السلام عليكم ورحمة الله وبركاته
كيراكم...ان شاء الله كلكم بخير
الحاجة لولى الحمد لله لي كاين متنفس انونيم باش يفرغ كل واحد واش مخبي في قلبو ..والحاجة دوزيام الحمد لله لي ربي جمعنا بناس عقلاء و لباس بيهم لي يقدروا يفيدونا و ينصحونا فالدنيا هادي ...
المهم ندخلوا فالمفيد..
المشكل تاعي هو اني عايش بزاف في عالم افتراضي عرفت ناس و كي شغل عشرتهم كاين لي نعرفو في 9 سنين كاين في 6 كاين و كاين ...و بيانسير كل واحد و بلاصتو قالقلب ..المهم مشكلتي راهي مع انسانة تعرفت عليها منذ فترة و كانت اقرب انسانة ليا كي شغل اختي و صديقتي و كلش مايفوتش نهاري بلا مانحكي معاها بلا ما نشاورها في امور ... و توجور تكون خير الناصحة و خير الانسانة المهم بعد فترات بديت نحس روحي مايل ليها اكثر من اللزوم..في يوم من الايام صرات غلطة مني و خبرتها بلي راني تقربت ليها اكثر فاكثر و كان تسرع في قرار اتخدته في علاقتي معاها المهم راحت الايام و عرف كل واحد فينا بلي مستحيل تكون كاين علاقة اكثر من انها صداقة و اخوة فقط ..بحكم بزاف ظروف...
مشكلي حاليا هي في اني فقدت هداك الحس تاع العلاقة الوطيدة لي كانت زمان خوفا من انها تفهمني غلط و لا تفهمني مزال داير في بالي فكرة اني متقرب ليها اكثر من كونها اخت برك و لا صديقة ...مثلا ولات كيما تغيب من واجبي نسقسي عليها وليت نتهرب من الامر هدا خوفا من الفهم الغلط ...
المهم انا صراحة ولا ضمير تاعي يانبني و ندمت على نهار لي قلت لها فيه انها ولات انسانة قريبة ليا و خطرات نندم اصلا علاه حكيت معاها من لول و و ليت باش نقول كلمة نضربلها مليار حساب خايف من انها تفهمها حاجة و حدوخرى...
المهم يا خاوتي و اخواتي عاونوني و اعطوني رايكم فيدوني و انصحوني
وجزاكم الله خيرا
كيراكم...ان شاء الله كلكم بخير
الحاجة لولى الحمد لله لي كاين متنفس انونيم باش يفرغ كل واحد واش مخبي في قلبو ..والحاجة دوزيام الحمد لله لي ربي جمعنا بناس عقلاء و لباس بيهم لي يقدروا يفيدونا و ينصحونا فالدنيا هادي ...
المهم ندخلوا فالمفيد..
المشكل تاعي هو اني عايش بزاف في عالم افتراضي عرفت ناس و كي شغل عشرتهم كاين لي نعرفو في 9 سنين كاين في 6 كاين و كاين ...و بيانسير كل واحد و بلاصتو قالقلب ..المهم مشكلتي راهي مع انسانة تعرفت عليها منذ فترة و كانت اقرب انسانة ليا كي شغل اختي و صديقتي و كلش مايفوتش نهاري بلا مانحكي معاها بلا ما نشاورها في امور ... و توجور تكون خير الناصحة و خير الانسانة المهم بعد فترات بديت نحس روحي مايل ليها اكثر من اللزوم..في يوم من الايام صرات غلطة مني و خبرتها بلي راني تقربت ليها اكثر فاكثر و كان تسرع في قرار اتخدته في علاقتي معاها المهم راحت الايام و عرف كل واحد فينا بلي مستحيل تكون كاين علاقة اكثر من انها صداقة و اخوة فقط ..بحكم بزاف ظروف...
مشكلي حاليا هي في اني فقدت هداك الحس تاع العلاقة الوطيدة لي كانت زمان خوفا من انها تفهمني غلط و لا تفهمني مزال داير في بالي فكرة اني متقرب ليها اكثر من كونها اخت برك و لا صديقة ...مثلا ولات كيما تغيب من واجبي نسقسي عليها وليت نتهرب من الامر هدا خوفا من الفهم الغلط ...
المهم انا صراحة ولا ضمير تاعي يانبني و ندمت على نهار لي قلت لها فيه انها ولات انسانة قريبة ليا و خطرات نندم اصلا علاه حكيت معاها من لول و و ليت باش نقول كلمة نضربلها مليار حساب خايف من انها تفهمها حاجة و حدوخرى...
المهم يا خاوتي و اخواتي عاونوني و اعطوني رايكم فيدوني و انصحوني
وجزاكم الله خيرا
