لازم ندير حفلة تكسر الدنيا ....

[hadda0425]

بسم الله الرحمان الرحيم
​

اليوم جيتكم موضوع يهم كل اسرة ​

الاطفال احباب الله ..... طبعا مكانش لي مايحبش يفرح بولادو ويفرحهم ولو بابسط هدية .. لكن ..
بمانو حنا على ابواب الافراح والنجاحات في الشهادت الدراسية حبيت نتكلمو شوية على الاحتفالات تع النجاح لهذه الايام
بالرغم في القديم الطلبة ينجحو ويفرحو وبدون حفلة ولا فوضى

حنا نجحنا حبة قوفريط مكانش هههه
​

حفلات النجاح ظاهرة تفشت في وسط الاسر الجزائرية واصبح شغلهم الشاغل حتى الزوالي يخمم كيفاه يدير حفلة ويصرف ويبذر من غير ما يقرا العاقبة
​

التقليد الاعمى والتفاخر بين الاسر خاصة الامهات قالك جارتي دارت لبنتها كذا وكذا انا نزيد شوية خير منها وتنسى بلي المبذرين اخوان الشياطين ​

انا هنا مش ضد الوالدين يفرحو بابناءهم لكن الفرح في حدود ..حفلة بسيطة جدا بين الاصدقاء او صينية قهوة بين الاحباب هذا لتشجيع الطالب على استمرارية النجاح والتفوق ومكافئته على تعب طول السنة لكن مش للتفاخر والتباهي وما ننساوش بلي كاين فئة ما تقدرش على هاد الحفلات

اخيرا نقلكم تقدرو ترسمو الفرحة على ابنائكم بابسط الاشياء

علبالي في جعبتكم وش تحكيو :d نخليلكم الساحة بدون فوضى
​

 

[ابوندى]

رد: لازم ندير حفلة تكسر الدنيا ....

تم الاعتماد

 

[SAMIRA25]

رد: لازم ندير حفلة تكسر الدنيا ....

اهلا حدة موضوع مليح و راه في وقته
انا الحمد لله ربي يعيشلي ماما و يجازيه كانت لي ينجح تعمله حفلة صغيرة و نعرضو اصدقاءنا المقربين تشجعنا باه نقراو اكتر و تبقى ذكريات رائعة نتذكر حفلة شهادة المتوسطة و حفلة الباك تاع السيزيام ما نيش متذكرة عملتلي و لا لا نسيت و حفلة التخرج تاني متذكرتها بصح في الجامعة ماش في الدار
عندك تعودي ما ديريش لولادك كي ينجحو فرحيهم حتى و لو بشوي حلويات نعرفك فحلة

 

[Ma$Ter]

رد: لازم ندير حفلة تكسر الدنيا ....

السلام عليكم ورحمة الله
اختى حدة الضاهرة انتشرت كثيرا والوالدين لى ساهمو فى انتشارها
يحبو يقلدو ويحبو يقلشو ولادهم
على ماكانش يعمل حفلة ويعرض الناس
انا جامى عملت هاذ الحفلات
ربي يجيب الخير
بارك الله فيك اختى
​

 

[♥♥سارة♥♥]

رد: لازم ندير حفلة تكسر الدنيا ....

السلام عليكم
موضوعك راه رائع
كاين لي يحتفل بولاده على جال صلة الرحم
كما حنا حتفلنا بخوتي كي ربحوا
عرضنا العمات و العموم و الخالات و الاخوال
العائلة راها تشوف بعضاها غيل فالمناسبات :-o
الله يجيب الخير
و كل واحد والامكانيات تاوعه
ماشي يمشي يسيف على راحه
و لعقوبة نفرحوا بكامل ولاد و بنات الجزائر
و نتمنالهم من هذا المنبر النجاح ​

 

[سُـمـّــوو~]

رد: لازم ندير حفلة تكسر الدنيا ....

