طلب من سيدآتـ و آنسـآتـ المطبخ الكريمـآتـ

[أم عبد الله]

سلامي للجميع
لي طلب لو سمحتن طبعـآ
طبـآختـ اللمة الكريمـآتـ :-r
حبيتـ ندير حلوة مخصوص لاهلي باش يرجعو م العمرة
هوما راجعين يوم الاحد المقبل
اعطوني وصفـآاتـ سهلة التحظير ولكنهـآ جيدة تليق بـ المنـآسبة ماعنديش وقتـ بزآف
درتـ بقلاوة بـآسكو بابا يبغيهـآ
راني ناوية نزيد حنيونـآتـ ولا عرآيش باسكو يقطعو مليح:d
وآش تنصحوني نزيد
وماذا بيكم بسرعة
وسـأكون شـآكرة لكــٌن:$:$:$

سلامي​

 

[الحلم الوردي]

رد: طلب من سيدآتـ و آنسـآتـ المطبخ الكريمـآتـ

السلآم عليكم
ربي يرجعهم على خير
ان شاءالله
اختي نينـــآ
انت درتي بقلاوة والعرايش
علاش ماتزيديش الدير واحد مايطيبش
و ديري غريبية
​

 

[omarwa]

رد: طلب من سيدآتـ و آنسـآتـ المطبخ الكريمـآتـ

ربي يرجعهم بالسلامة انا من رايي زيدي ديري لصابلي وغريبية والمعمول تاني مليح

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

السلآم عليكم
وعليكـ السلام ورحمة الله تعـآلى وبركـآته غلاتي
ربي يرجعهم على خير
ان شاءالله
ان شـآء الله يـآرب
اختي نينـــآ
انت درتي بقلاوة والعرايش
العرايش راني قلتـ عليهم مازال مادرتهمش:-r
علاش ماتزيديش الدير واحد مايطيبش
و ديري غريبية
​

مممممممممم واحد مايطيبش مثلا ياملوكة اعطيني مثال
وسوغتو يكون يقطع باش مانتعبش بزاف فيه :$
راه الشغل كامل عليـآ كيما علابالكـ​

ربي يرجعهم بالسلامة انا من رايي زيدي ديري لصابلي وغريبية والمعمول تاني مليح

اللهم آميين اختي ام مروة
لي صابلي وي حاجة مليحة مع انها تاخذ وقتـ
الغريبة ولا معمول هاذومـآ نشوف بالاكـ ماشي سوغ باسكو مانحبش الغريبية:d



الله يخليكم حبيبـآتي
سلامي​

 

[الحلم الوردي]

رد: طلب من سيدآتـ و آنسـآتـ المطبخ الكريمـآتـ

مممممممممم واحد مايطيبش مثلا ياملوكة اعطيني مثال
وسوغتو يكون يقطع باش مانتعبش بزاف فيه :$
راه الشغل كامل عليـآ كيما علابالكـ

ايه مام لعرايش يديو وقت بزاااف:$
هدا رولي مايطيبش

المقادير
باط بيمو مرحي مليح
50 غ زبدة طرية
4ملاعق كبار كاكاو
عطر الكراميل
100 غ سكر قلاصي
نخلطهم مليح و نخليهم
السيرو
ًكاس ماء و كاس سكر نحطوهم فوق النار يذوبو فقط
كيفة التحضير
كي يبرد السيرة اعجني بيه الخليط نتاع البيمو
حليه بالحلالة فوق نيلو حوالي 3 مم
فتّي فوقو 2 باطات ككابيشو ( حلوة الترك ) ، غطي بنيلو و حلي باه يتوزع الكاكابيشو مليح.
رولي باه تتحصلي على حربوش و قصي بالموس
حطيه في الثلاجة لمدة 15 د
ذوبي شكولاطة اومباسادور + ملعقة ماء في حمام مائي
ادهني الحربوش بالبانسو و اعملي خطوط بالفرشيطة
رجعيه يبرد و من بعد قطعيه

