السلام عليكم
مشكورين على فتح الفضاء الحر باش نفضفضو على قلوبنا وعلى مشاكلنا ونسمعو راي الاخوة والخيات
أنا مشكلتي كانت بدايتها مع وحدة المهم بغيتها كيما يبغي أي راجل أنثى كان قدامي حلين يا ندخل من الباب يا ندخل من الطاقة
أنا بطبعي انسان ما نتبعش بزاف الجنس اللطيف حيزي حيز نفسي قليل وين نلقى طفلة تثير اهتمامي
فترة المراهقة تجاوزتها سيبون مانيش حاب الكلام الفارغ وتضياع وقت حبيت نبني دار بالحلال أيا شفت وحدة تصغرني ب ستة سنوات وأعجبت بيها صح مشو من ناحية الجمال فقط مع أنها مقبولة لأبعد حد بل من ناحية رزانتها ونضوجها الفكري لأني أنا انسان بطيعي تعجبني الأنثى ذات شخصية وكاريزما وعندها راي ومتثقفة ومتعلمة تفهمني ونفهمها والأهم كيما نحكي معاها تعمرلي راسي
أنا بطبيعة معرفتي لواقع اليوم قلت نتكلم معاها هي الأولى قبل ما نتقدم ليها باش كان عندها واحد في حياتها والا متمنياتو ماكلاه نسبب لها احراج ونتقدم لوالديها
لأنو قبل كل شيء راح نعيش معاها هي مشي مع والديها ومانقدرش نعيش مع مرأة ما تحبنيش وتشوف فيا بعدتها على حبيبها
هي العام هذا ليسانس وتتخرج تقرأ بيولوجي وأنا عندي شهادة جامعية ماجيستار النظام القديم وبخدمتي والحوال ميسورة والحمد لله يعني وش خصني مراة برك وتكمل الحوايج لي خاصتني
بعد ما سقسيت عليها وشفت مع روحي مليح مشيت نحكي معاها نيتي نحكي معاها جلسة وحدة قالت فيها ايه نختصر المسافة ونروح ديراكت لبوها نحكي معاه قالت لا لا نقوللها ربي يسمعنا على بعضانا الخير ويرزقنا لزوج بواش نتمناو لأنو صراحة انا اصلا حاط في راسي الفترة بين الخطوبة والزواج ماتفوتش 6 شهور لاطارت خلاص يعني نخطبها ضرك تتخرج ديراكت نتزوجو ونديرو العرس وربي يهنينا وفرات
أيا لما قصدتها وقلتلها أني محتاج شوي من وقتها تسمعني وافقت وقدت معايا في الجامعة لأني رحتلها لثم
فهمتها في العقلية بعد ماعرفت بنفسي وفهمتها كيفاش نخمم وقلتلها حتى اعلاش عجبتني وشكون سقيت عليها حتى
الطفلة تشوكاتلي قاتلي ماندري الموضوع هذا فاجأتني بيه وانها ماتعرفنيش الخ شرحتلها سبب لي خلاني نحكي معاها قبل والديها وهي الحق فرحت لما فهمتها وشكرتني وقالتلي أعطيني وقت نشوف مع روحي ونردلك
أيا حوالي أسبوع رجعت حكيت معاها قالتلي موافقة أنا فرحت بزاف أخيرا واحد لقى المرأة لي تعمرلو دارو
والديا لما سمعو فرحو بزاف لأنو هوما يعرفو العقلية أني انسان نحب الوضوح ونحب الصراحة والمواجهة هوما يقولو عليا صعيب بصح أنا نقوللهم مشي قضي صعوبة قضية مبدأ برك
المهم والديا قالولي أنو بعد سمانة نروح لدارهم ونحكيو مع باباها وان شاء الله مفرية
أيا كانت نورمال وخطبنا ومدولنا وفرحت
الطفلة عبالها بلي راني مزروب وبلي راني معول الصيف هذا نعقد الواحد على باب الثلاثين سيبون خرجتلي بهدرة أني حابة الماستر وحابة نكمل قرايتي
وحتى في الهاتف مانحكيش معاها بزاف ودايما تشكي أنا قلتلها هدرة التيليفون تجيب غير الخسارة والمشاكل وثاني حاب عرسنا يكون فيه البراكة ضرك تجيني للدار ونشبعو من بعضانا هي قاتلي لا لا ولازم نعرفك أكثر وتضضغط عليا مش مشكل وليت ساعة على ساعة نفقدها واشك لاباس وقص
بطبيعتي نكره مذيغ الهدرة بزاف
وضرك راهي خرجتلي بهدرة نكمل قرايتي يعني راهي حابتني نأجل العرس عامين أخرين
هيا خاوتي وش ندير نفسخ الطفلة نحبها نكمل ونقبل مايساعدنيش
أنا قلتلها أني مستعد نخليها بعد البيبي لول ان شاء الله تكمل قرايتها الطفلة ماندري مترددة
وراني في حيرة العرس قرب قبل رمضان ومازال باباها وبابا ماسمعوش وعبالي كون يسمعو راح يفرضو عليها لأنو الجماعة سيبون اتفاهمو بصح هي حابة تتفاهم معايا بيناتنا
دبرو عليا راني في حيرة ومشكورين