السلام عليكم

موضوع جيد و في زقته

انا على حسب رايي نشوف بلي الناس اللي يبذروا و يبالغوا في الاحتفال
هاذي عرضة و هاذي قهوة وهاذي غداء و هذا عشاء الخ الخ
نشوفهم ناس تافهين و سطحيين

صحيح كيما يقولوا الله لا يقطعلنا عاد
بصح شويا قاطو مع قازوز ولا قهوة يحطوها للضياف فيها براكة

التبذير لا وصى عليه لا ربي و لا الرسول

عندنا جارتنا بنتها ادات البيام دارت ديجي في لاصال ، وعرضت البلاد كامل ، وملي رحنا وحنا ناكلوا ههه
هاذي قهوة وهاذا اكريم و هذا عصير ، والقاطو دارت انواع بزاف ، و في الاخير دارت عشاء مليح بلاك ذبحت بقرة الله اعلم ههه

المهم ، علااااااه هذا التبذير كل علااااه ،، حرام و الله
هذا الشيء كل بيام كون جات باك و لا ليسانس وش ديريلها


حنا في عايلتي ماما ماتحبش النش ،، ادينا الكل الباك والحمد لله مادرناش هذي الحفلات تاع التبذير
وادينا ليسانس وكملنا قرايتنا ماستر ،، الخ الخ الخ ،، وكله في ستر الله





الخلاصة ،، رايي : ضد كل هذه المبالغة في الاحتفالات​

 

[hadda0425]

رد: لازم ندير حفلة تكسر الدنيا ....

تم الاعتماد

شكرا لاعتماد الموضوع
​

 

[hadda0425]

رد: لازم ندير حفلة تكسر الدنيا ....

اهلا حدة موضوع مليح و راه في وقته
انا الحمد لله ربي يعيشلي ماما و يجازيه كانت لي ينجح تعمله حفلة صغيرة و نعرضو اصدقاءنا المقربين تشجعنا باه نقراو اكتر و تبقى ذكريات رائعة نتذكر حفلة شهادة المتوسطة و حفلة الباك تاع السيزيام ما نيش متذكرة عملتلي و لا لا نسيت و حفلة التخرج تاني متذكرتها بصح في الجامعة ماش في الدار
عندك تعودي ما ديريش لولادك كي ينجحو فرحيهم حتى و لو بشوي حلويات نعرفك فحلة

سميرة الباروك فيها فيها لكن مش لدرجة انو الانسان يدير فوضى وانقلابات هههه
بالتوفيق لجميع اولادنا
​

 

[hadda0425]

رد: لازم ندير حفلة تكسر الدنيا ....

السلام عليكم ورحمة الله
اختى حدة الضاهرة انتشرت كثيرا والوالدين لى ساهمو فى انتشارها
يحبو يقلدو ويحبو يقلشو ولادهم
على ماكانش يعمل حفلة ويعرض الناس
انا جامى عملت هاذ الحفلات
ربي يجيب الخير
بارك الله فيك اختى
​

طبعا اخي حكيم خاصة الام تغلبها الحنية اولا والتباهي ثانيا وتطورمن قهيوة تولي عشيوة من عشيوة تعود العرضة بلي كارت :-r
​

 

[hadda0425]

رد: لازم ندير حفلة تكسر الدنيا ....

السلام عليكم
موضوعك راه رائع
كاين لي يحتفل بولاده على جال صلة الرحم
كما حنا حتفلنا بخوتي كي ربحوا
عرضنا العمات و العموم و الخالات و الاخوال
العائلة راها تشوف بعضاها غيل فالمناسبات :-o
الله يجيب الخير
و كل واحد والامكانيات تاوعه
ماشي يمشي يسيف على راحه
و لعقوبة نفرحوا بكامل ولاد و بنات الجزائر
و نتمنالهم من هذا المنبر النجاح ​

ايه يا بنتي قليل لي يفهملك هاد تع قهيوة بين الاحباب تتحرك حاجة يبدا اللوم من طرف
وتاني كيما قلتي كل واحد الامكانيات لكن كاينين ناس الله غالب عليها مي كي يشوفو الفرحة تع خرين تغيضهم ولادهم لوكان يلقى يبيع روحو باه يدير حفلة
​

 

[nawal1980]

رد: لازم ندير حفلة تكسر الدنيا ....

