وصفة زلابية رمضان لأختي حدة ولكل الأخوات

[أم علاء الدين]

كانت أختي حدة ربي يباركلها طلبت مني وصفة زلابية أعتذر على التأخر وأقول لك يا الغالية هذه ليست وصفتي بل لأخت من منتدى آخر طبقتها والنتيجة رائعة
اليك الوصفة بقلمة صاحبتها ربي يباركلها ويرزقها الجنة
المقادير:
3 كيسان فرينة
نص كاس مايزينة
ملعقة أكل خميرة خبز مذوبة في شوية ماء دافئ
ملعقة اكل سكر
قرصة ملح
شويةزعفران
3 كؤوس ماء دافي

نخلط الكل بالخلاط الكهربائي

ثم نغطيها و نخليها تخمر مدة نصف ساعة

ثم نحركها و نخرجلها خمورها و نديرها في علبة مايونيز و نرجها كل ما نروح ندير لانو راح تزيد تخمر فالقارورة

في زيت ساخن و على نار متوسطة نبدا نشكل في الزلابية دوائر
نخليها تحمار من جهة ثم نقلبها للجهة الثانية تحمار

ثم نغطسها في عسل يكون دافي شوووووووووية برك
العسل انا استعملت المرجان و راه المرجان عاقد بزاف لذلك سخنتو قبل نص ساعة يعني قبل ما نبدا نحضر فالخليط و خليتو يبرد على مهل

و لما نعسلوها ما نغطسوهاش كامل لانو تتشرب بسرعة يعني ديريها فالعسل غير من فوق لفوق و بسرعة نحيها ما تخليهاش اطول فالعسل
و ديريها في كسكاس تقطر و وقفيها باش ختها اللي تكون سخونة ما تخليهاش تطرالك
و هذا هو الشكل النهائي و ان شاء الله تعجبكم الوصفة

ملاحظة: هاذ المقادير رايحة تعطيلك كمية لا بأس بيها
وهذا تطبيقي
تفضلو

​

 

[بنت السلطان]

رد: وصفة زلابية رمضان لأختي حدة ولكل الأخوات

ممممم زلابية وعليها الكلام


ما شاء الله

يعطيك الصحة

 

[om asma]

زلابية هايلة يعطيك الصحة

 

[minahayate]

رد: وصفة زلابية رمضان لأختي حدة ولكل الأخوات

الدوق كيما تاع برا ولا

 

[Djaouida]

رد: وصفة زلابية رمضان لأختي حدة ولكل الأخوات

ممممم والله شهتني بيها
يعطيك ألف عافية

 

[نبض الحياة]

رد: وصفة زلابية رمضان لأختي حدة ولكل الأخوات

السلام عليكم
اممممممم شهيتيني حبيبتي
يعطييك الصحة حنووونة