مشكورين على فتح الفضاء الحر باش نفضفضو على قلوبنا وعلى مشاكلنا ونسمعو راي الاخوة والخيات
أنا مشكلتي كانت بدايتها مع وحدة المهم بغيتها كيما يبغي أي راجل أنثى كان قدامي حلين يا ندخل من الباب يا ندخل من الطاقة
أنا بطبعي انسان ما نتبعش بزاف الجنس اللطيف حيزي حيز نفسي قليل وين نلقى طفلة تثير اهتمامي
فترة المراهقة تجاوزتها سيبون مانيش حاب الكلام الفارغ وتضياع وقت حبيت نبني دار بالحلال أيا شفت وحدة تصغرني ب ستة سنوات وأعجبت بيها صح مشو من ناحية الجمال فقط مع أنها مقبولة لأبعد حد بل من ناحية رزانتها ونضوجها الفكري لأني أنا انسان بطيعي تعجبني الأنثى ذات شخصية وكاريزما وعندها راي ومتثقفة ومتعلمة تفهمني ونفهمها والأهم كيما نحكي معاها تعمرلي راسي
أنا بطبيعة معرفتي لواقع اليوم قلت نتكلم معاها هي الأولى قبل ما نتقدم ليها باش كان عندها واحد في حياتها والا متمنياتو ماكلاه نسبب لها احراج ونتقدم لوالديها
لأنو قبل كل شيء راح نعيش معاها هي مشي مع والديها ومانقدرش نعيش مع مرأة ما تحبنيش وتشوف فيا بعدتها على حبيبها
هي العام هذا ليسانس وتتخرج تقرأ بيولوجي وأنا عندي شهادة جامعية ماجيستار النظام القديم وبخدمتي والحوال ميسورة والحمد لله يعني وش خصني مراة برك وتكمل الحوايج لي خاصتني
بعد ما سقسيت عليها وشفت مع روحي مليح مشيت نحكي معاها نيتي نحكي معاها جلسة وحدة قالت فيها ايه نختصر المسافة ونروح ديراكت لبوها نحكي معاه قالت لا لا نقوللها ربي يسمعنا على بعضانا الخير ويرزقنا لزوج بواش نتمناو لأنو صراحة انا اصلا حاط في راسي الفترة بين الخطوبة والزواج ماتفوتش 6 شهور لاطارت خلاص يعني نخطبها ضرك تتخرج ديراكت نتزوجو ونديرو العرس وربي يهنينا وفرات
أيا لما قصدتها وقلتلها أني محتاج شوي من وقتها تسمعني وافقت وقدت معايا في الجامعة لأني رحتلها لثم
فهمتها في العقلية بعد ماعرفت بنفسي وفهمتها كيفاش نخمم وقلتلها حتى اعلاش عجبتني وشكون سقيت عليها حتى
الطفلة تشوكاتلي قاتلي ماندري الموضوع هذا فاجأتني بيه وانها ماتعرفنيش الخ شرحتلها سبب لي خلاني نحكي معاها قبل والديها وهي الحق فرحت لما فهمتها وشكرتني وقالتلي أعطيني وقت نشوف مع روحي ونردلك
أيا حوالي أسبوع رجعت حكيت معاها قالتلي موافقة أنا فرحت بزاف أخيرا واحد لقى المرأة لي تعمرلو دارو
والديا لما سمعو فرحو بزاف لأنو هوما يعرفو العقلية أني انسان نحب الوضوح ونحب الصراحة والمواجهة هوما يقولو عليا صعيب بصح أنا نقوللهم مشي قضي صعوبة قضية مبدأ برك
المهم والديا قالولي أنو بعد سمانة نروح لدارهم ونحكيو مع باباها وان شاء الله مفرية
أيا كانت نورمال وخطبنا ومدولنا وفرحت
الطفلة عبالها بلي راني مزروب وبلي راني معول الصيف هذا نعقد الواحد على باب الثلاثين سيبون خرجتلي بهدرة أني حابة الماستر وحابة نكمل قرايتي
وحتى في الهاتف مانحكيش معاها بزاف ودايما تشكي أنا قلتلها هدرة التيليفون تجيب غير الخسارة والمشاكل وثاني حاب عرسنا يكون فيه البراكة ضرك تجيني للدار ونشبعو من بعضانا هي قاتلي لا لا ولازم نعرفك أكثر وتضضغط عليا مش مشكل وليت ساعة على ساعة نفقدها واشك لاباس وقص
بطبيعتي نكره مذيغ الهدرة بزاف
وضرك راهي خرجتلي بهدرة نكمل قرايتي يعني راهي حابتني نأجل العرس عامين أخرين
هيا خاوتي وش ندير نفسخ الطفلة نحبها نكمل ونقبل مايساعدنيش
أنا قلتلها أني مستعد نخليها بعد البيبي لول ان شاء الله تكمل قرايتها الطفلة ماندري مترددة
وراني في حيرة العرس قرب قبل رمضان ومازال باباها وبابا ماسمعوش وعبالي كون يسمعو راح يفرضو عليها لأنو الجماعة سيبون اتفاهمو بصح هي حابة تتفاهم معايا بيناتنا
دبرو عليا راني في حيرة ومشكورين
