معاناتي بسبب عدم الزواج

[etmeriem]

السلام عليكم اخواني اخواتي....

حبيت نفرغ قلبي من خلال موضوعي هذا.....

ربما حالتي غربية نوعا ماولكنها بالنسبة الي هي مشكلة خلقت لدي عقدة نفسية اتجاه محيطي الذي اعيش فيه... حسنا انا متخرجة وعاملة ابلغ 27 سنة من العمر ولو مرة في حياتي تقدم لي رجل يخطبني... علبالي مكتوب ربي والزواج رزق وراني صابرة الحمد لله وراضية بكل شيئ عطاهولي ربي ...ولكن المشكل الذي جعلني في حالة نفسية يرثى لها هو انو كل بنات الجيران سواءا الاصغر مني او من مثل عمري تزوجو الله يبارك ورزقو باولاد بقيت غير انا وحدي بلا خطيب ولا زوج...صراحة نحس روحي ناقصة ولما نتلاقا بامهات بنات الجيران تزيد نفسيتي تتحطم ... لأنو دائما يسألونني هل من جديد فجوابي دائما لا جديد ...كيما يقولو ما يحس بالجمرة غير لي كواتو ... يجيني وحد الاحساس رهيب جدا ونقول في نفسي لما انا في هذا الموقف بالطبع شعور مؤلم.... وبالتالي راني متقلقة على الزواج حالتي النفسية متدهورة ... حبيت نصائحكم وارائكم فيما اعانيه احبائي من فضلكم....

 

[maissoun]

رد: معاناتي بسبب عدم الزواج

يا اختي فا الزواج قصمة وانصيب كم من فتاة تزوجت وندمت من كترة الضرب و اهناة يا اختي تدكري بانكي مازلت صغيرة عليك بصلاة ودعاء وكترة استغفار وصلاة الفجر صدقني فالله سوف يهبلك اجمل واروع زوج تتمناه اي فتاة اكتري من دعاء فهو الدي يرزق ولا تابهي لكلام الناس يا حلوة يارب يارزق بزوج صالح ما تنسيش تعرضني فقط

 

[sahiko hamza]

رد: معاناتي بسبب عدم الزواج

وعليك السلام ورحمة الله


يا اختي عيب وعار عليك انك تحطمي روحك بروحك
كيفاه تحزني والخالق راه بحداك
ربي ديما بحدا عبدو ويحب يتاستيه ويشوفو يصبر ولا لا
انتي التاست تاعك جا هكذا تسايليه ؟
اختي فيقي لروحك وتوبي الى الخالق
ماتلقي حتى واحد كيفوا

لا إلاه إلا أنت سبحانك اني كنت من الضالمين .
​

 

[ام أمينة]

رد: معاناتي بسبب عدم الزواج

الزواج يا اختي مكتوب ربي سبحانو
اكثري من الاسثغفار و الدعاء
و ربي يرزقك بالزوج الصالح

 

[Ma$Ter]

رد: معاناتي بسبب عدم الزواج

السلام عليكم ورحمة الله
اختى يوجد الالاف مثلك
الحل انك تدعى ربي وتصلى وتتعبدي
وان شاء الله يرزقك بزوج صالح
ربي يفرج عليك اختى
​

 

[السلطانة]

رد: معاناتي بسبب عدم الزواج

ربي إني لما أنزلت إليّ من خير فقير

لا إله إلا انت سبحانك إني كنت من الظالمين

عند كل صلاة

ربي يسهلك ان شاء الله و يرزقك الزوج الصالح

ومتخليش الافكار السوداء تلعبلك براسك قارية وفاهمة
والحمد لله متديريش كيما الناس الجاهلة لي راهم يحاولو غير يعيشوك في دوامة
ربي يهديهم


​

 

[etmeriem]

رد: معاناتي بسبب عدم الزواج

شكرا لكم اخواني اخواتي حفظكم الله وجزاكم كل خير.... نصائحكم جد مفيدة لي وسررت بها

 

[رنيم الصمت]