حدة بارك الله فيك اختي على الموضوع
كما قالت الاخت صارة ولينا نشوفو بعضنا في المناسبات والعرضة يكونو فيها اقرب المقربين يعني الااعمام والاخوال وبس ماشي عرس حاجة صغيرة لتشجيع الصغار وخلاص

 

[hadda0425]

رد: لازم ندير حفلة تكسر الدنيا ....

السلام عليكم

موضوع جيد و في زقته

انا على حسب رايي نشوف بلي الناس اللي يبذروا و يبالغوا في الاحتفال
هاذي عرضة و هاذي قهوة وهاذي غداء و هذا عشاء الخ الخ
نشوفهم ناس تافهين و سطحيين

صحيح كيما يقولوا الله لا يقطعلنا عاد
بصح شويا قاطو مع قازوز ولا قهوة يحطوها للضياف فيها براكة

التبذير لا وصى عليه لا ربي و لا الرسول

عندنا جارتنا بنتها ادات البيام دارت ديجي في لاصال ، وعرضت البلاد كامل ، وملي رحنا وحنا ناكلوا ههه
هاذي قهوة وهاذا اكريم و هذا عصير ، والقاطو دارت انواع بزاف ، و في الاخير دارت عشاء مليح بلاك ذبحت بقرة الله اعلم ههه

المهم ، علااااااه هذا التبذير كل علااااه ،، حرام و الله
هذا الشيء كل بيام كون جات باك و لا ليسانس وش ديريلها


حنا في عايلتي ماما ماتحبش النش ،، ادينا الكل الباك والحمد لله مادرناش هذي الحفلات تاع التبذير
وادينا ليسانس وكملنا قرايتنا ماستر ،، الخ الخ الخ ،، وكله في ستر الله





الخلاصة ،، رايي : ضد كل هذه المبالغة في الاحتفالات​

هذا هو الرد لي بغيتو يعطيك الصحة اختي
شفتي ناس ما تفكرش المهم تنعت روحها بيام في لاصال كي تتزوج ديرلها عرس في المريخ
يقول ابوبكر الصديق( رضي الله عنه ) :اني لابغض اهل بيت ينفقون رزق ايام في يوم واحد
بوركتي اختي مشكورة على التفاعل

​

 

[hadda0425]

رد: لازم ندير حفلة تكسر الدنيا ....

حدة بارك الله فيك اختي على الموضوع
كما قالت الاخت صارة ولينا نشوفو بعضنا في المناسبات والعرضة يكونو فيها اقرب المقربين يعني الااعمام والاخوال وبس ماشي عرس حاجة صغيرة لتشجيع الصغار وخلاص

يبارك فيك اخت نوال
هذا هو المقصود حاجة خفافي للفرحة برك حتى ولو بين جيرانك فقط
​

 

[السلطانة]

رد: لازم ندير حفلة تكسر الدنيا ....

وعليكم السلام

والله ياحدودة فكرتيني في جارتنا نهار دا ولدها السيزيام دارتلو حفلة كبيرة بالديدجي مباعد العام الجاي عاود العام
يعني حنا شعب نزيدو فيها شويا العبد يعرف كيفاه يفرح ماش يتبهلل وزيد فيها حتى تصماط
شكغن :p

 

[حاملـة المسك]

رد: لازم ندير حفلة تكسر الدنيا ....

