- إنضم
- 15 ماي 2010
- المشاركات
- 3,994
- نقاط التفاعل
- 9,487
- النقاط
- 191
السلام عليكم
كلشي بدا من موضوع حاملة المسك
المخلوقة بنيتها كتبت تقصر مع ختها ملينا و باش دير القلب للطبخات
ارواحو عندنا وشاركونا خبرتكم في التذوق و Oo Ha هه
لكن مع الاسف مع الألم ناس استغلو الكليمة البريئة لي قالتها في الموضوع
و بداو يعمرو في ملينا
هادوما الناس راحو لبنات المطبخ قالولهم
و بلي حرضت رواد وش تهدر ما يردوش على طبخاتكم
بنات المطبخ اليو يسقسو و يتحرواو في الامر زربو آمنو
وماحبسوش حتى هنا لالا زادو راحو لجماعة وش راك تهدر و قالولهم
استغلو رد ملينا ك قاتلي :
واش رايك نجي ندير معاك كونطرا على قسم الطبخ انوضوه بلاما يحس
و قلبوه كما خططوا في روسهم و اشعلو النار و م ريحوش غير ك كملوها بين ملينا و حاملة المسك
وبدا التحسحيس بين الفريقين و دارو دي barricades
و بداو ينضمو ليهم ناس من الاحياء المجاورة
ومن هد الانفلات الامني استغل أعداء اللمة الوضع و انشغال ناس الخير المشهود لهم بالرزانة بالتهدئة و الصلح...
منهم كان:الشيخ ابو ليث و الاخ حسان.. السيد المستشار ..محمد لوساج .. حكيك
اجتمعو و درسو اللمة مليح
و زاد لحقتهم معلومات بلي الريس النهار لفلاني يكون خارج البلاد في شرم الشيخ
دنك الخطة كانت هكدا .. نهار يغيب الريس يدخلو يعملو الشغب دو نوفو
في داك الوقت الفريق الاخر يدخل و يستولي على القسم الاداري و المركز الفني للمة و الكرسي العزيز
و سارت الخطة بياا .. مي ك قريب يوصلو لنشرة اللمة و يبداو يبثو بياناتهم صيدهم الريس .. وااحد واااحد
( يا وخدتك ساندي قريب راحلك بوست شبااب
...أاااو يحسبو الدولة ناااايمة .. فتحي كان كونكتي بطاقية الاخفاء
لسنسيال بعد الشيئ لصرا رجع لكل واحد صوابو و عقلو و فاقو بلي كانو راح يخربو لبلاد غير بسوء الظن
و دارو Cessez Le Feu
زعما راح يتحاكمو مي الادارة عفات عليهم خطراش رصيدهم و عطاءهم العملي تقيل و تقيل بزاااف
و هدا الشيئ لخلا اللمة محطوطة ما بين الأعين
وبخهم الريس و قالهم يا ولادي يخي راني موفرلكم الستلوات على كل لون كنتو تراسلوني و تستبينو الامر و متزربوش تروحو لسوء الظن .. زعما داك الموضوع المهبب لحطاتو عاصفة المسك منيش شايفو
راني شايفوووو ...... انا توجووور نشوف هكدا
*/*/*/*/*/*/*/*
لسنسيال من كليمة و لينا في ظليمة و من كلمة نقلتكم للخيال ههه
هادي ما كانت إلا قصة من نسح الخيال لكنها موجودة فعلا
وتبين الفتنة والنميمة لي يقومو بيها بعض الناس لي ماتحبش الخير للمة ولاعضائها
يبينو على أنهم حابين الخير ولكن هم يزرعو في الفرقة بين الأعضاء
أنا نقلهم ربي يهديكم الفتنة نائمة لعن الله من أيقضها العنو ابليس واتحابو يرضى عليكم الخالق.
و نقول و أكيد معايا الاخوة و الاخوات .. أهلا أهلا بلي يحبونا و ميحبوناش
قلوبنا ان شاء الله متسعة للجميع
ربي يحفظكم ...
آخر تعديل بواسطة المشرف:
