مشكلتي مع فتاة...

[مشكلتي]

بإختصار ...
عندما كنت صغيرا في حوالي العمر 12 سنة رأيت فتاة جميلة وأخذت عقلي في تلك الأيام رغم كوني صغيرا
ولكنها غابت بعد ذلك ...ولم أرها إلا هذا العام (19 سنة الآن) ...وعندما رايتها تذكرتها وزاد حبي لها كثيرا (حبا عفيفا) ...
مع العلم أني لم أقم أي علاقة حب مع اي فتاة أخرى مادامت هذه الفتاة في قلبي وذاكرتي..
لكن للأسف قررت مصارحتها تلك الأيام قبل 5 أشهر وإذا بي أجدها تتحدث وتضحك مع شاب آخر (أصبحت الدنيا ظلام في وجهي)
بعد ملاحظتي وتتبعي لعلاقتها في هذه الأشهر (لم اصارحها بعد) وجدت ان هذا الشاب لا يهتم بها
وحتى وجهها تغير (يبدو لي بسبب المشاكل التي تعاني منها اتجاهه) ...
وفي هذه الايام اصبحت انظر إليها وجها لوجه وهي أيظا تنظر لي عندما شاهدتني أفعل ذلك...
فما رايكم إخواني هل استطيع مصارحتها وهي على علاقة مع ذلك الشاب ..
يعني هل يمكن بتعاملي معها الجيد قبل المصارحة
هل يمكن جذبها نحوي وإبعادها عن ذلك الشاب ؟
من فضلكم لا أريد من يقول لي إنساها...لأني لا أريد أن أحطم حياتي بسببها...
لذلك فأنا أريد مواجهة كل المصاعب لأكسبها
وشكرا لكل من قرأ مشكلتي
وأتمنى ألا تنظرو للموضوع بشكل تافه أو صبياني فهو كل شيئ بالنسبة لي..:s​

 

[روز]

رد: مشكلتي مع فتاة...

لماذا تنساها ؟ لا تنساها..
اذهب وأطلبها في الحلال وستحبك أكثر من الطائش الذي يسخر منها

تمت الموافقة
الكلمة الطيبة صدقة !
​

 

[دعاء19]

رد: مشكلتي مع فتاة...

انا مع الاخت روز الى بغيتي تجدبها ليك سير لدارهم وطلبها من والديها
مايصح الا الصحيح

 

[علي الفاضلي]

رد: مشكلتي مع فتاة...

انك تصرح بان عمرك 19 سنة ..
هل انت قادر على خطبتها الان ؟
ان كنت قادرا ..عجل فخير البر عاجله .

وان كنت لاتقدر الا بعد سنوات ..

فالخير لك ان تبتعد ...وتشوف بعيد بعيد .. وياتيك رزقك في وقته .

دمت عاقلا ..مفكرا في العواقب .​

 

[ماكانش]

رد: مشكلتي مع فتاة...

12 سنةن رأيتها فاعجبتك ودخلت قلبك ؟؟
ثم 19 سنة زاد حبك العفيف ؟؟
والله المراهقة قاوية جدا جدا فيكم

ثم أنت توجه للأعضاء مجال نصحك وهو :
"
هل يمكن جذبها نحوي وإبعادها عن ذلك الشاب ؟
من فضلكم لا أريد من يقول لي إنساها ..."

فلو قلت هل من نصيحة لكان أفضل لأن جل النصائح بل كلها خارجة عن مجال تخصيصك للنصيحة ...
أنا نقلك فقط أين هي حياتك هاذي ألي راح تتحطم ؟؟؟؟ ياطفل راك صغييييييييييييير واش من حياة عندك ألي تتحطم ..
خليك من الأوهام والمسلسلات والصور الفايسبوكية ...
عيش نهارك وعيش في ويلايتك ماتخليش الخيال يديك لميامي واسطنبول ...



---
ملاحظة لمن سيقول لك اخطبها في الحلال
كيف يخطبها وسنو 19 سنة مازال يلبس الطابلية ويحاوزو المراقب على جال الطابلية والأستاذ يقلو جيب باباك ................
​

 

[nanoche]

رد: مشكلتي مع فتاة...

