هنا توضع وصفات قناة سميرة ( حلويات وطبخ )

[ندى الورود]

السلام عليكم
بطلب من الأخوات تم فتح هذه الصفحة وستكون مخصصة
لكل وصفات قناة سميرة ( طبخ وحلويات )
لهذا لكل من تملك أي وصفة من قناة سميرة تضعها هنا للإستفادة العامة
سواءا كتابة فقط مع شرح الوصفة أو كتابة مع الصور لمن جربت بعض الوصفات
من القناة وأكيد ستكون مرجع لكل من فوتت عليها أي وصفة من القناة
فقط يرجى كتابة الوصفات دون الإكثار من الردود الخارجة عن سياق الموضوع

فهرس لصفحات الموضوع

الصفحة 1 و2 عبارة عن وصفات مكتوبة + روابط مواضيع لوصفات مجربة من عضوات في المنتدى

الفيديوهات تبدا من الصفحة 3

فهرس الفيديوهات

الصفحة 3

1- دزيريات الوردة للسيدة دلهوم فاطمة الزهراء

2 - حلوى العرايش + طريقة سهلة لعمل طلية رائعة للسيدة دلهوم فاطمة الزهراء

3 - قريوش مشبك للسيدة فضيلة رباحي

4 - بقلاوة بعجينة الفيلو للشيف فارس جيدي

5 - قريوش عباد الشمس أو قريوش الوردة للسيدة صليحة بسكري


6 - مقروض الشهدة للسيدة فضيلة رباحي

7 - سجائر بالشبيكة لسليمة يعلى


​

8 - قريوش الطاجين على شكل وردة لسليمة يعلى

9 - كريات بجوز الهند للسيدة حفيظة علي عزوز شابتي

****************
الصفحة 4

10 - سلطة جزر + أرز جربي + تحلية بكريمة البرتقال للشيف لطفي حيمر

11 - مشوك عصري للسيدة حفيظة علي عزوز شابتي

12 - حلوى القلوب للسيدة حفيظة علي عزوز شابتي

13 - سكندرانيات عصرية للسيدة صليحة بسكري

14 - تاج بجوز الهند للسيدة بن بريم

15 - بوراك عنابي + طاجين الجبن باللحم المفروم + زرير للشيف حكيم سلمون

16 - غراتان المقرون بالخضر + دجاجة وفليساتها بعجينة الشو للسيدة صليحة بسكري

17 - سكندرانيات للسيدة تونسي دليلة

18 - خبيزات محشية بالجبن الأبيض + دجاج محشي باللحم المفروم + بابا بالبرتقال للشيف فارس جيدي

19 - المقيعدات للسيدة حفيظة علي عزوز

20 - سلطة البرتقال + غراتان البطاطا بكريمة الجبن + تحلية التفاح بكريمة الشانتيي للسيدة سليمة يعلى

****************
الصفحة 5

21 -

22 -
23 -
24 -
25 -
26 -
27 -
28 -
29 -
30 -
31 -
32 -
33 -


​

 

[ندى الورود]

رد: هنا توضع وصفات قناة سميرة ( حلويات وطبخ )

اول وصفة في هذه الصفحة من وصفات قناة سميرة
طبقتها اللأخت shahrazad للسيدة صليحة بسكري
هاهي طاجين القرنون من مطبخــــــي....

ثاني وصفة طبقتها االأخت nada242008
لفاطمة الزهراء بوعدو حفصي
pavarois aux fruitsخطوة بخطوة من مطبخي

ثالث وصفة طبقتها الأخت أم ملاك وياسين
بابا بالبرتقال للشف فارس جيدي


​

 

[انريس]

رد: هنا توضع وصفات قناة سميرة ( حلويات وطبخ )

والله فكرة مليحة انا شخصيا معنديش قناة سميرة خلاص مدورين البارابول على الجيهة الاخرى
على العموم نشارككم بوصفة اعطاتهالي ماما تفرجتها في قناة سميرة وانا جربتها وجات هايلة هذي بالنسبة للنهارات اللي تكون كمية الدجاج قليلة عندك تقدري تديري هذي الطريقة راهي زاكيةومليحة
نبداو على بركة الله
سباقيتي الدجاج
المقادير
صدر دجاج نحطوه في الطاس الكهربائي و نكسرو عليه من 2 الى 3 بيضات و نديرولي ليزيبيس اللي تحبو انا درت ثوم وفلفل اسود وكمون وشوية بابربيكا فلفل احمر جا امممممممممممممم
بلا مننساو الملح اكيد
نحطو قدر فيها الماء يغلي و نجيبو بوش نقطعوه قد ثقبت السباقيتي و نعصرو في القدر فوق الماء اللي يغلي ونخليوهم يطيبو 5دقايق ونحيو ونواصلو العملية الى الاخير
كي نخلصو نقطرو السباقيتي نتاعنا نقليوها في الزيت باه تحمار شويا ونخدمولها صوص غوج وتقدم

