راهو مخي رايح يتشل

[مشكلتي]

مساء/صباح الخير

يسعد ايامكم يا رب

بدون إطالة ..

انا شابة من الشرق الجزائري بالتحديد
ولاية برج بوعريريج

في عمري 22 سنة ..
على قدر من الالتزام ولله الحمد ..

في حياتي كاملة عرفت انسان واحد
حبيتو وحبني .. مادرت معاه الشر ما والو قصدي ما خرجت ما لعبت ما والو

ساعات منين نحكو ف التيليفون هو من ولاية اخرى
هو جوندارم عندنا
نيتو من الاول كانت صافية
وحكا مع خالي بحكم انو زوجي هدا صاحب صاحبو.. اي صاحب صاحب خالي
بلي ناويني
قالو خالي اصبر حتى تتخرج

وكي تخرجت جا خطبني وعقدنا

مشكلتي انو بقالي شهرر لعرسي
عندي سمانة عيطتلي وحدة من ولايتو من قسنطينة

قاتلي نتي فلانة و زوجة فلان
راجلك راني نمشي معاه
ونعرفو .. وعطاتلي نيميروه
وعطاتلي كل المعلومات عليه

وهو حكالي بلي كانت عندو بنت اخت مرت خالو
يحكي معاها وكي شافها خلاطة خلاها

هو انسان صريح وما يكذبش كي يدير حاجة يقولي درت وكي ما يديرش يقولي ما درتش
راني حايرة

منين يحكي معايايلقاني نبكي يقولي وش بيك
نقولو راني نخمم في دارنا برك
كي رايحة نبعد عليهم انا الطفلة الكبيرة في الدار

هو يقولي راني ما نبعدكش عليهم وتزوريهم وماتخميش راني نخاف ربي فيك

والله راني محتارة .. ما قدرتش نصارحو
خفت يقلق مني
انا دايرة فيه الثقة
مي توسوست .. ونهار جا خطبني صليت الاستخارة وقلبي مطمن
حتى دارنا فرحانين بيه قالولي راجل وعليه الكلام

المشكل انو الطفلة درتها ف لاليست بلوكي
ومازالها تعيط ب نوامر اخرين
حرت منين جابت نيميرو تاعي
و وش راهي تحوس .. مني

انصحوني وش ندير ..
بالاك معاكم نلقى حل
مع العلم انو زوجي في عمرو 29 سنة

وربي يجازيكم كل خير والعقوبة للي ماهمش متزوجين
الله يرزقكم حب الحلال ان شاء الله



​

 

[حكيك]

رد: راهو مخي رايح يتشل

تم الاعتماد

 

[دعاء19]

رد: راهو مخي رايح يتشل

اي علاقة لابد لها من الصراحة ماعمرك تخبي شي حاجة وخاصة من شريك الحياة لازم تكون تقة والصراحة والوضوح بينكما صارحيه بالتي هي احسن وقوليلو موقف لي صرا والبنت لي كتاصل بيك وشوفي ردة فعلو وكيفاش يبراء راسوا وديك ساعة انتي غادي تحكمي عليه
ومتنسايش واحد الحاجة كون باغي يتفلا عليك مايجيش لداركم وحاجة تانية اكيد هاد البنت باغية تخرب عشكم لي انتوما يلاه كتبداو تبنوه
نصيحتي هي تسصارحي زوجك باش متبقايش تخمي وتنقصي من الوسواس
وربي يكون غير الخير والله اكمل عليكم بالخير

 

[أم راضية ~_]

رد: راهو مخي رايح يتشل

السلام عليكم
مادام كي يدير حاجة يقولها ويعترف بيها نورمال كنتي تقوليلو عليها الصراحة راحة ماتخليش في قلبك يا اختي
والله هو الموفق دائما ..​

 

[بنت لبحر]

