ادخلو وتفكرو

[samah06]

مساء النور على احلى شيفات
هيا لبنات حابا هاذ المرة كل واحدة منا تتفكر اول طبق حضراتو اول عمرها وتحكي قصتو واش صرا معاها
مثلا انا اول حاجة درتها هي لقريوش وكنت في السنة السابعة
وكنت في دار عمي وهذاك وين خرجت الضفيرة تاع لقريوش
وكانو بنات عمي مزال ميعرفوهاش
رحت انا درتهولهم
وخلاص من هذاك النهار وليتنلوح يدي في كل حاجة ومنخافش
وخاصة مع الحلويات



وذرك نحب مشاركاتكم حبيباتي
​

 

[tistissa dj-tissou]

رد: ادخلو وتفكرو

ههههه موضوع هايل
انا نتفكر نهار درت اول مرة الكسرى درتها مااالحة شط جابت شحال وهي محطوطة واحد ماداق منها وضرك الحمد لله وليت ندير كسرى وعليها لكلا م
​

 

[أسيرة الوداع]

رد: ادخلو وتفكرو

انا نتفكر اول خطرة باش نلوح رقاق تلاقيت انا و بنت عمي نتعلموا و في كل قرصة ما نحطوها في طاوا غير تكون تقطعت ويعود عندها وحد الشكل يا لطيف المهم في الاخير ماما نوضتنا باه تلوح رققات لبابا باش ما يجيهش تسمم هههههههههههههههههه

 

[samah06]

رد: ادخلو وتفكرو

ههههه موضوع هايل
انا نتفكر نهار درت اول مرة الكسرى درتها مااالحة شط جابت شحال وهي محطوطة واحد ماداق منها وضرك الحمد لله وليت ندير كسرى وعليها لكلا م
​

هههههههههههه سطر ربي وما كلاوهاش
كون راه جاف واحد
يعطيك الصحة على الشطارة
وكيما يقولو لعجايز لملاحة من القباحة والمساسة من السياسة

 

[samah06]

رد: ادخلو وتفكرو

انا نتفكر اول خطرة باش نلوح رقاق تلاقيت انا و بنت عمي نتعلموا و في كل قرصة ما نحطوها في طاوا غير تكون تقطعت ويعود عندها وحد الشكل يا لطيف المهم في الاخير ماما نوضتنا باه تلوح رققات لبابا باش ما يجيهش تسمم هههههههههههههههههه

المهم انك وليتي ست بيت شاطرة
لو كل وحدة تقطعتلكم والا فسد شكلها راكم كليتوها وتهنيتو منها كنتو راح تاكلو كامل الكمية

 

[ام سراج الدين وملك]

رد: ادخلو وتفكرو

أنا اول حاجة نطبخها هي البطاطا مرقة كانت ماما مكانش فالدار وخوتي صغار مالقيت مانعشيهم ههههههه
شوفي سماح وقيلة درت 4 حبات بطاطا ولا 5 هاذوك لي لقيت فالدار رابيت عليهم أكتر منهم بصلة ههههههه وكترت الزيت جات واش نقلك لي يدوق مغرفة مايعاودش ههههه سامطة رهج ههههه

 

[غمامة أمل]

رد: ادخلو وتفكرو

سلام خياتي هذي أول مشاركة ليا في المنتدى عندي سنين نتبعكم وغير كيما سجلت وعندي مدة نحاول نلقى الموضوع إلي نبدا منه وأخيرا عجبني موضوعك وأتشرف أن تكون أول مشاركة ليا في موضوعك:-r
أنا أول حاجة طيبتها هي شكشوكة نتاع البصل و درتلها القرفة:d
قعد خويا يقولي لالا ما تجيش بالقرفة وأنا نقولو أنا إلي نعرف :sport01:
واش نحكيلك جات حلوة تقول قاطو :d
كي جات ماما شبعت ضحك عليا بالصح كلاوها وما خلاو منها والو هههههه:d​

 

[رنيم الصمت]

رد: ادخلو وتفكرو

عييت نعصر في مخي متفكرتش هههههه
​

 

[samah06]