رد: معاناتي بسبب عدم الزواج

مرحبا اختي
انت في 27 و مثقفة و تخمي بهاد الطريقة
كيما يقولو كل تأخير فيه خير و مازال الطريق قدامك و لي يسقسيك كاش جديد و ميكونش قوليلهم مزال ربي مكتبش بكل ثقة ووجهك احمر
صلي و استخيري و ادعي ربي يقدملك لي فيه الخير ليك
​

 

[meriem1988]

رد: معاناتي بسبب عدم الزواج

السلام عليكم أختي العزيزة انا ايضا مثلك اريد ان اتزوج و ان تكون لي عائلتي الصغييرة اولاد و زوج محب ولكن الالم الذي عشته عند فسخ خطبة دأمت 5 سنوات لم يندمل بعد الم يفقدك ثقتك بنفسك وبالاخرين الم يجعلك تفكرين الف مرة قبل ان ترتبطي بشخص تامنينه علىحياتك
المستقبل الفرح قادم و السعادة اتية و تذكري ما منعك الله من شيئ طلبته الا ليعطيك خيرا منه وكوني على يقين ان من لم يتقدم لخطبتك فهو الخاسر

 

[hadda0425]

رد: معاناتي بسبب عدم الزواج

ما نعرف علاه الناس تحشر نيفها فيما لا يعنيها امهات لبنات جيرانك لي يتزوجو متيقنين بلي بناتهم سعيدات ومتهنيات في ديارهم ولا المهم راهم مزوجات وخلاص ويبداو يقرعجو على الغاشي
ننصحك يا اختي انت انسانة مثقفة ومتعلمة وعاملة ما تخليش الناس تلعب براسك والزواج مكتوب من عند الله
اذا انت متخلقة وراضية بقسمة ربي امشي وراسك مرفوع وكي ما تتزوجيش مش نهاية العالم
​

 

[**laila**]

رد: معاناتي بسبب عدم الزواج

السلام عليكم..

لا تفكري بالزواج فقط..عليك ان تكون نيتك ارضاء ربك و هكذا لن تشعري بأي وجع او احباط

و بهذا تبلغين السعادة بالنية الحسنة ...فالسعادة ليست في رجل..بل بالقرب من الله

 

[زهرةالنرجس93]

رد: معاناتي بسبب عدم الزواج

صح ما يحس بالجمره غير اللي كواتو بصح هذا مكتوب ربي و حتى واحد مايقدر يغير فيه و الزواج ماشي هو كلشي في هذي الدنيا تخيلي روحك تزوجتي وجبتي دراري و مبعد تلقاي راجلك ماشي صالح ونتاع دعاوي شر ماشي تقولي لو كان غير متزوجتش وتندمي اصلا مازالكي صغيرة معندك ما ديري به
تقبلي تحياتي وانشالله يرزقك زوج صالح

 

[أم راضية ~_]

رد: معاناتي بسبب عدم الزواج

السلام عليكم
يا اختي الزواج قسمة ونصيب
ادا كان ربي كتبلك تتزوجي رايحة تتزوجي وادا لا يا لوكان يكون كل يوم يجيك خاطب ..
والزواج ماهوش هو كل الحياة .. و لا هو جنة الارض ..
وادا كان كل من حولك تزوجو وزعمة يبينولك بلي راهم في عايشين كيما تمناو وكيما احلامهم ما تصدقيش
كل وحدة وحتى ادا تزوجت قادرة تكون تعيسة او قادرة تكون تتمنى تقرا وتخدم كيما نتي
شوفي للنص المعمر من الكاس
و ماتنسايش الدعاء لربي وكثرة الاستغفار حلّ لكل شيء ولكِ في قصص الانبياء عبرة
ربي يهنيك اختي و يعطيك ما تتمناي​

 

[etmeriem]

رد: معاناتي بسبب عدم الزواج

شكرا كثيرا لكم على ردودكم التي كانت في محلها ... شكرا لكم على تشجيعاتكم

 

[nanoche]

