ناشيونال جيوغرافيك في حياتك

[طائر الخير]

[FONT=&quot]
[/FONT]
[FONT=&quot]

بسم الله الرحمان الرحيم[/FONT]


​

[FONT=&quot]بداية الكلام بالتحية و أحسن تحية تحية الإسلام و تحية الإسلام السلام[/FONT]


[FONT=&quot]فالسلام عليكم ورحمة الله تعالى وبركاته[/FONT]

[FONT=&quot]الحمد لله و الصلاة و السلام على خير خلق الله محمد صلى الله عليه وسلم[/FONT]
[FONT=&quot]تحية عطرة لكل أعضاء ومحبي ومتابعي اللمة[/FONT]

[FONT=&quot]اليوم راح نشوفو برامج ناشيونال جيوغرافيك في الحياة ايام الدراسة في الجامعة[/FONT]
[FONT=&quot]
[/FONT]
[FONT=&quot]العبارات بين علامتي الاقتباس و بالأزرق هي عناوين اشرطة وثائقية تعرض على قناة نات جيو ابوظبي
[/FONT]
[FONT=&quot]
[/FONT]
[FONT=&quot]- مدير المعهد اللي كان امبراطور بمعنى الكلمة نعطوه "انا وحش"[/FONT]
[FONT=&quot]- اساتذة الورشة وما ادراك ما الورشة "خلق ليفترس" (خاص بطلبة تسيير التقنيات الحضرية اللي انا منهم + الهندسة المعمارية)[/FONT]
[FONT=&quot]- اللي قاعد في لاسيتي "مسجون في الغربة"[/FONT]
[FONT=&quot]- الريسطو ولاشان ...الخ الخ "الصراع من اجل البقاء"[/FONT]
[FONT=&quot]- زيد ما نعرف علاه اللي ساكنين فوقك لازم يكونو من "العلماء المجانين" و يفوتوا الليل كامل اخبط اخبط حابين يحلوا نظرية الدومينو؟؟؟

[/FONT]
[FONT=&quot]- تكون قاعد في td لاباس عليك و بالك هاني وفجاة يقولك البروف انتيرو "ما قبل الكارثة".

[/FONT]
[FONT=&quot]- بضعة ايام قبل الكونترولات احنا نولو "المجهزون لليوم الاسود" واذا اردنا التعمق اكثر فالريفيزيون هي "عمليات نقل عملاقة" واذا كان هذا الكونترول الدوزيام لازمك لي سوجي لقدم او "ابكاليبس الحرب العالمية الثانية" و احيانا ممكن حتى "احاجي التاريخ" واكيد كاين زوج اصحابك يحضروا لي كور و يبداو يفهمو فيكم و اللي هم "ميكانيكيو الكوكب" ، وباه تنتقل موديل لموديل لازمك "دليل المسافر بين الكواكب".

[/FONT]
[FONT=&quot]اما الكونترول في حد ذاتو "مواجهات حتمية" وكي تشد السوجي و ياعيني...تقول جابينو من "الثمانينيات "وما تعرف الا راك تشوف في الورقة نورمال ولا مقلوبة لتم تفقد الامل ،هاديك هي "تفجيرات هندسية" و ايضا "ملفات محيرة" ولازم عليك تدير "تفكيك هياكل عملاقة" اللي نقلتم من قبيل باه تجاوب ويتبادر الى ذهننا سؤال "كم يصعب فعل ذلك؟"،طبعا البروف يكون في غاية السعادة ، في تلك اللحظات تتمنى انك تكون "اسرع افعوانيات العالم" و تنطلق بــ"اقصى سرعة" للخروج من "مسرح جريمة مفترس".

[/FONT]
[FONT=&quot]وفي نص الكونترول، اللي وراك و الزوج اللي بجنبك "محاصر" راح يحاولو يكوبيو عليك واسمهم "قردة لصوص" بعدها بقدرة السميع العليم البروف اللي يعس تم والذي يكون احد "عملاء فيلاديلفيا المتخفون "يحكم واحد عندو ورقة يكوبي منها... هاداك المخلوق راه في احد الــ "مواقف حرجة".

