- إنضم
- 21 أفريل 2009
- المشاركات
- 2,438
- نقاط التفاعل
- 8,928
- النقاط
- 111
واخييييرا بعد عدة محاولات طبعا فاشلة ههههههههه
اليوم جربت وصفة للقلب اللوز كنت شفتها في منتدى اخر وطبقتها نشكر صاحبتها جزيل الشكر ونقوللها ربي يمدلك على قد نيتك حبيبتي ويفرحك كيما فرحتيني
والحمد الله نجحلي وخرجلي من اروع ما يكون دوق رائع
ننصحكم تجربوه اقتصادي سهل وغير مكلف
نخليكم مع المقادير والطريقة
6 كيسان سميد متوسط نوعية سيم
3كيسان سكر عادي
كاس لبن اقول جيدا لبن نعم ومتخافوش مراحاش تحشو بريحتو ولا بدوقو كي تاكلوه
كاس زيت
القليل من الماء الزهر
نخلط الكل جيدا ونفرغهم في بلاطو نتاع الفرن بلاما نخبز
ونقسمهم بالموس مربعات وادا حبينا نحشوه عادي الطريقة معروفة
ونخليه يرتاح 20د وندخلو للفرن مسخن مسبقا
كي يطيب من التحت نشعل من الفوق
اما بالنسبة للشاربات
6كيسان ماء
3كيسان سكر
شوية ماء زهر
ونخليها تطبخ 15د
كي يطيب القلب اللوز نسقي بالشاربات على 3 مرات يعني نقسم الشاربات الى 3 وكل مرة نسقي القلب اللوز ديالي كي تشرب كامل الكمية نزيد المرة 2 وهكدا حتى نكمل الشاربات كامل ولازم تكون شوية باردة والقلب اللوز سخون
وهادي هي النتيجة كي جاتكم