يا اولادي واش بيكم؟ واش اللي صرالكم؟
من 12 سنة وانت معجب بيها وفي سن 19 سنة مازال قلبك فيدال ليها وزدت حبيتها كي شفتها كبرت مي
راها مع واحد آخر وهو ما علابالوش بيها (ديجا دخلت في قلبو و عرفت بليك ما علابالوش بيها)
راك تشوف بليك وجهها راهو مبدل وراك تانيت حاسس بليك على جال هاداك اللي راهي معاه

!!!!!!!
​

راك حاب تلعب دور البطل اللي يداوي الجرح واللا واشنو؟ تطلب من أعضاء اللمة يمدولك حل كيفاش تجبدها من عند الاخر لييييك وكي تجبدها ليك تبقى تحب فيها و في زينها لوقتاش يا خويا؟ زمان الواحد لوكان يكون يحب لونجة و يشوفها مع واحد من غيرو يرمي عليها الما حتى ويلا كانت بدر البدور
واش من سنة راك تقرى وشحال مازالك باش تكون روحك و تكون قادر باش تفتح بيت
؟؟؟؟؟​

 

[سماح الجزائريه]

رد: مشكلتي مع فتاة...

الحب الاول اه منه
الحب الاول ميتنساش وهذى ظاهرة طبيعيه
ومكانش اي انسان على وجه الارض اللى منساش حبه الاول
منيش رايحه نقلك انساها لانها حاجه في القلب ومتقدرش تتحكم فيها
ومنيش رايحه نقلك روح وخطبها لانك مازلت صغير وماكش قد المسؤوليه
امالا عندك حل واحد وهو
روح صارحها بحبك ليها اولا وشوف ردت فعلها ومنبعد كان وافقة ابقي معاها
واقرى عقليتها وشوف طريقة تفكيرها مليح
واكبر معاها حتى تشربوا من عقولكم
وكى تكبروا وتوصلو حتى 25 او 27 وتبقوا مع بعضكم ثما ايحلها ربي
تحياتي لك

 

[طائر الخير]

رد: مشكلتي مع فتاة...

السلام عليكم

خويا لعزيز نقولك حاجة وحدة اذا كنت قادر ماديا و عقليا روح لدارهم اخطبها

وركزلي على عقليا اللي نقصد بيها النضوج و الرزانة و تحمل المسؤولية

مع انو احتمال توفر هاد الشرط الثاني في هاد العمر"19" هو 0.0000001 بالمائة

وكتعقيب على تحطم حياتك......نقولك راني في الــ25 ومازال حياتي مافيهاش واش يتحطم

فما بالك بحياتي باكملها.

اما اذا كان ماتتوفرش هاد الشروط فيك فعليك بــ:

​

عَنْ عَبْدِ الرَّحْمَنِ بْنِ يَزِيدَ قَالَ: دَخَلْتُ مَعَ عَلْقَمَةَ وَالْأَسْوَدِ عَلَى عَبْدِ اللَّهِ فَقَالَ عَبْدُ اللَّهِ:


كُنَّا مَعَ النَّبِيِّ صَلَّى اللَّهُ عَلَيْهِ وَسَلَّمَ شَبَابًا لَا نَجِدُ شَيْئًا، فَقَالَ لَنَا رَسُولُ اللَّهِ صَلَّى اللَّهُ


عَلَيْهِ وَسَلَّمَ: يَا مَعْشَرَ الشَّبَابِ مَنْ اسْتَطَاعَ الْبَاءَةَ فَلْيَتَزَوَّجْ فَإِنَّهُ أَغَضُّ لِلْبَصَرِ وَأَحْصَنُ

لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ.

​

 

[راضية حامدة]

رد: مشكلتي مع فتاة...

