تدبيرة الكوكاو بمذاق اللوز

[ام اشراق]

السلام عليكم

جبتلكم اليوم تدبيرة للكاوكاو يرجع بمذاق ونكهة اللوز قدمتها السيدة صليحة بسكرى فى الاذاعة شحال من واحدة اتصلت بيها وتقول نجحتلها الطريقة وتاكد السيدة صليحة بانها صنعت بيه الحلوى وجميع اللى ذاقها حسبها بالوز

وهذ الطريقةتمر باربعة مراحل
1نجيبوا قدرة وكسكاس نحطوا الماء وابر ج حبة قارص ونحطوا الكوكاو مطحون فى الكسكاس مغطى بابراج حبة قارص ونخلوه يفور لمدة 15د الى0 2د نفرغوه فى جفنةنخلوه يبرد 10د
2فى قدرة نحطوا الماء وكمية من ماء الزهر مع 5حبات قرنفل ونغطو الكوكاو ب لافانى نخلوه يفور ونحوه يبرد10د ماتخافوش من لافانى مش رايح اجى مر
3نحطوا الماء و ماء الزهرولافانى وكمية لاباس بيها من عطراللوز ونخلوه يفور ونغطوه بلافانى.
نحطوه فى جفنة ونخلوه يبرد
نفرشوا ورق الطهى فى سنيوة ونحطو فيها الكوكاو ونزيدوا نغطوه بورقة اخرى لازم نحطوه فى الضل من يومين الى 4 ايام حتى يخرج منوا الزيت وتبدليلواالورق وهكذ يكون الكوكاو رجع بمذاق اللوز

وان شاء الله التدبيرة تكون عجبتكم وتجربوها لحلويات رمضان باذن الله


ماعرفتش وين نحطها ان شاء الله مانكونش غلط

 

[ندى الورود]

رد: تدبيرة الكوكاو بمذاق اللوز

هاذي الطريقة شفتها من قبل في النت
وثاني هدرت عليها السيدة دلهوم فاطمة الزهراء
الصراحة خفت نجربها ويخرجلي مذاق آخر
إن شاء الله نجرب كمية قليلة ونشوف
يعطيك الصحة نور الهناء
​

 

[nawal1980]

رد: تدبيرة الكوكاو بمذاق اللوز

بارك الله فيك نوووور اليوم خص نص دخلت على جال نشوف جديدك والله مانعرفكش بصح احببتك في الله بارك الله فيك كما قالت الاخت الواحد يجرب جزء من الكاوكاو ويطيب حلوى به ويشوف النتيجة التجربة خير دليل
شكرااا جزيلا حبوبة وربي يباركلك ويحفضلك اولادك واحبابك يارب

 

[ام اشراق]

رد: تدبيرة الكوكاو بمذاق اللوز

هاذي الطريقة شفتها من قبل في النت
وثاني هدرت عليها السيدة دلهوم فاطمة الزهراء
الصراحة خفت نجربها ويخرجلي مذاق آخر
إن شاء الله نجرب كمية قليلة ونشوف
يعطيك الصحة نور الهناء
​

الله يسلمك اخت ندى صح هدرت عليها السيدة دلهوم قالتلى عليها سلفتى كى سمعت السيدة صليحة قلت نمدهالكم وتجربوها واللى نجحت معها تقولنا

بارك الله فيك نوووور اليوم خص نص دخلت على جال نشوف جديدك والله مانعرفكش بصح احببتك في الله بارك الله فيك كما قالت الاخت الواحد يجرب جزء من الكاوكاو ويطيب حلوى به ويشوف النتيجة التجربة خير دليل
شكرااا جزيلا حبوبة وربي يباركلك ويحفضلك اولادك واحبابك يارب

ربي يبارك فيك اختى نوال واحابك اللذى احببتنى فيه والقلوب عند بعضها كيما يقولو وربى ينولك اللى فى بالك ويباركلك فى زوجك واولادك وكل من تحبين

كما قلتى الواحد اجرب ويشوف النتيجة

 

[souadraghad]

رد: تدبيرة الكوكاو بمذاق اللوز

بــــــــــــــــــارك الله فيك أختي

 

[anissa 13]

رد: تدبيرة الكوكاو بمذاق اللوز

ياريت اختي يلا جربتيها قولينا كيفاش خرجلك
لاني الوصفة هادي شفتها من مدة في منتدى مغربي وحتى صاحبة الوصفة كانت تاكد انها ناجحة بصح قريت ردود العضوات فالموضوع بزاف اللي ماخرجتلهمش وكاين اللي جاتهم فيه بنة غريبة علاهادي خفت نجربها
مشكورة اختي على الوصفة

​

 

[ام اشراق]

رد: تدبيرة الكوكاو بمذاق اللوز

بــــــــــــــــــارك الله فيك أختي

ابارك فيك اختى مشكورة

ياريت اختي يلا جربتيها قولينا كيفاش خرجلك
لاني الوصفة هادي شفتها من مدة في منتدى مغربي وحتى صاحبة الوصفة كانت تاكد انها ناجحة بصح قريت ردود العضوات فالموضوع بزاف اللي ماخرجتلهمش وكاين اللي جاتهم فيه بنة غريبة علاهادي خفت نجربها
مشكورة اختي على الوصفة

​

مانكذبش على اختى انا مجربتهاش كسمعتها فى الاذاعة والمتصلات قاعدين يشكروا فيها وحتى الاخت صليحة حلفت بان جميع اللى ذاق الحلوى حسبها لوز كتبتهالكم وحتى عندى سلفتى تخدم قاطو للناس كيجبولها الكوكاو معتمدة طريقة السيدة دلهوم. ياستى كما قالوا الاخوات جربى كمية غير صغيرة ماكى خاسرة والو وان شاء الله تنجحلك الطريقة حتى رايحة نجربها هذ ليمات ان شاء الله ونقولكم كيفاه خرجتلى
تحياتى

 

[salma zayna]

يعطيك الصحة

 

[amina amine]

شكرًا أختي ،،، أنا كنت مجربة طريقة أخرى للكاوكاو شفتها في النت في العيد الصغير لي فات وكانت كمية كبيرة و النتيجة :-o:-o:-o:-o رميتها حاشى النعمة ما صلحتليش راح نجرب كمية صغيرة ان شاءالله و نشوف مشكورة

 

[ام اشراق]

شكرًا أختي ،،، أنا كنت مجربة طريقة أخرى للكاوكاو شفتها في النت في العيد الصغير لي فات وكانت كمية كبيرة و النتيجة :-o:-o:-o:-o رميتها حاشى النعمة ما صلحتليش راح نجرب كمية صغيرة ان شاءالله و نشوف مشكورة [/QUO



djerbiha goulilna rayek

 

[السلطانة]

يعطيك الصحة اختي

 

[ام اشراق]

يعطيك الصحة اختي

تسلمى حبيبتى ربي يهنيك