بنات ممكن حل للمشكلة تاعي

[bassouma fashionesta]

سلام بنات ملقيتش وين نحط موضوعي غير هنا
انا المشكل تاعي مع امي معلاباليش علاه ديما تعاكسني في كل شي و تشك فيا بزاااف و ديما تعس فيا حتى نحتلي البورطابلتاعي و بلا سبة اقسم بالله غيرجامي غلطت هكا ولا هاك وانا والله ماني دايرة والو تصدقوني و الله غير وليت نغير من اختي الوحيدة اكثرمني في العمر بويسك ماما تحبها كتر مني و انا متاكدة والله يا بنات مكان سبة باش دير هكذا و للعلم انا نحبها بزاااف و نحترمها و متعلقةبيها بزااف و ديما تحوس تلقى سبة نتهاوشو بيها والله ما نرد عليها و توجور مصبرة روحي باللي ماما و لازم نحترمها و نقدرها
ممكن تمدولي افضل طريقة باش نتعامل مع هدا البروبلام

 

[السلطانة]

رد: بنات ممكن حل للمشكلة تاعي

وعليكم السلام اهلا بيك حبيبتي
شوفي اول حاجة ماماك راهي تحبك ومن كثر ماراهي تحبك وتخاف عليك نحاتلك البورتابل
راهم هاكدا الامهات من كثر حبهم وخوفهم علينا مرات يتصرفو تصرفات نحسبوهم ضدنا لكن هوما عندهم حق
حاولي تكسبي ثقتها تقربي منها وخليها تبدل رايها فيك
ربي يحفظكم لبعض ويحفظلك اختك راه افضل شعور انو تكون عندك اختك صدقيني اختي اكسبيها حتى هي تقربي منها وراح تشوفي كيفاه تتبدل علاقتك بيها وتولي افضل اخوات وصديقات

 

[~lola.dz~]

رد: بنات ممكن حل للمشكلة تاعي

معليش اختي ساعفي حاولي تكسبي ثيقة من يماك كي نحتلك التيليفون واش عليه خليها وحدها ترجعولك
مهما كان لازم تقادريها راها امك حنونتي ربي معاك ​

 

[شرفي لمياء]

رد: بنات ممكن حل للمشكلة تاعي

اختي العزيزة امك تحبك اكثر من روحها مثل اي ام لكن الان الامهات يتصرفوا تصرفات الخوف على البنت وبعض الاحيان تكون غالطة


اول حاجة اكسبي ثقة امك وخليها دير وش تحب وكوني صديقتها قبل ماتكوني بنتها


وانت الان في سن المراهقة والشغف والسن الحرج ديما الام تحافظ على بنتها وتحميها
ماتقلقيش روحك تبقى امك وتحبك اكثر من عينيها

 

[sabria]

رد: بنات ممكن حل للمشكلة تاعي

وعليكم السلام اهلا بيك حبيبتي
شوفي اول حاجة ماماك راهي تحبك ومن كثر ماراهي تحبك وتخاف عليك نحاتلك البورتابل
راهم هاكدا الامهات من كثر حبهم وخوفهم علينا مرات يتصرفو تصرفات نحسبوهم ضدنا لكن هوما عندهم حق
حاولي تكسبي ثقتها تقربي منها وخليها تبدل رايها فيك
ربي يحفظكم لبعض ويحفظلك اختك راه افضل شعور انو تكون عندك اختك صدقيني اختي اكسبيها حتى هي تقربي منها وراح تشوفي كيفاه تتبدل علاقتك بيها وتولي افضل اخوات وصديقات

شوفي يا اموورتي لوكان ماماك ما تحبكش ماتخافش عليك

 

[Mîss Bÿlkà]

رد: بنات ممكن حل للمشكلة تاعي

سلام غلاتي متقلقيش روحك ياسر على خاطر هاد الأمر عدينا عليه كل و الله كلش يفوت ان شاء الله و من الطبيعي انها دارتلك هك باسكو من كثر حبها و خوفها عليك من المجتمع و العباد تع درك دارتلك هكدا بالاك هي زادت شوي في الأمر كي نحاتلك البورتابـــل مي معليش بشوي ترجعهولك انت ماعليك غير تتقربي منها و من اخت اللي جامي تخمي تغيري منها :d على خاطر هي اللي راح تكون الطرف المصلح للأمور بيناتكم ادا كسبتيها و امك ثم امك ثم امك تقربي منها قدر المستطاع هده نصيحتي ليك اختي لعزيزة
في أمـــــــــان الله :regards01:​

 

[زهـرة اكتـوبر]

اختي هاذي أم لذاك تخاف على بنتها من نسمة الهوا الطاير

 

[bentouhami maria]

السلام عليكم اولا رمضان كريم
5ti nti lazmlak ttfahmi m3aha psk bnat l7ram bezzaf ywliw 3amrolha rassha

 

[Nilüfer]

السلآم عليكم

اختي امك ساعفيها كيما كان الحال

هادوا والدين وعمرهم ما يتحاسبوا

وديري في بالك بللي كيما ديري يندارلك

خممي لبعيد وخدمي لنفسك لانو غدوة كي تغلطي اليوم ذريتك تغلط معاك

شدي في والديك هوما الصح وهوما ما يحبولك غير الخير

ومام الافكار نتاعكم مختلفة تبقي يماك وما كانش اللي يخاف عليك كيما هيا وهاد الشي كامل لصلآحك
​

 

[Pink Rose]

اختي مافهمتش علاش درتي مشكل كيما هذا في الاستفسارات الجمالية؟؟

 

["Màrià"]

لالا ختي هي راهي دير هاذ خطراش خايفة عليك
بصح نتيا جربي تهدري معاها .. صارحيها .. افهمي المشكل
​

 

[Alge_Riana]

متقلقــــــ؛ـيش روحــــــ؛ـك هــــــ؛ـدي يــــــ؛ـماك
حاولي ديــــــ؛ـري لي تقولهلك و ديمل ضحكي معــــــ؛ـاها و لا كان عندها بروبلام مع التــــــ؛ـلفون ديالك .. غلــــــ؛ـقيه ولا مديهلها دســــــ؛ـه باش ــــــ؛ـتكون قانعة و متــــــ؛ـلقاش سبة . كلشي فيه الخير أنشاء الله

 

[السلطانة]

انتهى للغلق