[/FONT]
[FONT=&quot]وبالعودة قليلا بالزمن كي رحت تدير فوطو كوبي على لي كور عا 12 نتاع الليل في "وجهات متطرفة" كاين زوج مادرتش عليهم وهادوك هم اللي جا منهم الكونترول ...راح تقول تبا "لم اكن اعلم".

[/FONT]
[FONT=&quot]الان نحن في انتظار لافيشاج وراح تكون "ايام عصيبة على كوكب الارض" ومنبعد يجي صاحبك يقولك راني سمعت بلي افيشاو لي نوط هيا نديرو دورة على الديبارطومو "نظرة عن كثب" وانت في الطريق تقول ندي 9 ...اوووو لالا مانفرحش ياسر نحطوها 7، 5 حاجة هكا كي توصل وتشوف هههههه "لا شيء مما سبق" 2.25 وراح تكون "في قلب الاعصار" طبعا هذا "من واقع الحياة" وفي تلك اللحظة يخطر شيء واحد ببالك " لا تخبروا والدتي" ومازلت تحت تاثير الصدمة وتقول هذا "حقيقة ام زيف"، لكن المفاجاة انو هادوك زوج ميكانيكيو الكوكب واحد جاب 3 ولاخر 3.5 وبلا مانحكي على حالتهم "صور تروى" ومن المتوقع انهم يطالبوا بكونتر كوريكسيو "تحقيق الكوارث الجوية" كحركة لمعرفة الاسباب الفعلية لهذه النتيجة باختصار "اسرار للكشف"، وفي نفس الوقت تلقى اللي جابو 15 اوما يطلق عليهم "الخارقون" واللي حلو السوجي بــ "هندسة عبقرية".[/FONT]
[FONT=&quot]
[/FONT]
[FONT=&quot]الان عودة لحبيبنا نتاع الفوق خلق ليفترس و بالضبط ليلة لافيشاج نتاع لبروجي فينال حيث يمكن الملاحظة انو اغلبية ليشومبر رجعوا "مصانع عملاقة" ولي بلونش نتاع الطلبة فيهم "هياكل عملاقة" واحد مارقد مند 3 ليالي التعب، النعاس، القلقة ، لعياط ... وانت طالع هابط من شومبر لشومبر كيما "الدب المرتحل" على جال قلم تلوين اخضر....المهم تفوت" ليلة عنف حقيقي".

[/FONT]
[FONT=&quot]على الساعة السادسة صباحة كملت الخدمة وراك تتفرج في لي بلونش نتاوعك وتخمم واش راح تهدر في لافيشاج... وفجاة تلقى غلطة كبيرة و الوقت غير كافي لتصحيحها، يعني لازمك "هروب ماكر" و لتحقيق هاذ الامر لازم عليك تختار "السلاح الامثل" من بين "اسلحة العائلة" والعائلة تمثل صحابك في هاد الحالة.[/FONT]
[FONT=&quot]
[/FONT]
[FONT=&quot]راك في الطريق رايح لـ لاسال اللي راح تافيشي فيها و في نفس الوقت و في الديبارطومو تجمعوا لي بروف نتاع لاتولي "مفترسوا الكوكب" وعند وصولك الى "ارض الكارثة" يحكمك واحد الشعور لايمكن وصفه بالتحديد... كانك وحدك في "براري روسيا" تبدا تافيشي وحدة وحدة ويبدا لبروف يلعبلك "العاب العقل" ، مي اذا كنت انت "لاعب الورق المخادع" وقدرت تخلي غلطاتك "اسرار مطوية " وزدت درت عملية "تثمين ما لا يقدر بثمن " لخدمتك يفوت لافيشاج على خير وتخرج سلمات "من اجل يوم الارض"[/FONT]
[FONT=&quot]
[/FONT]
[FONT=&quot]مع انو لا فيشاج فات على خير خلاص مي الحقيقة راك رسميا مسنتز على خاطر عميتها فلي كونترول، و السانتاز للي ما يعرفوش هو احد "اصعب تصليحات العالم" وراح تكون كانك راح تبني "مدن عملاقة" حالتك سيئة جدا موراليا و ماديا مي كي تلقى معاك 80 واحد داخلين تقول اذا عمت خفت "بنوا ادم اخوة "، بلا ما تفيق تلقى واحد تعرفوا يتخرج هاد العام يسقسي فيك واشبيك مقلق....وكي تحكيلو يقولك نورمال منبعد يطلع العام ويبدا يحكي احنا بكري...."شين المغامر"....ومايزيدش يحبس........[/FONT]
[FONT=&quot]
[/FONT]
[FONT=&quot]وتبدا تريفيزي و لقراية مش حابة تدخل في راسك كيما "سمكة التونة العنيدة"......المهم فوتت السانتاز وكي رحتو شفتو لي نوط نتاوعكم انت و اصحابك لقيتوا رواحكم ما طلعتوش حالتكم ولات كيما " شعوب يتوقف عندها الزمن " ....دركا ولينا في الراطراباج ...مصيبة على خاطر "رمز عملية الانقاذ احمر" راك في " عالم جامح " لازمك تطلع عامك والا....آديو"اغتيال كينيدي" او " فقد في الصين" ، وكانك "تتشبث بالحياة في الاسكا" ، رحت توجد في روحك وريفيزيت فور و بدات " رحلة في الوقت و الفضاء".

