كيفاه ندير معاه

[مشكلتي]

السلام عليكم ورحمة الله تعالى و بركاته

اخوتي في الله انا فتاة من الشرق الجزائري عمري 24 سنة اكملت دراستي و انا عاملة و الحمد لله احببت شخصا لمدة عامين و الحمد لله كللت علاقتنا بالخطوبة

المشكل ان خطيبي عامل بسيط وديما يقولي انا وياك كاينة différence كبيرة بيناتنا مي انا والله ماني شايفة حتى فرق بيني و بينو وقابلاتو كيما راه

انا علابالي بظروفو و قابلة بيه و قلتلو بلي يالوكان حتى على لحصير نعيش معاك

ودكا هو عجباتو دار F2 وقالي اني حاب نشريها و علابالي بيه ماش راح يقدر عليها لوكان انا مانعاونوش لانو نقدر ندير سلفية و من بعد ينحولي من la paie

كي قلتلو ماجبش و قالي انا لي راجل ماشي انت و نشريها بدراهمي انا دراهمك انت خبيهم قلتلو مكانش دراهمي و دراهمك انا و انت كيف كيف و لازم نتعاونو

قلتلو ماشي obligé نديرو عرس كبير عشا يكفي ودراهم نستفادو منهم حنا خير

انا والله ماني حابة غيرو و مايهمنيش دار ولا انا قابلة نعيش حتى مع دارهم مي هو ماحبش ودكا تعيشو عاونوني كيفاه نقنعو باه انا نشريها بلامايحس باني طيحت بيه ولا نحسو بالنقص

وادعولي ربي يهنيني معاه

 

[راضية حامدة]

رد: كيفاه ندير معاه

تم الاعتماد

 

[hassina]

رد: كيفاه ندير معاه

انا بالنسبة لي نهنيك راكي رايخة تدي راجل فحل بعرف قيمة المراة او ماهوش طماع حبك انتي او كانت عندة نية طيبة هو يبان يحبك بزاف صدقيني او اذا كان راييو هكدا او محبش يدي دراهمك خليه على راحتو لانو راه علابالو بالمسؤولية اللي راهي عندو او ربي يهنيكم او يطيب بيناتكم

 

[foued1986]

رد: كيفاه ندير معاه

أولا نهنيك على الخطوبة و ان شاء الله ربي يدومها محبة
ونقولك بللي قبل ما يكون هو فحل راكي فحلة انت كذلك و كم هن قلائل مثلك و ربي يكثر من أمثالك ان شاء الله


من الناس من ذهب إلى وجوب إنفاق الزوجة على زوجها إن أعسر زوجها واحتجوا بقوله تعالى " ولهن مثل الذى عليهن بالمعروف وللرجال عليهن درجة" وبحديث زينب زوجة ابن مسعود التى أنفقت على زوجها من مال الزكاة وعلى أيتام فى حجرها وسألت النبى فقال " تصدقى ولك أجران أجر الصدقة وأجر القرابة" وهذا أمر من النبى والأوامر فى القرآن والسنة على الوجوب إلا إذ وردت قرينة كما هو معروف فى الأصول

​

 

[adel._dz]

رد: كيفاه ندير معاه

أولا أحييكي تحية الاسلام
ثم تحية احترام
وأحيي خطيبك يبدو أنه من طينة الكبار

شوفي نقلك حاجة خليه يدير رايو قالك لا لا قوليلو مشات

الجاست برك تكفي وهي اعتبريها بلي راهو في بالو بلي راهو حكم الدراهم

اكثر حاجة تاثر في الراجل يحس بمرتو حاسة بيه ومهتمة بامرو وحابة تعاونو

كي تروحي ليه للدار عاونيه كيما تحبي حتى بالامباشر أما الأن مادامك في فترة الخطوبة بلعقل ..

ضرك حاجة وحدة تقدري تعاونيه بيها وراكي ديري فيها كيما راني نشوف

سهلي سهلي سهلي ماتصعبيش عليه

كيما نسمعو بتجربة نجحت في الحلال نفرحو والله من كثرة المشاكل لي نسمعو بيها مؤخرا

الله يوفق ويرزق بالذرية الصالحة وحياة هنيئة

 

[يونس الصديق]

رد: كيفاه ندير معاه

السلا م عليكم
ماشاء الله عليكم
يمكن انت كشريكة يظرهلك انها مشكلة
لكن نحن من البعيد نرى انكما شريكين مميزين بارك الله فيك وماشاء الله

فالرجل يعرف انه رمز العمل وان هو المسؤول الأول عن البيت والمصاريف ولا يحب ان يشاركه احد لانها مهمته
مصطلح الرجولة ليس كلمة انما عمل ، في أعماقه لا يريد ذلك ونحترمه على هكذا قرار