نرجو من الاخوة الكرام ان يقولو كلاما طيبا و الا فالصمت افضل
حتى لا نظطر للتعديل او الحذف من الردود
تفاهمنا نكونو السند لبعضنا البعض و مش نزيدو على بعضنا


اما صاحب المشكلة
فماذا اقول
دع الايام تجري و مع مرور الوقت كثير من افكارك ستتغير
لا تستعجل في اي شي
فتفكيرك اليوم يخالف تماما تفكيرك بعد سنة او اكثر
و انت ماشاء الله مازال الطريق شوي للقدام
في مكان لي تفكر اذا تصارحها و لا لا
فكر كيفاش تبني مستقبلك و تعمل التاويل لي لا هي و لا غيرها تقدر ترفضك لما تعرف انك شخص ذو اخلاق و مستوى و عمل ووووووو

فكر كيفاش توفر لنفسك كل الظروف باش تختار احسن اختيار
اشغل وقتك بالامور لي فيها فايدة و لي تنفع مستقبلك
اما هي اذا كانت ليك واحد ما رح يديها
كون راجل و دير التاويل لعمرك هكا تجبدا مش بطريقة اخرى

 

[منايا الجنة]

رد: مشكلتي مع فتاة...

بارك الله فيك اخي CreativeJoe راك كفيت و وفيت في هاد لكلام

السلام عليكم

خويا لعزيز نقولك حاجة وحدة اذا كنت قادر ماديا و عقليا روح لدارهم اخطبها

وركزلي على عقليا اللي نقصد بيها النضوج و الرزانة و تحمل المسؤولية

مع انو احتمال توفر هاد الشرط الثاني في هاد العمر"19" هو 0.0000001 بالمائة

 

[zagane]

رد: مشكلتي مع فتاة...

السلام عليكم
ههههههههه 12 سنة بدا الحب وفي 19سنة رجعت ليه سندريلا وكاس ليها السباطوجا قدها
يا ولدي احسب 19 ناقص 12 تساوي 7 سنين
في سبع سنين دامت الثورة نتاع الجزائر وطردو فرنسى هكا يقولو
في سبع سنين هده الفتات يجب عليك ان تسال نفسك كم عرفت من شاب قبل هادا الدي رايته ام انك لا تهتم ان كانت خلاطة
ولا انت احكمت غير التالية وحاب دير روحك فارس الالغام هههههه
يا اخي لتهى بمستقبلك وراقب عن بعد وكي تامن مستقبلك ادا كانت صالحة ومن المكتوب فستكون لكوادا لم تكن صالحة وهدا ما اعتقده بشهادتك انك شاهدتها مع واحد وما لم تراه ؟؟؟؟؟؟ فربي يسلكك منها وشوف غيرها من بنات الفاميليا
روح يا وليدي دير التمارين والواجبات وشوف القدام ما تشوفش عندكرعيك وما تشوفش للوراء

 

[samsouma*]

رد: مشكلتي مع فتاة...

حسرة على التخمام تاع الواحد كيفاش راه يتبدل من سن لسن
ممكن العام الجاي تلقى روحك تخمم تخمام واحد اخر
من وجهة نظري مازال الوقت لتحمل المسؤولية وبما اني رافضة مبدا العلاقة غير الشرعية ماش رايحة نقولك ابقى معاها وصارحها خاطر العلاقات هادو ماهومش يكملو وربي لما منعهم وحرمهم عنده حكمة كبيييييرة
لازم يكون عندك صبر وصدقني الى تركت حاجة لوجه ربي رايح يعوضك بحاجة مكنتش تتمناها
ربي يجعلك الخير وربي يرزقك بوحدة معندهاش حتى علاقة وتكون انت اول راجل فحياتها

 

[حفيد هواري بومدين]

رد: مشكلتي مع فتاة...

لي يخاف مايدير والو في حياتو متهني

 

[ضيوف وسـنغادر]

رد: مشكلتي مع فتاة...

ان تطلبها للزوآج فناضل من اجل ذلك الحلال
وان اردت مصاحبتها كما يفعل ابناء هذا الجيل فابتعد !!!
والله ولي التوفيق ​

 

[Amani hm]

رد: مشكلتي مع فتاة...

يا اخي ادا كنت ضامن تخطبها وتديها صراحا والا راك تقول نقعد معها زمن علي عوام نديها خطيك

 

[souso mano]

رد: مشكلتي مع فتاة...

روح أزدم ودقدق باب ماليها هذا هو الحل زالباقي على ربي سبحانه اطا كانت مكتوبك أولا