هنا كانت بداية حكايتي

[مشكلتي]

السلام عليكم
انا كنت عضوة في المنتدى منذ سنة 2012 لكن تم حظر عضويتي في 2014
المهم ابدا حكايتي وهنا كانت بدايتها
انا طفلة عمري 16 سنة تعرفت على واحد هنا في اللمة عمرو 21 سنة تعرفنا في 2012
منذ ذاك الوقت بدينا نحكو مع بعضانا شوي شوي طورت العلاقة كونا نحكو غير هنا في اللمة
ومن بعد ولينا نحكو في الفيس نحكو طوووول كان يحبني ومام انا
لكن من بدينا نحكو في الفيس مع الوقت بدات بدات المشاجرات وبزاف حوايج ومن بعد رجعنا كيف كيف والحمد لله
والمشكل
هو من ولاية وانا من ولاية اخرى وبعاد على بعضانا بزززاف هوا شافني مرة وحدة
رغم هذاك بقينا مع بعضنا كان يحبني بزاااف وكامل كانو يحكولي عليه وثاني ولد فاميلية وهذي اول مرة ليه كانت معايا وانا ثانيك
مي ظك راه حابني نمدلو الصورة نتاعي لكن انا خايفة هو قالي تعطيهالي نجي نحكي مع يماك
يعني صح ناويني للخير
انا نحبو بصح من حكاية الفوطو مقدرتش نعطيه ولا لا لا
عاونيني يا خاوتي
اسفة اا طولت عليكم
​

 

[راضية حامدة]

رد: هنا كانت بداية حكايتي

استغفر الله يا بنات وش صرالكم
فهميني برك شكون لي حكالك عليه؟ انت من ولاية و هو من ولاية اخرى
و حاب يهدر مع يماك؟؟؟؟؟؟؟؟؟؟؟؟؟؟؟؟؟ علاش امك راهي قابلة الشي لي راكي ديري فيه؟ و لا وقتك وين راه يروح ؟
يا بناتي يا حبيباتي ارحمو نفوسكم اتلهاو بدروسكم
اشغلو وقتكم بحاجة فيها فايدة ما ينفع غير الصح
منين يجي الحب هذا لي من الفايس و لا من المنتدى
الله يهديكم

 

[دعاء19]

رد: هنا كانت بداية حكايتي

عندو 21 سنة وباغي يهدر مع ماماك والله غير العجب انتي جيتي تشاورينا واش تعطيه الصورة ولا لا انا في حقيقة كولشي هادشي مداخليش راسي راكم صغار دوها بجوج فقرايتكم هاد علاقات راهي غير تلهيكم على قراية وعلى شحال من حاجة

 

[nanoche]

رد: هنا كانت بداية حكايتي

16 سنة راسك راهو في الحب و في الزواج ربي يهديك يا بنتي راكم رايحين للواد يا هاد الجيل جابلي ربي المسلسلات التركية لحسولكم دماغكم و راكم حاسبين واش تشوفوه صح ... خرطي بنسبة 100%
علاش ما تخميش في قرايتك و في المستقبل ديالك ؟؟
علاش ما تديريش شهادة في يدك اللي تلقايها غدوا سلاح في يدك؟
ويلا جيت لهدرتك ياك قلتي شافك مرة ؟ علاش يحوس على تصويرتك؟؟
كي تمديلو الصورة خلاص يجي جري باش يخطبك؟؟؟
راكي عايشة في الاحلام يا بنيتي حطي راسك في قرايتك و خمي في الوالدين اللي تعبو عليك باش يكبروك و ما تخليش واحد وليد يماه يضحك عليك حتى انتي كوني بنت يماك و باباك
ربي يهديك​

 

[{مُدَلَّلَتُهُ}]

رد: هنا كانت بداية حكايتي

السلام عليكم و رحمة الله و بركاته

اختي 16 سنة مااازاال باه تحكي على الزواج .. عندك قراية و شهادة و والدين يستناو باه يشوفوك ناجحة . . . . . مازال طريق طوييل قدامك

غي انت خممي فيها شوية بعقلك تقدري تتحملي مسؤولية الزواج كي راكي تخممي فيه ؟ و لا هو الي عندو 21 سنة يقدر يفتح دار ؟

انعلي بليس و الهاي بقرايتك مازلتي صغيرة
و الصورة بالاكي يا اختي تغلطي الولد راكي ما تعرفي عليه والو psk هدرة الفيس بوك و المنتدى ما عندها ما تبينلك عليه ولا على نيتو من جيهتك !

