيرا بالنوازات و الجوز هيا قررت نديرهالو مادام مزالت متعرفش كي تعرف صلاحها راهي تجيب حقها بيديها:d هذي الاوبيرا درتها بالجوز والنوازات في لابات و الديكور ديكوريتها بسكر الشبيكة حبيت نجربو وهذي اول تجربة ليا بيه وكان هااايل:up:

تيراميسو بالفريز

انريسو ترحب بكم

نواصلو مع الصور هذا الطرف الوحيد اللي بقا من التارتة ديتو لصاحبتي في الخدمة

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

اسما مرحبا بينا عندك مرة اخرى عتبة مربوحة ان شاء الله بناتك اهبلو ربي ابارك ويحفظهم راهم غزلات
والتارت امممممم تسخف واتشهي يعطيك الصحة راكي درتي الكوراج وضيفتينا عندك مرة اخرى
نقوا لريناد عيد ميلاد سعيد لعقوبة لمية سنة سنة حلوة يا رنود​

 

[الحلم الوردي]

رد: ماذا ستطبخين اليوم سيدتي انستي الجزء45 الكل راهو معروض عندي

عيد ميلاد سعيد لعقوبة لمية سنة
ان شاءالله
خموس عليها ربي يحفظهالكم
مبرووووك الجزء 45
​

 

[انريس]

رد: ماذا ستطبخين اليوم سيدتي انستي الجزء45 الكل راهو معروض عندي

شكرا ليكم ملاك و نور الحبوبة يا حبوبات انتو
البنات اليكم الخط نروح نخدم ونجي سلاااام
جبتلكم باه تفطرو

 

[بنت السلطان]

رد: ماذا ستطبخين اليوم سيدتي انستي الجزء45 الكل راهو معروض عندي

عـــــــيد ميلاد ســــــعيد رناد
ربي يخليهالك وتشوفيها عرووووسة

تارت تشهي كل شيء بالطبع والشان

ميروووك الجزء45

​

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

صباح الخير عليكم في كوزينتنا لجديدة ارواحو لعند اسما راه كل خير كاين يعطيك الصحة اسما فطرتينا بالحلو يا حلوة

 

[مطبخ الأحلام]

رد: ماذا ستطبخين اليوم سيدتي انستي الجزء45 الكل راهو معروض عندي

سنة حلوة ياجميل سنة حلوة يا ريييناااد

كل سنة والأمورة بخير يارب ^_^

بووووسة كبيرة للأمامير وبصحتكم الطورطه شكلها يشهي يم يم

مبروووك العتبة الجديدة دخلنا عليك بالربح أختي أسوم ^_^
​

 

[ام ريهام]

رد: ماذا ستطبخين اليوم سيدتي انستي الجزء45 الكل راهو معروض عندي

اوهوه شكون حل الكوزينة الغالية اسماء ربي يخليلك ريناد وانريس وابو البنات
عيد ملاد سعيد ريناد كل سنة وانت سالمة وبصحة وعافية وان شاء الله تكبري في عز الوالدين وتكوني شخصية مرموقة في اعلى المناصب يارب
اسماء كلشي فوووووووووووووور والطارت توب يعطيك الصحة

 

[ام رحاب]

رد: ماذا ستطبخين اليوم سيدتي انستي الجزء45 الكل راهو معروض عندي

حالياً الأعضاء النشيطين الذين يشاهدون هذا الموضوع : 25 (11 عضو و 14 ضيف) ‏ام رحاب, ‏هند11, ‏ام مراس, ‏ام الحلوين, ‏ام ايادولؤي, ‏انريس, ‏بنت السلطان, ‏lina-67, ‏nassima 87, ‏sarah11, ‏غزالة الصحراء

 

[انريس]

رد: ماذا ستطبخين اليوم سيدتي انستي الجزء45 الكل راهو معروض عندي

انا هذوين دخلت يعطيك الصحة يا بنت السلطان وربي يرزقك يالذرية الصالحة يا رب
نور الحبوبة ربي يحلي ايامك يا الحلوى انتوما اللي حلوين
نعيمة شفتي انت بنتك مخلاتكش درتي التارتة اللي في بالك و انا الكبير ناض يصغر في روحو نعتلو التارتة اللي بروبوزيتيهالي قالي منحبش عجينة السكر و ناض يدلل وليت درتلو رايو وخلاص انا كنت حابة نديرها المهم متقولي عليها لحتى واحد خليها بيناتنا كاشي نهار نديرها انا ولا انت هههههههههه
سوس يا سمسومة رانا حفلناها في نفس اليوم انتوما بباباكم العزيز ربي يخليهولكم وانا ببنتي ميرسي بزاااااف بزااااف على التارتة اممممممممممم تهبل كي مولاتها
نسيبة الرادار نتاع الللمة راهو منعرف واش بيه انا هذوين دخلت من الخدمة وهو راهو حاكمني مع الجماعة؟؟؟؟ ما فهمت والوووووووو

 

[سندس92]

رد: ماذا ستطبخين اليوم سيدتي انستي الجزء45 الكل راهو معروض عندي

الله يبارك كلش روعة ربي يخليك ليهم ويخليهملك الف مبرووووووووووووك

 

[ام ايناس]

رد: ماذا ستطبخين اليوم سيدتي انستي الجزء45 الكل راهو معروض عندي

صباح الانوار عليكم بنات
عيد ميلاد سعيد لريناد وكل عام وهي بالف الف خير انشاء الله ربي يخليهملك خرجو يهبلو ماشاء الله ومبروك علينا الكوزينة الجديدة
انا درت اليوم كرنمب محشي للفطور صح فطوركم لبنات
​

 

[ام الحلوين]