[/FONT]
[FONT=&quot]اخيرا اليوم المنتظر الديليبيراسيو ، رحت تشوف وانت كلك قلق و ترقب ....وصلت ولقيت روحك نجحت راح تكون هاديك "لحظات مذهلة" وينطلقوا " مهرجانات هونغ كونغ" و الفرحة تعم الاجواء..... ثم تبدأ "هجرات عظمى " وكل واحد كابتو ولايتو وتبقى لاسيتي كاحدى الــ"معالم مهجورة"[/FONT]
[FONT=&quot]ويتكرر السيناريو كل عام حتى تتخرج و تبقى هذه الاحداث في الذاكرة و تصبح "تاريخ لا ينسى " يضاف الى "قصة الارض".[/FONT]
[FONT=&quot]
[/FONT]
[FONT=&quot]اللي كمل لقراية نقولو ان شاء الله تلقى "افضل وظيفة في العالم " و اللي مازال ربي يفقو واكيد راح تستفادوا من الموضوع لانو مثل "مغامرات كريتر كام " بالنسبة ليكم، اما اللي ماكملوش بالاك هكا خير وممكن لوكان قريتو تروحوا في " رحلة لقاع الارض " وربي يسهللكم في حياتهم.[/FONT]
[FONT=&quot]
[/FONT]
[FONT=&quot]النهاية

[/FONT]
[FONT=&quot]عذرا على الاطالة اتمنى ان يكون الموضوع اعجبكم ولا تندهشوا لان هذا "علم مجرد" وجميع عناوين الاشرطة موجودة في [/FONT][FONT=&quot]موقع القناة[/FONT][FONT=&quot]، اما الان ساذهب "عبر الحدود" لقسم اخر من اقسام منتدانا الغالي.

درك كل واحد يعطينا "مقتطفات" على حياتو بطريقة "NatGeo مذهلة"

[/FONT]
[FONT=&quot]في رعاية الله

:regards01:
[/FONT]​

​

 

[طائر الخير]

رد: ناشيونال جيوغرافيك في حياتك

السلام عليكم

شكرا على المرور

:regards01:
​

 

[علي الفاضلي]

رد: ناشيونال جيوغرافيك في حياتك

موضوع يستحق ختم التميز ...

مشكور ..

 

[Pyar]

رد: ناشيونال جيوغرافيك في حياتك

-

فعـــلاً ، كمــا قال العمـــدة

يختـــم الموضوع و يوضع ضمن الفهرس
شكـــراً يوسف:regards01:.
​

 

[طائر الخير]

رد: ناشيونال جيوغرافيك في حياتك

السلام عليكم

الموضوع بكما عمي العميد و العزيزة اسراء

الف شكر على المرور الطيب و على الختم

:regards01:
​

 

[ضيوف وسـنغادر]

رد: ناشيونال جيوغرافيك في حياتك

ساحكي عن بوربلماتي في الثانوية و الصراع من اجل البقاء
في شيء يسمى عالما جماحا يوجد الكثير من سادة السحالي تشعر احيانا بان تفورماتيت من الحياة لكن ينقذك امل من جيش الدلافين
تسعى داءما للبقاء تحت اسم هو السباق المحموم عبر امريكا تصارع كل انواع حشرات من الجحيم
يطيحلك المورال كي تسمع بالامتحان جاي وكانك ستصبح في قلب الاعصار
بعد ذلك تستسلم بعنوان الصيد بيدين عاريتين تحاول دوما ان تحقق نتائج جيدة لكن مفترسات الكوكب (لي سيجي) تصبح حياتك مدمرات ثائرة تجاهد لكن عوالم مخفية تطاردك
ساكمل فيما بعد ههه
اعجبتني كثيرا ​

