وينتا ....بيض وماء الزهر

[غدر الزمان]

السلام عليكم
حبيت نسقسيكم وينتا نجمعو العقدات بماء الزهر و وينتا بالبيض ؟وعلاه؟
​

 

[ندى الورود]

رد: وينتا ....بيض وماء الزهر

وعليكم السلام
أختي أغلب الحشوات تاع الحلويات المعسلة تجمع بالبيض كيما المشكلة وغيرها
أما الحلويات اللي ما نعسلوهاش نجمعو الحشو تاعها بماء الزهر كيما التشاراك مسكر والكعيكعات المسكرين والحلويات اللي بالطلية كيما العرايش
​

 

[الحلم الوردي]

رد: وينتا ....بيض وماء الزهر

السلآم عليكم والرحمة
ماء الزهر نوضعوه في الحلويات المعسلة كيما المخبز مقروط اللوز العرايش
ايه والبيض توضعيه في الحلويات الجافة وتشارك العريان و الصابلي
هكدا اختي
​

 

[nawal1980]

رد: وينتا ....بيض وماء الزهر

عقدة اللوز تتنعجن بالبيض في دزيريات مشكلة مقروط اللوز المهم حلويات اللوز
اما عقدة الحشو هي الي نعجنوها بالماء زهر كما البقلاوة والتشاراك والعرايش وكامل الحشوواااات

 

[ندى الورود]

رد: وينتا ....بيض وماء الزهر

السلآم عليكم والرحمة
ماء الزهر نوضعوه في الحلويات المعسلة كيما المخبز مقروط اللوز العرايش
ايه والبيض توضعيه في الحلويات الجافة وتشارك العريان و الصابلي
هكدا اختي
​

اختي ملاك باش ما نغلطوش الأخت هي سألت سؤال ماهو الحشواللي نجمعوه بالبيض وما هو الحشو اللي نجمعوه بماء الزهر هي تقصد الععقدة ماشي العجينة يعني الحشوة تاع المكسرات
كيما حشوة المشكلة وحشوة الحلويات المعسلة أغلبها تجمع بالبيض وكما ذكرت الاخت نوال استثناءا حشوة البقلاوة ترش بالقليل من ماء الزهر
أما حشوة اللوز تاع الحلويات اللي ما نعسلوهاش أغلبها دايما نجمعو العقدة تاعها بماء الزهر كيما العرايش والتشاراك وغيرها كما ذكرت سابقا
وكاين حلويات كيما المخبز تعجن العقدة بالبيض لانه لا يحتوي على عجينة لتمسكها يعني لوز فقط مع سكر والبيض يجعل عقدة اللوز متماسكة ولو مثلا جمعنا عقدة المخبز ومقروط اللوز بماء الزهر رايحة الحبة تنزل في الطياب وما تحكمش شكلها

 

[غدر الزمان]

رد: وينتا ....بيض وماء الزهر

ندى .ملاك.نوال يعطيكم الصحة ربي يجزيكم كل خير