 

[انريس]

رد: هنا توضع وصفات قناة سميرة ( حلويات وطبخ )

السيدة صليحة
عصير الزرودية
طيبي الزرودية غطيها بالماء خاطر هو الي نخدمو به العصير
ترحيها بالماء تاعها تزيدي عصير قارص وفاني وياؤورت خوخ ممكن تحتفطي بهذ العصير حتى 8 ايام
كل 3 كيلو زرودية يقابلها كيلو سكر فيها كيلو عصير قارص و4 علب نكهة الخوخ مهم جدا وزيدي كمية تاع الماء وانت ترحي في الزرودية هذ الكمية تمد حتى 6 او 7 لترات وتبعدو على العصير الي يباع وبرديه في الثلاجة لوقت التقديم عاودي ميكسيه قبل التقديم مفيد وصحي قالت تخدمو لمدة 17 سنة وولادها يحبوه
بيسكوي رولي مالح
4 بيض
2 مغارق طماطم 2 م مايزينة 4 م فرينة نص باكي خمارة رشة ملح تقريبا كاس ماء دافي جبن مبشور تقدري تستغناي عليه 125غ مارغارين
فرقي الصفار على البياض
بالخلاط الكهربائي رشة ملح على البياض وكلعيه كالثلج
وتكوني تسخني في الفرن 180 درجة
في صحن اخر حطي الصفار تاع اربع بيضات ماء دافي وتذوبي المارغارين خلطي الصفار مليح بالباتور زيدي كاس الماء حتى تتخصلي على رغوة بعدما تذوب الزبدة حطي عليها زوج مغارف طماطم مصبرة كمية قليلة فرماج مبشور مش شرط حوالي مغرف كبيرة خلطي كلش وممكن تلوني بكركم او زعفران وتتحصلي على بنة اخرى الخمارة نص باكية مع المايزينة والفرينة ورشة الملح خطلطيهك مع بعض بالمغرفة اظيفي بياض البيض بالعقل باش ما اطيحيش لا موس في الاول كمية قليلة ثم زيدي الكمية الباقية كملي الكمية تاع بياض البيض وخلطي
ديري في صينية مغلفة بورق الطهي
سويلو الوجه يطيب في 10 دقايق حسب الفرن تاعك ما تخليهاش تبرد اكثر من 5 ذقائق
تروليه وتحلي تغلفيه بعلبة فرماج مثلثات
الحشو يكو فرماج وترولي وتقطعي طبغا بعدما ما يطيب ةتقلبيه
ممكن تظيفي كونيشون مقطع للحشو
اطلي بالعقل راه حساس مناساباتي للضياف وللرحلات لفي بالعقل بالطرشونة ما تضغطيش بعنف حطيه في الثلاجة يبرد
وقطعيه وزينيه في التقطيع كل مرة امسحي الموس تاعك روعة عجبني ونجربو
بتومات سوغيز وزيتون دوائر ومعدنوس مفرش في الطبسي التزيين على حساب الذوق والموجود ممكن مع الفرماج اديري طبقة سلمون شرائح
الطبق الرئيس
طاجين الزيتون مفور لمسة صحية
تبقى فيه البنة الاصلية
طراف دجاج زيتون اخضر شوية كبير حبة طماطم مرابية كبار بصل مصبر سنينات ثوم حبة بصل مرابية علبة فطر كمية خردل
التوابل مغرف كبيرة كركرم وراس الحانوت قصبر يابس مرحي زنجبيل اخضر مغرف صغير ة حبق وم ص فلفل اكحل قصبر ومعدنوس مقطعين وزعيترة وعراف منهم
يدي ساعتين طياب كلما بقى كلما جا بنين اعطيه وقتو ساعتين وهو يفور
الكسكاس ديري فيه ورق الاليمنيوم او الكيس تاع الفرن
حوالي 4 ورقات
الاولى على القاعدة تخرجيها من ومن والثانية خالفيها والثالثة للضمانة والرابعة خالفيهم باش تبقى المرقة
على جه طراف الدجاج حطي موتاردزوج مغارف كبار ادهني بها الدجاج الطماطم حبة مقطعة رقيقة بصل بصل مرقد الكبار زوج مغارف وعلبة فطر وجبن مبشور مغرف وسنينات ثوم والزيتون ما تغليهش ليلة من قبل بيتيه في الماء اذا ما عندكش الوقت بدليلو الماء كل خمس دقتيق وما تغليهش
وحطي التوابل المذكورة والعطور شوية زعيترة مقطعة وقصبر ومعدنوس مقطعين ورقات رند وملح حاذري المخللات والفرماج والزيتون شوية زيت وكاس ماء خلطي من فوق للتحت ممكن تحضريه في الليل وتخليه في الثلاجة في الغد اطيبيه
في الكسكاس حطي اولا طراف الدجاج
فرغي فوقه الخليط مليح للعاملات تطيبو صباح وتسخنو لعشية وحطي الباقة العطرية غصن زعيرة واعراف قصبر ومعدنوس
كيطيبيه المطبخ كامل بريحتة العطور الي حطيتيهم
ورجيعي غلفي اوراق الاليمنيوم وفوريه
بعد ساعتين من الطياب فرغي الخليط في طنجرة يغلي 10 وتقدميه وراه قد ما ريح قد ما تبان فيه ريحة العطور تاعو
نحي الباقة العطرية
وحطي طراف الدجاج وفرغي عليه الخليط بنفس الطريقة في الاكياس البلاسنيكية لكن المدة اقلتاع الكسكاس اطول
فوق النار ما يطولش ما تنشفيش المرقة تتجمر فقط
وقدميه​

