اشعر باحباط كبير من حالتي

[مشكلتي]

السلام عليكم اخوتي واخواتي

اشكر كل القيمين على هاد المنتدى على خاطر حطو هاد الفضاء لمساعدة المحتاجين

انا شاب ابلغ من العمر 26 سنة وكاي شاب جزائري اريد الاستقرار و ان التقي بنصفي الاخر
لكن هناك عيب خلقي في جسدي يجعلني اشعر باحباط شديد و خوف فديع من ان يتم رفضي
من البنات بسببه انه شكل صدري حيث اعاني من دخول او تقعر في وسط القفص الصدري من
الجهة العليا وساضع صورا للتوضيح

الصورة العادية لصدر رجل

نفس الصورة مع تبيين منطقة التقعر في صدري

هادا التقعر في الوسط فقط وليس الجانبين وقد سبب لي كثير من الاحراج والاحباط
بحثت عن حل طبي فوجدت ان سعر العملية الجراحية لعلاج هدا التشوه يقارب 240 مليون وقد يفوق ذالك بكثير فاستسلمت من تلك الناحية

راني خايف نتقدم لاي وحدة وترفضني او حتى لوتقبل ممكن ماتكونش راضية معايا من تلك الناحية

ياخاوتي راني جيت لهنا وحبيت اقتراحاتكم. وشكرا مقدما

" الحمد لله اعلم ان حالتي افضل بالف مرة من كثير من الناس وانا احمد الله
ليلا نهارا على ذلك لكن للاسف هادي حالة الانسان"
​

 

[راضية حامدة]

رد: اشعر باحباط كبير من حالتي

و عليكم السلام يا اخي الكريم
صراحة انا ما شفتش بلي عيب خلقي لاني ما لاحظتش الفرق بزاف في الصورة
و خلينا من الصور و العيوب ووو
عيب الرجل وين؟
ابدا مش في جسمه
عيبو في اخلاقو و في عقلو
علاش ما شفتتهمش معاقين اعاقات كبيرة و الحمد لله بديارهم
كاين لي ما يشوفوش لي ما يسمعوش لي ما يتكلموش لي ما يقراوش و لي لي لي لي
وين راك انت
العيب هذا لي راك تتكلم عليه اذا كانت اخلاقك عالية و فحولتك كبيرة مستحيل ينعماو عليها البنات
البنات تع هذا الوقت صح يحبو الزين شوي لكن صدقني بزاف لي يحبو الرجلة و الفحالة

يحبو الامان و الحماية

وكل امرك لربي سبحانو و اذا في قلبك كاش وحدة و انت قادر باش تتقدم اتقدم و ما تحشمش
ماكاش لي يقدر يعلق على خلق الله
و اذا ما قبلتش هي كاين اخريات و الحمد لله
ما تخمم ما تعمر راسك
و اعلم بلي لي هي رفضاتك فيها خير ليك انت
لانو ربي سبحانو مستحيل يقرب منك ناس يضروك لانو يحبلك الخير
قد يبتلينا شوي لكن باش يختبرنا و في نفس الوقت يجازينا على صبرنا
و الحمد لله على نعمة الاسلام
اذن اتوكل على ربي سبحانو و دير في بالك بلي ربي يحبك و يحبلك الخير
و اذا صرى و رفضوك معناها مش تاعك و تستهل ما هو احسن
انت راجل مهما كان حال صدرك

 

[حورية الجزائر]

رد: اشعر باحباط كبير من حالتي

احينا نضخم أمور في عقولنا هي في الاصل تافهة

توكل على الله وربي يوفقك

 

[دعاء19]

رد: اشعر باحباط كبير من حالتي

اخي الكمال لله كم من واحد جميل لكن عيبه اخلاقه او افعاله او كلامه لايطاق ابدا كلنا بعيوبنا
وانت قلت عيب خلقي اذا خلق الله لازم لك ان تقتنع فيه فانت تحبط نفسك بفسك انا في صورتين لم ارى عيب او بالاحرى لم ارى فرق وادا كان ماهو المشكل بنات الناس يرغبن بازواج صالحين يتقوا الله فيهن وليس عارضي ازياء
نطلب منك طلب واحد ياخويا ماتعقدش نفسك بشئ انت ليس سببه ولاتضخمه عيش عادي وسير خطب البنت المناسبة وربي يسهل عليك ويكمل عليك بالخير

