هذا ماشافت عيني في ولاية بشار

[NASRO DZ]

لسلام عليكم كي راكم ان شاء الله ملاح جمعة مباركة ان شاء الله
اول حاجة حاب نقلها اسمحولي على عدم التواجد هنا في اللمة بسبب ضروف العمل اللتي فوق ارادتي
نبدا الحكاية انا قبل ايام كنت في ولاية بشار كنت نتمشى فيها نورمال قبل يومين كنت مروح ايا خلصت التيكي وقالو بلي على 20.00 نمشي ان شاء الله ايا قلت نروح ندور شوية في بشار قبل مانروح
مشيت في واحد البلاصة جيهة السكة الحديدية وهناك شفت طفلة مع 2 شبان كل واحد شاد من جهة
قربت لقيت تعيط وتقولهم اتركوني ومباعد قالت خلوني دورك نمشي معكم مي مباعد كي شافتني وكانت رايحة تقرى بدات تعيط باش ننقذها من الوحوش هذي مي مباعد لقيت واحد فيهم راح يضربها وحاب تمشي معاه بالقوة مي هي المسكينة ضعيفة وماقدرت تقاوم
لحقت ليهم عرفت اوكان نقرب نروح انا تاني وفي بلاصة خالية وفارغة بزاف
عيطت لصحابي في التيلفون وجاو ومباعد كي شفوني انا واصحابي هربو
وقالها بلي راح يعود يعملها اكثر من هاك وغدوة تشوفي قالها
انا غذتني الطفلة وعرفت بلي مانكونش انا هنا باش ننقذها نكون في الدار
ايا انا حبيت نعرف في رائيكم لحقت الحقرة لهذه الدرجة تعود الطفلة حابة تروح تقرى ماتقدرش بسبب هذو الوحوش
اليكم الخط...

 

[Ma$Ter]

رد: هذا ماشافت عيني في ولاية بشار

السلام عليكم ورحمة الله وبركاته
خويا انا نشوف انو الطفلة تتحمل شوى من المسؤولية فهاذ الحكاية
واش داها من طريق خالى وخطير
وثانى شئء دايما بلايص لى فيها البلاء معروفة فى كل الولايات
واهذوك مش رجال يديرو هاذ الامور مع الطفلة
وممكن راهم يعرفوها مادام يتوعدوها ووو
شكراا خويا

​

 

[رونق الزهور]

رد: هذا ماشافت عيني في ولاية بشار

انا نوافق الاخ ماستار بلاك يعرفوها كاش مايسالوهالها
كون حره ماترجعش تقرا الشرف اهم
+
لي جان تع درك غير ماسببلهم راهم غير تع لدروغ وكاشي بلاك كانو كاش ماشاربين وبانت قدامهم اللله اعلم ربي يهدي الجميع
انت ماتخافش عتدها ربي يسلكها المهم كي وقفت معاها المره الاولى ربي يجازيك خير

 

[ђ@ĸĭ๓]

رد: هذا ماشافت عيني في ولاية بشار

السلآم عليكم خويآ نصرو وللإخوة كآمل
الحآجة الأولى شرفتنآ ونورتنآ في بشآر بصح
تجي ومآتزورنآش مشي مسموووح :p
وعندك الصح لبلآصة هذيك ريسك ودونجي ويآمآ دآت نآس كيمآ كآين بلآيص في كل ولآية في لآلجيري بويسك مزآل كآين نآس تآع مشآكل ودعآوي الشر ربي يهديهم إن شآء الله وهذي نتيجة وفرة وتنوع الشرآب والكيف والمهلوسآت لي ضيعت بزآف شبآب ورجعوا يديرو في أمور الشيطآن ومآيديرهآش مي لآزم نكونو وآقعيين تآني بعض لبنآت تآع هآذ لوقت هومآ لي يتسببو في الضيآع تآعهم لوكآن تضرب دورة من جيهة الليسيآت وحتى السيآم تشوف لعجب وتعرف المقصود من كلآمي وأنآ نتحدى أي وآحد يقولك بنت ملتزمة مربية وبنت فآميليآ قطعوا عليهآ الطريق ولآ حقروهآ رآني نهدر فيمآ يخص الولآية تآعي ومن بعد نقولوا الشبآب رآهو يحقر رآهو يختآطف رآهو يقطع الطريق وراهو وراهو..... الحآجة لي لآزم نعرفوا الطفلة هذي وش بينهآ وبينهم حتى توصل معآهم للبلآصة هذي ...... وتآنـي صدقني نفس القصة تآعك خويآ نصرو صرآت لوآحد فآميلتي في ولآية أخرى من الغرب لقى وآحد يجر في طفلة بالقوة والعنف طلبت منو بآه يسلكهآ حقق ليهآ الطلب تآعهآ وحررهآ وزآد رفع ضدو قضية ونهآر عيطولهآ بآه يسمعو كلآمهآ
في القضية ظهرت انهآ صديقة لذلك الشآب وكذبت كلش
في وش جرى وفآميلتي هذآ هو لي خرج مش مليح و ربح العيب بآطل ......
ربي يهدي الجميع إن شآء الله ومشكووور على طرح القضية ......
​

