استفسار اخواتى الكريمات

[ام عبير]

هل الملون الغدائى الغبرة صحى ام لا لان الكل يقول اشرى الملون الصحى وانا صرحتا اشترى الغبرة عدنا نخفو من كلش كل حاجة برا عدت انخوف بانتظار لاشتر:s:sى الملون واش تنصحون

 

[ندى الورود]

رد: استفسار اخواتى الكريمات

أهلا أختي
الملونات بكل أنواعها البودرة ولا السائلة كلها غير صحية
تبقى مواد إصطناعية ويضيفولها مواد حافظة وأشياء اخرى لا نعرفها
هنا عمرها لا تكون الحاجة الإصطناعية صحية
أنا من الناس اللي ما نحبش الملونات بصح نحاول ندخلها في الحلويات كديكور
مثلا لعمل وردة أو أوراق ومرات قليلة وين نتستخدم الملونات في العجينة تاع الحلويات
مع الحلويات العصرية الجزائرية مضطريين ندخلو الملونات
حاولي ما تكثريش منها برك
​

 

[ام عبير]

رد: استفسار اخواتى الكريمات

برك الله فيك يا اختى ندى سقسيت عندبلى كاين لان هداك النهار سمعت فى التلفاز قلت لتصيب اشروا الملونات الصحية علبيها سقسيت اختى عندبللى راه يتباع طولت عليك حنونة رب يخلك

 

[ندى الورود]

رد: استفسار اخواتى الكريمات

ما نظنش اختي كاين ملونات غذائية صحية كل ما هو إصطناعي غير صحي
هذه الناس كامل تعرفها بصح اختي لازم نعرفوا كيفاش نتصرفو
مثلا انا القاطو المزين بالورود الملونة والاوراق وغيرها اللي نزينو بيها القاطو ما ناكولهاش نرميها

​

 

[ام الحلوين]

رد: استفسار اخواتى الكريمات

مرحبا اختي
كيما قالت الاخت ندى الملونات غير صحية و ممكن تستعمليها بصح ماتكثريش

انا مرة ماكاش عندي الملون و صنعت مخبز و حبيت القلاصاج يكون ملون ماشي ابيض و هنا خممت و خممت و طاحت عليا الفكرة الجهنمية هههه
جبت البيطراف و هرستو بالفرشيطة و صفيت العصير تاعو واستعملتو و خرجلي اللون مووووف رائع و حتى ريحة البيطراف ماشي باينة

اتمنى نكون افدتك اختي الكريمة

 

[ندى الورود]

رد: استفسار اخواتى الكريمات

مرحبا اختي
كيما قالت الاخت ندى الملونات غير صحية و ممكن تستعمليها بصح ماتكثريش

انا مرة ماكاش عندي الملون و صنعت مخبز و حبيت القلاصاج يكون ملون ماشي ابيض و هنا خممت و خممت و طاحت عليا الفكرة الجهنمية هههه
جبت البيطراف و هرستو بالفرشيطة و صفيت العصير تاعو واستعملتو و خرجلي اللون مووووف رائع و حتى ريحة البيطراف ماشي باينة

اتمنى نكون افدتك اختي الكريمة

ايه يا ام الحلوين انا مرة قريت في منتدى عربي طريقة
عمل ملونات غذائية صحية من الاطعمة اللي ناكلها كيما الشمندر والبقدونس والملفوف
ومرة شفت حورية زنون دارت خبز هامبرغر بالبطراف خرجلها لون وردي يهبل