ربي يبعد علينا و عليك بنات و ولاد الحرآم

سلآم
​

 

[¬Đỉaмơŋđ ✿]

رد: هنا كانت بداية حكايتي

وعَليْكم السَلآمْ ورَحمَة اللهِ وبرَكآتهْ


أنتِ وفِي سنكِ هذآ صغيرَة عنْ الحبْ وهذهِ العلآقاتْ الوهْميَه ..
سمعتِ عليهْ ولْد فاميليآ ؟؟ وينْ من المُنتَدى من موآضيعُة وردودُو ولآ من الفيسْ بوكْ !!!

كان يحبني بزاااف وكامل كانو يحكولي عليه

هو قالي تعطيهالي نجي نحكي مع يماك
يعني صح ناويني للخير

كفَى برَبكِ حمآقَة .. رآكِي عآيشَة أحلآمْ يقظَة !
أنآ نقولكْ علآقاتْ الحبْ الزآئفَة التِي تُبنى في المُنتدياتْ وموآقعْ التوآصلْ الإجْتمآعِي تمُوتُ فيهآ ..

نآسْ بكْري يقُولو : تزْربْ لخُبزتكْ تآكلهآ عجينْ ..
فلمآذا تسْتعجلينَ الأمورْ،كل حآجةْ في وقْتهآ مليحَه ..

​

 

[منايا الجنة]

رد: هنا كانت بداية حكايتي

اختي علاه قالك مديلي الصورة وماقالكش العنوان تع الدار باش يهدر مع يماك مادامو هو في ولاية وانتي في ولاية اخرى ؟؟ هنا ردي بالك و ماتروحيش للواد.
ربي يهدي ما خلق
والله نحب نبكي كي نسمع 16 سنة تخموا في الزواج تحسبوه ساهل و انتوما راكم ناسين بلي المسؤولية ماشي ساهلة راكي صغيرة اختي تلهاي بقرايتك خير
ربي يوفقك

 

[علي الفاضلي]

رد: هنا كانت بداية حكايتي

معليهش اعطيه الصورة متاعك ..

وبعدين يقولك .. شوفي تمشي معايا كيما نقلك ..والا نشهرك في الفايس جدهم ..

او في المنتديات ... او نبعث الصورة متاعك لبابك وخوك ..

الحب والزواج عندو طريق واضح ...... يجي بفتح الباب جهار نهار والناس الكل سامعة ..

ماشي من خلف الشاشات .. وحتى اذا بدا منها ..لازم يهبط ويروح عند الباب كشرط للمصداقية ..

حلي عينيك امليح مليح وبحلقيهم وانتي تقراي هذا الكليمات باللون الاحمر ..

راكي في خطر ..خطر ..

ردي بالك الثقة اليوم ......نادرة ونادرة ونادرة .. واللي خاف سلم .

نقطة . والسلام.​

 

[ضيوف وسـنغادر]

رد: هنا كانت بداية حكايتي

فهموني الله يهديكم

السن تاع من 15 ل20 سن مراهقة وشباب تمتعوا بيه بحياتكم وانجازاتكم الدراسية

واش من حب

؟ واش من اعجاب

؟. واش من حكايات تحكو فيها ؟

علاه والديك راضيين عليك فواش ديري ؟ مدولك فرصة وامانة وانت ضيعتيها ؟

هذا ماش حب هذي اوهام !!!!!!؟

ربي يهديك وكل من يفكر كيفك

اللهم ثبت قلوبنا على دينك وصراطك
اخطيكوم من الحوايج هادو
الاعضاء الكرام (الكبار) الكل في هاد المنتدى علبالي متعجبين من جيلنا المتدني الاخلاق

بلاك يوم ترجعي للطريق المستقيم

والسلام

عليكم ​

 

[لآ شَيْـئَ مُهـمْ]

رد: هنا كانت بداية حكايتي

عمرو 21 و ناوي يتزوج ،، الله يبارك ، بلخف لحق يتخرج و يخدم و يدير السكنة و السيارة و ..
يا بنتي دوك 30 سنة و ما زال اعزب ، و نتي مامناتو
هذا نهار يجي يتزوج يروح يختار وحدة لابسة جلباب ، ما تعرف نت ما تعرف هاتف
ونت كلاك بوبي
​

 

[NonOutà OussàMà lOvE]

رد: هنا كانت بداية حكايتي

سَــــلآم
عَجْبُوونِــي هَذُوآآ نَتَـــآع 16 سَنَــة حَـآبَين يَزَوْجُــوآ وَ الله مَلِيحَـــة خخخ
رَآآكُــم حَـآبِين تَخْرْجُــونِي مِــن عَقْلِــي وَقِيييل
الوَآحَدَ حَـــآب يَزِيــد يَصْغَـآر و وآحَد يَخَمْمْلِــي فِــي الزَوَآج مَلِيييح
المُــهِم أختِي بَـلآلآكِــي تَعْطِــي لآفُـوطُـو نَتَــآعَك بَلآك
هَذِي غَلْـــطَة رَآآح تَنَدْمِــي عَلِيهَــآآ
حَذَآآآآآآرِي
مَيْغُرُوووكْش
​

