لا احب الزواج ..لاادلري لماذا ؟؟

[مشكلتي]

السلآم عليكم

انا فتاة في عمري 25 سنة شابة قارية والحمد لله مشكلتي الوحيدة ما نحبش الزواج تقدملي بزاف رجال ونعم الرجال ثقافة وادب وتربية بصح ديما نرفض مزال ما عرفتش علاش
نصحوني بزاف ناس باش نرقي ورحت ورقيت مي غير كيف كيف , وزيد نضل كارها ومغمومة وما نحبش نخرج وحدي برا خاص لازم وحدا تونسني , وتانيك ايلا خرجت نخرج غي فطونوبيل ومانحبش نطلع مع الغاشي ف الكيران , و مع العلم اني سافرت حتى خارج البلاد وجبت عمرة مع والديا ومزال ما تبدلتش , وجامي تخيلت روحي متزوجة وعندي عايلة راني حايرة واش ندير
انصحونـــــــــــــــــي من فضلكم

سلآم
​

 

[حسان]

رد: لا احب الزواج ..لاادلري لماذا ؟؟

تما الأعتماد و لي عودة ​

 

[nihade.off]

رد: لا احب الزواج ..لاادلري لماذا ؟؟

السلام اختي
ممكن مشكلتك تتعلق بالجانب الاجتماعي لانك خجولة زيادة عن الحد و تقولي بلي الناس كي يشوفوني يبقاو يهدرو و يضحكو عليا و هادي تصرا و كاين بزاف ناس و خصوصا بنات كيمانتي و بالشوي رح تتاكدي بلي كلها وساوس فقط لانو الناس الكل كيف كيف طبعا مع محاولة التخلص من المشكل بالخروج من البيت و التكلم و قراءة مقالات في النت بخصوص الموضوع
و الخوف من الزواج ممكن سببه ماسمعت من حكايات من افواه البنات و العجائز و من معاملة الرجل و تبدله قبل و بعد الزواج و من متطلبات الحياة الزوجية خصوصا في وقتنا الذي اصبحت فيه المراة تحمل تقريبا كل المسؤولية ان لم نقل كلها .......... يعني بالمختصر تخلعتي و هذا لا تلامين عليه ابدا ....
كيما قلت من قبل حاولي تخرجي روحك من القوقعة و رح تلاحظي باذن الله انو كلش ساهل و تذكري ان اي تغيير للانسان يبدا من الداخل و مادمك قارية الله يبارك يعني راكي فاهمة وواعية و قادرة ...
سلام​

 

[راضية حامدة]

رد: لا احب الزواج ..لاادلري لماذا ؟؟

لانك ما تعرفيش قيمة الزواج لهذا ما تحبيهش
اختي الحبيبة
الزواج هو السكن هو الوطن
هو الهدوء و السعي لاكمال طريق السعادة
و الحياة بلا بيه و كانك تفرغي الماء في الهوا
و لماذا العيش اذا ما كيش ناوية تديري حاجة في هذه الدنيا
تديري اولاد و تحافظي على رسالة الانسان و هي خلافة الارض وعمارتها
اكيد نفورك هذا يكون له سبب
و لكن مهما كان فكري باننا لم نخلق سدى
فلماذا خلقت انت؟
و هروبك هذا مش الحل
الوقت يمشي اليوم عندك 25
غمضي عينك تلقاي الوقت مشى و 25 تولي 30 و 40 ووووو
و من بعد؟
صدقيني اختي الدنيا متاع و خير متاعها الزوجة الصالحة
ما تتمنايش تكوني زوجة صالحة؟ ام رائعة؟
ما تحلميش يجمعك رب العالمين بزوج صالح يكون ليك السند و المحمى تعيشي ليه و يعيش ليك و تعيشو كلكم لارضاء رب العالمين؟
ما تتمنايش يكون لك اولاد صغار يضحكوك و يبكوك و تعيشي باش تشوفيهم فرحانين و ناجحين؟
ما تتمنايش يتباهى بك رسول الله صلى الله عليه و سلم يوم القيامة و يقول هذه و عايلتها من امتي؟
هاذو الامور كلها ما يجوش الا بالزواج و الزواج الصحيح
علاش تحرمي روحك من هذا الخير كله ؟

ان شاء الله ربي يعينك و يفكك العقدة من لسانك و يشرح لك صدرك و يجمعك بزوج يستاهلك و يهنيك و يرزقك من حيث لا تحتسبين

 

[adel._dz]

رد: لا احب الزواج ..لاادلري لماذا ؟؟

الخوف نفسيا هو حالة من القلق من شيء لم يحدث بعد مستقبلي يمكن أن يتطور الخوف الى ذعر الذعر هو حالة مرضية
الخوف ألية ليحمي الانسان نفسه من الخطر
الذعر هو مبالغة تدفع الانسان للانغلاق على النفس

ضرك تقولي وش يخرط هذا ؟
أنا نقلك لتعالجي الذعر قومي بالتجربة ...
تقوليلي كيفاش نقولك تزوجي ويتبدل رايك ومخاوفك كامل تتلاشى ..

