بثيــــنة 19
:: عضو فعّال ::
كاين واحد اسمو عمي عيسى
يخدم ماصو في شريكة
وحد النهار قاللهم المدير غدوة يجينا المير وجدو رواحكم
جا المير
لقاهم واقفين بدا يبوجر عليهم أهلا .. أهلا .. أهلا .. حتى لحق لعمي عيسى
قالو أهلا عمي عيسى ( معريفة ) وشحل عليه زوج قدر وجبدو وحدو وقعد يحكي معاه
المدير تكاكا في راسو وقال هذا وين يعرفو ... ؟؟ أيّ سكت المدير وبلعها
وحد النهار قاللهم غدوة يجينا الوالي وجدو رواحكم
جا الوالي
لقاهم واجدين وبدا يبوجر أهلا .. أهلا .. أهلا .. حتى لحق لعمي عيسى
قالو أهلا عمي عيسى ( هذا ثاني معريفة ! ) وشحل عليه ربعة قدر وداه لهيه
المدير دخل في بعضاه وقال هذا ثاني يعرفو ؟؟؟ والله حالة ؟؟
وحد النهار قاللهم غدوة يجينا الوزير وجدو رواحكم
جا الوزير
لقاهم واجدين .. أهلا .. أهلا .. أهلا .. لحق لعمي عيسى
قالو أهلاااااااا عمي عيسى ( هذي قالتلهم أرقدو !!! ) وتلاح يتحضن فيه وقالو هيا نروحو نديرو قهاوي ؟؟؟
كي رجع عمي عيسى قالو المدير : تعرف المير وقلنا ماعليه ! .. الوالي وقلنا ثاني ماعليه !.. تعرف حتى الوزير !!!
قالو عمي عيسى : أنا ...... أنا مايكل جاكسون صاحبي ونعرفو مليح !!!!
المدير : أيّ بركا من التكسال ، قالو عمي عيسى : راني نقلك مايكل صاحبي ..
قالو المدير : ياخوي كلش خالص عليّ السمانة الجاية رانا في الماريكان عند مايكل نتاعك ونشوفوك !؟
أيّ راحو للماريكان ، كي لحقو سقساو على مايكل قالولهم راه داير حفلة في وحد لاصال
دخلو لاصال ..
مايكل كان شاد الميكرو ويغني ، كي شاف عمي عيسى طيش الميكرو وحبس لغنا وراح يجري لعمي عيسى يتحضن فيه
المدير ما صدقش باللي هذاك مايكل جاكسون هههههه
راح لواحد من الغاشي لي كانو حاضرين سقساه قالو صح هذاك مايكل جاكسون ؟!
خزر هذاك السيد لمايكل جاكسون وقالو والله ما علابالي مي لي معاه عمي عيسى !!!!! ههههههه
والمدير هبل وراهو متواجد حاليا في مصحة الأمراض العقلية !
ههههههههههههههههههههههههههههههه
يخدم ماصو في شريكة
وحد النهار قاللهم المدير غدوة يجينا المير وجدو رواحكم
جا المير
لقاهم واقفين بدا يبوجر عليهم أهلا .. أهلا .. أهلا .. حتى لحق لعمي عيسى
قالو أهلا عمي عيسى ( معريفة ) وشحل عليه زوج قدر وجبدو وحدو وقعد يحكي معاه
المدير تكاكا في راسو وقال هذا وين يعرفو ... ؟؟ أيّ سكت المدير وبلعها
وحد النهار قاللهم غدوة يجينا الوالي وجدو رواحكم
جا الوالي
لقاهم واجدين وبدا يبوجر أهلا .. أهلا .. أهلا .. حتى لحق لعمي عيسى
قالو أهلا عمي عيسى ( هذا ثاني معريفة ! ) وشحل عليه ربعة قدر وداه لهيه
المدير دخل في بعضاه وقال هذا ثاني يعرفو ؟؟؟ والله حالة ؟؟
وحد النهار قاللهم غدوة يجينا الوزير وجدو رواحكم
جا الوزير
لقاهم واجدين .. أهلا .. أهلا .. أهلا .. لحق لعمي عيسى
قالو أهلاااااااا عمي عيسى ( هذي قالتلهم أرقدو !!! ) وتلاح يتحضن فيه وقالو هيا نروحو نديرو قهاوي ؟؟؟
كي رجع عمي عيسى قالو المدير : تعرف المير وقلنا ماعليه ! .. الوالي وقلنا ثاني ماعليه !.. تعرف حتى الوزير !!!
قالو عمي عيسى : أنا ...... أنا مايكل جاكسون صاحبي ونعرفو مليح !!!!
المدير : أيّ بركا من التكسال ، قالو عمي عيسى : راني نقلك مايكل صاحبي ..
قالو المدير : ياخوي كلش خالص عليّ السمانة الجاية رانا في الماريكان عند مايكل نتاعك ونشوفوك !؟
أيّ راحو للماريكان ، كي لحقو سقساو على مايكل قالولهم راه داير حفلة في وحد لاصال
دخلو لاصال ..
مايكل كان شاد الميكرو ويغني ، كي شاف عمي عيسى طيش الميكرو وحبس لغنا وراح يجري لعمي عيسى يتحضن فيه
المدير ما صدقش باللي هذاك مايكل جاكسون هههههه
راح لواحد من الغاشي لي كانو حاضرين سقساه قالو صح هذاك مايكل جاكسون ؟!
خزر هذاك السيد لمايكل جاكسون وقالو والله ما علابالي مي لي معاه عمي عيسى !!!!! ههههههه
والمدير هبل وراهو متواجد حاليا في مصحة الأمراض العقلية !
ههههههههههههههههههههههههههههههه
![!≈[سُِـِيٌــِـِفّ اٌڷِخً‘يٌـرُ]≈!](/forum/data/avatars/s/99/99162.jpg?1668076278){kind=avatar}