رد: ماذا ستطبخين اليوم سيدتي انستي الجزء45 الكل راهو معروض عندي

صباح الانوار
انريس مرحبا بينا عندك
و كل سنة و ريناد بالف خير ،ربي يطول في عمرها و تشوفيها لالة لبنات
و هذي كيكة من الحلوين الى الحلوة ريناد

هذو بعض خلوطاتي

 

[ام منصف]

رد: ماذا ستطبخين اليوم سيدتي انستي الجزء45 الكل راهو معروض عندي

جيت باش نهنا سوسو وسمرمر بمناسبة عيد ميلاد الوالد الكريم سنة حلوة ليه وكل عام وهو بالف خير
نقول ثاني سنة حلوة للدكتور بوضياف زوج عفوفة لعقوبة لـ100 سنة ودوم المحبة يارب والتارت اللي درتيها تحفة نتاع الصح يسلمو يديك
ونختمها بالامورة ريناد ياعمري عليها هي وانريس ربي يخليهملك اسماء وتشوفيهم في اعلى المراتب يارب
--
وللجميع صحى غداكم وامسية سعيدة ليكم
​

 

[ام منصف]

رد: ماذا ستطبخين اليوم سيدتي انستي الجزء45 الكل راهو معروض عندي

شاركونا تجاربكم هنا
تجربتي مع طفلي في التخلص من الحفاضات
​

 

[أم رزق الله]

رد: ماذا ستطبخين اليوم سيدتي انستي الجزء45 الكل راهو معروض عندي

السلام عليكم
بالصحة و لهنا الكوزينة الجديدة علينا كامل و ان شاء الله تكون عامرة و عيد ميلاد سعيد للكتكوتة رناد ربي يحفظها

 

[عفاف الجزائرية]

رد: ماذا ستطبخين اليوم سيدتي انستي الجزء45 الكل راهو معروض عندي

صبااااااحكم بالخير ونهاركم مبروك
ان شالله احوالكم مليحة خواتاتي
مبروك العتبة الجديدة ان شالله عتبة خير على كامل المومنين
نحب نهني كامل الاخوات بعيد ميلادهم ولا اعياد ميلاد عايلتهم
كل عام وبنتك بخير اختي انريس
حتى انا جيت وفي يدي لاتارت اللي درتها لبشبوشتي في عيد ميلادها التاني بعد ما رجعت من العمرة استغليت الفرصة نتاع العايلة كامل موجودة ودرت حفلة صغيرة
درتلها لاتارت نتاع الباربي اولفضل والشكر وكل الحب موصول للغالية ونور عيني ام ندى اللي كانت معايا خطوة بخطوة في كل المراحل
جربت عجينة السكر نتاعها جات تحففففة احسن بكثييييير من لابات داموند المشرية

جات الباربي نتاعي عندها ليونش كيما قاتلي عفاف خخخخخ

وهذا عشاء لبارح روز بالفلفل الوان ودرت الفيلي بالكرام فراش

وبصحتكم وربي يبقي الستيرة ليكم ولوليداتكم ^^
​

 

[انريس]

رد: ماذا ستطبخين اليوم سيدتي انستي الجزء45 الكل راهو معروض عندي

ام الحلوين وين راهم الخالوطات راني نشوف غير في حوايج متحوفين ويهبلو يعطيك الصحة وميرسي للحلوين على لاتارت
ام منصف ربي يخليك شوشو راني نشوف بلي هذا الشهر فيه بزاف ليزانيفارسار ربي يدوم افراحنا انشاءالله
ام رزقو يا هلا ياهلا بالغالية راني نستنا في اطباقك الجميلة في كوزينتي راني نستنااااااا
عفاف عيد ميلاد سعيد لبشبوشتك والله قبيل برك وانا نسقسي في عفاف على عجينة السكر ولا بنينة ولا غير كيما نتاع برا انا كانت عندي وحد لا غوسات مي معجبتنيش لا انا لا نتاع الدار وليت منديرهاش بناقص من تعبها وهذي المرة كانت عندي وحد الفكرة هايلة اعطاتهالي حبيبتي نعيمة ام ريهام ولكن محمد محبش قالي منحبش حوايج لابات سيكري راني حابتكم تعطيوني رايكم قبل منجربها علابالي بلي رايحة تصلح عندي ثقة في حوايج عفاف راني نسقسي على الطعم
غدايا اليوم قوارب البطاطة درتهم في اكياس الشواء فكرة من عندي و معاهم بطاطة مهروسة بالكريم فريش و الفرماج يعني البطاطة اللي فرغتها طيبتها و رحيتها بالفرشيطة و زدتلها كريم فريش و فرماج و جات امم بصح راني مزلت محطيتش الغدا راني نستنا في محمد يدخل و ناكلو كيف كيف مبعدا نوافيكم بالصور
ههههه عفاف وشبيها البوبية مسكينة كشردوها هكذاك هههه لاه مديتيهاش للحفافة ههههولا معطاوكمش صوارد الحفافة بعثتوهالهم هكذاك:d

 

[ام ريهام]

رد: ماذا ستطبخين اليوم سيدتي انستي الجزء45 الكل راهو معروض عندي

غدايا اليوم ارز في الفور
صح غداكم كامل
والغايبات ان شاء الله تكونو بخير
مليكة على سلامتك راني نشوف فيك لتحت واش راكي لباس

 

[ويبـقى الأمــل]

رد: ماذا ستطبخين اليوم سيدتي انستي الجزء45 الكل راهو معروض عندي

السلام عليكم مبروك العتبة الجديدة
و نقول للريناد واخت عفاف كل سنة و هوما بخير عقوبة 100 سنة وربي ينجحهم في قرايتهم
و بصحتكم العيد ميلادات
صحة غداكم كامل
حنا غدانا جواز بطاطة مقلية (كباب)