 

[YAHIA S]

رد: هنا كانت بداية حكايتي

ههههههههههههههههههههههه


راكي في 16 سنة قاصر

كي توصلي لل 19


انكملو انزوجوكم في اللمة خخخخخ

نعقدك و جيبي زوج اعضاء شهود و افتحي عضوية ليماك باش تقول موافقة

و شهر لعسل في منتدى سياحة خخخخ


ربي اهني سعيد بسعيدة


الرسالة وصلت

 

[طائر الخير]

رد: هنا كانت بداية حكايتي

السلام عليكم

بدون تعليق ....لالا برميل تعليق

الظاهر الزواج في السطاش ولا موضة

يالبنات راه ربي داركم من علامات الساعة و اللي ياسر منها تحقق في وقتنا

والظاهر حابين تزيدو تكونفيرميو ..... ياناس اتقو ربي

وهاد الهدرة للناس كامل بداية مني انا تهلاو في دينكم والباقي ساهل

يا ربي اهدينا

​

 

[الحلم الوردي]

رد: هنا كانت بداية حكايتي

وعليكم السلآم
و الله هدا العجب ولا يصرى دوركايا
باسكو وحدة عمرها بين 15و 16 سنة تقولك نحب و زيد الزواج
علاش ماتروحيش ديري مستقبل لروحك ومازالكي صغيرة على هد الامور
وزيد الشاب هدايا الي عمرو 21 سنة عندو خدمة
و دار ومتطلبات الحياة
و الله ربي يهدي ماخلق

​

 

[بنت لبحر]

رد: هنا كانت بداية حكايتي

مع كل احترام ليك

كي كنت في عمرك كنت نجي نجري لدار نتفرج سالي

 

[soussou bel]

رد: هنا كانت بداية حكايتي

:cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02::cray02:


يا يما عندها 16 سنة و حابة تتزوج و عندها شحال و هي تعرفه:d:d:d

و انا 18 سنة واقيلا نروح نجري علاى روحي
:scared01::scared01::scared01::scared01::scared01::scared01::scared01::scared01::scared01::scared01:

هذا السبب الي يخليني نرفض طلبات الصداقة و حتى في الفايسبوك ممنوع اولاد


ربي يهديك اختي و هو يرضى على اخته تتزوج واحد عرفاته في منتدى و تفاهمو في الفايسبوك


اختي تخمي على الحب و الزواج :$

و انا نحب نسقسيك

نقولو تزوجتو و وليتي حامل تقدي على المسؤولية بين دارك و راجلك و ولدك

راكم حاسبين انو الزواج عسل و سكر

الزواج صح عسل و سكر بصح متنساوش بلي ملح و فلفل اسود

اصلا حتى ولو تزوجتي بيه بدايتكم حرام و ماراحش تتهنو

تبغي تكوني زانية و متشميش ريحة الجنة

يا بنتي ربي يهديك راكي تظلمي في روحك و تظلمي في والديك

انتي زهرة حافظي على روحك

 

[ضيوف وسـنغادر]

رد: هنا كانت بداية حكايتي

مع كل احترام ليك

كي كنت في عمرك كنت نجي نجري لدار نتفرج سالي

كم هي جميلة الردود الحمد لله مازالني نيجي نطرح من الثانوية مطيشة المحفظة في الشرق والطابلية في الغرب ...عسى نلحق على حلقة من كونان او ناروتو اضافة لاستذكآر ما فات باليوم لانني اخاف ان تذهب المعلومات
تبا لبرائتي وكم اريد ان ابقى هكذا

 

[بنت لبحر]

رد: هنا كانت بداية حكايتي

كم هي جميلة الردود الحمد لله مازالني نيجي نطرح من الثانوية مطيشة المحفظة في الشرق والطابلية في الغرب ...عسى نلحق على حلقة من كونان او ناروتو اضافة لاستذكآر ما فات باليوم لانني اخاف ان تذهب المعلومات
تبا لبرائتي وكم اريد ان ابقى هكذا

عندك الحق عيشي كل مرحلة في حياتك في وقتها .الزواج و الحب مهمش هاربين .

 

[adel._dz]

رد: هنا كانت بداية حكايتي

ناس فارغة شغل
خايف لا نسقسيكم بعد عامين من الأن تصبحو تسبو ويصبح الحبيب عدو

ماكمش اشطر من لي سبقوكم ...؟
وماكمش أقفز من لي فاتوكم ....؟

 

[ماكانش]

رد: هنا كانت بداية حكايتي

انا ماندخلكش فتفقاصيل تحبيه و لالا
ولكن نقلك عندك تمدي صورتك عندك عندك حلي عينيك
قادر يهددك قادر ينشرها ماتدريش الوقت كيفاه
​