يميييي يم

[Teacher Sweet]

السلام عليكم ورحمة الله وبركاته

كيف حالكم ؟ ان شاء الله تكونوا بخير

جبتلكم وصفة جديدة وحصرية للمة، سموها كيما حبيتو لبنات
هاذ الوصفة مدهالنا واحد تونسي

المهم بدون إطالة

جيبي حبات جزر (عينك ميزان) على حسب الأفراد
اغسليهم، ورابيهم بالسكرفاج
ضيفيلهم في البداية 2 ملاعق كبار سكر عادي
ومبعد اعصري حبة ليمون
وفرغيها على الجزر والسكر

ذوقي اذا لقيتيه حامض ياسر زيدي السكر

ملاحظة: اذا درتيه بالبرتقال رايحة تبقى بنة الجزر. علابيها يليق ديري الليم
الا اذا كان عندك برتقال حامض استخدميه.

بنينة، مفيدة وماتديش الوقت

وطريقة التزيين والتقديم انتي وذوقك

بصحتكم وشهية طيبة


لا إله إلا الله محمد رسول الله
الله صل وسلم على سيدنا محمد
رضيت بالله ربا وبالإسلام دينا وبمحمد نبيا ورسولا
​

 

[nassima 87]

رد: يميييي يم

يعطيك الصحة ختي بصح مافهمتش منميكسيوهش نخلوه هكاك مسكرفج يجي كي لاسالاد ؟​

 

[Teacher Sweet]

رد: يميييي يم

الله يسلمك ختي يعطيك الصحة

والو مانميكسوهش
رابيه في الرقيقة خلاص

مشكورة على المرور
​

 

[HAMZA USMA]

رد: يميييي يم

شكـرااا ع الوصفة الجميلة
فــي إنتظار جـديدك
تحـيــاتــي​

 

[Teacher Sweet]

رد: يميييي يم

يعطيك الصحة حمزة نورت الموضوع بمرورك
سعدت بردك الطيب
دمت بود
​

 

[samah06]

رد: يميييي يم

شكرا على الوصفة اختي
لكن قوليلي تبقى السنارية هكاك وكيفاه تتقدم مع لفراشط

 

[Teacher Sweet]

رد: يميييي يم

العفو اختي

ايه تبقى هاكذاك، مي لازم تكون مرابية رقيقة
وماتميكسيهاش.
وتتقدم مع لفراشط
​

 

[ange.ange]

رد: يميييي يم

شكرا على الوصفة حبيبتي

 

[Teacher Sweet]

رد: يميييي يم

بلا مزية حنونة
شكرا لمرورك
​