رد: راهو مخي رايح يتشل

متقلقي روحك ما والو

احكي لخطيبك على واش صرى احكيلو كلشي و سقسيه منين جابت النيميرو تاعك هكا باش ترتاحي

ربي يقدملك لي فيه الخير

 

[♫الباحثة عن الحظ♫]

رد: راهو مخي رايح يتشل

وُآلُِلُِهـ سآهـلُِة يآ آخـتي آنت وُآشُ رٍآحٍ تخـسرٍي يآڪ مشُ آنت رٍوُحٍتي تخـرٍبَي فُي مآضيهـ معٍلُِيڪ غيرٍ تخـبَرٍيهـ قٌآلُِ شُوُفُ وُآشُ صرٍآ آي فُلُِآنة هـآوُ آلُِرٍقٌم تقٌوُلُِي هـڪآ وُآنت مآ عٍلُِيڪ وُعٍلُِيهـ غيرٍ تفُرٍوُهـآ آلُِآ ڪآينة صحٍ آي تبَآن وُرٍآحٍ يخـآفُ وُيتلُِڪڪ وُآلُِآ مڪآنشُ رٍآحٍ يوُضحٍلُِڪ وُخـلُِآص عٍآدِي جٍدِآ​

آمآ آلُِرٍقٌم يآوُ سآهـلُِ خـتيتوُ بَلُِآڪ هـآدِي وُحٍدِة ڪآنت حٍآطُة عٍينهـآ عٍلُِيهـ وُ جٍآبَت رٍقٌمڪ من آنسآنة من عٍآئلُِة زْوُجٍڪ وُحٍآبَين يخـرٍبَوُآ بَرٍڪ

بَلُِوُس يمڪن آغلُِبَ آلُِظًن هـي نفُس آلُِعٍبَدِة آلُِي قٌآلُِڪ هـوُ عٍلُِيهـآ​

 

[راضية حامدة]

رد: راهو مخي رايح يتشل

هذي راهي حابة تخربلك زواجك
ما تعمريش راسك بيها
لانك لو تبعتي كلامها انت تبطلي منو و يبقالها المجال واسع باش ترتبط به
هي مادامها عارفاتو خاطب وووو علاش راهي تحوس
من المفروض تهدر معاه هو مش انت؟ باش تعرفي نيتها
اذا قدرتي غيري رقم الهاتف تاعك احسن

 

[barca.moha]

رد: راهو مخي رايح يتشل

أختي ماتتقلقي ماوالو وهاد الشي لازم تخبري بيه راجلك لاخاطرش غادي تتزوجي وتبني دار ومتبنيهاش كيما هاك
قوليله وهو غاي يفهمك .. وهاد البنت متبغيش الخير
​

 

[meriam tlm]

رد: راهو مخي رايح يتشل

السلام عليكم
اولا مبروك والله يسخر ويكمل بالخير
مدام كاين بيناتكم ثقة ماعندك علاه تخافي
كاين ناس مايحبوش الخير لغيرهم
وقادرين يكونو من حبابك واعز اقاربك
ويظهرلي لازم تصارحيه بالشي اللي ريه واقع
بلاك هو يكون عندو حل يقنعك بيه
ويروحلك الوسواس
ربي يهنيكم ويبعد البلا عليكم

 

[علي الفاضلي]

رد: راهو مخي رايح يتشل

الصراحة راحة ..

اخبريه باسلوب لا اتهام فيه ..

وغيري رقم هاتفك ..

وحافظي على زواجك ..

فما اكثر المخربات ..