 

[انريس]

رد: هنا توضع وصفات قناة سميرة ( حلويات وطبخ )

منقووووووووول
بارك الله في صاحبة الوصفة

إضغط هنا لرؤية الصورة بحجمها الطبيعي.

صباحكم سعيد
جبتلكم وصفة الشامية بالتفاح من قناة سميرة روووعة جربوها

جربت الوصفة مرتين مرة باللوز والثانية بالجوز الهند وعجبتني الثانية خفيفة وبنينة

مقادير كاس سميد عادي
كاس سكر
كاس نواد كوكو اونوع من المكسرات
نصف كاس مرغرين مذابة وباردة
من 2الى 3 بيض
واحدة تفاح
١كيس خميرة+ فاني
شربات
كاس و نصف سكر كاس ونصف ماء شريحة ليمون يوضع الكل على النار لمدة 5دقائق
الكيفية
نخلط السميد مع السكر والنواد كوكو فاني والخميرة نبشر التفاح مع القشرة نضيف عليه قليل من عصير الليمون حتى لايسود نضيفه لخليط السميد ونضيف ايضا المرغرين ونخلط جيدا بالملعقة
ثم 2البيض ونخلط بالفوى الخليط يكون متجانس اذا حسيتوه ناشف زيدو البيضة الثالثة
صبو الخليط في قالب مدهون طول وعرض المول لي ستعملتو 26على 18
تكونو سخنتو الفرن من قبل على 180دخلو المول للفرن خلوها لمدة 30د
سهلة سريعة والاهم بنينة
بعد ماتنضج خرجوها من الفرن وخلوها تبرد مبعد شربوها بالشربات باش ماتجيكمش معجنة لانو فيها تفاح

إضغط هنا لرؤية الصورة بحجمها الطبيعي.

 

[انريس]

رد: هنا توضع وصفات قناة سميرة ( حلويات وطبخ )

عجينة الشو لصليحة بسكري
كاس ماء
1/2 كاس حليب
ملعقة كبيرة سكر عادي
ملعقة صغيرة ملح
125 غ زبدة
وحطي كلش فوق النار وبعدما تذوب الزبدة اضيفي 8 ملاعق مملوئين فرينة ولما تنشف العجينة ضربيها بالباتور ولا بيتران حتى تحسيها بردت ضيفي 4 حبات بيض حبة بحبة مع الخلط وشكليها

 

[SaRa QuEeN]

رد: هنا توضع وصفات قناة سميرة ( حلويات وطبخ )

السلام عليكم
انا جربت حلوى بالبرتقال للسيدة صليحة بسكري من مدة وجات بنيينة تهبل .

