تشيز كيك بالليمون

[انريس]

تشيز كيك الليمون


المقادير
4 علب فرماج كيري اللي فيهم 6 حبات او 2 علب اللي فيهم 12 هاهو شكل العلبة يعني كلش كلش 24 حبة وتلقاو علبة فيها 24 متقولوليش يزاف رانا نخدمو في تشيز كيك ولازم يكون الفرماج هو المكون الرئيسي ومتخافوش مش راح يفسدلكم الطعم الكيري يمشي مليح مع السكر لدرجة وين يبانلي بلي الكيري يتكل في الحلويات افضل من الموالح

كاس و نص كريم فريش سائلة راهي متواجدة في الاسواق نعطيكم بعض الامثلة هاهي




كاس و ربع سكر عادي
نص كاس عصير ليمون
مغرفة كبيرة قشور ليمون
4مغارف كبار كريم شونتيي باه الكريمة تحكم روحها ومنستعملوش الجيلاتين تجي خيييير
اذا شفتو الكريمة مهيش متماسكة مليح ضيفو مغرفة اخرى كريم شونتيي هنا الكريم شونتيي باه نتحكمو في تماسك الكريمة نتاعنا

الكيكة
جينواز عادية تكون برك رقيقة اخدموها ب4 بيصات راح تكفيكم

التحضير
نخلطو كل المقادير ماعدا الكريم شونتيي و نخلطو ملييييح بالباتور ولا البيتران مدة 5 دقائق راح تلاحظو بلي الكريمة بدات تتماسك نبداو نضيفو في الكريم شونتيي ونخلطو راح تتماسك الكريمة متجمدوهاش بزاف كي تعود كيما الميرانق شوفو




نحطو الكيكة نتاعنا في مول متحرك يعني يتفصل السفلي وحدو والجانب وحدو نحطو الكيكة نتاعنا نشربوها بسيرو خفيف منكه بالقارص ونصبو فوقها الكريمة نتاعنا و مبعد نديرو فوقها طبقة من كريمة الليمون
مقاديرها
نص كاس ماء
مغرفة ممسوحة نشا
نض كاس سكر نخلطوهم مليح مع بعض ونحطوهم على النار حتى يتماسكو شويا وتشوفو اللون بدا يولي شفاف شويا نحيوهم على النار ونضيفولهم
2صفار بيض
وعصير حبة قارص
ونعاودو نقلبوهم على النار مع التحريك مدة دقيقة او 2 ونحيوهم على النار ونضيفولهم مغلرفة زبدة فقط
صبيها فوق الكريمة نتاعك واعملي خطوط بالشيكولة وزينيهم كيما الميلفاي او
اختاري اي طريقة تزين انت حرة
انا هنا نحيت شويا من كريمة القارص و درتلها الكاكاو وزينت بيها

الافضل تخليها في المول ليلة كاملة وغدوا تاكلوها بالصحة والهنا

 

[الحلم الوردي]

رد: تشيز كيك بالليمون

ماشاء الله عليك
اختي انريس جاتك رووووووووووعة
يعطيك الصحة
بصحتكم
​

 

[انريس]

رد: تشيز كيك بالليمون

ميرسي ملاك ربي يعيشك
شكرا بزاااااااف على المرور العطر
يا احلى حبوبة

 

[mimi53]

رد: تشيز كيك بالليمون

امم انريسو تسلم ايدك نموت على الليمون
يعطيك الصحة حبيبتي

 

[انريس]

رد: تشيز كيك بالليمون

الله يسلمك حبيبتي ميمي
ليك وحشة والله
جربيه راهو امممم يهبل واش نقلك انا ملقيتش الوقت باه نضورو بعد مقطعتو والله كلاوه طول

 

[ويبـقى الأمــل]

رد: تشيز كيك بالليمون

يعطيك الصحة اتريس
تشيز هايلة وتاني غير مكلفة ان شاء الله نجربها ​

 

[ام الحلوين]

رد: تشيز كيك بالليمون

الله الله على فنانتنا
ما شاء الله شكلو يشهي
بصحت شكون كلاه ههه
بارك الله فيك اسومة

 

[انريس]

رد: تشيز كيك بالليمون

يعطيك الصحة اتريس
تشيز هايلة وتاني غير مكلفة ان شاء الله نجربها ​

والله يا سامية الموضوع راهو تحط على جالك
مكنتش رايحة نديرو موضوع هههههه
سيرتو كي مصورتوش كي تقطع ووو... هاكي تعرفي
المهم جربيه واقلبيلي الخبر يجي يهبببببل

 

[انريس]

رد: تشيز كيك بالليمون

الله الله على فنانتنا
ما شاء الله شكلو يشهي
بصحت شكون كلاه ههه
بارك الله فيك اسومة