 

[ايمان مي]

رد: هذا ماشافت عيني في ولاية بشار

انا صح غاضتني الطفلة مي تاني نشوف باللي تتحمب شويا من المسؤولية هي بنت هاديك البلاد و تعرف البلايص اللي يكونو دونجي بالحق ما تفوتش عليهم باسكو علابالها واش يقدر يصرالها و تاني باه تقولي بنت فاميليا و متربية صراتلي هكا ما نظنش باسكو نظن انو بعض بنات هاذا الوقت ربي يهديهم هوما اللي يوصلو روحهم لهاد المواصل

على العموم ربي يهدي ان شاء الله

 

[NASRO DZ]

رد: هذا ماشافت عيني في ولاية بشار

ميرسي عليكم وعلى المشاركة تعكم
ميرسي خويا حكيم اسمحلي لاني ماجيتك مي نقلك بعد اسبوع نرجع لبشار

واش نقول كلامكم صحيح مي الطفلة تسكن هناك في هذيك البلاصة ونضن ماشي هي الي وصلت روحها البلاصة فارغة ولازم كي تروح تقرى تفوت عليها

 

[adel._dz]

رد: هذا ماشافت عيني في ولاية بشار

يعطيك الصح انت وصحابك أنكم منعتوها
يالخاوة هذي القصة راهي كما تدين تدان
الطفلة هذي عندها خيوتها والا بوها في وقت من الأوقات منعو بنت والا عرض وصانوه بعثكم انتم ربي ليها وغدوة كما تدين تدان ان شاء وممكن في وقت ما تطيح في راجل يصون عرضكم هكذاك من عند ربي تماما كيما درتو انتم والا ماخلصتوش عليها في الدنيا تخلص في لخرة
أما هذم الكاليتي أضرب دورة ضرك تلقى خواتاتهم كيف كيف حاكمينهم ويعيطو بصح مالقاوش شكون يسلكهم
والله اعلم
وحييلي الرجال ولي يديرو لي جاست نتاع الرجال..

 

[NASRO DZ]

رد: هذا ماشافت عيني في ولاية بشار

شكرا ليك خويا عدل انت والاخوة هنا وخاصة خويا حكيم
مي والله عدت مانحبش نشوف الحقرة خاصة طفل يحقر طفلة
وساعة وين الناس يشوفو بصح والله لا من شخص يتحرك وهذي شفتها انا بعيني
والله العقلية هذي

كي نشوفو طفلة محقورة لازم نوضو مش نتفرجو فيهم
​

 

[الجندية]

رد: هذا ماشافت عيني في ولاية بشار

حاسبين رواحهم رجاله يمشو بالشواقر والخداما ودايرين رواحهم بني آدم وهوما غير وحوش بشريه
الاجرام عندهم كي السلام عليكم
البنات ولاو خافو وحده تروح تقرى تخاف تموت في الطريق ولى يتم التعدي عليها
وحد النهار وحد المخلوقه تمشي قدامي خارجه من الليسي ويجيو وحد الشواكر هوما 3 هزوها وطارو بيها وطوموبيل تستنى
مركيت الماتركيل ورحت لابوليس وجبدو ملتهم ... وجابو الطفله ساكله في عمرها
قلت لا كاش ماعرفو بلي انا خبرت يجو يحاسبوني ماعنديش مشكل المهم ماسكتش على الحقره
​

