السلام عليكم
اخوتي اخواني عندي مشكل عويص وانا في حالة من اليأس
وانكسار النفسية
انا فتاة متزوجة منذ عام ونصف بدأت مشكلتي مع زوجي
وانا حامل في الاشهر الوسطى من الحمل حيث كانت اختي نسمحولي نحكي بالدارجة
بدات ختي الكبيرة جيني لدار باستمرار وزوجي كان يحبها ويقدرها وهي غير متزوجة
ولات منين تخرج جيني وديفوى جي كل يوم يوم بعد يوم كره زوجي وبدا يمدي لمعاني قدامها بدا يعيط علي بعد ماكان مقادرني بدا يعفس وخلاص وانا نضريت بدات تقلي واش هدي لمعيشة لراكي عايشتها
وانا نقلها في قلبي انت هي السبة وعلاه كل يوم عندي راني عروسة جديدة نورمالمو تفهمي روحك
لكن تواصلت الحالة على ماهي وبدات جيبلي اللبسة والمشكل قدامو هاكي قد ذي وزيدي ذي
ومن بعد تقعد يامات وتقلي سلفيلي دراهم وانا كاريا عند الناس وهي تزيد عليا
بدا يضربني بالكلام كي الصفعة على الوجه وانا الحنونة وانا المتفهمة ومتربية بديت نتهان من جرتها بدا يقلي واش مارانيش كافيك حتى جيبلك هي ومن بعد تخلفهم دوزيام جور بدراهم
قلتلها ياختي اذا جيتي تحبي راحتي غير شويا ماجبيليش واذا جبتيلي ماتمديليش قدامو
وادا حبيت نسلفلك دراهم ماتقصديهش ارواحي ليا اذا كان عندي مانعزش فيك
الا انها ماتفهمش الموقف الا ان زاد الحال على حالو وانا حاليا في بيتنا وعندي طفلة
كل مانوض صباح نلقى بنتي بحذايا تغيضني عمري علاه صرالي هكا
وكي نشوف ختي تضيق روحي ونتخنق لانها سبب مشاكلي مع ان من بكري وهي ورايا
وانا زوجت غير على جال المشاكل ومازلت نقولها انا متزوجتش انا هربت من مشاكلها
كان هدا قارب النجاة لما خطبني وافقت دون تفكير غير باه نبعد هدي الاخت
لكنها تبعتني حتى لداري وشعلت النار فيها حرامها عليها بنتي تتربى بعيد على باباها
من تحت راسها
راني نتقطع ماعرفت نخير الطلاق ولا الرجوع بعدما كلش تقلب على راسي
راني مهمومة وقصدت بالله كلمة طيبة تكفيني الله يخليكم
^_^