شوف هدايا ساهل

​

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

سي راهو يبان سـآهل ملوكة
العبـآر لي راكي تقولي عليه
شحال يعملي م حبة ؟؟؟

وميرسي ملوكتي ع الوصفة
شهاتني ​

 

[الحلم الوردي]

رد: طلب من سيدآتـ و آنسـآتـ المطبخ الكريمـآتـ

45حبة

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

45حبة

الله يبـآركـ حبوبتي تكفيني

والا حبيتـ اندوبلي المكيـآل مشكورة
وربي يسـَلم الايـآدي:$

:regards01:​

 

[Teacher Sweet]

رد: طلب من سيدآتـ و آنسـآتـ المطبخ الكريمـآتـ

سلام حنونة
ربي يرجعهم بالسلامة ويتقبل منهم

في رايي ديري صابلي، مليح ، يذوب في الفم ويقطع
انا دايما يقطعلي 55 ولا 60
واذا تحبي زيدي مشوك الكاكاو يقطع 80 حبة و ثاني يجي يذوب في الفم
​

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

سلام حنونة
وعليكِـ السلام ورحمة لله تعالى وبركاته غلاتي
ربي يرجعهم بالسلامة ويتقبل منهم
اللهم آميين وان شـآء الله مايحرم منها مومن يارب
لعقوبة ليك وللعائلة يارب:$
في رايي ديري صابلي، مليح ، يذوب في الفم ويقطع
انا دايما يقطعلي 55 ولا 60
واذا تحبي زيدي مشوك الكاكاو يقطع 80 حبة و ثاني يجي يذوب في الفم
​

اهلين باستاذتنا الحلوة هاذي غيبة :s
لي صابلي مايقطعليش بزاف باسكو عندي لاغوسات ديال لوح زبدة يعني 250غ
نقدر نعرف المقادير دياولك حبوبتي
والا حبيتي المشوك ثان يتعمل هذا باللمبوط

ماذا بيك تقوليلي الطريقة بليييييز:$

​

 

[Teacher Sweet]

رد: طلب من سيدآتـ و آنسـآتـ المطبخ الكريمـآتـ

اهلين باستاذتنا الحلوة هاذي غيبة :s
اهلا بيك نيناتي، الله لا يغيبك
لي صابلي مايقطعليش بزاف باسكو عندي لاغوسات ديال لوح زبدة يعني 250غ
نقدر نعرف المقادير دياولك حبوبتي
اكيد غاليتي
والا حبيتي المشوك ثان يتعمل هذا باللمبوط

ماذا بيك تقوليلي الطريقة بليييييز:$
طبعا حنونة ضرك نعطيعالك
انتظريني
​

 

[Teacher Sweet]

رد: طلب من سيدآتـ و آنسـآتـ المطبخ الكريمـآتـ

الصابلي:
خلطي باطة مرغرين 500 غ مع كاس سكر قلاصي حتان تولي كريمة زيدي كاس ميزينة وخلطي مليح، ومبعد زيدي 2 بيضات برك ماتزيديش اكثر من 2 ، خلطي مليـــــــح حتان يوليلك خليط كي الكريم واملس زيدي لافاني ، ماذابيك تكون ملعقة كبيرة باش تعطي بنة مميزة وتروح رائحة البيض
في الاخير حطي الفرينة على الخليط ولوحي فوقها باكي خميرة وخلطي الفرينة مع الخميرة قليلا ومبعد لمي مليح بايديك حتى تولي عندك عجينة ملساء وطرية بصح ماتيبسيهاش خليها تبقى طرية
حلي عجينتك بالرولو واقطعي بالمول لي تحبيه، انا نحب شكل الدائرة المشرشفة ولا الوردة
دخليها الفرن، وكي طيب خليها تبرد ولصقيها (شخصيا انا الصابلي دايما نلصقو بالعسل مانستعملش المعجون، العسل يعطيك ذوق افضل)
جيبي نواد كوكو حطيه فوق النار وزيديلو كاكاو وحركي رايح يولي لونو مثل الشيكولا ومرمدي الحواشي بيه، يبقى التزيين اخدمي وردة بالباتامود لونيها بالكاكاو وحطيها في الوسط.
ولا لوني النوادكوكو بالاحمر والوردة ديريها بالاحمر
ملاحظة: المول الدائري ماتستعمليش المثقوب في الوسط، استعملي العادي
​

