طورطات من مطبخي

[nada242008]

السلام عليكم ورحمة الله
حبيت نجمع بعض الطورطات لي خدمتهم من قبل في موضوع
ولي عندها اي استفسار في طريقة التحضير تتفضل

​

 

[nada242008]

رد: طورطات من مطبخي

بالنسبة لوصفة البافاروا بلفراز او القرص الاحمر كيما سماتو حدة

يتكون من 3 طبقات

الطبقة الاولى جينواز خدمتها ب
2 حبات بيض + 60 غ فرينة + 60 غ سكر + رشة ملح وزاست ليمون

نطيبها في بلاطو ونقطعها بالمول الدائري وهذي اول طبقة
نسقيها بسيرو ونخليها بجهة

الطبقة الثانية
نغسل حبات الفراولة ونقطعهم مكعبات ونضيفلهم السكر حسب الرغبة والذوق وعصرة ليمون ونرحيهم بالميكسور
الكمية لي نتحصل عليها تقريبا تكون حوالي 3 اكواب فراولة مرحية
نذوب 4 م ك جيلاتين غبرة في شوية ما دافي ونضيفها لخليط الفراز ونحطهم على النار ونخلط حتان تهز الغلية ونطفي عليها

نقسم كمية الفراز ..نخلي كوبين للطبقة 2 وكوب واحد للطبقة الاخيرة ونخليها تبرد مليح

نخفق 2 كوب كرام فراش ومن الافضل تكون ماركة مليحة ..نخفقها بالباتور وطبعا حسب الذوق اضافة السكر
نخلط الكريمة المخفوقة مع 2 كوب الفراز لي كنا خليناهم وطبعا برفق واذا لقيتو لونها باهت ضيفو شوي ملون احمر شوية برك باش مايخرجش فاقع ونرجعها للثلاجة

الطبقة 3
كوب الفراز لي احتفظنا بيه نصفيه مليح ونخليه لاخر مرحلة

المونتاج ..نجيب المول لي فيه الجينواز ونحط انصاف حبات الفراولة على الجوانب
نصب خليط الكريمة والفراز ونحطها في المجمد لنصف ساعة
بعد ماتحكم روحها نصب الطبقة الاخيرة ولي هي كوب الفراز المصفى ونرجعها للثلاجة
من الافضل تركها ليلة كاملة في الثلاجة

 

[حكيك]

رد: طورطات من مطبخي

وعليكم السلام
لي شرف انني اول وحدة ترد عليك
تقولي راني في محل الحلويات
الله يبارك ربي يعطيك الصحة كل وحدة تقول لزي لختها

 

[nada242008]

رد: طورطات من مطبخي

كيكة المالتيسيرز :d هي في الحقيقة ماهيش مالتسيرز اتصرفي باي ماركة فيها كعابر وخلاص

4 طبقات جينواز بالكاكاو
نسقي كل طبقة بنوتيلا مخففة بشوي حليب
ونحط بين الطبقات طبقة خفيفة من الشونتيي

ونغلف الكيكة كلها بالشونتيي وفوقها شيكولا نوار مذوبة مع شوي زبدة
ولصقي الكعابر مممممممم

 

[nada242008]

رد: طورطات من مطبخي

وعليكم السلام
لي شرف انني اول وحدة ترد عليك
تقولي راني في محل الحلويات
الله يبارك ربي يعطيك الصحة كل وحدة تقول لزي لختها

شكرااا غاليتي حكيك ..هذا من ذوقك :$
بارك الله فيك.

 

[روز]

رد: طورطات من مطبخي

تبارك الله ماشاءلله فنانة الغالية ام ندى ربي يحفظ ذوك ليديات
مالا عندنا مانستمتعو في رمضان
كل شي تحفة ماشاءلله
سؤال
تارت الفراز شحال تحتاج من كيلو نتاع فراز!
ونتي زدتيلها الملون الاحمر ولا لا ؟

 

[ام الحلوين]

رد: طورطات من مطبخي

ماشاء الله تحفة
بارك الله فيك يا بارعة
سلامي

 

[nada242008]

رد: طورطات من مطبخي

تبارك الله ماشاءلله فنانة الغالية ام ندى ربي يحفظ ذوك ليديات
مالا عندنا مانستمتعو في رمضان
كل شي تحفة ماشاءلله
سؤال
تارت الفراز شحال تحتاج من كيلو نتاع فراز!
ونتي زدتيلها الملون الاحمر ولا لا ؟

الله يسلمك روزيتا الحبيبة
يتباع عندنا في علب كرطون صغيرة ..استعملت 2 وبقالي شوي
قولي اقل من كيلو بشوي
زدت الملون في الطبقة 2 فقط

 

[ام ريهام]

رد: طورطات من مطبخي

ماشاء الله والله روعة يعطيك الصحة والعافية
كل الطوطات روعة كروعتك بصحتكم

 

[بنت السلطان]

رد: طورطات من مطبخي

يآآآآآآآآآآآآآآآآآآآ سلاآآآآآآآآآآآآآآم

ما شاء الله روعة روعة روعة وطريقة التزين تحفة

يعطيك الصحة

 