وانت زوجة تريدين مساعدة زوجك ان شاء الله ، وتريدين ان تكوني ضراعه الأيمن رغم الصعاب وهذا من الأصل
ومن الاخلاق والتربية

الأمر يتطلب ليونة اختي ، عليك باقناعه بطريقة هادئة ، حاولي مع الوقت ان تظهرى له ان الانسان ومهما كانت صفتح
سيحتاج الى من يساعده ولن يجد الا من يحب كي يقف الى جنبه وقت الضراء
وان أبي ورفض

* سلفيلو المبلغ الي رايحة تساعديه بيه يعني حاولي تصوريلو في ذهنو انو تسلف عليك برك ويردهملك في وقت ما
بالتوفيق

 

[دعاء19]

رد: كيفاه ندير معاه

مبروك عليكم الخطبة وربي يكمل عليكم بالخير ويرزقكم درية صالحة
خطيبك اختي انسان قادر على مسؤولية واولوية عندو هي هادي انتي مقدرة ظروفو وواقفة في جانبه هاديك مزيانة هو خليه على خاطرو حتى تزوجو وتعيشو مع بعضياتكم ومن بعد اكيد غادي يتقبل تعاونيه ولو بشوية
والله اسهل عليكم

 

[MISS ROSE]

رد: كيفاه ندير معاه

السلام عليكم
تحياتي لك يا غالية انت مرا بالف راجل عندك الحق العيب مشي في الجيب ديريه تاج مام ماعندوش نعم عليه ربي باغلى من المال مرا صالحة الله يوفقكم
نصيحتي لك يا غالية ماتزيديش تجبديلو هاد السوجي باه ماتجرحيش بيني وبينك نورمال مي الراجل تجيه صعيبة انو مرتو تشريلو الدار مام سلف يبقى توجور مقيوس انت نسيه في لحكاية وحاولي تفهميه بلي القصد كان مليح والنية باهية ودراهمكم واحد وخلي الموضوع سر بيناتكم باه مايحسش بالنقصان وفهميه السلف مشي عيب قولو انا نعطيك درك ومن باعد ردهوملي ونزيدك اقتراح علاه ماتستأجروهش لوقت معين وكي تولي عندو في البيت تتغير طريقة تفكيرو وحكيو في السوجي مرة اخرى
اتمنى ان افيدك ولو بالقليل ربي يهنيكم اخيتي​

 

[بنت الـ25]

رد: كيفاه ندير معاه

السلام عليكم
الراجل تع الصح يا ختي ما يقبلش ولو دورو من امرأة حتى ولو كانت خطيبتو وحتى مرتو
خليه يدير وش يقدر عليه كان قدر يلم ويشريها مليح وكان راح سلف وشرا الدار حاولي بعد زواجكم بمعرفتك تعاونيه يرد المبلغ اللي سلفو بلا ما يحس بلي راكي دايرة مزية فيه ولا تصرفي عليه
لأنو فهداك الوقت لما توليو تحت سقف واحد ان شاء الله رح تتنحى هاد الحواجز وتولي انتي وهو واحد ومالك هو مالو بشرط يكون من شهريتك مش مدوهولك اهلك
وربي يوفقكم انتي مرا صح وهو راجل بكل ما للكلمة من معنى
وربي يهنيكم
​

 

[jijo7]

رد: كيفاه ندير معاه

انا يختي معرفتش وش نقول مي نقولك لوكان كنت في برصتك كيفاه ندير يعني مجرد راي تحبي تقبليه ولا ترفديه اوكي .......اول حاجة نصلي استخارة وتاني حاجة ندي لي يحبني هو وتاني نحب نكون قريبة له في النيفو لانو درك تشوفيها عادي مي من بعد تكثر المشاكل بسباب النيفو .....تولي انت قريتي وانا ما قريتش وش نفعتك قرايتك وزيد كذلك لو كان منك نخليه هو يتحمل المسؤولية تاع الدار وحدوا يشريها يكريها هذي مشكلتي هو ويتحملها انت عليك بالدعم النفسي ليه برك وحاب يسكم وحدو كيفكيك خليه حر لانو الرجال من طبعو ميحبش لي يدبر عليه وتاني لي يعطيه دراهم وما تدخليش حتى يطلب هو مساعدتك .......مانسش حابة نهبطلك المورال مي صلي الاستخارة وشوفي وش يبالك انا هذا راي وانشاء الله منكونش حيرتك وربي يسهلك لي فيه الخيرانشاء الله

 

[جزائرية للابد18]

رد: كيفاه ندير معاه

مبروك عليك الزينة

راجلك هذا فحل و راجل صح اتلاهاي فيه و ديريلو هدرت

و ماشي ماهوش حابك تعاونييه مي تعرفي المجتمع

يقولك داها باه تصرف عليه ياك حتى الدار شراتها هي

خليه اختي انت عاونيه معنويا اوقفي معاه و ربي يجيب الخير​