 

[حسان]

رد: راهو مخي رايح يتشل

الاخت الفاضلة هذه حسادة و امراة خبيثة تريد تخريب علاقة مقدسة

اطرحي على نفسك هذه الاسئلة

هي راهي تقول انا نمشي معه ؟؟؟؟؟؟؟؟

هذه حجة وحيدة تبين بانها تريد شر و تفريق


لا يبكي عليك الا ابوك و امك فقط خذيها بجدية

انت تجاهليها و لا تخبري زوجك و ابلوكي رقمها ا و غيري لبيس

وزواج سعيد و جمع بينكم بالخير​

 

[nanoche]

رد: راهو مخي رايح يتشل

راكي تقولي باقيلك شهر و تتزوجي وزوجك صريح و ما يكدبش ايمالا علاش راكي تقلقي في روحك
حتى ويلا كان على علاقة مع هاد البنت اللي راها تعيطلك ياك كان معاها قبل ما يعرفك و لوكان شاف فيها خير كان خطبها هي و ما لحقش لعندك
واذا راكي محيرة على الرقم منين جابتو هادي هي الحاجة الساهلة في بلادنا غير ما تكسريش راسك
ياك قلتي كان مع واحدة فاميلتو دونك ماشي واعرة باش تلحق للرقم ديالك
اذا بقيتي تقتلي في روحك بالشك غير انتي الخاسرة ايلا راكي شايفة بليك لازم تقوليلو بلا ما تعمليها مشكل قوليلو و مديلو الرقم اللي عيطتلك بيه ويلا راكي تشوفي بليك راكي رايحة تعملي مشكلة من والو غير خليها و عرسك راهو قلايب و ربي يكشفلك هاد اللي حابة تهدلك دارك قبل ما تدخليها
اتوكلي على ربي يا اختي و خلي ثقتك فيه و في زوجك و ربي يهنيكم
​

 

[nada242008]

رد: راهو مخي رايح يتشل

واجهيه وشوفي واش يقول ...راني حايرة كيفاش مخليتها في قلبك وتبكي وماقلتيلوش ...كون جيت انا راني فجرت القنبلة في دقيقتها ههه
ممكن راهي حابة تفسد بيناتكم برك ..كون حبها هي ماجاش تقدم ليك بالحلال
احكيلو كلش وشوفي واش يقول وكيفاه يتصرف معاها

 

[محبة الدراسة]

رد: راهو مخي رايح يتشل

يمكن انو هاذي الطفلة من ولايتك و تعرفك و كذبت عليك باش تبعدك على زوجك و هاذ الاحتمال ممكن جدا

 

[nanou726]

رد: راهو مخي رايح يتشل

أختي الزواج راحة بال و طمأنينة وسكينة لا هو بكاء و لا مشاكل و مفتاح راحة البال الصراحة ، صارحي زوجك ماتخبي عليه والو، هو الوحيد لي يشرح لك هذا الحال خاصة أنه طرف فيه ، و الأمر واضح هاذي حابة تخرب لك بيتك ، فما عليك سوى توقيفها عند حدها و الباب الي يجيك منو الريح سدو واستريح، كوني صاحبة موقف ، وواجهي أمورك بصراحة و صرامة , أتمنى تفرحينا بموضوع جديد تنورينا فيه كيفاش حليت المشكل فمنتدانا للإفادة و الاستفادة موفقة إن شاء الله,

 

[¬Đỉaмơŋđ ✿]

رد: راهو مخي رايح يتشل

السَلآمْ علَيكمْ ورَحمَة اللهِ تعآلَى وبرَكآتُه

أولآ سَلآمتكْ وسلآمة مُخك ..
أختِي في أيْ علآقَة كآنتْ مآكآنشْ كيمآ الصرآحَة ، صآرْحي زوْجكْ ومآ تخَليهآشْ في قلْبكْ تبْقآيْ تطَلعي وَ تهَبطِي ..
الطفْلة بآينةْ وآشْ تحوسْ عَ الفسآدْ ، مآلآ نتِي أهدْري مع زوجكْ وهوَ يتْصرفْ .. وإذا علَى إتصآلآتهآ المتَكررَة غيرْي شَريحَة الهآتفْ ..
كُونِي حكِيمةْ ولآ تتسَرعِي ، مآتخَربيشْ دآركْ بيَدك
رَبي يوفقكْ
​