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

الصابلي:
خلطي باطة مرغرين 500 غ مع كاس سكر قلاصي حتان تولي كريمة زيدي كاس ميزينة وخلطي مليح، ومبعد زيدي 2 بيضات برك ماتزيديش اكثر من 2 ، خلطي مليـــــــح حتان يوليلك خليط كي الكريم واملس زيدي لافاني ، ماذابيك تكون ملعقة كبيرة باش تعطي بنة مميزة وتروح رائحة البيض
في الاخير حطي الفرينة على الخليط ولوحي فوقها باكي خميرة وخلطي الفرينة مع الخميرة قليلا ومبعد لمي مليح بايديك حتى تولي عندك عجينة ملساء وطرية بصح ماتيبسيهاش خليها تبقى طرية
حلي عجينتك بالرولو واقطعي بالمول لي تحبيه، انا نحب شكل الدائرة المشرشفة ولا الوردة
دخليها الفرن، وكي طيب خليها تبرد ولصقيها (شخصيا انا الصابلي دايما نلصقو بالعسل مانستعملش المعجون، العسل يعطيك ذوق افضل)
جيبي نواد كوكو حطيه فوق النار وزيديلو كاكاو وحركي رايح يولي لونو مثل الشيكولا ومرمدي الحواشي بيه، يبقى التزيين اخدمي وردة بالباتامود لونيها بالكاكاو وحطيها في الوسط.
ولا لوني النوادكوكو بالاحمر والوردة ديريها بالاحمر
ملاحظة: المول الدائري ماتستعمليش المثقوب في الوسط، استعملي العادي
​

بـآركـ الله فيكـ
راني نسييهـآ ونصورلكـ طريقة التحظير ونوريهالكـ ان شـآء الله
ميرسي ع الوصفة
​

 

[nada242008]

رد: طلب من سيدآتـ و آنسـآتـ المطبخ الكريمـآتـ

وعليكم السلام
مدام درتي لبقلاوة ولعرايش زيدي قاطو ساك ..كيما اقترحو عليك لبنات غريبية ولا صابلي
والصابلي يحكم اليد سيرتو كي تلصقي زوج بالمعجون تتقسم الكمية ل 2
شوفي هذا ساهل وبنين وماتلصقي ماتكسري راسك :d
http://4algeria.com/forum/threads/361881/

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

وعليكم السلام
مدام درتي لبقلاوة ولعرايش زيدي قاطو ساك ..كيما اقترحو عليك لبنات غريبية ولا صابلي
والصابلي يحكم اليد سيرتو كي تلصقي زوج بالمعجون تتقسم الكمية ل 2
شوفي هذا ساهل وبنين وماتلصقي ماتكسري راسك :d
http://4algeria.com/forum/threads/361881/

العرايش قلت راني ناوية عليهم اتسمى الا لقيت حاجة خلاف نبدلو :d
هاذيك هلي لي لقيتيني نخمم فيها
نروح نشوفو وبالاك يكون ساهل ومايتعبنيش بزاف ههه
مشكورة اختي ام ندى

سلامي​

 

[Teacher Sweet]

رد: طلب من سيدآتـ و آنسـآتـ المطبخ الكريمـآتـ

ان شاء الله حنونة، علابالي تخرجلك مليحة يا الشاطرة

وهاذي وصفة مشوك الكاكاو:
خلطي 250 غ مرغرين مع 2 كيسان سكر قلاصي خلطي مليح زيدي 2 صفار ( وعندك تنساي تحطي البياض psq مرات تصرالي :d
لوحي شوية فاني ومبعد حطي 2 ملاعق كبار كاكاو وخلطي
في الاخير ضيفي الفرينة مع باكي خميرة حتى تكون عندك عجينة طرية شكلي كريات
ديريهم صغار وماتخافيش رايحين يكبرو و يتنفخو سيغتو الكوكاو رايح يزيد في شكلهم
المهم مرمدي الكرية في البياض ومبعد مريها في الكوكاو المحمص والمرحي وحطيها في ليكيسات ودخليهم الفرن ومع يخرجو عسلي كل حبة بملعقة عسل
واذا شفتيهم خاصهم عسل عاودي عسليهم
وشهية طيبة
​