 

[NASRO DZ]

رد: هذا ماشافت عيني في ولاية بشار

حاسبين رواحهم رجاله يمشو بالشواقر والخداما ودايرين رواحهم بني آدم وهوما غير وحوش بشريه
الاجرام عندهم كي السلام عليكم
البنات ولاو خافو وحده تروح تقرى تخاف تموت في الطريق ولى يتم التعدي عليها
وحد النهار وحد المخلوقه تمشي قدامي خارجه من الليسي ويجيو وحد الشواكر هوما 3 هزوها وطارو بيها وطوموبيل تستنى
مركيت الماتركيل ورحت لابوليس وجبدو ملتهم ... وجابو الطفله ساكله في عمرها
قلت لا كاش ماعرفو بلي انا خبرت يجو يحاسبوني ماعنديش مشكل المهم ماسكتش على الحقره
​

راكي عملتي حاجة ربما طفلة ماتقدر تعملها
انتي صح فحلة وميرسي على انقاذ الطفلة انتي قوية في ارداتك
والخوف من ربي ماشي من العبد

 

[NASRO DZ]

رد: هذا ماشافت عيني في ولاية بشار

اتمنى التفاعل قليلا في هذه القصة اخواتي
لانها مهمة جدا في حياتنا وفي المجتمع هذا

انها مشكلة كبرى اخواتي

 

[هِدايات]

رد: هذا ماشافت عيني في ولاية بشار

ربنا لا تؤاخذنا بما فعل السفهاء منا

 

[محمد طولقة]

رد: هذا ماشافت عيني في ولاية بشار

لاحول ولاقوة الا بالله ربي يحمي بنات المسلمين من الذئاب البشرية
وبارك الله فيك على الموقف البطولي

 

[manel nana]

رد: هذا ماشافت عيني في ولاية بشار

آلرجولة ضآعت بين هاذو آلنآس ربي يهديهم
إن شآء الله ربي يحميهآ من كيدهم
تحياتي لك

 

[الميزان]

السلام عليكم

يمكن مضلومة هد البنت ويمكن تعرفهم وانا من رايي ادا ماعنديش خوتي ولا والديا الي يحموني القانون يحميني ولا نحمي نفسي الشرفي فوق حياتهم كامل

وانت ماقدرتش تعرف معلومات عليها ولا واش بينها وبين هدوك لولاد

 

[Asmaa2020]

لو كان هيا جات مليحة كيفاه اصلا تعطيهم مجال يتقربوا منها....

 

[شاعرة المستقبل]

والله شي عجب خويا نصروا
ربي يبعد علينا لبلا
بصح يعطيك الصحة الي سلكتها
وغدوة يديرلها ربي حل

 

[Moha le sage]

يا خويا نصرو هاذي الحكاية مافيها لا بشار لا جنان اللاندو ..

وين ماكاين مضرب خالي العبد ما يروحش ليه باسكو يكثرو فيه الناس لي تعمر راسها بالكاشيات ..


باقي القصة الله اعلم .. ما تقدرش تحكم عليهم من بعيد .. يقدرو يكونو ههدوها بكشما تصاور ولا عفسة و جابوها لثم .. و تقدر هي لي تكون مش ناس ملاح و حابة تتعرف .. و القصص أنواع ...ربي يعفينا


العنوان ما عجبنيش يا نصرو .. بشار ما فيهاش غير هاذ الظاهرة لي شفتها في ذاك نهار .. و كيما تعرف كل ولاية فيها بلايص ملاح و خرين عيانين .. و ليزونفيرون تاع الولايات ثاني كيف كيف


كون كتبت زعما : زوج يتحرشو بطفلة في بلاصة خالية ... ولا : وين لحقنا في هاذ الزمان الخ ....

سلامي
​

 

[zagane]

السلام عليكم
لوكان ما جابكش ربي ليها وانقدتها كانت تروه في ستين داهية
غياب الامن هو السبب
البلاد ولات كي الغابة القوي ياكل الضعيف

 

[أمــ وليــد الجزائرية]

الموضوع فات المدة ديالو

يمنع رفع المواضيع الي تكتب اقل من 4 اشهر

للغلق
​