- إنضم
- 21 أفريل 2009
- المشاركات
- 2,438
- نقاط التفاعل
- 8,928
- النقاط
- 111
اليوم جبتلكم بتي فوووور اقتصادي وزوين ههههههههههه
لحبيبتي ام اماني في منتدى اخر وجبتلكم تستفادو معايا نخليكم مع الوصفة
3بيضات
كاس سكر عادي
كاس ونصف زيت
ملعقة صغيرة خميرة حلوى
فاني
250غ نشا
350غ فرينة
للتزيين
معجون
شوكولاطة
لي عندها البيتران تستعملها والا نستعمل الخلاط الكهربائي على اقصى سرعة لان لازم نخلط المكونات جيدا هذا هو سر نجاح هذا النوع من البوتي فور
اولا نحرك البيض مع كاس سكر والفاني على اقصى سرعة حتى يولي لون الخليط ابيض
من بعد نضيف الزيت لكن لازم نضيفها كالخيط كما نعملو في المايونيز ونستمر في التحريك على اقصى سرعة
من بعد نضيف النشا والخميرة والفرينة ونحرك بالملعقة حتى نتحصل على عجينة تكون طرية شوية
انا هنا يبست لعجينة لازم تكون طرية شوية
ناخذ لابوش ادوي ونحط فيه كمية من العجينة ونشكلها اما على شكل صبيعات او وريدات طبعا الصينية اما ندهنها بالزيت او نفرشها بورق الزبدة
ندخل الحلوى تطيب في فرن يكون مسخن مسبقا على 180 ونراقبها راهي خفيفة تطيب بالخف
بعد ماتطيب وتبرد نلصق كل زوج حبات بالمربى
من جهة نذوب الشكولة في حمام مائي مع شوية حليب لازم تكون الشكولة ثقيلة شوية نغطس الحلوى
وبصحة والراحة
