الحشاوش الضرورية في كل بيت

[nanoche]

دبزة و دماغ مع لاكوناكسيون اليوم مي قدرت نطلع الحشاوش اللي عندي في الدار سواء اللي نطيب بيهم او اللي نستعملهم دي تيزان و زدت عليهم الأشجار اللي ما طلعوليش من قبيل
ان شاء الله يعجبوكم ^_^

​

 

[السلطانة]

رد: الحشاوش الضرورية في كل بيت

هادي النت موصيبة كبيرة هههه

عجبتني الحشائش وكي كتبتي عليهم الاسم باه لي متعرفهمش تتعرف عليهم

يعطيك الصحة ننوش

 

[nanoche]

رد: الحشاوش الضرورية في كل بيت

هادي النت موصيبة كبيرة هههه

عجبتني الحشائش وكي كتبتي عليهم الاسم باه لي متعرفهمش تتعرف عليهم

يعطيك الصحة ننوش

والله يا اختي تقولشي اتصالات الجزائر راها تصدق علينا بدراهمنا و ما سويناش ههههههههه
كتبت اسماء الحشائش لأنو في الاول لما حطيت أزهار حديقتي ما كتبتش الاسماء و دوكا راهم يسقسيوني على اسماءهم على هاديك و ضحت
ويلا ساعفتني لاكوناكسيون نعاودهم بالاسماء دياولهم ان شاء الله
شكرا لكي انتي على الاهتمام اختي
بارك الله فيك
​

 

[نبض المشااعر]

رد: الحشاوش الضرورية في كل بيت

المردقوش واني نشرب فيه ان شاء الله يفيدني بزاف رفدو كي شربوه

 

[نبض المشااعر]

رد: الحشاوش الضرورية في كل بيت

حبيت نسقسيك حبيبتي على عشبة مريم اليوم رحت للعشاب لقيتو يبيع فيها
زعما هي لي قالو عليها تساعد في الحمل ؟

 

[nanoche]

رد: الحشاوش الضرورية في كل بيت

حبيت نسقسيك حبيبتي على عشبة مريم اليوم رحت للعشاب لقيتو يبيع فيها
زعما هي لي قالو عليها تساعد في الحمل ؟

والله يا أختي أنا تاني نسمع يقولو تساعد على الحمل
مي يعملوها حمًامة ماشي كيما لقيت انا بعض الوصفات على النت اللي يقولو يشربو المنقوع ديالها
هاد العشبة كنت نشوفها في حديقة بيتنا من و انا صغيرة و كانو بزاف الجارات يجيو ياخدو منها
جربيها اختي بالاك ربي يرزقك ان شاء الله
​

 

[نبض المشااعر]

رد: الحشاوش الضرورية في كل بيت

جزاك الله خير حبيبتي
حتى انا سمعت يقولو تساعد على الحمل محبيتش مخلط الاعشاب راني في الشهر الثاني مع البردقوش نصبر وان شاء الله ربي يفرح قلبي عاجلا بالحمل

 

[ام اشراق]

رد: الحشاوش الضرورية في كل بيت

السلام عليكم

يعطيك الصحة اخت ننوش فكرتينى بدارنا .

اخت نبض المشاعر ربي يعطيك ويرضيك ان شاء الله

 

[نبض المشااعر]

رد: الحشاوش الضرورية في كل بيت

بارك الله فيك حبيبتي نور
اسال الله ان يقر عيني بالذرية الصالحة وكل المسلمات

 

[nanoche]

رد: الحشاوش الضرورية في كل بيت

السلام عليكم

يعطيك الصحة اخت ننوش فكرتينى بدارنا .

اخت نبض المشاعر ربي يعطيك ويرضيك ان شاء الله

مرحبا بيك اختي
وشكرا على المرور
​

 

[روز]

رد: الحشاوش الضرورية في كل بيت

الله يبارك عليك كل انواع الاعشاب راهي عندك
ماشاءلله عليك عجبني اعتنائك بالنبات
يعطيك الف صحة..

 

[nanoche]

رد: الحشاوش الضرورية في كل بيت

الله يبارك عليك كل انواع الاعشاب راهي عندك
ماشاءلله عليك عجبني اعتنائك بالنبات
يعطيك الف صحة..

النباتات تاخذ جزء كبير من وقتي
وما تهناش حتان ندور على الجنان ديالي من ركنة لركنة باش نرقد مهنية
الله يسلمك اختي
شكرا على المرور
​