السلام عليكم

مشكورة ختي حدة
معليش الواحد يفرح ولادو بحفلة صغيرة..الطفل نفسو راح يشعر بلي اجتهاده و نجاحه مهتم فيه.
نعرف وحدة مجابتش الباك دارت حفلتها و قالت نفايل بيها..
وجدي روحك حدة راني جياتك مع الاخوات و نحطوك امام الامر الواقع
طمة و لمة و نت راضية مبتسمة :d
// و متنساينيش بالزبدة الحرة :p

و مغسي ليك دافونص :regards01:​

 

[Melia azedarach]

رد: لازم ندير حفلة تكسر الدنيا ....

يكسرو الدنيا بالحفلات ويتفاخرو بولادهم ونجاحاتهم
والمشكل أنو الروس يلي نجحت فارغة .. مش كامل بصح الأغلبيّــة..


صحيتي على الموضوع الرائع طاطا .. ويلي يسلط الضوء على اشياء يجري وراها مجتمعنا..
ويتخلى من جهة أخرى عن المبادئ والقيم يلي تربينا عليها
​

 

[hadda0425]

رد: لازم ندير حفلة تكسر الدنيا ....

وعليكم السلام

والله ياحدودة فكرتيني في جارتنا نهار دا ولدها السيزيام دارتلو حفلة كبيرة بالديدجي مباعد العام الجاي عاود العام
يعني حنا شعب نزيدو فيها شويا العبد يعرف كيفاه يفرح ماش يتبهلل وزيد فيها حتى تصماط
شكغن :p

ايه حفلة تع سيزيام فيها عرضات وحفلات وزغاريد تقول عرس في نزل 5 نجوم
شكرا ساندي
​

 

[hadda0425]

رد: لازم ندير حفلة تكسر الدنيا ....

السلام عليكم

مشكورة ختي حدة
معليش الواحد يفرح ولادو بحفلة صغيرة..الطفل نفسو راح يشعر بلي اجتهاده و نجاحه مهتم فيه.
نعرف وحدة مجابتش الباك دارت حفلتها و قالت نفايل بيها..
وجدي روحك حدة راني جياتك مع الاخوات و نحطوك امام الامر الواقع
طمة و لمة و نت راضية مبتسمة :d
// و متنساينيش بالزبدة الحرة :p

و مغسي ليك دافونص :regards01:​

ايه متفاهمين حفلة صغنونة برك ماشي تكنولوجيا هههه
ايووووه اهلا وسهلا على العين والراس نربعو ترباع الالة سنيوة في لرض مع زربية بوشليق
وقهيوة الغلاية وكعبوش بالدهان الحر ما يكون الا خاطرك انت اوصلي برك تلقاي كل شي قدامك
معليش عاونيني اعجنيهولي :d

​

 

[hadda0425]

رد: لازم ندير حفلة تكسر الدنيا ....

يكسرو الدنيا بالحفلات ويتفاخرو بولادهم ونجاحاتهم
والمشكل أنو الروس يلي نجحت فارغة .. مش كامل بصح الأغلبيّــة..


صحيتي على الموضوع الرائع طاطا .. ويلي يسلط الضوء على اشياء يجري وراها مجتمعنا..
ويتخلى من جهة أخرى عن المبادئ والقيم يلي تربينا عليها
​

صح كلامك
وشكرا على المرور الطيب
​

 

[بنت لبحر]

رد: لازم ندير حفلة تكسر الدنيا ....

انك تعملي حفلة صغيرة تفرحي بيها وليدك بنجاح حاجة مليحة مي توصل الدرجة و ين وصلو حفلة تاع 6 ابتداىي ديرها في قاعة حفلات الملاين لي تخسرهم على جال ساعة او ساعتين تباني ماشي نوغمال تبانلي كون تخبيلوالدراهم هادوك في لابونك كي يكبر يلقاهم ماشي خير .مليح ديري حفلة صغيرة في الدار من جيهة تحفزو على القراية و من جيهة تفرحيه مي التبدير هداك و الله حرام الناس ملقات ما تاكل و ناس حفلة تاع ابتداىي تخسر عليها الملاين و تلقايه العام لي بعدو يعاودو