المقادير:
العجينة:
250غ زبدة
نصف كاس سكر ناعم
نصف كاس مايزينة/نشاء
نصف كاس زيت
نصف كاس عصير برتقال + زاست برتقال)
رشة ملح-فانيلا-ملون برتقال(من الاحسن يكون غبرة تخلطيه مع العصير)
نصف باكي خميرة + فرينة حسب الحاجة
الكريمة
125غ زبدة
نصف كاس عسل
كاس سكر قلاصي
كاس غبرة لاشانتيي
كمية من عصير البرتقال + زاست
الطلية
سكر رطب
عصير البرتقال
ملون برتقالي
التحضير :
نخلط جميع مكونات العجينة بالتدريج و نلم بالفرينة حتي الحصول على عجينة طرية نحلها على سمك متوسط و نقطعها حسب الرغبة دوائر , مربعات , قلوب ....الخ تطهى في فرن متوسط حولي 180° لمدة 10 الى 15 دقيقة طبعا كل واحدة والفرن تاعها
تحضير الكريمة
اولا نطلع لاشانتيي مع عصير البرتقال حوالي نصف كاس أو كاس الا ربع "عينك ميزانك"
من جهة اخرى نخلط الزبدة والسكر والعسل والزاست و نظيفلها الشانتيي ونظرب بالباتور طبعا ونخليها فالثلاجة من المستحسن نخدم لاكرام نهار من قبل و ندهن بيها الحلوى بطبقة مليحة من لاكرام
تحضير الطلية
العصير لااازم يكون مصفي
نغربل السكر كمية مليحة حوالي 500 غ او اكثر و نظيفلو العصير بالشوية برك و نخلط سوا باليد او بالملعقة الخشبية و نظيف الملون حتى الحصول على درجة اللون المرغوبة و نطلي الحبات و نخليهم على شباك ينشفو ما ياخذوش الوقت بزاف
التزيين حسب الرغبة تحبو ديرو خطوط بالشيكولا نوار او خطوط بالطلية بيضا او برتقالي اغمق من لون الطلي ....... انتم و الذوق تاعكم
وشهية طيبة

سلام​

 

[ندى الورود]

رد: هنا توضع وصفات قناة سميرة ( حلويات وطبخ )

للأخت انريس تم حذف الرابط
معذرة الرابط الذي وضعه يحتوي بعض الفيديوهات الخارجة عن مضمون الموضوع


​

 

[ام ريهام]

رد: هنا توضع وصفات قناة سميرة ( حلويات وطبخ )

شكرا عفوف على الموضوع يعطيك الصحة
واسماء شكرا على باقة الورد لي حطيتيها هايلة كل الوصفات راهم عندك

 

[انريس]

رد: هنا توضع وصفات قناة سميرة ( حلويات وطبخ )

للأخت انريس تم حذف الرابط
معذرة الرابط الذي وضعه يحتوي بعض الفيديوهات الخارجة عن مضمون الموضوع


​

العفو ندوش هات برك متكونش فيديوات ماكان ماكان والله الواحد يجي يدخل لبلاصة يلقا حوايج لاعلاقة خلاص بالموضوع اللي دخلو شكرا لانك تداركت الامر

 

[ام سراج الدين وملك]

رد: هنا توضع وصفات قناة سميرة ( حلويات وطبخ )

شكرا أخت ندى على الفكرة أنا عمري ماشفت قناة سميرة هنا في اوروبــــــــــــــا مانشدوهاش
من خلالكم برك عرفت بلي كاينة قناة يسموها سميــــــــــــــرة
بحثت عليها في اليوتيوب وشفتها هايلة:up:

 

[asma samo]

رد: هنا توضع وصفات قناة سميرة ( حلويات وطبخ )

شكرا جزييييلا أختي ربي يخليك ♥ ♥ ♥ أكيد راح نستفيدو من هاذ الصفحة ربي يجازيكم

 

[مملكة الأحزان]

رد: هنا توضع وصفات قناة سميرة ( حلويات وطبخ )

السلام عليكم
أول مرة نشارك معاكم
ان شاء الله تقبلوني لأني والفت نطيب ونصور
مي جامي حطيت اطباقي هنا

المهم هذي حلوى درتها اليوم
حلوى "عرايش بالنقاش" من قناة سميرة لسليمة يعلى

الوصفة ان شاء الله يكون عندي الوقت نحطها

 

[ندى الورود]

رد: هنا توضع وصفات قناة سميرة ( حلويات وطبخ )

وصفة من قناة سميرة للسيدة سليمة يعلى
طبقتها الأخت hadda0425
شامية التفاح من قناة سميرة من مطبخي

​

 

[ويبـقى الأمــل]

رد: هنا توضع وصفات قناة سميرة ( حلويات وطبخ )

شكرا جزييييلا أختي ربي يخليك
أكيد راح نستفيدو من هاذ الصفحة ربي يجازيكم​

 

[حاملـة المسك]

رد: هنا توضع وصفات قناة سميرة ( حلويات وطبخ )

السلام عليكم

فكرة ممتازة ..

