زوجي يخنقني بحبه

[ammmmoula]

السلام عليكم اخوتي الكرام بعد ان ضاق بي حالي واغلقت كل الاذان التي وددت البوح لها بما في داخلي لم اجد سواكم للبوح لهم بمشكلتي والتي يراها البعض انها كلام تافه من فتاة صغيرة هذه قصتي الصيف الماضي تقدم شاب لخطبتي يعرفه اخي وكل اقاربي اعجبو به لكن ابي رفضه لاني لم انهي جامعتي بقي هذا الشاب مصرا لدرجة انه كلم جدي شخصيا اي والله لما راه ابي مصرا ضن انني على علاقة به فوافق دون اخذ راي المهم هاتفتني امي وطلبت مني القدوم لاني كنت في الجامعة اتيت وما ان دخلت البيت حتى عانقتي اختي الصغرى وهي تبارك لم افهم شيئا سالت امي فقالت لي وافق ابوكي على فلان وغدا ستلبسين الخاتم انبهرت وقلت لها لااعرفه لكنها لم تصدقني المهم اتى الغد واتى معه ذلك الشاب لااخفي عليكم ما ان رايته حتى مددت يدي ليلبسني الخاتم كان كما تمنيته في احلامي اخذ رقم هاتفي وبدانا نتحدث اخبرني انه يحبني منذ سنوات تعودت عليه وفجاة اصبحت اعشقه بدون سابق انذار بعدها ب5اشهر كتبت الكتاب وعقدت القران فاصبح يزورني في البيت يوصلني الى الحامعة زاد عشقه لي كما صرح اعجبني الامر في البداية لكن لم اعلم ان هذا الحب سيخنقني اصبح يغااااار جدا لدرجة انه يمنعني من حضور الدروس الا الاساسية وtpكما انه منعني من الذهاب الى الاقارب تخيلو وصل به الامر الى حد انه سالني من احب اكثر هو ام ابي اذا قلت ابي يشتعل غضبا بالله عليكم كيف اتعامل معه بدون ان اجرحه

 

[حكيك]

رد: زوجي يخنقني بحبه

وعليكم السلام
هدي شحصية صعييبة تعامل معاها الله يهديه
تم الاعتماد

 

[BiG JoE]

رد: زوجي يخنقني بحبه

صعبة صعبة صعبة
حياتك الشخصية يا أختاه وانت أدرى ... المهم اتخذي القرار لي يناسبك مادام مازلتو ماكمش تحت سقف واحد
​

 

[asma2090]

رد: زوجي يخنقني بحبه

حبيت نوصيك على حاجه برك قرايتك و ثما قرايتك بلاكي تفرطي فيها هو ما يدوملك قرايتك و شهادتك قالك جا التالي قالي يا مالي

 

[adel._dz]

رد: زوجي يخنقني بحبه

حبوكم قلتو كيفاش
كرهوكم قلتو ما حاجتناش
بعدو قلت طالبين الفراق
قربو قتلو يحبو التملك
غارو قلتو خنقونا
باردين قلتو ما فيهمش امان
فهمونا من أي كوكب انتم ومن اي كوكب تبغونا

تبا تبا تبا ه\ا مانقول

 

[دعاء19]

رد: زوجي يخنقني بحبه

الى كان كيبغيك مزيان المهم ماقللش منك او حاجة تانية يبغي زوجتو واشنو فيها حمدي ربك وشكريه كاينين زوجات ازواجهم gاع مكيشوفو فيهم ولا يهتمو بيهم
حمدي ربك وشكريه وربي يسهل عليكم ويكمل عليكم بالخير

 

[علي الفاضلي]

رد: زوجي يخنقني بحبه

ومن الحب ما قتل ... ماشي يخنق برك ..

حاولي تتفهمين مشاعره وغيرته عليك ..

بمجرد يتم العرس تنطفئ الجمرة وتخمد تدريجيا ...