 

[nada242008]

رد: طلب من سيدآتـ و آنسـآتـ المطبخ الكريمـآتـ

خرجتلي حوالي 45 حبة بلا الحبات لي خرجو من الحواشي
عادي المواضيع الحصرية حتى كي يتم رفعها لا تغلق في منتدى الطبخ

 

[ويبـقى الأمــل]

رد: طلب من سيدآتـ و آنسـآتـ المطبخ الكريمـآتـ

السلام عليكم حبيبتي
ربي يرجعهم على خير يارب
انا نقترح عليك
تكملي معاهم صابلي و مقروض و قاطو الجلجانية

 

[ندى الورود]

رد: طلب من سيدآتـ و آنسـآتـ المطبخ الكريمـآتـ

شوفي يا ام عبد الله
ديري الغريبية تقطعلك بزاف وساهلة كاس برك يقطعلك كمية مليحة
وهنا يعتمد على حجم الطابع شوفي موضوعي
غريبية من مطبخي
وديري هذا ثاني هو ما نكذبش عليك يقطع تقريبا 40 حبة ل 250 غ مارغارين
قلوب الجلجلان
شوفي هذا ما يطيبش بنتو هايلة تقدري ما ديريش الشوكولا بيضاء ديري شوكولا سوداء
ولا تاع الحليب
حلوى الكابريس (دون طهي) ‏

لي صابلي هادو بنتهم ما نحكيش عليها يهبلو

دوائر الشوكولاطة

وهذا
صابلي بالنوتيلا

وهذا
صابلي الميرانغ

وهذا ساهل وبنتو هايلة
كريات الجبن بالقوفريط والبيمو

مازالو وصفات أخريين ساهليين وملاح ادخلي لملفي الشخصي بلاك تلقاي وصفة تعجبك
​

 

[أم عبد الله]

رد: طلب من سيدآتـ و آنسـآتـ المطبخ الكريمـآتـ

ان شاء الله حنونة، علابالي تخرجلك مليحة يا الشاطرة

وهاذي وصفة مشوك الكاكاو:
خلطي 250 غ مرغرين مع 2 كيسان سكر قلاصي خلطي مليح زيدي 2 صفار ( وعندك تنساي تحطي البياض psq مرات تصرالي :d
لوحي شوية فاني ومبعد حطي 2 ملاعق كبار كاكاو وخلطي
في الاخير ضيفي الفرينة مع باكي خميرة حتى تكون عندك عجينة طرية شكلي كريات
ديريهم صغار وماتخافيش رايحين يكبرو و يتنفخو سيغتو الكوكاو رايح يزيد في شكلهم
المهم مرمدي الكرية في البياض ومبعد مريها في الكوكاو المحمص والمرحي وحطيها في ليكيسات ودخليهم الفرن ومع يخرجو عسلي كل حبة بملعقة عسل
واذا شفتيهم خاصهم عسل عاودي عسليهم
وشهية طيبة
​

آه هاذي هي المشوكا عندكم لهنـآ نقوللهـآ المشقوقة زعما كي تنشق وانزينوها بالسوكغ غلاص
ربي يحفظك ويخليلكـ صحيحتكـ واماليكـ ياغالية
ماتتصوريش قداش فدتيني بالوصفـآتـ دياولكـ ( ستـ بيتـ بـ امتيـآز:up
تصبحين ع الف الف خير استاذتنـآ الحلوة ( الله غالب حبيتـ الاسم هذا فيكـ :d)​