شكرا للاخت صاحبة الفكرة و لك ندى جزيل الشكر

متتبعة​

 

[ندى الورود]

رد: هنا توضع وصفات قناة سميرة ( حلويات وطبخ )

بسبوسة لفارس جيدي من قناة سميرة
طبقتها الأخت ملاك 25
بسبوسة من قناة سميرة من مطبخي
​

 

[mimi53]

رد: هنا توضع وصفات قناة سميرة ( حلويات وطبخ )

هيلات بالفرماج
قناة سميرة
​

http://4algeria.com/forum/threads/399285/

 

[zaklam2008]

رد: هنا توضع وصفات قناة سميرة ( حلويات وطبخ )

[FONT=&quot]حلوة خبز التوابل ([/FONT]pain d’épice[FONT=&quot]) لسليمة يعلى [/FONT]

[FONT=&quot]المقادير[/FONT]

[FONT=&quot]150[/FONT][FONT=&quot]غ مارغرين ماني طرية - كاس سكر ناعم ناقص شوية-2 صفار بيض- ملعقة صغيرة خميرة الحلوى- ملعقة صغيرة فاني- نصف علبة من خبز التوابل ([/FONT]pain d’épice[FONT=&quot]) مرحي أو مسكرفج ما لازمش يكون معجن لازم يبقى متناثر- 250غ مايزينة (نشاء)[/FONT]

[FONT=&quot]
[/FONT][FONT=&quot]للكريمة:[/FONT]

[FONT=&quot] 100غ فوندون تخدميه بيدك حتى يطرى-100غ زبدة - ملعقة كاكاو[/FONT][FONT=&quot]
[/FONT][FONT=&quot]تضربيهم مليح بالخلاط الكهربائي لمدة طويلة حتى تحصلي على كريمة [/FONT]

[FONT=&quot]وممكن تعوضي الكريمة بالمعجون[/FONT]

[FONT=&quot]
[/FONT][FONT=&quot]للتزيين :[/FONT]

[FONT=&quot]شوكولاطة سوداء - أصابع من خبز التوابل + عقاش فضي كبير

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

[/FONT]

[FONT=&quot]الطريقة:

[/FONT][FONT=&quot]تخلطي كل مقادير العجين مع بعض حتى تحصلي على عجينة طرية وتتلاصق في اليد ما لازمش تجي ناشفة باش كي نعودو نرشو في النشاء أثناء فتح العجينة ما تيبسش

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

[/FONT][FONT=&quot]قطعيهم كيما تحبيي هي قطعتهم دوائر بمول رقم 50

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

[/FONT]

[FONT=&quot]أدخليهم الفرن على180درجة مدة20د[/FONT]

[FONT=&quot]
[/FONT][FONT=&quot]بعد ما يبردوا اطلي نصف الكمية فقط بالشوكولاطة الذائبة و ألصقيها مثنى مثنى مع حبة أخرى بدون طلاء بواسطة الكريمة الموضوعة في كيس حلواني

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

[/FONT]

[FONT=&quot]ثم ضعي فوقها أصبع من خبز التوابل

[/FONT]

[FONT=&quot]وزينيها بخطوط من الشيكولاطة المذوبة مع ملعقتين ماء مباشرة على نار هادئة مع التحريك المستمر حتى تبدأ في الذوبان تنزع و تحرك مرة أخرى حتى تذوب بالكامل

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

[/FONT]
[FONT=&quot]ضعي عليها عقاش فضية

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 720×576.

[/FONT]​

 

[iman88]

رد: هنا توضع وصفات قناة سميرة ( حلويات وطبخ )

سلام عليكم
ندى
شكراا جزيلا على الموضوع
اريد وصفة قريوش الظفيرة . . . شفت غير الشكل . . فاتتني المقادير
خرجت العجينة من جهة الرشتة و من بعد ظفرتها و قلاتها
شكلها هايل