 

[Teacher Sweet]

رد: ناشيونال جيوغرافيك في حياتك

عجبني الموضوع يااااااااسر
قتلتني بالضحك

مع كنت نقرا في الموضوع كانو ليزيماج تاع الجاميعة يفوتوا قدامي ههههه

هايلة والله، يعطيك الصحة
​

 

[وصال تسنيم]

رد: ناشيونال جيوغرافيك في حياتك

hhhhhhhh hayla
wlh wash 9olte kamel c"est vrai m3a les étudiant ta3 archi surtout

 

[طائر الخير]

رد: ناشيونال جيوغرافيك في حياتك

ساحكي عن بوربلماتي في الثانوية و الصراع من اجل البقاء
في شيء يسمى عالما جماحا يوجد الكثير من سادة السحالي تشعر احيانا بان تفورماتيت من الحياة لكن ينقذك امل من جيش الدلافين
تسعى داءما للبقاء تحت اسم هو السباق المحموم عبر امريكا تصارع كل انواع حشرات من الجحيم
يطيحلك المورال كي تسمع بالامتحان جاي وكانك ستصبح في قلب الاعصار
بعد ذلك تستسلم بعنوان الصيد بيدين عاريتين تحاول دوما ان تحقق نتائج جيدة لكن مفترسات الكوكب (لي سيجي) تصبح حياتك مدمرات ثائرة تجاهد لكن عوالم مخفية تطاردك
ساكمل فيما بعد ههه
اعجبتني كثيرا ​

يا سلام على لي بروبلام:d

الف شكر لك اختي على المقتطفات مانعرف نسميها رائعة ولا المرعبة:d

في انتظار المزيد ان شاء الله

:regards01:
​

 

[طائر الخير]

رد: ناشيونال جيوغرافيك في حياتك

عجبني الموضوع يااااااااسر
قتلتني بالضحك

مع كنت نقرا في الموضوع كانو ليزيماج تاع الجاميعة يفوتوا قدامي ههههه

هايلة والله، يعطيك الصحة
​

ربي يدوم الفرحة

هاديك هي ليزيماج كامل يفوتو وتتفكري المعاناة الحلوة

الف شكر على المرور نورت الموضوع

:regards01:
​

 

[طائر الخير]

رد: ناشيونال جيوغرافيك في حياتك

hhhhhhhh hayla
wlh wash 9olte kamel c"est vrai m3a les étudiant ta3 archi surtout

ربي يدوم فرحتك

من الرد الظاهر بلي تقراي آرشي ولا عاشرتيهم مدة مليحة

واذا كنت منهم ربي يكون عونك و عونهم في البروجي فينال

منورة الموضوع اختي

:regards01:
​

 

[ضيوف وسـنغادر]

رد: ناشيونال جيوغرافيك في حياتك

تستسلم احيانا لتلك المصائب والكوارث التي تصيب علماتك كانك مسجون في الغربة وتنتظر تلك النظرات من لي بارو وتسمى هنا مواجهات حتمية
تبكي ..لكن قدر الله يقدر انك تذي المعدل فالرياضيات فتكون تلك لحظات مذهلة ويسالك الاستاذ عن كيف فعلت فتجيب لا اعلم وانت بداخلك ما يسمى حقيقة ام زيف
لكن تفرح وتظن انك ستكمل هذا المشوار بعلامات سعيدة كالاخيرة لكن تصدم في مواقف محرجة وتتجه نحو الارض الكارثة فتسقط مسقوطا من الخلعة وانت تقول لا تخبروا والدتي
لانك لا تريد ان تتعرض لاسلحة العائلة وكلما سُئلت عن علامة تتخد اسلوب الهروب الماكر
وتنتظر العد التنازلي للاحيوان بعد خروج المعدل ستبيت ليلة عنف حقيقي
لكن تواصل حياتك في اسم الدب المرتحل ​

 

[red rose]

هخههههههههههههههههههههههههههههه