 

[nanoche]

رد: اشعر باحباط كبير من حالتي

علاش راك مضيقها على روحك يا اخي
كاين اللي كفيف وتزوج وكاين اللي معاق حركيا وكدلك اتزوج
عيبك جيبك اما اذا كنت تكسب لقمتك بالحلال و المرا اللي تتزوجها ما تضلمهاش معاك يعني تقدر توفرلها ضروريات الحياه علاش راك تيزيتي غير انت راك تعقد في روحك
وانا ما لاحظت حتى اختلاف بين الصورتين
اتوكل على الله يا خويا و ربي ان شاء الله يرزقك بنت الحلال اللي تقسم معاك حياتك ان شاء الله​

 

[¬Đỉaмơŋđ ✿]

رد: اشعر باحباط كبير من حالتي

وعَليْكم السَلآم ورَحمَة اللهِ تعالَى وبرَكآتهْ

خويآ أنتَ بركْ رآكْ تضيقهآ علَى روُحكْ،إنتَ قلتهآ حآجة خلقهآ رَبي مشْ بيَدكْ إنتَ،زيدْ أنا ماشفتشْ إختلآفْ كبييرْ رآهو مآيبآنشْ
حآلتَك مقآرنة بمنْ هنَ معآقين وووو تبآنْ بسيييييطة ، الحمدُ لله
إنتَ صلِي صلآة الإستخآرَة وتوَكل علَى رَبي
فِي النهآيَة مكتُوبكْ تَديهْ مهمآ يكُون غيرْ ريَح بآلكْ


إن شآءْ اللهْ الموْضوعْ الجآي تكتبلنآ موضُوع تبشَرنآ فيهْ بخطوُوبتك ولا زوآجكْ
رَبي يوَفقكْ للي فيهْ الخيرْ،واللهْ يرزقكْ الزوْجة الصآلحَة
​

 

[fugi]

رد: اشعر باحباط كبير من حالتي

و عليكم السلام يا اخي الكريم
صراحة انا ما شفتش بلي عيب خلقي لاني ما لاحظتش الفرق بزاف في الصورة
و خلينا من الصور و العيوب ووو
عيب الرجل وين؟
ابدا مش في جسمه
عيبو في اخلاقو و في عقلو
علاش ما شفتتهمش معاقين اعاقات كبيرة و الحمد لله بديارهم
كاين لي ما يشوفوش لي ما يسمعوش لي ما يتكلموش لي ما يقراوش و لي لي لي لي
وين راك انت
العيب هذا لي راك تتكلم عليه اذا كانت اخلاقك عالية و فحولتك كبيرة مستحيل ينعماو عليها البنات
البنات تع هذا الوقت صح يحبو الزين شوي لكن صدقني بزاف لي يحبو الرجلة و الفحالة

يحبو الامان و الحماية

وكل امرك لربي سبحانو و اذا في قلبك كاش وحدة و انت قادر باش تتقدم اتقدم و ما تحشمش
ماكاش لي يقدر يعلق على خلق الله
و اذا ما قبلتش هي كاين اخريات و الحمد لله
ما تخمم ما تعمر راسك
و اعلم بلي لي هي رفضاتك فيها خير ليك انت
لانو ربي سبحانو مستحيل يقرب منك ناس يضروك لانو يحبلك الخير
قد يبتلينا شوي لكن باش يختبرنا و في نفس الوقت يجازينا على صبرنا
و الحمد لله على نعمة الاسلام
اذن اتوكل على ربي سبحانو و دير في بالك بلي ربي يحبك و يحبلك الخير
و اذا صرى و رفضوك معناها مش تاعك و تستهل ما هو احسن
انت راجل مهما كان حال صدرك

ماتوسوسش روحك خويا المهم تكون ليزوم ابارسا ماتخمم ماتعب روحك

 

[ابن سينا]

رد: اشعر باحباط كبير من حالتي

السلام عليكم
قليل من الرياضة (( رياضة كمال الاجسام ))
و تعمر صدرك و انتهى المشكل
بالتوفيق​

 

[علي الفاضلي]

رد: اشعر باحباط كبير من حالتي

كاين صحاح وبخير وما صلحتش ليهم الامور ....من كلا الجنسين ...

وكاين اللي عندهم ابتلاءات ....وربي يوجرهم عليها .. ومتزوجين وعندهم الاولاد من كلا الجنسين ..