رد: معاناتي بسبب عدم الزواج

27 سنة مازالكي صغيرة وعلاش راكي تشوفي في روحك كبرتي
واذا ربي أخرلك الزواج فالأكيد انو أعطاكي ما هو أحسن ديجا كي راكي خدامة و تاكلة على روحك الدنيا و ما فيها كاين مسكينات اللي تجاوزوا الاربعين ولا خدمة لا زدمة و لا دار هانية
كاين اللي راهي طالبة الهنا في دار باباها و ما لقاتوش يا بنتي
احمدي ربي على اللي اعطاك و ادعيه يزيدلك من نعيمو
​

 

[etmeriem]

رد: معاناتي بسبب عدم الزواج

27 سنة مازالكي صغيرة وعلاش راكي تشوفي في روحك كبرتي
واذا ربي أخرلك الزواج فالأكيد انو أعطاكي ما هو أحسن ديجا كي راكي خدامة و تاكلة على روحك الدنيا و ما فيها كاين مسكينات اللي تجاوزوا الاربعين ولا خدمة لا زدمة و لا دار هانية
كاين اللي راهي طالبة الهنا في دار باباها و ما لقاتوش يا بنتي
احمدي ربي على اللي اعطاك و ادعيه يزيدلك من نعيمو
​

بارك الله فيك اختي ...احسنتي قولا

 

[يونس الصديق]

رد: معاناتي بسبب عدم الزواج

السلام عليكم

اهلا بيك اختنا
قضيتك قضية عامة ولا تشملك وحدك فلست الوحيدة التى تريدين الزواج فهناك من هم أكبر منك ولعلمك
مزال لديك كل الوقت فمازلت صغيرة السن ، وأصلا الزواج لا يقاس بالسن نحن من أردناها هكذا ، بل يقاس بالوزن
والعقل والأخلاق والتربية الحسنة والمسؤولية

الأهم يا اختاه في حياتك والشيئ الايجابي فيها انك تريدين الزواج وأداء ما أمره الله ، لان هناك من النساء من قررت
عدم الزواج حتى تلقى الله ولي أمثلة حية على ذلك فى منطقتي وحسابها عند الله عظيم
انت بين يدي خالقك وخالقنا ، فلو كنتي بين يدي عبد او انسان لكنت قلت لك اقطعي الأمل ، أما ان تكون حياتك مدبرة من
خالق الكون فلا يأس ولا حزن ولا احباط لتكن حياتك عزم فكم من نائبة ظن السابقون انها لن تفرج وقد فرجت باذن ربها
لا أريد نصحك بما تعلمينه او قد قاله قبلي الكثيرون

انما أضيف شيئا ، * كوني شديدة الثقة بالله ان يدبر لك فى الغيب أمورا لو تعلمينها ستصرعين راكعة حامدة شاكرة *

حياتك نعمة
ومشلكتك نعمة
وفرجها نعمة
وكل ما في الدنيا نعمة فلا تتعسري واطلبي اليسر يأتيك راجلا ولو بعد وقت طويل

أدعو الله لك بالفرج والحياة السعيدة مع الزوج المناسب والبنين الحلال
موفقة

 

[chr-ndj]

رد: معاناتي بسبب عدم الزواج

ربى و رحمتو الزواج قسمة و نصيب و بيد ربى كون بيدينا نبعثولك راجل دوكا يا المهبولة او مازالكى صغيرة 27 سنة و الله يبارك خدامة و واش خصك ماتفقديش الثقة فى نفسك خلاص .....نتى ديرى لى عليك مع ربى و مع لعباد حاجة ربى ماتكسريش راسك فيها مره ......و زيد نشاء الله كى ليوم فى المنتدى ديرينا تزوجت باركولى ​

 

[جزائرية للابد18]

رد: معاناتي بسبب عدم الزواج

كلشي بالمكتوب لحبيبة
اعرف فتاة في سنك والله غير كرهت الحياة و فقدت الامل في انها تزوج ومن حيث لا تدري خطبها واحد والحمد لله عرسهم قرييب لا تقنطي من رحمة الله الزينة كلشي بالمكتوب و كون علبالك بواش راهو مخبيلك ربي والله غير تندمي على هاد الايام اللي ضيعتيهم تعقدي في روحك خلي املك بربي كبير ان شاء الله يفرج عليك ربي

 

[عاشقة الصمت 13]

رد: معاناتي بسبب عدم الزواج

فرج الله قريب ان شاء الله
​