نقولك اعلاش أنا كنت نخاف من البحر كي كنت صغير:$
جاوني وحد الحرايمية ههههههه داوني للارج ورماوني لثم تعلمت من تجربتي وراحت الرهبة

وجه الشبه أني كنت نخاف منو قبل من جربو جربتو زالت كل المخاوف ووليت نحبو

الزواج كي البحر ههههههه موجة تدي وموجة تجيب تعلمي العومان ونضمنلك ماتغرقيش وحلك الوحيد ادخلي للارج المهم تتعلمي على يد راجل خلوق ومدين وقابلاتو شريك حياتك ضد موجات المد والجزر نتاع البحر ونتاع الحياة
والحديث قياس ونبينا وصلينا اعليه عليه الصلاة والسلام:regards01:


وان شاء الله راكي نجحتي وادعيلي معاك اذا عملتي بنصيحتي ​

 

[مصري مواليد الجزائر]

رد: لا احب الزواج ..لاادلري لماذا ؟؟

سنة الله، ولن تجد لسنة الله تبديلا
مع الايام، ستفرق الايام كل من حولك من احباب، وتجدي نفسك وحيدة في حياة قاسية،
الزواج كالتعليم، بدونه حكمتي علي نفسك بالشقاء،
الامر هام وخطير، تأملي سنك، مجتمعك، العنوسة، العلاقات بين الناس،
ربنا يهدي الجميع
خالص تحياتي للجميع وتمنياتي بالتوفيق لصاحبة المشكلة

 

[علي الفاضلي]

رد: لا احب الزواج ..لاادلري لماذا ؟؟

عاودي رقي روحك . في الاعادة افادة.

واذا ما كان والو .بمعنى معندكش اذى .

فالحالة اذا مسألة خوف وتردد اي حالة نفسية.

*********
وما قاله الاعضاء من قبلي شافي كافي في حالتك النفسية ان كانت هي ..
*****
ان شاء الله تتحل العقدة .. وتبشرينا بالخطوبة

 

[YAHIA S]

رد: لا احب الزواج ..لاادلري لماذا ؟؟

و عليكم السلام

ماشاء الله يوضحلي ليس لديك مشاكل امورك تمام
مشكلتك مازال ملقيتيش الى ابدلك رايك
اخليك حابة تزوجي ههههه​

 

[السلطانة]

رد: لا احب الزواج ..لاادلري لماذا ؟؟

وعليكم السلام شوفي طبيب نفساني مادام العمرة واللي حكيتي عليهم قكل ماقنعوكش


ربي يسهلك ان شاء الله

 

[¬Đỉaмơŋđ ✿]

رد: لا احب الزواج ..لاادلري لماذا ؟؟

رُبمآ هي حآلةْ نفْسيَة ..
لآزم تخَرجي من الجوْ المغْلق الذِي تعيشِينه ..
اللهْ يصْلح أحوآلك وإنْ شآءْ الله رَبي يرْزقكْ بالشخصْ الصآلحْ اللي يغَيرلكْ نظرتك هَذه ..
​

 

[samsouma*]

رد: لا احب الزواج ..لاادلري لماذا ؟؟

مكتوبك الي يغيرلك النظرة مازال موصلش باب داركم
كلشي مكتوب في هاذ الدنيا ولكن..الزواج رزق والرزق لازم السعي من اجله
السعي بالدعاء باش ربي سبحانه يرزقك الراجل الصالح التقي النقي(وهو قليل جدا عددهم) مثلما هو الحال في بنات الفاميليا باش متقولوش حيلية خخخخخخ
ربي يهديك للصواب ويبعد عليك كل حاجة تعملك تعب ولا تفكيرماشي مليح

 

[ايمان الهدى]

رد: لا احب الزواج ..لاادلري لماذا ؟؟

السلام عليكم اختي الكريمة ان الزواج هو نصف الدين وفوائده كبيرة للطرفين للذكر والانثى فحتى لو كنتي تكرهينه لكن بالنظر الى فوائده ستغيرين رايك خصوصا اذا اتاك من ترضين دينه وخلقه وانتي في سن مناسب للزواج فالحقي نفسك قبل ان يصبح سنك فوق الثلاثين وتجدين نفسك لاعمل ولا زواج ومليئة بهموم الدينيا والمشاكل النفسية ومعرضة لمطامع الشباب اللذي يوجد فيهم نسبة كبيرة لاهم لها الا يايقاع بنات الناس في فخهم واستدراجها واللعب بمشاعرها فالزواج ستر وعفة للفتاة مهما كان صعب لكي فتوكلي على الله والجاي له بالدعاء واستمري على الرقية حتى لو رقيتي نفسك بنفسك داومي عليها وعلى اذكار الصباح والمساء وربي يعينك اما بالنسبة لموضوعك الثاني فهو ربما رهاب اجتماعي ممكن ان يزول فحاولي التخلص منه بان تحاولي ان تركبي الحافلات حتى ولو مع صديقتك وليس طول الوقت وانما بفترات متباعدة وباقي الايام في السيارة اما الونس فانا اشوف انه امر ممكن حله كذالك وممكن استشارة في احدى المواقع في النت عن كيف تتخلصين من هذا الرهاب بدون اللجوء الى طبيب نفسي وربي يباركلك في عمرتك ويرزقك ويخلصك من مشكلتك انه ولي ذالك والقادر عليه وبالتوفيق لكي اختي

 

[ammmmoula]

رد: لا احب الزواج ..لاادلري لماذا ؟؟

تنقصكي الثقة بالنفس حاولي جاهدة اكتسابها والله ولي التوفيق