الزواج قسمة ونصيب .... ورزق ..

واللي خلق ما يضيع ...نصيبك ينتظر فيك ..وقابل بيك ..تقدم اخطب وتوكل على الله ..:up:

واعلم بان المراه يخطبوها 100 ويديها واحد فقط صاحب المكتوب ..

دمت عاقلا صابرا ..بعيد عن الشعور بالنقص والوساوس.:regards01:

عيبك في جيبك ........ما هو في صدرك ...​

 

[نور الحبوبة]

رد: اشعر باحباط كبير من حالتي

السلام عليكم
انا مشفتش الفرق بين الصورتين مي العيب في الاخلق ماشي في الاجسام
انا متزوجة من رجل معوق يعني رجل وحدة مشلولة والحمد لله قبلت بيه ونهار زوجني كان مايملكغير قوتو اليومي والن راه من رجال الاعمال وعند المال والعقارات والسيارت ومعيشني عيشت السلطانات ونويظلك هو سايغي مي الاعاقة نتاعو مخلتوش يحبس هنا وين تردو تصيبو في الظار ميجيبش خلاص العمال كي اكون نحتاج اصلحلي حاجة متلا في الدار هو النجار والحداد ولبلومي ولليكترسيا و...................الخ والله لبنات الي مقبلوش بيه منقبل يتمنوه دورك المعذرة حكيتلك قصة حياتي مي باه تخرج من العقدة الي راك فيها والشي الي قلت عليه ماهو والو بانسبة لاعاقات الاخرى ونا من راي لمرا الي متقبلكش على جال عيب في خلقك متستهالكش توكل على الله ومتخممش الي متبهولك ربي راح اصيبك وربي يرزقك بنت الحلال الي تقدرك

 

[YAHIA S]

رد: اشعر باحباط كبير من حالتي

و عليكم السلام

عليك بالرياضة كمال الاجسام

و لكن لا تنسي ان الرجل رجل مهما كان خلقه او عيبه او واسمته


كاين الى مشلولين قاعدين في كرسي متحرك و وجدوا نصفهم الاخر


اتركها على الله و تقدم

موفقك الله

 

[طائر الخير]

رد: اشعر باحباط كبير من حالتي

السلام عليكم

مرحبا اخي

اخي افهم حالتك جيدا والى حد الان لا اظن احدا هنا ما تشعر به بقدري .....لاني انا ايضا اعاني من نفس الشيء الذي سميته عيبا خلقيا وانا طبعا لست معك في هذه الكلمة و للعلم فقط حتى الاطباء لم يتفقوا حتى على اطلاق كلمة مرض عليه.

كنت بنفس حالتك في ايام الثانوية لكن الان الحمد لله تجاوزت تلك الحالة اولا بضل الله و ثانيا بفضل نعمة العقل التي انعمها علي، كيف ذلك؟؟؟ لانني ايقنت انه ليس بيدي حل لهذه الوضعية..فقط وواصلت حياتي وانا حقيقة استمتع بها... ساطرح الحل الذي عليك العمل به

انسى هاد الشيء كانوا لم يكن وتاكد بانك انسان مثلك مثل اي شخص اخر... وحبيت نقولك يعني راك تتخيل لوكان مجاش عند هاد المشكل راح تقبل بيك الطفلة هاديك ولا غيرها 100% ؟؟؟؟

وزيد كي تحس روحك قلقت وبدات هاد الافكار ادورلك في راسك توضا و صلي زوج ركعات واحمد ربي على النعم نتاعو لانو لازمك تغلب نفسك ولازمك تصبر على خاطر هادي هي الدنيا وربي خلق و فرق.

اما اذا حبيت تقعد بنفس التخمام ما تروح تخطب ما والو و ريح في داركم اندب واخسر حياتك وصايي.