كهذا الجزائريون ...الرومانسية قبل الزواج برك ..........وبعدها ..تبرد حلها.​

 

[رنيم الصمت]

رد: زوجي يخنقني بحبه

مبروك عليك يا طفلة احمدي ربي على الاقل مهبول بيك اوبسيون الحب راها ناقصة هاذ الوقت ههههه
هذا مش مشكل انت تعرفي عقليتو بطريقتك مع الوقت اعرفي كيفاش تمشيلو عليها و خاصة انو يحبك ... و هو راح يتعلم حوايج مع الوقت و راح يتبدل بشويش ثاني .. المهم يا حبيبتي بالاكي تكثري معاه الدواسات الراجل يمشي بالحنانة و شوي تقلاش و زيد كاين حوايج ميحبهمش منك بالاك تقدري تتنازلي عليهم على جالو << قوليلي طبقيها انت و ارواحي دبري عليا ههه<< ... حاولي ما تخلي حبو ينقص ما تخلي غيرتو تفوت الحدود و توللي عادة سلبية تفسد عليكم .. راكي طفلة و تعرفي الاسلحه ساعه دمعه ساعه زعفانة متهدريش معاه ساعه هدرة زينة..... الخ ... الخ ... راه يلين ههههه
العقوبة للذرية الصالحه ان شالله و نتمنالك حياة سعيدة حبيبتي

 

[soussou bel]

رد: زوجي يخنقني بحبه

حبوكم قلتو كيفاش
كرهوكم قلتو ما حاجتناش
بعدو قلت طالبين الفراق
قربو قتلو يحبو التملك
غارو قلتو خنقونا
باردين قلتو ما فيهمش امان
فهمونا من أي كوكب انتم ومن اي كوكب تبغونا

تبا تبا تبا ه\ا مانقول

ههههههههه عندك الصح:p:p:p:p

 

[soussou bel]

رد: زوجي يخنقني بحبه

عنده الصح يغير راه يعرف الجامعة واش فيها
انا نقولك حافظي عليه و على قرايتك

و ربي يهنيكم

 

[hadda0425]

رد: زوجي يخنقني بحبه

عجبني رد adel._dz
ضحكت حتى فزدلي الماسك لي درتو في وجهي
ما تخافيش هادي فترة وتفوت تولي تحوسي على هذا الحب لي خنقك ههه
​

 

[lylykabyle]

رد: زوجي يخنقني بحبه

ساعفيه شوية ولكن ما تفرطيش في قرايتك
اهدري معاه قوليلو كلا اللي يقنعو بلي ما تشوفي غيرو في هاد الدنيا ورددي على مسامعه هذا الكلام مرة على مرة
كييتزوج بيك يتهنى ويهنيك

 

[kaibacef]

رد: زوجي يخنقني بحبه

انا نقول عندو الحق وحمد ربي عندك واحد كيما هك ومتخافش كي تزوجو نشالله يتبدل بلعقل
وديجا حاخا مليحة يخاف عليك

 

[nanoche]

رد: زوجي يخنقني بحبه

السلام عليكم و رحمة الله
اولا نهنيك بالخطوبة وان شاء الله الف مبروك
أنا ضد الخطوبة اللي تطول لأنها راح تكشف بزاف صفات فيك و فيه وهادي ماشي مليحةونقلك يا اختي حكمي عقلك مليح مليح وخلي قرايتك هي في الدرجة الاولى قبل الزواج
زوجك عندو الغيرة المرضية اللي عانيت انا منها لمدة 10 سنين مي دوكا الحمد لله الغيرة اللي تكون قبل الزواج واللي تكون بعد الزواج ماشي كيف كيف
قبل الزواج ماراكيش ملك ليه و هادا يخليه يفكر بليك ممكن يجي يوم و تخليه على جال واحد اخر على هاديك تلقايه خطوة بخطوة معاك و حتى الكلام محسوب عليك مي بعد الزواج ان شاء الله ماراحش يتغير تم تم مي خليه بطريقتك يتيق فيك و صدقيني انك رايحة في وقت قصير تلينيه و ترجعيه لوعيو لأنه انا بالنسبة ليا ماراهوش في كامل وعيو وماراهوش حاسس بليك انتي ديالو وحدو حتى يرجع يتمنى تحبيه خير من والديك ...علاش؟؟ لأنو راه في مرحلة اللاوعي وين حتى ما يقدرش يميز بليك الحب أنواع وحبك لوالديك ماشي كيما حبك ليه وكي يرزقك ربي الدرية ان شاء الله الأكيد انو حبهم مختلف...الخ كل واحد ونوعية المشاعر ديالو
جابلي ربي راني حكيت بزاف مي حاولت نبسطلك احساسو باختصار
ربي يهنيك و ما تتقلقيش برك روحي واحدة واحدة​