رد: ادخلو وتفكرو

أنا اول حاجة نطبخها هي البطاطا مرقة كانت ماما مكانش فالدار وخوتي صغار مالقيت مانعشيهم ههههههه
شوفي سماح وقيلة درت 4 حبات بطاطا ولا 5 هاذوك لي لقيت فالدار رابيت عليهم أكتر منهم بصلة ههههههه وكترت الزيت جات واش نقلك لي يدوق مغرفة مايعاودش ههههه سامطة رهج ههههه

البراكة فالبصل اللي لحتيه
يعطيك الصحة

 

[samah06]

رد: ادخلو وتفكرو

سلام خياتي هذي أول مشاركة ليا في المنتدى عندي سنين نتبعكم وغير كيما سجلت وعندي مدة نحاول نلقى الموضوع إلي نبدا منه وأخيرا عجبني موضوعك وأتشرف أن تكون أول مشاركة ليا في موضوعك:-r
أنا أول حاجة طيبتها هي شكشوكة نتاع البصل و درتلها القرفة:d
قعد خويا يقولي لالا ما تجيش بالقرفة وأنا نقولو أنا إلي نعرف :sport01:
واش نحكيلك جات حلوة تقول قاطو :d
كي جات ماما شبعت ضحك عليا بالصح كلاوها وما خلاو منها والو هههههه:d​

لو كان زدتي معاها شويا زبيب وقلتي طاجين بالبصلة ههههههههههههه
شطورة يعطيك الصحة
ومرحبا بيك معانا وان شاء الله متكونش اخر مشاركة

 

[samah06]

رد: ادخلو وتفكرو

عييت نعصر في مخي متفكرتش هههههه
​

باين طيبتي بيض مغلي ههههههه
بارك الله فيك ويسعدني تصفحك لموضوعي

 

[ام اشراق]

رد: ادخلو وتفكرو

السلام عليكم

نحكيلكم حكايتى مع اول طبق طبختوا كنت نقرا السنة ا الرابعة ابتدائى . دارنا كانوا معروضين للعشاء لواحد العرس قعدت فى الدار مع خاوتى وجات خالتى تونسنى خالتى كانت صغيرة كماانا
الماكلة كانت مزايدة من الفطور عشيت خاوتر وقعدنا مقسرين حتى دخل جدى كان مسافر.
.
الجواز كمل الخبز مكاش قاعدة نخمم واش نحطلوا دبرت عليا خالتى مايسلكها غير فطيرة وسلاطة راهى سخانة وهو مايحبش البطاطا مقلية
رحت نجرى خدمت فطيرة الحل الوحيد .خالتى خدمت السلاطة. ذيك الفطيرة واش نقولكم خبزتها انا جيت نقلبها وتفركتت عشيت نحمر فيها مورسو. مورسو حطينا الماكلة وقاعدين نستناو كاش تعليقات .تبسم قالنا الفطيرة راهى سخونة طيبتوها ذوك قلنا نعم هز راسو عاود تبسم. مانقولكمش على الفرحة تاع ذاك النهار كانى درت انجاز عظيم وذيك البسمة وسام شرف ليا ماننساش ذاك نهار ماحييت

 

[samah06]

رد: ادخلو وتفكرو

السلام عليكم

نحكيلكم حكايتى مع اول طبق طبختوا كنت نقرا السنة ا الرابعة ابتدائى . دارنا كانوا معروضين للعشاء لواحد العرس قعدت فى الدار مع خاوتى وجات خالتى تونسنى خالتى كانت صغيرة كماانا
الماكلة كانت مزايدة من الفطور عشيت خاوتر وقعدنا مقسرين حتى دخل جدى كان مسافر.
.
الجواز كمل الخبز مكاش قاعدة نخمم واش نحطلوا دبرت عليا خالتى مايسلكها غير فطيرة وسلاطة راهى سخانة وهو مايحبش البطاطا مقلية
رحت نجرى خدمت فطيرة الحل الوحيد .خالتى خدمت السلاطة. ذيك الفطيرة واش نقولكم خبزتها انا جيت نقلبها وتفركتت عشيت نحمر فيها مورسو. مورسو حطينا الماكلة وقاعدين نستناو كاش تعليقات .تبسم قالنا الفطيرة راهى سخونة طيبتوها ذوك قلنا نعم هز راسو عاود تبسم. مانقولكمش على الفرحة تاع ذاك النهار كانى درت انجاز عظيم وذيك البسمة وسام شرف ليا ماننساش ذاك نهار ماحييت