ههههههههه فتيحة شكون كلاه؟؟؟
محمد و انريس و ماما وبابا و ختي مرية واختي مروة و 2 صحاب محمد ههههههه هاني مديتلك الرابور
استناي حبسي نسيت مسميتش روحي هههه انا تاني كليت قضينا عليه سير بلاص المغبون
قطعتو بالمول الدائري وزينتو بترونشات قارص من فوق وبقاو لي شيت والله كلاهم بابا مسكين كي جا يدي لبنات هذاك علاه لحق هههههه خيرمن والو
ومبعدا جا محمد يجري خليلي شويا لما وبابا ههههه قتلو فراوها ماليا وصحابك

 

[هِدايات]

رد: تشيز كيك بالليمون

اممممممممممم
باينة هايلة

 

[shahrazad]

رد: تشيز كيك بالليمون

امممم باين بنيييييييين اسووووم جاك هاااااايل دايما تبدعي حبيبتي تسلم الاياادي
الله الله ايه الحلاوة دي نتي حلوة وصفاتك حلوة وبناتك حلوين نقصي علينا شوي لا نمرضوووو ههههه ربي يحفظكم يااااارب اموااااح​

 

[anissa 13]

رد: تشيز كيك بالليمون

رووووعة يااسماء دائما مميزة
عجبتني الوصفة بزاف نجربها باقرب وقت
فقط يلا قدرتي قوليلي شحال فيها من غرام الحبة تاع كيري او شحال من غرام فرماج؟ خاطرش عندي قابسة ماسكربون حبيت نعمل بيها تاعي فيها 250 غ ماعرفتش يلا تكفيني اولا
والشونتيي مافهمتش نتي قلتي كريمة الشانتي نستعملو غبرة او كريمة واجدة يعني مضربة مع الحليب؟ ويلا حبيت نستعمل جيلاتين كيفاه ندير ؟
هبلتك بالاسئلة سمحيلي
ستناي تطبيقي انشاءالله
بوسيلي انريس وريناد
​

 

[انريس]

رد: تشيز كيك بالليمون

امممم باين بنيييييييين اسووووم جاك هاااااايل دايما تبدعي حبيبتي تسلم الاياادي
الله الله ايه الحلاوة دي نتي حلوة وصفاتك حلوة وبناتك حلوين نقصي علينا شوي لا نمرضوووو ههههه ربي يحفظكم يااااارب اموااااح​

وين يجي قدام حلوياتك يا شهرورة الزينة
ربي يباركلنا فيك ويخليك ديما منورة
رانا ديما نستناو جديدك الهااااايل

رووووعة يااسماء دائما مميزة
عجبتني الوصفة بزاف نجربها باقرب وقت
فقط يلا قدرتي قوليلي شحال فيها من غرام الحبة تاع كيري او شحال من غرام فرماج؟ خاطرش عندي قابسة ماسكربون حبيت نعمل بيها تاعي فيها 250 غ ماعرفتش يلا تكفيني اولا
والشونتيي مافهمتش نتي قلتي كريمة الشانتي نستعملو غبرة او كريمة واجدة يعني مضربة مع الحليب؟ ويلا حبيت نستعمل جيلاتين كيفاه ندير ؟
هبلتك بالاسئلة سمحيلي
ستناي تطبيقي انشاءالله
بوسيلي انريس وريناد
​

انيسة 12 حبة كيري تعادلك 200 غ انا موالفة نشري الكيري نتاع العلب نخدم ب زوج العلبة فيها 200 غ يعني هنا انوس لازملك تزيدي تشري علبة اخرى ماسكربون ولا تكملي بالكيري شوفي الارخص بويسك النتيجة راهي نفسها عن تجربة
والشونتيي اخدمي بيها غبرة يعني هنا نحتاجوها باه يزيد يتماسك الخليط تسمى لازم تكون غبرة حطي بالمغرفة نتاع الماكلة وخلطي حتى تشوفي بلي الخليط ولا متجانس يعني ميسيحش بويسك مناش رايحين نديرو الجيلاتين
جربيه انوس عندو طعم روووووووووعة سيرتو كي عاد يجي بلاجينواز ماشي بالقاطو يجي هااااااااااايل
سلميلي بزااااااااااااااف على ايادو الزين يكون كبر شويا عندك مدة محطيتيلناش لي فوتو نتاعو شفناه الرويجل نتاعنا الصغيرون

 

[ندى الورود]

رد: تشيز كيك بالليمون

امممممممممم وصفة هايلة يا انريس
يعطيك الصحة
​

 

[مطبخي]

رد: تشيز كيك بالليمون

 

[مطبخي]

رد: تشيز كيك بالليمون

 

[انريس]

رد: تشيز كيك بالليمون

الله يسلمك ندوش بارك الله فيك