 

[kaibacef]

رد: زوجي يخنقني بحبه

صدقت nanoche ماراهوش في وعيو برك اكل يعودو هك مع ليحبوهم

 

[ام سراج الدين وملك]

رد: زوجي يخنقني بحبه

السلام عليكم
يا أختي ربي يدوم هاذ الحب ويحميكم من العيــــــــــــــن أنا نشوف راجلك حبو ليك عادي وصادق وتعاملي معاه بصدق كيما راه يتعامل معاك وحاولي تعيشي أحلى أوقاتك لأنو بعد الزواج تتبدل اللعبة ههههههههه
يولو ذراري ومسؤولية ووووووووو الخ وتولي تتوحشي أيامات الخطوبة
ربي يكملكم بالخير أمين

 

[samsouma*]

رد: زوجي يخنقني بحبه

كل حاجة الى زادت عن حدها انقلبت الى ضدها
حاولي بالسياسة تعرفيله المفتاح تاعو
ربي يصلح حالكم واكيد بعد الزواج غيرته الايدة رايحة تنقص

 

[مخربة الحفلات]

رد: زوجي يخنقني بحبه

باسم مسبب الأسباب والصلاة و السلام على نبيه أما بعد أختي الغالية :
طالما أنتي تحبيه لازم تتقبلي شخصيتو لكن بلاما تفرطي في قرايتك ولا أهلك ناقشيه و حاولي تفهميه بلي لبنات كامل يحبو راجل يغير عليهم لكن الغيرة عندها حدود كي يفوتهم تولي غيرة زايدة تجيب غير المشاكل و لي لازم يدير فيك ثقة و يحبك و يغير عليك في نطاق المعقول

 

[عفيفة الحبوبة]

رد: زوجي يخنقني بحبه

ادا يحبك و يغار عليك و يخاف عليك و كيما قلتي حبك من زمان و جا ديراكت من الباب وين راه المشكل؟
اما قضية دراسة و عايلة اه هاديك نتي لازم تفهميه عليها
ربي يطيب بيناتكم​

 

[{°♥*درصوفة*♥°}]

رد: زوجي يخنقني بحبه

ههههه يا ربي ارزقني بزوج يشبه هدا الرجل
اولا يا اختي انا معارضة حاجة وحدة فقط لي هي منعك تدخلي تقراي و فقط و هادي كون تقوليلو بعقلية عليها يولي يخليك نورمال و منضنش يرفض مادام سكت عن امر الدراسة من المرة اللولة اما غير هك شكون هادي لي متحبش واحد تحبو يهتم بيها و يضل نهار طول و هو معاها و يغير عليها غير دعيلي ربي يطيحني فزوج كيفو هدا ماكان اما ادا ضايقك وجودو المستمر معاك قوليلو بلي اكي تحبيه يبقى ديما معاك و تحبيه و تعزيه مي تاني لازم يخليلك وقت الدراسة و وقت ليك ك امراة و فتاة و طالبة ههههه نشا الله يتفهم و بعد الزواج يتبدل يا ما صراو معاهم هك حب غيرة اهتمام و ورا الزواج ااووووووب يجبد بيها الزربية تولي توحشي حتي يقولك صباح الخير خطرة جاية كي يقولك شكون تحبي كتر انا ولا باباك قوليلو نحبكوم فزوج مي فبالك الحب للاب كحبي لراجلي؟ قوليلو هك مهداش يسقسيك هههههههه
ربي يكمل بيناتكم في الحلال اختي