[ام نوسه]

رد: طورطات من مطبخي

يعطيك الصحة يا احلى واروع ابهر طباخه والله كل شىء من يديك تحفة لو كان تقلي بطاطا الله يبارك
وشكرا ليك ان شاء الله نطبق تاع الشكولا روعه

 

[chahinez la brunette]

رد: طورطات من مطبخي

ممكن تعطيني مفادير و كيفية تحضير الوصفة الاولى اعجبتني

 

[chahinez la brunette]

رد: طورطات من مطبخي

 

[ملكًة الاحسآس]

رد: طورطات من مطبخي

وعليكم السلآآم
الله الله على الابدآع
مآشآء الله تقول رآني في محل حلويآت كلآس
الشكل وهبلنآ كفآه مآلآ كون نذوقوهم
كآمل هآيلين والقرص الأحمر على قولت حدودة يسخف فوق اللآزم
يعطيك الف صحة ، وبصحتكم
​

 

[nada242008]

رد: طورطات من مطبخي

ماشاء الله تحفة
بارك الله فيك يا بارعة
سلامي

الله يخليك ويحفظلك الحلوين ..الف شكر لك .

ماشاء الله والله روعة يعطيك الصحة والعافية
كل الطوطات روعة كروعتك بصحتكم

مرورك الاروع ام ريهام نورتيني اختي.

يآآآآآآآآآآآآآآآآآآآ سلاآآآآآآآآآآآآآآم

ما شاء الله روعة روعة روعة وطريقة التزين تحفة

يعطيك الصحة

الله يسلمك بنت السلطان ربي يحفظك اختي.

يعطيك الصحة يا احلى واروع ابهر طباخه والله كل شىء من يديك تحفة لو كان تقلي بطاطا الله يبارك
وشكرا ليك ان شاء الله نطبق تاع الشكولا روعه

اهلين ام نوسة ..غمرتيني بمجاملاتك يا طيوووبة
بارك الله فيك وسلامي لانوسة وفاروق وايوب ربي يحفظو ان شاء الله.

ممكن تعطيني مفادير و كيفية تحضير الوصفة الاولى اعجبتني

تفضلي اختي ..http://4algeria.com/forum/threads/389051/

وعليكم السلآآم
الله الله على الابدآع
مآشآء الله تقول رآني في محل حلويآت كلآس
الشكل وهبلنآ كفآه مآلآ كون نذوقوهم
كآمل هآيلين والقرص الأحمر على قولت حدودة يسخف فوق اللآزم
يعطيك الف صحة ، وبصحتكم
​

اهلا وسهلا بالملكة ..شرفتيني اختي والله ياريتني نذوقكم
تستاهلوا كل خير ..تحياتي

 

[ويبـقى الأمــل]

رد: طورطات من مطبخي

واش هذا يا ام ندى ؟ رووووووووعة والله روووعة
والله غير تقولني في حانوت باتيسري من مجاملة
ادولي عقلي كاااااامل وبالاخص تاع الشيكولة
الله يحفظلك هذوك ايدين يارب ياطباخة ماهرة انتي ​

 

[السلطانة]

رد: طورطات من مطبخي

وعليكم السلام يمميميمي ماشاء الله يعطيك الصحة

طورطات يسخفو

(راني نعبي في لي روسات في الكراس ونكتب بجنبهم الاسم

نزيد هادو لي طارت ونكتب بحداهم لأم ندى ^^ )

 

[nada242008]

رد: طورطات من مطبخي

الاخت لي سألتني في التقييم على نوعية الشيكولا المدوة ههه قصدي الكومبارس تاع مالتيسيرز هي هذي من صنع تركيا ..سعرها مقبول وهااايلة بصح شريت قداه من ساشي باش عمرت الفراغات هههه

 

[nada242008]

رد: طورطات من مطبخي

واش هذا يا ام ندى ؟ رووووووووعة والله روووعة
والله غير تقولني في حانوت باتيسري من مجاملة
ادولي عقلي كاااااامل وبالاخص تاع الشيكولة
الله يحفظلك هذوك ايدين يارب ياطباخة ماهرة انتي ​

شكرا ليك اختي سامية ..ماحقنيش نسخفكم ههه نورمالمون لي يعقب يذوق :d
ربي يحفظك وشكرا على الكلام الطيب.

وعليكم السلام يمميميمي ماشاء الله يعطيك الصحة

طورطات يسخفو

(راني نعبي في لي روسات في الكراس ونكتب بجنبهم الاسم

نزيد هادو لي طارت ونكتب بحداهم لأم ندى ^^ )

ههههه يجي النهار لي تحتاجيهم ان شاء الله ربي يدوم افراحكم يارب
ربي يحفظك شوشو :$.

 

[راضية حامدة]

رد: طورطات من مطبخي

ندوش ماااااااااااااااشاء الله راكي جايبتها
الله يبارك عليك
الوحدة تنسي في اختها كامل روووووووووووعة
يعطيك الصحة يا اختي تسلم الايادي