يعطيك الصحة تسماي مرا ونص من السنة الرابعة
والمهم عشتيهم مخلتيهش بشر
وعلى الفطير قوليلهم ياك راح يتمضغ ويتطحن وخلاص
بارك الله فيك

 

[salma zayna]

قاطو الطابع هههههههههههههههههههههه واكيد كنت نديروا يابس حجرة ههههههههههههههههه

 

[samah06]

قاطو الطابع هههههههههههههههههههههه واكيد كنت نديروا يابس حجرة ههههههههههههههههه

سير فجختي بيه كاش واحد هههههههههههه
بارك الله فيك لمرورك حبيبتي

 

[صريحة]

السلام عليكم موضوع ياسر قاوي هههههههههههه
شوفو انا طيبت وانا صغيرة وجبت روحي يعني نطيب منيح مي المشكل اني نحرق الماكلة ياسر نحطها طيب ونخرج نلعب ولا ننسها تتحرق ندي علها طريحة ههههههههه
مي اول كسرة طيبتها الله لايشوفكم فها لدرجت انهم صوروها باه يعرفو الي اي شكل تنتمي من تم ماوليت نحب نطيب كسرة مي وليت منحرق الماكلة ياسر وتجي بنينة ههههههههه
​

 

[samah06]

السلام عليكم موضوع ياسر قاوي هههههههههههه
شوفو انا طيبت وانا صغيرة وجبت روحي يعني نطيب منيح مي المشكل اني نحرق الماكلة ياسر نحطها طيب ونخرج نلعب ولا ننسها تتحرق ندي علها طريحة ههههههههه
مي اول كسرة طيبتها الله لايشوفكم فها لدرجت انهم صوروها باه يعرفو الي اي شكل تنتمي من تم ماوليت نحب نطيب كسرة مي وليت منحرق الماكلة ياسر وتجي بنينة ههههههههه
​

سريحة عجبتني صراحتك
هيا كملي طيبي واتقني طيابك
واش عليه اشري الخبز

 

[djamila bella]

السلام عليكم و الله رجعتيني ليامات المتوسط اول حاجة درتها هي مرقة تاع بطاطا علمتني ماما و مازلت ذرك شافية كيفاه كانت تقولي ديري و ماديريش و ...... المهم شافية جات بنينة و عجبت دارنا كل مبصح المشكل اللي مازال نعاني منو اني ديما منين نطيب اما يجرحني الموس ولا نتحرق ولا تتحرق الماكلة و اذا نجت باعجوبة تجي بنيييينة اخر

 

[samah06]

السلام عليكم و الله رجعتيني ليامات المتوسط اول حاجة درتها هي مرقة تاع بطاطا علمتني ماما و مازلت ذرك شافية كيفاه كانت تقولي ديري و ماديريش و ...... المهم شافية جات بنينة و عجبت دارنا كل مبصح المشكل اللي مازال نعاني منو اني ديما منين نطيب اما يجرحني الموس ولا نتحرق ولا تتحرق الماكلة و اذا نجت باعجوبة تجي بنيييينة اخر

يعطيك الصحة جميلة على مرقة البطاطا
لكن مفهمتش حاجة
المرقة تاع البطاطا كاينا غير في الجزائر والا بلدان خرين ثاني يعرفوها ههههههههه
والموس اللي يجرحك مضيه والاسنيه لخاطر الموس الحافي هو اللي يجرح
اهلا بيك بنت ولايتي وشكرا لتصفحك لموضوعي

 

[Imaya 2015]

سلآلآممم

نتفكر أول مرة طيبت درت مثقبة كانت ماما مريضة وكان عندي شي 10سنين
جات مسووووسة وماتتكلش قعدت شحال ومن بعد رميناها
كان حدث اضطراري و جآآآآمي ننسآه

أما الطياب بديتو كرغبة فيه كنت في الأبتدآئي ودرت مادلين خرج 444


مآآرسي على الموضــــــــــــــــوع​