اسمحلي خويا على الحدة في الرد مي راني علابالي بلي فهمتني ان شاء الله
ومدابيا اديرلنا تعقيب وتحكيلي واش صرا

دمتم في رعاية الله

:regards01:
​

 

[منايا الجنة]

رد: اشعر باحباط كبير من حالتي

بالعكس اخي راك بصحة و لاباس و الله كاين الي راهم في حالة اسوء منك و عايشين بالهنا لاباس بيهم مع نصفهم الاخر
ماديرهاش في بالك و متكبرهاش
ربي يصلح احوالك و يوفقك و يرزقك بالزوجة الصالحة

 

[بنت لبحر]

رد: اشعر باحباط كبير من حالتي

انا مبانليش في الصورتين فرق كبير

خويا بنت الفاميليا تاع الصح و لي تحب تستر روحها متشوفش لحوايج هادو

كي تكون و لد فاميليا و مصلي و خدام هديك هيا الفايدة

ربي يعطيك ما تتمنى

 

[soussou bel]

رد: اشعر باحباط كبير من حالتي

اخي انا راح نحكيلك قصة و ان شاء الله تدي منها العبرة
و هدي قصة لوحدة نعرفها :-h
هي كانت مريضة بالسكر:cray02: و كانت كلما يجيها واحد باش يخطبها تقوله انا مريضة بالسكر خاوتها كانو يزعفو منها و يقولوها راكي تهربي فيهم:surrender01::surrender01:

و هي قاتلهم منكذبش مارانيش حابة حياتي تبدا بالكذب:scared01:

و حد المرة جا واحد و هي قاتلو انا مريضة بالسكر و هو قاللها و انا نشرب:-o
بصح اد قاللها انا نرفدك اليوم و نتي ترفديني غدوة املا تزوجو و هو حبس كامل الحاجات الي ماشي ملاح و هي عرفت بلي المرض حاجة عادية دركا الله يبارك راهم عايشين غايا:bravo01::bravo01::bravo01::bravo01:




اخي هذا ما عيب و لا عجز تمشي تهدر و عندك يديك و رجليك و ميخصكش تصفية الدم كل يومين كل واهد عندو حاجة ماكانش الي كامل

العيب في الاخلاق :s:s

و لي تقول عليك بلي في عيب عرف بلي هي الي مريضة:down:

لذل انتا حوس على بنت الحلال و راه تلقى ان شاء الله

و كي تلقاها متنساش تخبرنا باش نباركولك

 

[سماح الجزائريه]

رد: اشعر باحباط كبير من حالتي

السلام عليكم
اخي الكريم الاخت راضية حامدة
كفت ووفت في كلامها لانه معقول
ومخلتليش ما اقول
متخممش ياسر وخليها على ربي هدى حاجة ربي
واما في الصورة مشفتش اي عيب خلقي
وكاين اعياب ياسر في النساء والرجال اكثر من هكا
استحمد ربي على كل حال
تقدم الى البنت اللى تحبها وابدء حياتك عادي واستقر
العيب الوحيد في الراجل كي ايكون تاع سكرا ومجرم دائم
روح يا خويا زوج وابني دارك بلا تخمام
وخليها على ربي
​

 

[salma zayna]

و عليكم السلام يا اخي الكريم
صراحة انا ما شفتش بلي عيب خلقي لاني ما لاحظتش الفرق بزاف في الصور
عيب الرجل وين؟
ابدا مش في جسمه ياك يقولوا عيب الراجل في جيبوا

 

[ازهار الربيع]

ان كنت تشعر بنقص من هذا الجانب
فاحمد ربك على الصحة والعافية .........

لا يوجد انسان كامل

 

[largo19]

السلام عليكم و رحمة الله ٫٫٫٫ يا خويا ما تخلّيش الشيطان يلعب عليك ٫٫٫٫ هذا أمر عادي و خلق الله ٫٫٫ و أنا شخصيا لا أراه عيبا قد يؤثّر على الحياة الزوجية ٫٫٫ أعرف أحد أصدقائي حالته مماثلة لحالتك تماما ٫٫ حيث أنّ شكل صدرة مقعّر قليلا في الأعلى ٫٫ لكنّه لم يكترث كثيرا لهذا الأمر ٫٫ أكمل دراسته و تزوّج و لديه أولاد و يعيش بشكل عادي ٫٫٫٫٫٫ أنت ربّما تعاني من نرة الناس أو أصدقائك ٫٫٫ لكن هذا لا يعني بأنّ نظرتهم صحيحة ٫٫٫٫ من ينتقد شيئا كهذا فهو إنسان جاهل ينتقد خلقة الله ٫٫٫ أغلب الناس الواعين يرون في هذا أمرا عاديا ٫٫٫٫ توكّل على الله و أمض في حياتك و تدع الوساوس توقف عجلت حياتك عند هذه الجزئيّة البسيطة